Izikiɛ 20:3 - Yálá laawoo hɛɓɛ (dc)

³ Hulɔnu lon, 'mo Israɛlə kalanɉonŋaa diɛ, yɛ diɛ: Mɛ̨nįi Mɛ̨nį kəlee ŋą Hééɓomun Yálá kaa moi, ya ka, yɛ: «Ká pa mą́ą́nin kɛi? Yii kpɔ gáá a vúlú, və́ pai hvaai mą, ka hvo mą́ą́nin kɛ; Mɛ̨nį kəlee ŋą Hééɓomun Yálá woo li.

Yálá laawoo hɛɓɛ

³ Hulɔnu lon, 'mo Israɛlə kalanɉonŋaa diɛ, yɛ diɛ: Mɛ̨nįi Mɛ̨nį kəlee ŋą Hééɓomun Yálá kaa moi, ya ka, yɛ: «Ká pa mą́ą́nin kɛi? Yii kpɔ gáá a vúlú, və́ pai hvaai mą, ka hvo mą́ą́nin kɛ; Mɛ̨nį kəlee ŋą Hééɓomun Yálá woo li.

Bible

³ “Nuu-kpune ǹóŋ, mò Eezuɛ ǹuu-pɔlɔ ŋai dîa yɛ̂ɛi, Ŋ̀wála-wâla kélee Yâwɛɛi ǹyɛɛi, Marê kɛ́ mɛni ƃe ká bà kɛ̂i? Tãi nɔ ŋ́gaa la ɣele mai, káfa pɔri marê kɛ̂i.

Izikiɛ 20:3 ပူးပေါင်းရင်းမြစ်များ

Hanwon 15:8

Nwąnąlɔ nuą di wɔ haláá wɛli kpɛɛi Yai-Laa ɓa kpɔ tɛ-tɛ, Kɛlaa, nuąi di haŋą, di wɔ hvɛ́li woo a nii hon.

Hanwon 21:27

Nwąnąlɔ nuą di wɔ haláá wɛli kpɛɛi Yai-Laa ɓa kpɔ tɛ-tɛ, mąąhɔlɔɓo, da gulɔ a líiɲɔ̨nwɔ̨ɔ̨.

Hanwon 28:9

Nui a nwəli laa kpulu tɔ́n nwoo tɔwɔ, nwɔ Yálá hvɛli woo kəlee kaa a mɛ̨nį ɲɔ̨n gɛnɛ̨.

Azaya 1:12

Ɓɛlɔwai ka paa la nííla, gbɛɛ ɓə a kɛ kɛi kaa: 'Ka hiɛ nwɔ́ pɛ́lɛ́i nąą kəlee?

Azaya 1:15

Ɓɛlɔwai ka ka yee tɛ la, kaa vɛ́li, ŋą́ ŋɛ̨́i-laa kpulu, ka mą kɛ wɔlɔi kpɔ kaa vɛ́li, vá nwə́li tɔɔ ka woo ɓa, mąąhɔlɔɓo, ɲąmą kaa ka yee ɓa.

Azaya 58:2

Ɲą́ą́ ɓə da di nwun dɔɔ a ɲą́ą́ hvóló kəlee, nwɔ́ pələɠaai kɔ́lɔn mɛ̨nį ə ɓo a di liiɓa, yɛ nu huwui aa tələnmo yiiɓo, ɛlɛɛ hvo kulɔ li nwɔ Yálái nwɔ tɔ́n nwooi pulu. Di kaa bɔ ŋį́ kiti tee a tələnmolaa, di mąąlɛɠɛ mɛ̨nį Yálá ɓa ə ɓo a di kwəinɛ̨ɛ̨ mɛ̨nį.

Izikiɛ 14:1

Israɛlə pɛlɛ́ nąmįną taɠaa di pa bɔ́ di hee nííla.

Izikiɛ 20:2

Yai-Laa ə pələ ta ɓo mą́ą́, yɛ mą́ą́:

Izikiɛ 20:31

Ka kɛi li kɛ a ka wɔ haláá hɛnŋaai, kaa ka lonnii pili nwɔ̨n ɉu, ka kɛi ka mąąliɓi ɉaliɠaai tii pɔ, aa lɛɛ ɉu, aa həli la háákələi ɓa. A kɛ ti, gáá pai gbɔ́wɔ́ lɛɛi laa káá mą́ą́nin kɛ, kaai a Israɛlə nuąi? Yii kpɔ gáá a vúlú, vá tí ka hvo mą́ą́nin kɛ, Mɛ̨nį kəlee ŋą Hééɓomun Yálá woo li.»

Izikiɛ 33:30

«Hulɔnu lon, ə́ wəli tɔɔ, ə́ wɔ lɔi hu nuą kaa ə́ laa pələ ɓoi, bɛlɛ́ɠaa pɔ, da bɛlɛ́ɠaa laaləi; di kaa kɛi di keeni diɛ: ‹'Ká pa ka gwəli, ka gu Yai-Laa hvaa woo mɛ̨n.›

Amɔsə 8:12

Nąąlɔwai, da kɛ di nwun ma, diɛ lia li, ə həɠə nɔi ɉɛɠɛi pələ, yɛ li voló tooi pələ, ə həɠə ɲąnwuɔ̨ pələ, yɛ li voló həɠəi pələ. Da kɛ Lɛa li, ə gɛ, di Yai-Laa lawoo kwɛli di mɛ̨n, Kɛlaa, di hva ɉɔlɔɓo.

Mise 3:7

Nwumɛ̨ aa tɛ a gwɛlɛɛn gɛɛ kaa nuą, dɔlukpɛ nuą hu aa pu diɛ, di kəlee di kaa pai di yee pɛlɛi di ɲɛ̨i, mąąhɔlɔɓo, Yálá hvo di woo mu hon ni.

Maafîu 3:7

Kɛlaa yii kɛa Ɉaan ə Farisiɛ̨ɠaa da Sadusiɛ̨ɠaa tamąą kaa, diɛ pa bɔ di mąąwaa mɛ̨nį ɓa, ə mo diɛ, yɛ diɛ: «Kaa yiiɠaa ka wɔ mɛ̨nį ɲɔ̨nwɔ̨ɔ̨ ŋɛ̨i, yɛ tumo kwəi lonnii, gbɛɛ ɓə kɛ kaa ka pu, ka həɠə Yálá nwɔ liiɲąnwąną yii gaa pai dɔwɔ?

Lukə 3:7

Nu kpulu kɛnɛ̨ ə kɛi pai Ɉaan pɔ, əgɛ, ə di mąąwaa. Ɉaan ə kɛi mo diɛ, yɛ kɛ diɛ: «Kaa yii ka wɔ mɛ̨nį ɲɔ̨nwɔ̨ɔ̨ ŋɛ̨i yɛ tumo kwəi lonni, gbɛɛ ɓə kɛ kaa ka pu ka həɠə Yálá nwɔ liiɲąnwanąąi ŋɛ̨i pai dɔwɔ?

Ɉaan 4:24

Yálá kaa a Kili. Ya ɓə gɛi, nuąi da kwɛli hvilɛn mą, da vilɛn mą a nwɔ Kilii da tɛ̨ą.»

Samuɛlə dɔlɔɔ 28:6

Saulə ə Yai-Laa mąąnin gɛ, kɛlaa, Yai-Laa hvo nwoo pulu pənə, ə kɛ a hįi pələ, ə ma kpɛli kɛ a ɉaláá laa həli mun, ə kɛ a Yálá kwəi mɛ̨nį hukulɔ mun.