Izikiɛ 21:29 - Yálá laawoo hɛɓɛ (dc)

²⁹ Yili ɓə gɛ Yai-Laa yɛ kɛ diɛ: ka wɔ nąŋąŋąąi kili tooi ka mo ka ɲą, a ɓɛlɔwai ka wɔ kulɔ nwoo mu laa ə too la pɔ̨nɔ̨ ɲą, nuą diɛ ka wɔ nɛ̨ŋɛ̨nŋąą kaa, ka kɛ mɛ̨nįɠaa kəlee hu, ɛlɛɛ nuą ɲɛ̨́i tinɛ̨n ka mo ka pɔ pələ, yili mąą mɛ̨nį ɓa, di kaa pai ka hon ɉii gɔ́ hu lɔ poto poto.

Yálá laawoo hɛɓɛ

²⁹ Yili ɓə gɛ Yai-Laa yɛ kɛ diɛ: ka wɔ nąŋąŋąąi kili tooi ka mo ka ɲą, a ɓɛlɔwai ka wɔ kulɔ nwoo mu laa ə too la pɔ̨nɔ̨ ɲą, nuą diɛ ka wɔ nɛ̨ŋɛ̨nŋąą kaa, ka kɛ mɛ̨nįɠaa kəlee hu, ɛlɛɛ nuą ɲɛ̨́i tinɛ̨n ka mo ka pɔ pələ, yili mąą mɛ̨nį ɓa, di kaa pai ka hon ɉii gɔ́ hu lɔ poto poto.

Bible

²⁹ Zĩai da gaai gáa a lɛ́ɛ. Da pâi lɛ́ɛ worɛ-woo ŋa ƃoi kâa. Díkaa a ŋwãna-lɔɔ da mɛni-nyɔmɔɔ kɛ́ ƃela, nyii-ŋai díkɛ-ŋ̀éniɛi a seri gbɛɛ-ŋai. Dímɛni ŋá-teɛ̂ɛi gbɛɛ-ŋai ŋɔtãi a seri.

Izikiɛ 21:29 ပူးပေါင်းရင်းမြစ်များ

Zôo 18:20

Di kaa pai mąą mɛ̨nį mɛ̨n ɉii kɛɛnąą kəlee, yili yɛ nu kəlee mąą ɲɔw, diɛ kɛ diɛ:

Mąątɛ̨nɛ̨ 37:13

Kɛlaa, Yai-Laa a kɛ yɛ́lɛ́i mą, mąąhɔlɔɓo, gaa nwɔ kuui kaa yɛ pa.

Azaya 44:25

Ɲą́ą́ ɓə ŋą́ kwɛlɛɛn gɛɛ kaa nuą woo lɛɛ a kpɛli, gɛ́ tɔlukpɛ nuą nwun ɉu kɛ wulu-wulu, gɛ́ kilimąą nuą kili laa pɛlɛ pulu pələ, gɛ́ di wɔ kili kɛ ɲəi mɛ̨nįɠaa hu kpinį.

Azaya 47:13

Da kɛ ə́ wəlii woo ɲąąnwąnąi a liɛwoo tamąą, Nuąi tii di pa kɛa wɛ, diɛi tii da kɛ mɛ̨nį kwɛlii yələ kwəi, diɛ tɔlukpɛ a pɛmɛ̨lɛ̨n-gɔwɠaa, ɲąnįn dɔɔ pələ tɛi tɛi, mɛ̨nįɠaai pai kɛi ɲąnįn tii yeemu, ɉukulɔ, nuą kpɔ di di muhəɠə kɛa, di ə́ ɓalo.

Ɉeremi 27:9

«A kɛ tii, ka hvo ka wəli tɔɔ ka wɔ mɛ̨nį ɓoɔ gɛɛ tɔwɔ nuą woo ɓa, da ka wɔ tɔli kpɛ nuą, da ka wɔ hįi woo hukulɔ nuą da ka wɔ ɲɛ̨ąkpɛ nuą, da gwɛlɛɛn gɛ nuą diɛ, diɛi tii kɛi kaa: 'Ká hvo pai lɛɛi Babilonə tɔɔmun yee mu.

