Izikiɛ 20:8 - Yálá laawoo hɛɓɛ (dc)

⁸ Kɛlɛɛ di di kwɛli tee ɲə́i, di hvo di wəli tɔɔ nwóó ɓa; di ta lɔpee hvo ɲee kulɔ mowo mɛ̨nįɠaai tii hu, di hvo gɛ di hvo ɓo Eziptə haliɠaa diɛ. Ŋą́ kɛli kɛ kɛa diɛ: Gáá pai nwɔ́ líiholi yɛɛi di mɛ̨i. Vá nwɔ́ líiholi kpɛla bələi di pɔ, Eziptə lɔi hɛ̨ąi.

Yálá laawoo hɛɓɛ

⁸ Kɛlɛɛ di di kwɛli tee ɲə́i, di hvo di wəli tɔɔ nwóó ɓa; di ta lɔpee hvo ɲee kulɔ mowo mɛ̨nįɠaai tii hu, di hvo gɛ di hvo ɓo Eziptə haliɠaa diɛ. Ŋą́ kɛli kɛ kɛa diɛ: Gáá pai nwɔ́ líiholi yɛɛi di mɛ̨i. Vá nwɔ́ líiholi kpɛla bələi di pɔ, Eziptə lɔi hɛ̨ąi.

Bible

⁸ Kɛ́lɛ dítɔ̂ɔ ḿâ, dífe díwoli tɔɔ ní ḿâ. Dífe dí ɣâla pɔɔkɔŋ nyɔmɔ ŋai pili ni, kpaa máŋ dí dípôlu tɔ̀ɔ Ize ɣâla pɔɔkɔŋ ŋai dîa. Ŋá nâa gbɛtɛ a gɛɛ ŋá ńii wãna kpɔ́ dîa a ŋánaa Ize.

Izikiɛ 20:8 ပူးပေါင်းရင်းမြစ်များ

Nehemi 9:26

«Kɛlaa, di pɛlɛ yɛ́ a kɔ́, di di pulu tɔɔ yɛ́, di ə́ wɔ tɔ́n nwooi pili di pulu, pələ kwɛa la. Ə́ loloɓo nuąi kɛi di mąąnɛ̨ɛ̨, diɛ kɛ di pənə di pa ə́ pɔ, di yiliɠaai paa, ə lɛɛ, di di hɔn gɛ a yɛ́ mɛ̨nį kpɛa kpɛa hu.

Mąątɛ̨nɛ̨ 106:23

Ə di hu kala mɛ̨nį, mąą kili tee gwəi, Kɛlaa, niiɓamun, Moisə ə kpɛ̨ąn mɛ̨nįi ti tɔwɔ, ə nwɔ kɛɛ kala líiholii hvoló nuą diɛ.

Mąątɛ̨nɛ̨ 69:24

Di ɲɛ̨i ə kpinį diɛ, di hvo kɛa pɛli kɛɛ kaai, di hvąŋą kulɔ di yəi, a yələ kəlee mɛ̨nį!

Mąątɛ̨nɛ̨ 78:17

Kɛlaa, di kɛi lɔ nɛ̨ŋɛ̨n ɉəɠə mą; diɛ tɔɔ Hɛn Gəlee Nąmu la nɔi pun ɉu.

Mąątɛ̨nɛ̨ 78:8

Ə gɛ di hvo pa nəi kɛ yɛ di nąnni; a nu huwu mąąkwɛli laa walaai tii, a kulɔ nwoo mu nuą, a nu huwui gili mąąhvalin naa nɛ̨ɛ̨, a diɛi di hvo kɛi di kilitɔɔ Yálá ɓa.

Mąątɛ̨nɛ̨ 81:12

Kɛlaa, nwɔ́ nu huwui hvo kɛ nwəli tɔɔ li nwóó ɓa, Israɛlə hvo gɛli mą́ą́.

