Izikiɛ 20:41 - Yálá laawoo hɛɓɛ (dc)

⁴¹ Ŋą́ ɲéé hee ɉaláá kun nɛ̨ɛ̨ɠaa mu, ə mą kɛ, ka kpinį lee. Ŋą́ pa kɛa ka kulɔi nɔiɠaa hu, ɓɛɠaai ka taɠa taɠaa laa, ŋą́ ka kulɔ laa, gɛ́ ka ɲąąkpɔn, bələi mą́ą́həɠɛɛ la, ŋą́ gbaɠala lɛ lɔiɠaa diɛ, a ka hon bələ ɲə́i.

Yálá laawoo hɛɓɛ

⁴¹ Ŋą́ ɲéé hee ɉaláá kun nɛ̨ɛ̨ɠaa mu, ə mą kɛ, ka kpinį lee. Ŋą́ pa kɛa ka kulɔi nɔiɠaa hu, ɓɛɠaai ka taɠa taɠaa laa, ŋą́ ka kulɔ laa, gɛ́ ka ɲąąkpɔn, bələi mą́ą́həɠɛɛ la, ŋą́ gbaɠala lɛ lɔiɠaa diɛ, a ka hon bələ ɲə́i.

Bible

⁴¹ Ŋa pâi ka kulâi ǹɔii-ŋuŋ ŋai su ŋá pá a káa pôlu kákîe ma. Ŋa pâi ǹyée seêi kákereŋ sala-ŋai mu. À kɛ̀ tí, ǹɔii ŋuŋ-ŋai da pâi gɔ́lɔnîi a gɛɛ ḿaa-wâai.

Izikiɛ 20:41 ပူးပေါင်းရင်းမြစ်များ

Zɛnɛse 8:21

Ɉaláá tii Noe ə gulɔ ə nɛ̨ɛ̨, ə Yai-Laa liilaa. Yai-Laa yɛ gbɔwɔ ɓa: «Və́ kɛa pai lɔi nɛ̨ŋɛ̨n naai nu kan dúwɔ́ pələ mąą mɛ̨nį ɓa. Bələi mąn kpɛli di wɔ kiliŋąhiɛ hva kɛ la a nɛlɛɛ, ə gɔwɔ tɔɔ di lokolo yələ ɓa. Ɛlɛɛ, və́ kɛa pai yɛnɛ̨ɛ̨ nwun na pilii yɛ bələi ŋɛ̨i ŋį́ gɛ́ lai.

Samia Veerɛi 24:23

Nwɔ́ tɔɔmun, gáá yili kəlee tɛɛi nwɔ́ mɛ̨nį nąmu pɔ. Gɛ́ Yai-Laa ə́ wɔɔ Yálá, ə ɲɛ̨i lɛlɛɛ hee ə́ wɔ haláá hɛnŋaa diɛ.»

Azaya 5:16

Yai-Laa Mɛ̨nį Kəlee ŋą Hééɓomun laa kaa pai tɛi, nwɔ kiti tee pələ hu, Yálá mąąhəlɛɛ kaa pai gbɔwɔ lɛi a mąąhəɠɛɛ ɉaŋą pələ hu.

Ɉeremi 23:3

«Ɲą́ą́ gbinįi, gáá pai nwɔ́ ɓɛlaa kpului kpəli ɲąąkpɔn ɉii. Nɔiɠaa kpɔ ŋą́ di taɠa taɠa ɉu, gɛ́ di kulɔ laa, gɛ́ pənə gɛ́ pa a diɛ, di pɛlɛ-galá hu, diɛ di kaa diɛ tamąą.»

Ɉeremi 30:18

Yai-Laa woo ka: Gáá pai pənəi ŋą́ Ɉakɔbə nwɔ pɛlɛ́ɠaai tɔɔ, gáá nwɔ pɛlɛ́ɠaai mąąwɛli kaai. Di kaa pai pənəi di daaɠaa tɔɔ di kpoloon ŋą. Diɛ bɛlɛ pɔlɔɠaa kəlee tɔɔ ɓɛi di kɛ laa tɔɔni.

