Izikiɛ 21:2 - Yálá laawoo hɛɓɛ (dc)

² «Ə́ ɲɛ̨i hee ə́ ɓa-mįi-yee hu pələ, 'hąŋą ɉɛɠɛɛ pələ lɔiɠaa diɛ; gwə́i mɛ̨nį hu kulɔ Negɛvə lɔwɔɠaa diɛ.

Yálá laawoo hɛɓɛ

² «Ə́ ɲɛ̨i hee ə́ ɓa-mįi-yee hu pələ, 'hąŋą ɉɛɠɛɛ pələ lɔiɠaa diɛ; gwə́i mɛ̨nį hu kulɔ Negɛvə lɔwɔɠaa diɛ.

Bible

² “Nuu-kpune ǹóŋ, íŋɛi tinaŋ Zerusâlɛŋ pere í lóno é pîlaŋ m̀a. Lono é pîlaŋ ƃɛi ŋai da ɣâla fɛli naai mâ. Lóno ŋɔ́nɔ é pîlaŋ Eezuɛ ƃelai dîa.

Izikiɛ 21:2 ပူးပေါင်းရင်းမြစ်များ

Zôo 29:22

Ŋą́ kpɛɛ kɛ a mɛ̨nį ta ɓoɔ, nu ta hva bulu həɠə, nwóó ə kɛi too di wəlii tɛitɛi a gɔw.

Azaya 37:24

Yaa Ną́mu lalan a nuąi ə́ di tɔɔ, ɛlɛɛ yɛ́ kɛ diɛ: ‹Nwɔ́ kɔ́ kɔ́ wotoloɠaai kpulu kɛnɛ̨ pələ, ŋą́ą́ tɛ yeeɠaa tonna, ɓɛi nuą di kɛi di loo laa Liban lɔi hu, ɓɛi nu takpɛli hvo kɛi pɛli həlii laa, ŋą́ą́ tɛ laa, əgɛ, ŋą́ nwɔ hɛan gbɛa-kpɛaɠaa tee, da nwɔ kpitili lɛlɛɛɠaai, ŋą́ həli kpɔ nɔi kpɛlai, ŋą́ həli kpɔ ɲee tonna lə́ɠə́-lə́ɠə́ ɓa. Ŋą́ həli kpɔ nwɔ lɔwɔi nɛlɛi ɓa.

Izikiɛ 11:4

Yili mąą mɛ̨nį ɓa hulɔnu lon, gwə́i mɛ̨nį hukulɔ diɛ a di hvala pələ.»

Izikiɛ 21:1

Yai-Laa ə mo mą́ą́, yɛ mą́ą́:

Izikiɛ 24:9

Yili mąą mɛ̨nį ɓa, Mɛ̨nį kəlee ŋą Hééɓomun Yálá yɛ: Kpalo ɓɛlaai ɲąmą pu taa ɓa, gáá pai kpaɠa nwɔ̨n ɉeei,

Izikiɛ 25:2

«Hulɔnu lon, ə́ ɲɛ̨i hee Amɔn lonnii pɔɔli pələ, gwə́i mɛ̨nį ɓo, yii hvilɛn na diɛ.

Izikiɛ 28:21

«Hulɔnu lon ə́ ɲɛ̨i tinɛ̨n Sidɔn pələ, ə́ gwə́i mɛ̨nį hukulɔ mą.

Izikiɛ 29:2

«Hulɔnu lon, ə́ ɲɛ̨́i haŋąn Faraɔn, Eziptə tɔɔmun bɔ pələ; 'gwə́i mɛ̨nį hu kulɔ mą, yɛ hvilɛn na gbinįlee ɓa da Eziptə lɔi kəlee.

Izikiɛ 36:1

«Yɛ́i ɓaa hulɔnu lon, gwə́i mɛ̨nį hukulɔ Israɛlə yeeɠaa diɛ, 'kɛ diɛ; Israɛlə yeeɠaa, ka ka wəli tɔɔ Yai-Laa woo ɓa,

Izikiɛ 38:2

Hulɔnu lon, ə́ ɲɛ̨i tinɛ̨n Magɔgə lɔi hu, Gɔgə pɔ pələ; yai gaa a Mɛsɛkə da Tubalə tɔɔmun gɛnɛ̨ɛ. Gwə́i mɛ̨nį hukulɔ, yɛ hvilɛn mą.

Izikiɛ 4:3

'Kwɛli ɓɛla həɠə; 'dɔɔ yɛ kwɛli pɛlɛ́ nwąną ka daa ka lɔwai, 'tinɛ̨n ə́ ə́ ɲɛ̨i hee daa ɓa hįį; a kɛ a taa yii daa kɔ́ hee mą; mąąhɔlɔɓo, yáá kɔ́ hee mą. Israɛlə nwɔ pɛlɛ́i mąą hanwɔ̨n ga ti.

Izikiɛ 4:7

Yili pulu ə́ ə́ ɲɛ̨i hee Ɉerusalɛmə ɓa; 'gɔ́ pɛlɛ mą; ə́ ə́ yee kulɔ ɉəɠə yee hu, ə́ gwə́i mɛ̨nį hu kulɔ mą.

Izikiɛ 6:2

«Hulɔnu lon, ə́ ɲɛ̨i hee Israɛlə ɲeeɠaa diɛ; mɛ̨nįi gwə́i yɛ hvilɛn na diɛ, 'mo!

Amɔsə 7:16

Yili ɓa, Amasia, ə́ wəli tɔɔ, yii Yai-Laa kaa moi ə́ mɛ̨n, yɛ́i ŋɛ̨i kɛi diɛ: ‹Və́ kɛa Yálá mąą mɛ̨nį laa həli Israɛlə nu huwu diɛ, ɛlɛɛ, yɛ́ kɛ mą: Və́ haŋą Isaakə huwuhu nuą diɛ.› Yii Yai-Laa kaa moi ə́ mąą mɛ̨nį hu, ya ka;

Mise 2:11

Ə li kɛ nu a pɛli hɔlɔɓoi, yɛ gilɛ həɠə hvaŋą pulu, lɔɔ pulu, yɛ kɛ diɛ: «'Ka lɔɔ tɛɛ bɔ́, a lɔɔ kpəɠiɛ ŋį́ Yálá kwəi mɛ̨nį ɓo yɛ́ a ə́ kwəinɛ̨ɛ̨ mɛ̨nį» mąą nu lɔ ɓə li kɛ a nu huwui ŋɛ̨i nwɔ kalan gɛmun.

Mise 2:6

Nu taɠaa da kɛ kɛi mą́ą́: 'Ə́ laapilɛ, nu hva hvaa tii! Mąą hvo nɛ̨ɛ̨li nu hvo kɛ diɛ: A tɛ̨ą, laanɔ̨nwɔ̨ hvo pai həɠəi ku pulu.

Ifisiɛŋ 6:19

'Ká Yálá hvɛli ɲą́ą́ kpɛlimąn mą́ą́, nwɛlɛɛ lɛlɛɛi mɛ̨n naa walaai ŋɛ̨i, naa həli woo ə tɛ ná, gɛ́ naa həli la a ɲɛ̨i ponolaa,

Dutɛrɔnome 32:2

Nwooɠaai gáá ka kalan ɉii la, ə hala lɔi mɛ̨i yɛ tulɔ ya, nwóó ə pɛlɛ yɛ náláán, yɛ weewaa tulɔ kala tiliinŋąą mɛ̨i, yɛ hvóló laa ɓoɔ tulɔ kala tiliinŋąą mɛ̨i.