Ɉeremi 6:7

Bələi lɔ yálɔwa a ya laa hɔnmo la, bələ lɔ ɓə daa tii yee kanąn ŋaai la nwɔ lii ɲɔ̨n kwəi ɓa. Too mɛ̨i da hulu mɛ̨nį lɔ ɓə laa, yələ kəlee ɲɛ̨́i a tɔɔ mɔ̨nɔ̨ hu, da kɛlɛ ɓo.

Woolaa 2:14

Yálá kwəi mɛ̨ni ɓo nuąi di kaa ə́ yəi, ɓowo hįi ɓə di gaa ə́ mąą mɛ̨ni ɓa, yɛ ɓo a kpɛli-kpɛli mɛ̨ni. Di hvo kɛ ə́ hɔn nɛ li yɛ́, yii kɛ a pɛli nuwɔlaa ŋɛ̨i hvolói yɛ́. Nwɛlɛɛi di kɛi mo yɛ́, ə kɛ a lɛɛ woo da nu ɓowo woo

Izikiɛ 12:24

Mąąhɔlɔɓo, di hvo kɛa pai lɛɛ hįį kaai; di hva kɛa nuą ɓowo mɛ̨nį ɓo Israɛlə nwɔ lɔi hu.

Izikiɛ 13:10

«Mąąhɔlɔɓo, di kɛi nwɔ́ nuąi ɓowo, diɛ kɛ diɛ liilaa yɛnɛ̨ɛ̨ ka; ya pa, liilaa hvo kɛ laa. Ɛlɛɛ bɛlɛ́ nwąnąi nwɔ́ nuąi di kɛi dɔɔ, di kɛi gɛ a mɛlaiɠaa loo pələ lɔ.

Izikiɛ 13:23

Yili mąą mɛ̨nį ɓa, ká hvo kɛa pai lɛɛ kɛɛ kaai; ká hvo kɛa pai mɛ̨nį ta ɓoi. Gáá pai nwɔ́ nu kan gulɔi ka yəi. Bələ ɓə, ká gili kɔ́lɔn gɛaa kaa kɛ ɲą́ą́ ɓə gáá a Yai-Laa, Hééɓo kəlee Nąmu.»

Izikiɛ 13:6

Gɛɛi da gaa, gaa a lɛɛ, diɛ hvaa a nuą ɓowo pələ, a diɛi tii da kɛ diɛ: ‹Yai-Laa woo ka!› Ɛlɛɛ yaan, Yai-Laa hvo di tí li. Ɛlɛɛ da hee diɛ kɛ Yálá ə di woo pɔ mɛ̨nį kɛ.

Izikiɛ 21:25

Bələ tɔ̨nɔ̨ laa, gɔ́ kɔ́ ɓɔwa yɛ ɉąŋąn a Raba pələ, Amɔn lonnii di wɔ taai, da Ɉuda lɔi hu pələ, Ɉerusalɛmə taa pɔ pələ, mąą tinɛ̨nŋąąi a mąą kɔ́nwɔ̨ hįi.

Izikiɛ 22:28

Nwɔ Yálá kwəi mɛ̨nį hukulɔ nuąi, kaa di tɛi hvaŋą a ɓowo woo, diɛ kɛɛɠaa kaa, hvo mɛ̨nį mąąkpɛɛ; diɛ lɛɛ mɛ̨nįɠaa hukulɔ, diɛ kɛ diɛ; Mɛ̨nį kəlee ŋą Hééɓomun Yálá woo ka, ya pa Yai-Laa hvó kɛ mɛ̨nį ta ɓo li diɛ.

Izikiɛ 35:5

Yɛ bələi ə́ kɛi yowolaa kulɔ la a Israɛlə a yələ kəlee, yɛ́ nonnii ɲąmą pu a kɔ́ kɔ́ ɓɔwa, ɲələi kɔ́ ə kala la diɛ; a ɲələi di kɛ nɛ̨ŋɛ̨n naa ə hvɛɛ la,

Osia 7:2

Ɛlɛɛ di hvo kɛ gɔlɔn di kwəi pələ diɛ kɛ mɛ̨nį ɲɔ̨n di kaa gɛi, gáá gəlee kili lɛɛi ɲą́; yiihu, di kɛ mɛ̨nįɠaa daa di yili, di kaa ɓɛ ɲɛ̨́i mu.