Ɉeremi 30:3

Yai-Laa woo ka, yɛ: Gaa pai kɛi a yələ ta, nwɔ nuąi a Israɛlə, da Ɉuda nuą, gɛ́ pənə gɛ́ di wɔ lɔi tɔɔ; Ɲą́ą́ Yai-Laa nwóó li! Nɔi ŋɛ̨i ŋį́ dɛɛ di nąnni pɔ, ŋį́ pənə ŋį́ pa a diɛ ɉu, di hee laa tin-tin.»

Ɉeremi 32:37

Gáá pai di ɲąą kpɔn ɉii, gɛ di kulɔ nɔiɠaai kpɔ ŋą di taɠa taɠa ɉu, níí holi pələ ɓa, níí kələn bələ ɓa gwə́i da nwą́ną lɔ pələ ɓa, ŋą́ pənə ŋą́ pa a diɛ gɛɛnąąi ŋɛ̨i ɓa, gɛ́ di hee laa liilaa hu.

Izikiɛ 11:17

'Mo diɛ, yɛ́ diɛ: Mɛ̨nį kəlee ŋą Hééɓomun Yálá woo ka: ‹Gáá pai ka kulɔi nɔiɠaa hu, gɛɛnąąɠaai tii di ka taɠa-taɠa laa, ŋą́ ka həɠə laa ŋą́ pa a kaa kɛɛnąą tɔ̨nɔ̨ ɓa; yili pulu ŋą́ Israɛlə lɔi tɛɛ ka pɔ.

Izikiɛ 20:28

nɔi tii ŋą́ naakwɛlanmo diɛ, gɛ́ kɛ gáá pai dɛɛi di pɔ, ŋą́ di lɔ ɉu, di di ɲɛ̨i hee yee tɔɔ kəlee ɓa, da wulu laa huwiaa kəlee. Nąąɠaa ɓə di kɛi di wɔ halááɠaai kulɔ laa; diɛ nííholi haláá hɛnŋaa laa laa, diɛ haláá kun nɛ̨ɛ̨ɠaa kulɔ laa, diɛ nɔɔɠaa pu laa.

Izikiɛ 28:22

'Kɛ mą, Mɛ̨nį kəlee ŋą Hééɓomun Yálá woo ka; yɛ: Sidɔn, gáá pai pɛlɛi yɛ́, ɲɛ̨i kaa pai pɔ̨nɔ̨i yɛ́ taa kwəi, diɛ gilin nąąlɔwai, diɛ kɛ; ɲą́ą́ ɓə gáá a Yai-Laa. Bələ ɓə gáá pai, nwɔ́ mąąhəɠə laa lɛi la nuą diɛ.

Izikiɛ 28:25

«Mɛ̨ni kəlee ŋą Hééɓomun Yálá woo ka; yɛ: Ɲələi gaa pai Israɛlə nwɔ pɛlɛ́i mu nuą kulɔi la nɔiɠaai ŋą́ di taɠa taɠa ɉu di lɔwai, gɛ́ ɲąąkpɔn, gáá pai nɛi lɔiɠaa diɛ, gɛ́ kɛ mą́ą́həɠɛɛi. Di kaa pai kɛi di wɔ lɔi hu, yai ŋą́ dɛɛ nwɔ́ tí mun Ɉakɔbə pɔ.

Izikiɛ 34:11

«Mąąhɔlɔɓo, mɛ̨nįi Mɛ̨nį kəlee ŋą Hééɓomun Yálá kaa moi, ya ka, yɛ: Ɲą́ą́ gbį́nį ɓə pai lii nwɔ́ taatɛlɛɛ kpului kwɛlii, gɛ́ naa hɔn mo.

Izikiɛ 34:19

A kɛ ti, gala tiliin ka giin a ka kɔ́wɔi, ya ɓə nwɔ́ taatɛlɛɛɠaai kaa pai mįi, ɛlɛɛ, ɲai ka nunu, ya ɓə mąąnɛ̨ɛ̨ di gbələ.

