Izikiɛ 20:32 - Yálá laawoo hɛɓɛ (dc)

³² «Mɛ̨nįi ka káá ká kiliŋąhiɛi mą, hvo pai kɛi, yai ka káá kɛi la diɛ; ku kaa bɔ ku kɛ yɛ lɔi takpɛliɠaa; yɛ yɛnɛ̨ɛ̨ nu huwu takpɛliɠaa, kuɔ wulu da kwɛniɠaa di kɔ́.

Yálá laawoo hɛɓɛ

³² «Mɛ̨nįi ka káá ká kiliŋąhiɛi mą, hvo pai kɛi, yai ka káá kɛi la diɛ; ku kaa bɔ ku kɛ yɛ lɔi takpɛliɠaa; yɛ yɛnɛ̨ɛ̨ nu huwu takpɛliɠaa, kuɔ wulu da kwɛniɠaa di kɔ́.

Bible

³² Ka gbɛ̀tɛ kákili ŋa a gɛɛ ka ŋwɛli ká kɛ yɛ̂ɛ ǹɔii ŋuŋ ŋai díkaa ká kɔlɛ mai, ká kɛ yɛ̂ɛ ǹûai díkaa ká kɔlɛ ǹɔii ŋai sui a gɛɛ ká kɛ ŋ̀úru-ŋai da gɔni-ŋai fɛli. Kɛ́lɛ, vé pâi kɛ̂i a dɔnɔ kpîŋ.

Izikiɛ 20:32 ပူးပေါင်းရင်းမြစ်များ

Mąątɛ̨nɛ̨ 139:2

Ŋą́ kɛ laani-o, ŋį́ múhəɠə-o, gbaɠala kaa Yɛ́; Yá gwə́i mɛ̨nįɠaa lɛɛ kwɛaa la, ə́ gɔlɔn.

Mąątɛ̨nɛ̨ 33:10

Yai-Laa ə lɔiɠaa kwəi kiliɠaa hukala, mɛ̨nįɠaai nuą di mąąkili tee di kwəi, ə di lɛɛ a kpɛli.

Hanwon 19:21

Mɛ̨nį tamąą ka tii nu a mąą kili tee gwəi, Yai-Laa kwəi kili ɓə a nɛ̨ɛ̨ mą.

Azaya 37:19

Di di wɔ haliɠaai kələn, kɛlaa ɉaliɠaai tii di hvo kɛ a Yálá. Di kɛ lɔ a nu yee kɛ kolóɠaa, a wulu, a wala kɛti a kwɛni; ɛlɛɛ Asiri tɔɔɓɛlaa di di hu kala.

Ɉeremi 2:25

Gɛ a nɛlɛɛ Israɛlə! Yáá kɛi gilɛ taaləi ŋɛ̨i həɠə, ə́ kaa pai ə́ kɔ́wɔ teei; ə́ kwąną kaa pai kpalai. Kɛlaa, ya ka tii, yɛ́ diɛ: «Máá kpaan və ɉu, nwɛ̨ąą ɓə di wɛli kaa mą́ą́, diɛ ɓə vílɛn ŋąą di pulu a gilɛ.»

Ɉeremi 44:17

Bələi gaa la ku kwəi, bələ ɓə ku kaa gɛi la. Ku kaa haláá kulɔi yələkɔlɔn ɉu tɔɔ-nɛ̨ɛ̨nui ɓa, kuɔ gɔ́ a lɔɔ, yɛ bələi ku kɛi gɛ la Ɉuda taaɠaa hu da Ɉerusalɛmə daai; kuɔ-o, ku nąnni-o, kuɔ tɔɔɓɛlaai-o, da ku ɲɛ̨itɔwɔ nuą, gɛi ku kɛi mo tii, ku kɛ ku nɛ̨ɛ̨ hu, ku hvo kɛi ɲɔ̨nwɔ̨ɔ̨ kaa.

Ɉeremi 44:29

Ɲą́ą́ Yai-Laa nwóó ka, ɉɛn ka káá pai gɔlɔn ɉii la, kaa gáá pai mɛ̨nį laai káá, nwóó tii ŋą́ mo bɔ mɛ̨nį kaa kɛi, ya ka:

Woolaa 3:37

Gbɛɛ ɓə a mɛ̨ni ɓo, mąą mɛ̨nii yɛ kɛ? Kɛlɛi Hɛn Gəlee Nąmu ɓə-ee?

Izikiɛ 11:5

Yai-Laa ə nwɔ Kilii tɛɛ bɔ́, yɛ mą́ą́: «'Mo yɛ́ diɛ: Mɛ̨nii Yai-Laa kaa moi ya ka, yɛ: Israɛlə nuą, mɛ̨nįi ka kɛi moi ŋą́ gɔlɔn, ɛlɛɛ, giliŋąhiɛi a kɛ tooi kaa ŋą́ gɔlɔn.

