Izikiɛ 21:28 - Yálá laawoo hɛɓɛ (dc)

²⁸ Di kaa pai gaai a lɛɛ-tɔlu; daa di kilitɔɔi lɛ diɛ; di wɔ nɛ̨ŋɛ̨nŋąąi kili too mɛ̨nį ɓə di ɲą; di kaa pai di hon ɉi gɔ́ hu.

Yálá laawoo hɛɓɛ

²⁸ Di kaa pai gaai a lɛɛ-tɔlu; daa di kilitɔɔi lɛ diɛ; di wɔ nɛ̨ŋɛ̨nŋąąi kili too mɛ̨nį ɓə di ɲą; di kaa pai di hon ɉi gɔ́ hu.

Bible

²⁸ Ŋ̀wála-wâla kélee Yâwɛɛi è mò ǹyɛɛi, “Núu kpune ǹóŋ, ye ɣâla-woo ƃó é pîlaŋ Amɔŋ-ŋai dîa da berei da pâi ƃâa kulâi la Eezuɛ ƃelai diai. M̀ó dîa a gɛɛ, ‘Ƃóa-sɔ̂kpɔ ŋá tɛ̂ɛi a gɛɛ é ká su kara. Ŋá-liɣɛɛ̂i a gɛɛ é núu paa. Gɛ́ kɛ́ mãla-mãla yɛ̂ɛ ŋ̀ele-gbana ŋɔmãla-mãla.

Izikiɛ 21:28 ပူးပေါင်းရင်းမြစ်များ

Kɔlɔnikɔ Veerɛi 36:17

Yai-Laa ə Kalde tɔɔɓɛlaa ŋąątɔɔ diɛ a kɔ́. Kalde nuą di di wɔɔ hilɛlɛaɠaa paa gɛɛnąą mąąhəɠɛɛ ɓa a kɔ-kɔ ɓɔwa; di hvo kpɛli ɉilɛlɛaa da nɛ̨ɛ̨lɛaa mąąwɛli kaa, ə mą kɛ, a ɉulɔgoloɠaa da nu mąąpɔlɔɔɠaa. Yálá ə di kəlee di lɔ Kalde nuą yee ŋą.

Azaya 31:8

Kɔ kɔ́ ɓɔwa yii hvo a nu kan ɲəi ɓɔwa, ya ɓə pai Asiri paai, nu kan ɲəi ɓɔwa hvee pai ɉu kalai, gaa pai pui kɔ́ kɔ́ ɓɔwa ɲɛ̨i tɔwɔ, ɛlɛɛ, nwɔ kɔ́ kɔ́ laŋąąi di kaa pai lɛɛi a luwɔ kóló kɛ nuą.

Ɉeremi 12:12

Nɔi pun ɉu pələɠaa kəlee pɔ, kɛɛ kala nuą kaa pai; Yai-Laa nwɔ kɔlaɠa kaa pai, gaa pai nɔi hu hɛɓɛ́-hɛɓɛ́i; ə həɠə nɔi mɛ pələ yɛ li mɛ pələ; nu ta hvo liilaa hu.

Ɉeremi 46:10

Kɛlaa volói tii, gaa a Nąmu Yai-Laa Mɛ̨nį Kəlee ŋą Hééɓomun nwąną kulɔ hvóló, yɛ nwąną kulɔ ɲowoɠaa diɛ. Kɔ kɔ́ ɓɔwa kaa paa ɓo kɛi, yɛ pilɛ, yɛ pilɛ ɲąmą hu. A tɛ̨ą Nąmu Yai-Laa Mɛ̨nį Kəlee ŋą Hééɓomun, gaa paa ɓo kɛnɛ̨ kɛi ɲánwuɔ̨ pələ Eufratə kwɛlɛ.

Ɉeremi 46:14

'Ká mɛ̨nįi tii laa həli Eziptə lɔi ɓa, 'ká noloɓo Migdolə, 'ká noloɓo Mɛmfisə da Dafne; kaa mą: 'Haŋąn ə́ tɔɔ, ə́ ə́ kpɔɔ pɛli, mąąhɔlɔɓo, kɔ́ kɔ́ ɓɔwa kaa kɛɛ kalai ə́ kwɛlɛ nąą kəlee.

Izikiɛ 17:13

Ə dɔɔ kwəlii mun da həɠə, da yaa di woo ə laa mą; yili ə nwoo kwɛlɛ mą, yɛ gwɛla ɉu; ə nɔi kalanɉonŋaa həɠə.

Izikiɛ 17:15

Kɛlaa dɔɔ kwəlii mun ti ə kulɔ dɔɔ mun ti ɉon nwoo mu; ə nuą tɔɔ Eziptə lɔi hu, yɛ kɛ yili ə hooɠaa tɛɛ bɔ, da kɔ́kulááɠaa. Ɲee kaa mɔ̨ɔ̨ pai pɛli mą? Nui a duwɔ taalee ti ɓo ɲee pɔɔ a pɛli lɛlɛi mɔ̨ɔ̨? Ə mįnɛ̨-həɠə woo hu kala, nwun a pɛli mɔ̨ɔ̨ kulɔi yili hu?

Izikiɛ 21:20

Ŋą́ą́ gɔ́ kɔ́ ɓɔwa ɲąą hee pɛlɛ́ kəlee laaləi yɛ nuą lii kulɔ diɛ yɛ nuąi tooi di kpulu hu kɛnɛ̨. Di bɛli yɛ lən mąną mąną, di ɲąąli nuą paa mɛ̨nį ɓa.

Izikiɛ 36:15

Ə́ ɓɛlɛ too wooɠaai lɔiɠaa da kɛ moi, vá kɛa ə́ lɛɛ laa, da hvo too ə́ wəlii; hvo kɛa pai ə́ nwun ɉeei nuą di wɔ lalan nwooɠaa mu. Hvo kɛa pai ə́ wɔ lɔi hu nuą tooi nɛ̨ŋɛ̨n mɛ̨nį hu, Mɛ̨nį kəlee ŋą Hééɓomun Yálá woo li.»

Osia 9:9

Di yee aa ɓɔ nɔgwəi mɛ̨nį hu, yɛ bələi ə kɛ la Givea, di hɔn gɛnɛ̨i tii, kili kaa pai lɛɛi Yai-Laa ɲą, gaa pai di wɔ nɛ̨ŋɛ̨nŋąą i kwələ kulɔi diɛ.