Izikiɛ 20:40 - Yálá laawoo hɛɓɛ (dc)

⁴⁰ Mɛ̨nį kəlee ŋą Hééɓomun Yálá wo ka yɛ: Nwɔ́ yee mąąhəɠɛɛ, Israɛlə nwɔ yee tɔɔ mɛ̨i ɓə Israɛlə nwɔ pɛlɛ́i mu nuą kəlee kaa pai kɛi mą́ą́wiɛi laa. Di kəlee da kɛ kɛa heeni nɔi hu, nąą ɓə gáá pai ɲéé laa ka mu, gɛ́ ɲéé hee ka wɔ haláá hɛnŋaa lɛlɛɛɠaa mu; a yiiɠaai ka káá pai ɉəɠəi ka yəi hɛnŋaa lɔwai a nwɔ́ɔ́, a ɉɛnŋaai kpɔ ka káá pai kɛi gɔ́i la.

Yálá laawoo hɛɓɛ

⁴⁰ Mɛ̨nį kəlee ŋą Hééɓomun Yálá wo ka yɛ: Nwɔ́ yee mąąhəɠɛɛ, Israɛlə nwɔ yee tɔɔ mɛ̨i ɓə Israɛlə nwɔ pɛlɛ́i mu nuą kəlee kaa pai kɛi mą́ą́wiɛi laa. Di kəlee da kɛ kɛa heeni nɔi hu, nąą ɓə gáá pai ɲéé laa ka mu, gɛ́ ɲéé hee ka wɔ haláá hɛnŋaa lɛlɛɛɠaa mu; a yiiɠaai ka káá pai ɉəɠəi ka yəi hɛnŋaa lɔwai a nwɔ́ɔ́, a ɉɛnŋaai kpɔ ka káá pai kɛi gɔ́i la.

Bible

⁴⁰ Eezuɛ lɔii su ƃɛ́i ŋáyee maa-waa kɛ́tɛi káa naai, naa ƃé Eezuɛ-ƃelai kélee da pâi ḿvɛlîi naa ǹɔii su. Ǹyaŋ ǹaa ƃe ŋa pâi ǹyée seêi naa dí mu ŋ́ɛi kɛ ƃo ká perei a gɛɛ ká pá a kásala-sãai da kásama-sãa maa waa ŋai.

Izikiɛ 20:40 ပူးပေါင်းရင်းမြစ်များ

Samia Veerɛi 24:23

Nwɔ́ tɔɔmun, gáá yili kəlee tɛɛi nwɔ́ mɛ̨nį nąmu pɔ. Gɛ́ Yai-Laa ə́ wɔɔ Yálá, ə ɲɛ̨i lɛlɛɛ hee ə́ wɔ haláá hɛnŋaa diɛ.»

Mąątɛ̨nɛ̨ 2:6

«Ɲą́ą́ ɓə nwɔ́ tɔɔmun hee Siɔn yee nwuɔ̨, yai a nwɔ́ yee mąąhəɠɛɛi.»

Azaya 56:7

gáá pai pai a diɛ nwɔ́ yee mąąhəɠɛɛi nwuɔ̨, gɛ́ di hee nwun na nɛ̨ɛ̨ hu, ɲə́i bɛlɛ́n; ɓɛi da vɛ́li laa, diɛ mą́ą́wiɛ halááɠaa da di wɔ kɔ́ɓo hɛnŋąą tɛɛ laa, ŋį́ ɲéé lɛlɛɛ hee di mu, ɉaláá kulɔi ɓa, mąąhɔlɔɓo, di kaa pai nwɔ́ pɛlɛ́i laa heei a: «Pɛlɛi huwu kəlee a Yálá hvɛli mu.»

Azaya 60:7

Kedarə taatɛlɛɛɠaa kaa di ɲąą kpɔn ɉi ə́ pɔɔli, Nebayotə ɓɛlaa hilɛɠaa kaa pai kɛi ə́ yeekɔn mą. Di kaa pai tɛi a diɛ ɓɛi da haláá kulɔ laa mą́ą́, ɛlɛɛ gɛ́ ɲee hee di mu, gɛ́ nwɔ́ pɛlɛ́i nɛlɛ yee ta pɛlɛ mą a nwɔ́ mąąwiɛ pɛlɛi ŋą́ mo mɛ̨i.

