Izikiɛ 20:35 - Yálá laawoo hɛɓɛ (dc)

³⁵ Ŋą́ li a kaa ɓɛi huwu takpɛli hva kɛ laa, gu ɲɛ̨i kwəleen ɉeɛ gu keeni diɛ; gɛ́ ka ɲąąwooɓo.

Yálá laawoo hɛɓɛ

³⁵ Ŋą́ li a kaa ɓɛi huwu takpɛli hva kɛ laa, gu ɲɛ̨i kwəleen ɉeɛ gu keeni diɛ; gɛ́ ka ɲąąwooɓo.

Bible

³⁵ Ŋa pâi liî a káa ǹɔii ŋai dílɔii-pûŋ ŋai su, ŋa kámɛnii ŋá-tee naa ká ŋɛ́i téniŋ ma.

Izikiɛ 20:35 ပူးပေါင်းရင်းမြစ်များ

Mąątɛ̨nɛ̨ 74:22

Yálá! 'Ə́ muhəɠə, ə́ kpɔwɔ mɛ̨nį mąąkɔ̨nwɔ̨, ə́ kiliŋąhiɛ mowo nuąi ŋɛ̨i di wɔ lalan da kɛ bilii mą.

Azaya 3:14

Yai-Laa kaa nwɔ lɔi hu kalanɉonŋąą, da ɲɛ̨itɔwɔ nuą təlii kiti ɓa, yɛ kɛ diɛ: «Káá ɓə, káá tɛ nwɔ́ kələ́i ɓa, ka hvo ɉɔɔ li! Kaa too mąąwɛli nuą mɛ̨i, di wɔ hɛnŋąąi di ɓo ka yəi bɛlɛ́n.

Ɉeremi 2:35

Ə́ kaa kɛi diɛ: «Ɉɔ́n və ɉu, nwɔ liiholi kaa pai hvólói mą́ą́.» Kɛlaa vílɛn ŋaai ə́ pulu a kiti. Gbalai tɔɔ, yáá kɛ diɛ: «Ɉɔn ve ɉu!»

Ɉeremi 2:9

Yili mąą mɛ̨nį ɓa, gáá kiti pɛlɛi kaa. Gɛ́ bɛlɛ ka lonnii di wɔ lonnii diɛ.

Ɉeremi 25:31

Din gaa həlii lɔi kpon ɉeei, Yai-Laa a kiti pɛlɛ lɔiɠaa diɛ. Aa mɛ̨nį ɓo kpalatɔɔ, yɛ vilɛn nu kan gəlee ɓa, nuąi a kala diɛ, a di tɛɛ ɓɔwa kwɛa pɔ. Yai-Laa woo li.

Ɉeremi 31:2

Mɛ̨nįi Yai-Laa kaa moi, ya ka, yɛ diɛ: Nuąi tii kulɔ mowa kwɛaa yəi nɔi pun ɉu, ŋą́ ɲɛ̨́i lɛlɛɛ hee diɛ. Israɛlə lɔi pu hiɛ ka tii nįnɛ̨ kɔ́lɔi.

Izikiɛ 17:20

Gáá nwɔ́ hɛlɛn ɉeei dɔwɔ; gaa pai kɔ́i la. Gɛ́ li la Babilonə, gɛ́ giti tee laa, nwooi ti ə gwɛlɛ mą́ą́, yɛ nɛɛ laa, mąą mɛ̨nį ɓa.

Izikiɛ 19:13

Gaa kɛa yiihu tɔɔni lɔi pun ɉu, gbali kələn ŋąą hu, kpələ wɛli lɔi hu.

Izikiɛ 20:36

Yɛ bələi ŋą́ ka nąnni ɲąąwooɓo la nɔi pun ɉu, Eziptə lɔi hu, bələ ɓə gáá pai gɛi la a káá, Mɛ̨nį kəlee ŋą Hééɓomun Yálá woo li.