Izikiɛ 38:10

Mɛ̨nįi Yai-Laa kaa moi, ya ka: a mąą yələi tii, ə́ kaa pai mɛ̨nį tamąą mąą kili ɲąhiɛ kɛi, ə́ kaa pai kóló ɲɔ̨ŋɔ̨ɔ̨ mąą kili təɠəi ə́ kwəi.

Danîa 5:4

Ɓɛlɔwai kɛa di pilɛ la nɔɔ hu, di wɔ yáláɠaai ŋɛ̨i kɛ a hɛni, wali kwɛli, ɓala kwɛli, wulu da kwɛni maa haɠaa, diɛ di mąąwiɛ.

Osia 4:12

Ɉɛn nwɔ́ nu huwui a mąąnikɛ, ya ɓaa a nwɔ wului, ɛlɛɛ, nwɔ wulu wonwoi ɓə a gili ɲą pɔ̨nɔ̨, mąąhɔlɔɓo, wɛli mɛ̨nį a nwun ɉu lan, ɛlɛɛ, daa lɔ wɛli mɛ̨nį hu, diɛ kulɔ la di wɔ Yálái, woo mu.

Lomaŋ 12:2

'Ká hvo ká kpɔɔ kɔ́ɔn háákələi yɛnɛ̨ɛ̨i ɓa, kɛlaa, ká nɛɛ laa, ka wɔɔ mɛ̨nį kɔlɔn gili ə ká pu ká nįnɛ̨ kɔlɔi, yili ɓə gaa a Yálá liiɓa, nɛlɛɛ, ɲąąnɛ̨ɛ̨, bɛliɛ ɉu.

Dutɛrɔnome 28:36

«Dɔɔmun ka ɉee ka nwun na, Yai-Laa kaa pai ka diɛni ka tɛɛi, nu huwui wɔlɔ ka nąnni di hvo gɔlɔn, ɛlɛɛ, kaa kpɛli ŋɛ̨i ka hvo gɔlɔn, di pɔ, kaa ɓo di yee kɔ́nma, kaa tí haliɠaa diɛ, diɛi di kaa a wulu, da kwɛni.

Dutɛrɔnome 28:64

Yai-Laa kaa pai ka taɠa taɠai nu huwu kəlee lɔwai, yɛnɛ̨ɛ̨ nąą kəlee. Ka káá pai kɛi tíi kɛi haliɠaa diɛ, diɛi di kaa a: kwɛniɠaa da wuluɠaa, diɛi, kaa-o ka nąnni-o ka hvo ta di kɔ́lɔn ni.

Dutɛrɔnome 29:17

Yálá hvo gɛ! Ə kɛ a hulɔnu ə kɛ a nɛ̨ɛ̨nu, a wala kɛ tii pɛlɛ ta ɓə, ə kɛ a huwu ta, hvo hɔlɔɓo ka lɔwai nwɔ kiliŋąhiɛ hvo həɠə Yai-Laa gu wɔ Yálái ɓa, yɛ hvilɛn nu huwuɠaa tii di wɔ haliɠaa pulu, ka kpuwun da hvo kɛ ka lɔwai, yii nwɔ kɛ pələ a kɛ yɛ pili mąą, a wala kɛ tii, yɛ kala ɲɔ̨n.

Dutɛrɔnome 4:28

Ka kɛ laa haliɠaa yee mu yii nuą di bɛli a di yee, di ɓo a wulu, a kwɛni; di hva pɛli kɛɛ kaai, di hva pɛli mɛ̨nį mɛ̨n ɉii, di hva pɛli kɔ̨nɔ̨n mįi, di hva pɛli hɛn gun mɛ̨n ɉii.

M̀ɛni-lɛɛi 9:20

Yii ɓaa nu kan gbəli, a diɛi di hvo haa li mɛ̨nį ɲąąnwąnąąɠaa tii hu, di hvo gɛ di hvo di yee kulɔ di wɔɔ tuwɔ pələ ɲɔ̨nŋaa hu, di kɛli lɔ kwɛli hvilɛn ɲįnɛ̨nŋaa diɛ, haliɠaa diɛ, diɛi a hɛni, a wali-kwɛli, a ɓala-kwɛli, a kwɛnį, awala kɛ tii, a wulu; diɛi di hva kɛɛ kaa, di hva mɛ̨nį mɛ̨n, di hva hiɛ.

Samuɛlə dɔlɔɔ 8:5

Diɛ mą: «Yɛ́ ka, yaa pɔlɔ, ə́ lon ɉinąą diɛn, di hvo hiɛ li ə́ pɔɔ ŋą. Mɛ̨nį a kɛ tii, tɔɔmun dɛɛ ku pɔ, yɛ ku ɲąąwooɓo, yɛ pələi gaa la lɔi takpɛliɠaa hu.»