Azaya 66:20

Nuą di kaa pai pai a ka kaayɔwɔɠaa diɛ həɠə lɔi takpɛliɠaa hu, diɛ gɛ a Yai-Laa kɔ́ hɛn, di ɓo hoo mɛ̨i, da wotoloɠaa, da luwu hu, di ɓo hoohvaalənŋąą mɛ̨i, da ɲɔɔmɛ̨ɛ̨ɠaa. Diɛ li nwɔ́ yee mąąhəɠɛɛi mɛ̨i, yii gaa a Ɉerusalɛmə; Yai-Laa woo li. Yɛ bələi lɔ Israɛlə lonnii diɛ kpɛli, da kɛ pai a kɔ́ɓo hɛnŋąą, hɛnɲąŋą mąąhəɠɛɛɠaa hu Yai-Laa yəi bɛlɛ́n.

Azaya 66:23

Yai-Laa woo ka, yɛ diɛ: Nu huwu kəlee kaa pai pai ɓɛ, diɛ di woo tɛ bɔ́ pələ, a ɲąnin dɔɔ pələ tɛitɛi, da túwɔ́ hvoló tɛitɛi, ɛlɛɛ, yili kaa pai kɛi, hva ɉəɠə mą.

Ɉeremi 31:12

Diɛ ka tii pai; diɛ wələ too a kwəinɛ̨ɛ̨ Siɔn yee tona. Di kaa pai Yai-Laa nwɔ mɛ̨inɛ̨ɛ̨ɠaa pɔ. Di kaa pai kɔ̨nɔ̨n nɔi hu, lɔɔ pɔ, wulɔ da lɔɔ nįnɛ̨, ə mą kɛ, daatɛlɛɛ bɛlɛɛɠaa da gbɛa-kpɛaa. Di kaa pənəi di pu di nįnɛ̨ kɔ́lɔi, di tɛlin yɛ nɔw yɛai, da kɛ ya pui ma. Pulu hva kɛa too diɛ.

Izikiɛ 17:22

Nwooi Yai-Laa gu wɔ Yálái ə mo, ya ka, yɛ: «Ɲą́ą́ Yai-Laa, ɲą́ą́ gbįnii gáá pai kpitili tɛlin deei don na, ŋą́ ɉin, ɲą́ą́ gį́nilee ŋą́ pənə ŋą́ ɉin, ŋą́ nwonwo kəlee tɛlin nįnɛ̨ yali ɲą yee kɛnɛ̨ɛ̨ tɔɔ tɔn na.

Izikiɛ 17:23

Ŋą́ ɉi Israɛlə yee tɔɔ ton ną nwonwoɠaa kaa pai tɔɔi ma, diɛ ɓa. Kpitili ɓɔn tii kaa pai kɛi a hɛan nɛlɛɛ; nwɛ̨nį huwu kəlee diɛ yii ɉu. Di kaa pai kɛi yii nwonwo nįnįn mu.

Izikiɛ 28:14

Ə́ kɛ a mąąkpɛ malaka, yɛ́ lən; ŋą́ ə́ kɛ a nuą mąąkpɛ mun, ə́ kɛ Yálá nwɔ yéé mąąhəɠɛɛ nwuɔ̨, yɛ́ li, yɛ́ pa nwɔ̨n nən ɉąą.

Izikiɛ 40:2

Ə kɛ yɛ hį́i pələ, Yálá ə li a ɲą́ą́ Israɛlə lɔi hu, ə vílɛn yee tɔɔ ta ton na, ɲeei tii mɛ̨i ɉɛɠɛɛ pələ, ə kɛ yɛ pɛlɛ́ɠaa da kɛ laa a taa kɛ pələ.

Izikiɛ 43:12

Bɛlɛ́ mąą tɔ́n ga: Ɲee ton na, da nɔi kpɔ tii gwɛlɛ nąą kəlee, ə mąątínɛ̨n ə doo gee hu, mąąhəɠɛɛ kpɔ kɛnɛ̨. Bɛlɛ́ mąą tɔ́n ga tii.

Izikiɛ 43:27

Volóɠaai tii da tɛɛi, voló mɛ̨ihaaɓa yələ da voló yii tiiɠaai ɉaláá laa həli nuą da ka wɔ haláái laa həli la ɉaláái da gəlee kələn, ə pɛlɛ la ka wɔ liilaa halááɠaai diɛ, di gulɔ ɉaláá kulɔi, nąąlɔwai ŋą́ ɲɛ̨i lɛlɛɛ hee kɛa kaa. Mɛ̨nį kəlee ŋą Hééɓomun Yálá woo li.