Izikiɛ 38:22

Gáá pai ɉu tɔɔi a ɲɔ̨n da ɲąmą; yaa mąn, da nwɔ kɔ́kulááɠaa, da nu kpulu tamąąi tii pai kɛi bɔi; ŋą́ tulɔ kɛnɛ̨ pu di mɛ̨́i, da hɔ̨n gbuɠulu, da nwɔ̨n, ɛlɛɛ, da nwɔ̨n maɠa.

Izikiɛ 38:8

Ɉu aa kwɛa, mąąnɛ̨ɛ̨ kɛ ku ə́ mąą mɛ̨nį ɲɛ̨i kulɔ; yili kaa pai kɛi tii, gwɛlanŋaa laa a hvɛɛ; lɔi ta hu, da ɉu nuą taɠa, mąąhɔlɔɓo, kɔ́ kɔ́ ɓɔwa a tɛɛ laa. Di həɠə lɔi ta hu, yii kɛ naa hvɛɛ a nu kan, di di ɲąąkpɔn Israɛlə yeeɠaa mɛ̨i; ɲeeɠaai tii daa kɛ lɛɛ a lɔi pun a ɉu kwɛa. Di nuąi tii kulɔ lɔiɠaa lɔwai, di kəlee di kaa pai kɛi liilaa hu.

Osia 2:14

Díi tii, da nwɔ ɓawuluɠaai tii ə kɛli kɛ di mąą mɛ̨nį ɓa: «vɛ́lai nwɔ́ wɛliɠaa di dɛɛ bɔ́, ya ka», ŋį́ di hu kala, gɛ́ di mąą pənə a kpomó, lɔwɔ huwɔɠaa diɛ nąą kɛ a di kɔ̨nɔ̨n gwɛlii.

Osia 2:16

Yii gaa tii, ɲą́ą́ ɓə pai ɲɛ̨i kwɛlii, ŋį́ li a yaa lɔi pun ɉu, Gɛ́ nii ɓa wooɠaa ɓo mą.

Osia 4:1

Israɛlə lonnii, ka ka wəli tɔɔ Yai-Laa woo ɓa: Yai-Laa da nɔi lonnii di kaa kiti haɠa ɓa, mąąhɔlɔɓo tɛ̨ą mɛ̨nį, nu mɛlan gaalon nwɛli la kɛɛ, da Yálá kɔ́lɔn mɛ̨nį, da hvo kɛa nɔi.

Mise 4:10

Siɔn nɛ̨ɛ̨gbɛla! 'Kpɛlaan a mɔ̨nɔ̨, ə́ gbóó təli, yɛ nɛ̨ɛ̨nui kwəinwąną kɛi. Mąąhɔlɔɓo, ə́ kulɔ hiɛ li taai, yɛ́ li lɛɛi lɔwɔ ɓa, ə́ kaa pai lii kpɔ Babilonə, di kaa pai ə́ nwun mąąɓoi laa; nąą ɓə Yai-Laa kaa pai ə́ kulɔi laa ə́ yowoɠaa yəi.

M̀ɛni-lɛɛi 12:14

Di Kúwɔ koon gbɛa-kpɛaa hveelɛ tɛɛ nɛ̨ɛ̨nui tii pɔ, ə gɛ, ə koon, ə li nɔi pun ɉu, ɓɛi tii di naa pɛli mąą mɛ̨nį ɓa, diɛ gɔ̨nɔ̨n gɛ laa, mąą ə kwɛaa gaaləi tii ɓa, ə lɛɛ ɉu kwɛlan ɉaaɓa da gbulɔ.

Samuɛlə dɔlɔɔ 12:7

Ka tɔɔ kɛa yiihu Yai-Laa lííla, mɛ̨nįnɛɛɠaa ə di kɛ kaa, da ka nąn ni diɛ, gáá di hukulɔi ka ɲɛ̨i ɓa.