Izikiɛ 37:25

Nɔi ŋɛ̨i ŋą́ dɛɛ nwɔ́ tí mun Ɉakɔbə pɔ, ya ɓə di kaa pai heei ɉu; ɓɛi wɔlɔ ka kala ɓɔlɔni di kɛ laa hee ni. Di kaa pai kɛi laa heeni, diɛ, di lonnii, da yiliɠaai di wɔ lonnii. Da lɛɛ laa a yələ kəlee; ɛlɛɛ nwɔ́ tí mun Davidə ɓə pai kɛi a di ɲɛ̨itɔwɔ mun a yələ kəlee da nwɔɔ.

Izikiɛ 38:16

Ə́ kaa pai pai, yɛ́ wolo nwɔ nu huwui a Israɛlə ɓa; yɛ́ pɛlɛ nɔi kəlee mɛ̨i yɛ nąnąąn. Mɛ̨nįi tii kaa pai həlii a yɛnɛ̨ɛ̨ ɲąą kpɛɛ yələ; gáá pai gɛi yɛ́ wolo nwɔ́ lɔi ɓa, lɔiɠaa diɛ pɛli gɔ́lɔn ɉi, ɓɛlɔwai gáá pai nwɔ mąąhəɠəlaa tooi la pɔ̨nɔ̨ ɲą, di ɲɛ̨i ɓa, a ə́ pulu kulɔ pələ, yɛ́i a Gɔgə.

Izikiɛ 38:23

Gáá pai mą́ą́wiɛ pələ da mąąhəɠə pələ tooi pɔ̨nɔ̨ ŋą di ɲɛ̨i; gɛ́ gɛ lɔi kpulu tamąą diɛ gɔ́lɔn. Da gili kɔ́lɔn dii, diɛ kɛ: Yai-Laa ɓaa a ɲą́ą́.»

Izikiɛ 38:8

Ɉu aa kwɛa, mąąnɛ̨ɛ̨ kɛ ku ə́ mąą mɛ̨nį ɲɛ̨i kulɔ; yili kaa pai kɛi tii, gwɛlanŋaa laa a hvɛɛ; lɔi ta hu, da ɉu nuą taɠa, mąąhɔlɔɓo, kɔ́ kɔ́ ɓɔwa a tɛɛ laa. Di həɠə lɔi ta hu, yii kɛ naa hvɛɛ a nu kan, di di ɲąąkpɔn Israɛlə yeeɠaa mɛ̨i; ɲeeɠaai tii daa kɛ lɛɛ a lɔi pun a ɉu kwɛa. Di nuąi tii kulɔ lɔiɠaa lɔwai, di kəlee di kaa pai kɛi liilaa hu.

Izikiɛ 6:13

Ká gili kɔ́lɔn nąąlɔwai kaa kɛ Yai-Laa ɓaa a ɲą́ą́; di wɔ nu pɔwaɠaai da pa kɛi pilinin di wɔ haliɠaai lɔwai, di kɔ́iɠaa kwɛlɛ, yee kpu kpu kəlee nwuɔ̨, yee tɔɔ kəlee nwuɔ̨, wulu laa huwiaa kəlee mu; gɛɛnąąɠaai kpɔlɔ ti di kɛli halaa kulɔ laa di wɔ haliɠaai diɛ.

Levetekɔ 1:13

Di gboyɛliɠaa da gɔwɔ kwąnąɠaa mąą waa. Ɉaláá laa həli mun a gəlee laa həli Yai-Laa ɓa, ə gəlee kələn ɉaláá kulɔi; yili kaa a haláá hɛn da gəlee kələn, mąą kun nɛ̨ɛ̨ yɛ Yai-Laa liilaa.