Lɛɛ gbɔwɔ ɓa 32:1

Yii kɛa nuą di gaa diɛ Moisə aa lamu ɲee ɓa, nuą di pa a di kpulu Aarɔn kwɛlɛ diɛ mą: «Ə́ muhəɠə, ə́ hali pɛli kuɔ, ə pələ kulɔ a kuɔ, hvó gaai, Moisə ŋɛ̨i ku kulɔ Eziptə lɔi hu, ku ɲɛ̨i hvo kɛa mą, mɛ̨nįi laa mą, ku hvo gɔlɔn.»

Azaya 63:10

Kɛlaa di wɛi, di kulɔ nwoo mu, di yɛnɛ̨ɛ̨ kpɔlu nwɔ Nįį-Mąąhəɠɛɛi la. Gɛɛ tii yaan, ə pənə ə wolo diɛ, ə kɛ a di yowo, yaa kpinįį, ə kɔ́ pɛlɛ diɛ.

Ɉeremi 11:8

Kɛlaa, di hvo gɛ, di hvo di wəli tɔɔ! Di hvo di wəli tɛɛ bɔ́! Nu kəlee ə kanąn gwəi kili ɲɔ̨nwɔ̨ɔ̨ ɓa, di kpowola wala-walaa; ŋį́ di tí a mįnɛ̨i ŋɛ̨i hu woo hon mɛ̨nį, di hvo gɛ li, yili ɓə gɛ, gɛ́ mįnɛ̨i ŋɛ̨i hu wooɠaa pɔ mɛ̨nį nwąnąą laa diɛ.

Ɉeremi 32:23

Di pa di hee ɓɛ, kɛlaa di hvo di wəli tɔɔ ə́ woo ɓa, di hvo lɛɛ ə́ wɔ tɔ́n nwooi pulu, mɛ̨nįɠaai kpɔ ə mo diɛ, di hvo da kɛ. Yili ɓə gɛ, yɛ́ mɛ̨nį ɲąąnwąnąą huwu lɔpee gəlee laa diɛ.

Ɉeremi 7:24

Kɛlaa, ya ka tii, di hvo gɛ li di hvo di wəli tɔɔ mą, di hvo bɔ mɛ̨nį kɛ; di túwɔ́ a di liiɓa, a di wɔ wəlii kpɔlɔ ɲɔ̨nwɔ̨ɔ̨. Di ɲɛ̨i kɛ mąąnɛ̨ɛ̨ di ɉee mą́ą́, daa tinɛ̨n di pulu pələ ɓə di ɉee mą́ą́.

Izikiɛ 20:13

Kɛlaa, Israɛlə nwɔ pɛlɛ́i mu nuą di kulɔ nwóó mu nɔi pun ɉu. Di hvo nwɔ́ tiɓoɠaai pɔ hiɛ ɓo, nwɔ́ tɔ́nŋaai tii da yɛnɛ̨ɛ̨ kpɛɛ hvo mą tɛɛ di pɔ mɛ̨nį kɛ nuą pɔi, di di yee kulɔ di mu. Di kɛ lɔ nwɔ́ hvįįtɔɔ yələɠaai yali mɛ̨nį hu, gɛ kɛa kɛ diɛ, gáá nwɔ́ liiholii yɛɛi di mɛ̨i nɔi pun ɉu, gɛ́ di paa.

Izikiɛ 20:16

Mąąhɔlɔɓo, di nwɔ́ tɔ́n nwooɠaai ɓɛlɛ kpɛɛ mą, di hvo nwɔ́ tiɓoɠaai kɛ li, diɛ nwɔ́ hvįįtɔɔ yələɠaai həɠə mą. Mąąhɔlɔɓo, di hvilɛn ŋaai kɛ di wɔ haliɠaai pulu.

Izikiɛ 20:21

Kɛlaa, di lonnii di kulɔ nwóó mu, di hvo nwɔ́ tiɓoɠaai hon, di hvo nwɔ́ tɔ́n nwooɠaai pɔ mɛ̨nį kɛ; di hvo lɛɛ di pulu, ya pa di halai ɓə nuą da yɛnɛ̨ɛ̨ kpɛɛ hvo mą hɔlɔɓo la, a di pɔ mɛ̨nį kɛi da mo. Di kɛi nwɔ́ hvįįtɔɔ yələɠaa həɠə mą, Gɛ́ nwɔ̨nɔ̨ diɛ, gáá pai nwɔ́ liiholi yɛɛi di mɛ̨i nɔi pun ɉu, və́ pai nwɔ́ liiholii kpɛlai bələi.