Abdiasə 1:16

Kaai ɓaa Israɛlə nu huwu, kaa gbɛa nwɔ́ liiɲąnwąną kpələ kɔ́wɔi hu lɔɔ kpələ, nwɔ́ yee ŋɛ̨i ɉéé pɛlɛ kaa tɔɔ ni mɛ̨i, mą. Yii ɓaa nɔi yiiɠaa tii di wɛi, gbəlɛɛ hvo pai kpɛlai pələi, di kaa pai gbələi, ə di kɛlɛ. Yili pulu, di kaa pai kpɛɛi kpɔ lɔi mɛ̨i tɛ̨ɛ̨tɛ̨ɛ̨??.

Sofoni 3:11

Mąą yələi tii, hvó pai nwumɛ̨i, ə́ kɛ mɛ̨nį ɲɔ̨nwɔ̨ɔ̨ɠaa mąą mɛ̨nį ɓa, yɛ́ kɔ́ pɛlɛ mą́ą́. Gbala ə tɔɔ, nąąlɔwai, gbɔwɔ ɲąą kɛnɛ̨ nuąi tii, da kɛ di nwun dɛi, ŋą́ kɛ kɛa, a di hukalaa ə́ lɔwai, ɛlɛɛ, hvá kɛa humɛ̨ni kɛnɛ̨ kulɔ nwɔ́ yee mąąhəɠɛɛ nwuɔ̨.

Malasi 1:11

Lɔi mɛ̨i nąą kəlee, yələkɔlɔn mu nuą kəlee, di ɲą́ą́ Yálá nwɔ́ kɛ̨nɛ̨ laa kɔ́lɔn. Kɛɛnąą kəlee, nuą da wulɔ kun nɛ̨ɛ̨ kələn ɲą́ą́ naa hu, diɛ pa a haláá hɛnŋąą bɔ́, yii mɛ́lɛ kaa ɉu. A tɛ̨ą, hį́i kəlee di nwɔ́ kɛnɛ̨ laa kɔ́lɔn. Ɲą́ą́ Yai-Laa Mɛ̨nį Kəlee ŋą Hééɓomun nwoo li.

Malasi 3:4

A kɛ tii, Yai-Laa a ɲee lɛlɛɛ hee Ɉuda nu huwu da Ɉerusalɛmə nuą di wɔ Yálá kɔ́ hɛnŋąą mu, yɛ bələi wɔlɔ ə kɛ la.

Lomaŋ 8:23

Yɛnɛ̨ɛ̨ yaa tɔ̨nɔ̨ lɔ hvəə, guɔi ŋɛ̨i gwaa Kili-Mąąhəɠɛɛ hɔlɔɓo tɔlɔɔ, guɔ kpɛli gu kaa lɔ mɔ̨nɔ̨ mįi gu hu pələ, guɔ kɛ diɛ: Yálá ə pa kɛa ə gu kɛ a nonnii, ɛlɛɛ, ə gu kɔlɔ nwun mąąɓo.

Hebreu 13:15

Yili ɓa, Jesus pɔ pələ, 'ká gu mąąwiɛ haláá kulɔ Yálá ɓa a yələ kəlee, mukulaa ɓaa: 'Ká gu kɛ lɔ Naa tɛi.

Piɛrə dɔlɔɔ 2:5

Káá kpɛlimąn, yɛ kwɛnį hvulúmąąɠaa, 'ká lɔ kani bɛlɛ́ tɔɔ mɛ̨nį hu, yai a Kili hee pɛlɛ́, əgɛ, ká kɛ a haláá laa həli kpɔn mąąhəɠɛɛ, káá Yálá mąąwiɛ haláá laa həli, a háálai Yálá a ɲee hee mu, Jesus Kristə háálai.

M̀ɛni-lɛɛi 12:1

Mɛ̨nį kɛnɛ̨ ta ə kɛ yələ kwəi, nɛ̨ɛ̨nu ta ɓə, mąą həɠə ə kɛ a hvóló, ɲąnįn ə ɓo gɔwɔ mu, ɛlɛɛ, tɔɔɓɔlɔ ə ɓo nwuɔ̨, mąą puɔ a pɛmɛ̨lɛ̨n-gɔw pow kɔ́w hveelɛ.

M̀ɛni-lɛɛi 21:10

Kili ə gbə́ŋə́, ə li a ɲą́ą́ yee kwɛa kɛnɛ̨ ta tonna, ə daa mąąhəɠɛɛi, yai a Ɉerusalɛmə, yai həɠə yələi, Yálá kwɛlɛ, ə nɛ mą́ą́.