Levetekɔ 1:17

Da nwɛ̨ni kwəi ɓɛla, goon dɔ̨nɔ̨ ə lɛɛ bələ tɔ̨nɔ̨ dɔ̨nɔ̨ ə lɛɛ bələ tɔ̨nɔ̨, hva ɉu ɓɛla hvo gulɔ gee la. Ɉaláá laa həli mun a gələn gwɛi mɛ̨i, ɉaláá kulɔ kəhi mɛ̨i. Yili kaa a haláá hɛn da gəlee kələn, mąą kun nɛ̨ɛ̨ yɛ Yai-Laa liilaa.

Levetekɔ 1:9

Di gwəi hɛnŋaa da gɔwɔ kwąnąɠaa mąą waa, ɉaláá laa həli mun a gəlee kələn ɉaláá kulɔi. Yili kaa a haláá hɛn yii da gəlee kələn, mąą kun nɛ̨ɛ̨ yɛ Yai-Laa liilaa.

Levetekɔ 10:3

Moisə yɛ Aarɔn ɓa: «Yai-Laa ə mo kpɔ, yɛ: Bələi Mą́ą́həɠɛɛ la, mąąnɛ̨ɛ̨ nwɔ́ kóló kɛ nuą di yili kɔ́lɔn, ɛlɛɛ di mą́ą́wiɛ nɔi nuą kəlee ɲɛ̨i ɓa». Aarɔn ə tɔɔ lɔ tin.

Amɔsə 9:14

Israɛlə nu huwui di kaa luwɔlaa hu, ŋį́ gəlee nwun mąąɓo, di pa di pɔ lɔi. Di wɔ taa yiiɠaai daa wɔlɔ wolo, da pənə di dɔɔ, di hee ɉu. Da viɲə yɛaɠaa laa, Diɛ nɔɔ kulɔ, diɛ gbələ, Da hihɛn ɲɛaɠaa laa, diɛ mą kulɔ, diɛ mįi.

Lonon mo 20:13

Di ɲái tii laa hee a Meriba yá, mąąhɔlɔɓo nąą ɓə Israɛlə lonnii di hvaa laa Yai-Laa ɓa. Yili yaan yɛ nwɔ mąąwiɛ lɛ laa.

Lukə 2:14

«Mąąwiɛ kaa Yálá ɓa yələkɔlɔn mɛ̨i pələ; Nuąi Yálá aa di wɛli la kɛ lɔi mɛ̨i, liilaa aa tɛɛ di pɔ.»

Korɛntə veelɛ 2:14

Yálá mąmą, yai a gɔ nɛ̨ɛ̨ guɔ a yələ kəlee Kristə haalai, ɛlɛɛ, yɛ gɔlɔn mɛ̨nį mąą kwəinɛ̨ɛ̨ lɛlɛɛ tɛ ku yee hu kɛɛnąą kəlee ɓa.

Korɛntə veelɛ 2:15

Gɛ mɛ̨nį, ku kaa Yálá yəi a Kristə mąą kun nɛ̨ɛ̨ hɛn, ɓalo pələ mɛ̨i da nwun na a pili pələ mɛ̨i.

Ifisiɛŋ 5:2

'Ká ɲɛnɛ̨ɛ̨ kɛ wɛlikɛmąąlaa hu, yɛ bələi Kristə ə gu wɛlila kɛ la, ə gbɔwɔ kulɔ a halaa, mąą kun nɛ̨ɛ̨ Yálá ɓa, gu mąą mɛ̨nį ɓa.

Filipə 4:18

Hɔlɔɔmun, yii a pɛli mą́ą́, gaa ɲə́i, da laa mɛ̨i. Ɉamą pilɛi ká dɛɛ Epafroditə pɔ, yɛ paa la, aa nwɔ̨nɔ̨ da kɛ mą, aa kɛ a wulɔ kun nɛ̨ɛ̨, a hálaai nwɛlikaa Yálá ɓa

Piɛrə dɔlɔɔ 3:15

Kɛlaa, 'ká Kristə mąąhəɠə ká nįį hu, yai a gu Nąmu. 'Ká hɛ̨ą ə kɛ lɔ a ɲiliɛ a yələ kəlee, káá pɛli ká wɔɔ kilitɔɔmąą laa hukulɔi nuąi da ka mąąni kɛ diɛ.