Izikiɛ 20:7

Ŋą́ kɛ diɛ; mowo mɛ̨nɠaai tii ka káá ka ɲɛ̨i kulɔi di pɔi, ka ka kili həɠə laa, ká kəlee. 'Ka hvo ka kɔ́hɔɓo a Eziptə haliɠaa, ɲą́ą́ ɓə gaa a Yai-Laa ka wɔ Yálá.

Izikiɛ 22:22

Bələi lɔ wali a həɠeen na, bələ lɔ ɓə gáá pai ka həɠeen ɉii la Ɉerusalɛmə daa hąąi, ka gili kɔ́lɔn nąąlɔwai kaa kɛ diɛ, ɲą́ą́ Yai-Laa ɲą́ą́ ka tii níí holii ka pɔ.»

Izikiɛ 23:3

Di lɔ wɛli honŋąą hu Eziptə lɔi hu, di lɛɛ tiikpə, di nwɛli honŋąąi ti kɔ́wɔtɔɔ; nąą ɓə di pələ kɛ laa a di kpɛla ɲįnį, di di kpɛla ɲįnį ɲɛ̨i paa.

Izikiɛ 5:13

Və́ pai nwɔ́ líiholii kpɛlai bələi; gáá pai nwą́ną́ kulɔi diɛ, ə lɛɛ ɉu ŋą́ naa kulɔ; da gili kɔ́lɔn dii, diɛ kɛ Yai-Laa ɓaa a ɲą́ą́; tolo ɓə gɛ, gɛ́ hvaa, gɛ́ nwą́ną́ kulɔ la diɛ, gɛ́ naa kulɔ.

Izikiɛ 7:8

Yiihu, a yiihu kpɔlɔ; ŋą́ liiholii ɓɛla hiɛ li ə́ mɛ̨i. Gáá nwą́ną kulɔi yɛ́, vá kpəla pələi. Ŋą́ ə́ kiti tee, yɛ bələi ə́ túwɔ la, gɛ́ ə́ wɔ ɓowo túwɔɠaaai kəlee gələ kulɔ.

Osia 9:10

Ŋą́ Israɛlə kaa lɔ, yɛ bələi da towələ kaa la, wɛla pun ɉu, ŋį́ ka nąnni kaa lɔ, yɛ bələi ɓolaa a ɓa la mɛlaa tɔwɔ, da gaa la. Kɛlaa, di pa lɔ Baalə-Peɔrə, diɛ di yee pɛlɛ nwumɛ̨ mɛ̨nį ɓa, diɛ kɛ la a nu kɔ́hɔɓoɔɠaa, lɔ yɛ bələi di liiɓa hɛn tii kaa la.

Levetekɔ 18:3

Ka hvo túwɔ́ yɛ bələi ka kɛi gɛ la Eziptə lɔi hu, ɓɛi ka kɛ laa. Ka hvo túwɔ́ yɛ bələi Kanaan nuą da túwɔ́ la, ɓɛi gáá lii laa a kaa, ka hvo hvilɛn di yíi pələ pulu.

Dutɛrɔnome 9:24

Ə həɠə kpɔ ɲələi ŋį́ ka kɔ́lɔn na ma, ə həli la yiihu ɓa, ka kɛi lɔ ka kwɛli tee Yai-Laa ɓa.

Dutɛrɔnome 9:7

Ka kili ə kɛ ɉu kaa diɛ, ka Yai-Laa ka wɔ Yálái liiholi nɔi pun ɉu, ka hvo lɛ̨ą mɛ̨nįi tii ɓa. Ə həɠə ka kulɔ yələ ɓa Eziptə lɔi hu, ə lɛɛ ɉu ka həli la ɓɛ, ka kɛi lɔ tɔɔ Yai-Laa la.