Izikiɛ 20:27 - Yálá laawoo hɛɓɛ (dc)

²⁷ «Yili mąą mɛ̨nį ɓa hulɔnu lon, mɛ̨nį ɓo Israɛlə nwɔ pɛlɛ́i mu nuą diɛ; 'kɛ diɛ: Mɛ̨nį kəlee ŋą Hééɓomun Yálá woo ka: Ka nąnni di kɛi tuwɔ nɛ̨ŋɛ̨n ɉəɠəi mą́ą́, a di woo lɛɛi di kɛi mo,

Yálá laawoo hɛɓɛ

²⁷ «Yili mąą mɛ̨nį ɓa hulɔnu lon, mɛ̨nį ɓo Israɛlə nwɔ pɛlɛ́i mu nuą diɛ; 'kɛ diɛ: Mɛ̨nį kəlee ŋą Hééɓomun Yálá woo ka: Ka nąnni di kɛi tuwɔ nɛ̨ŋɛ̨n ɉəɠəi mą́ą́, a di woo lɛɛi di kɛi mo,

Bible

²⁷ “M̀ɛni ma, núu-kpune ǹóŋ, ye mò Eezuɛ ƃelai dîa, Ŋ̀wála-wâla kélee Yawɛɛi ǹyɛɛ, kánâŋ ni dí ńaa kara a bere-sii ŋí díŋ̀oo pili.

Izikiɛ 20:27 ပူးပေါင်းရင်းမြစ်များ

Mąątɛ̨nɛ̨ 78:57

Di di pulu tinɛ̨n, di di pulu tɔɔ Yálá ɓa, yɛ di nąnni; di yali di pulu, yɛ kilɛn ɲɛli a tee.

Azaya 65:7

Ka wɔ túwɔ́ pələ ɲɔ̨n, da ka nąnni di wɛiɠaai, ŋą́ gwələ kulɔ a gee, Yai-Laa woo li. Nuąi kɛi nwulɔ kun nɛ̨ɛ̨ɠaa kələn ɲeeɠaa nwuɔ̨, diɛ mɛ́lɛ too la tii, ɲee kpukpuɠaa mɛ̨i, gáá pai bɔɔ kulɔi diɛ, yɛ bələi wɛi di kɛi túwɔ́ la.

Izikiɛ 14:13

Hulɔnu lon, lɔi ta kɛ laa; a nɛ̨ŋɛ̨n ɉəɠə mą́ą́ a náá pu pələ; ŋį́ hee ɉu, gɔ̨nɔ̨n gaa ɉeei a ɲee pulu, gɛ́ gəlee hu kala, gɛ́ pulu too mą; ə kɛ a nu, ə kɛ a huwɔ, gɛ́ di paa ɉu.

Izikiɛ 18:24

Kɛlaa, tələnmomun yii a ɲee kulɔ tələnmo yíi hu, yɛ túwɔ pələ ɲɔ̨n gulɔ; dúwɔ pələ ɲɔ̨n gbɛa kpɛaɠaai nu ɲɔ̨nwɔ̨ɔ̨ɠaa di kɛi gulɔ, yɛ di kɛ, a kɛi yiliɠaai kɛ, a mɔ̨ɔ̨ pɛli lɛɛ yɛnɛ̨ɛ̨? Dələnmo túwɔi kpɔ ə mo, gili hva lɛɛ nuą ŋą; nwoo kalai ə mo da nɛ̨ŋɛ̨n ə ɉəɠə, yili mąą mɛ̨nį ɓə pai gɛi yɛ haa.

Izikiɛ 2:7

Nwóóɠaa ɓo diɛ, di mɛ̨n, di hvo mąn, kulɔ nwoomu nuą li.

Izikiɛ 3:11

'Li ə́ həli gɔluwɔɠaa diɛ, ə́ huwu hu nuą diɛ, pələ ɓo diɛ. Di mɛ̨n-oo, di hvo mɛ̨n-oo, kɛ diɛi: ‹Yai-Laa Hééɓo kəlee Nąmu woo li.›»

Izikiɛ 3:27

Kɛlaa ŋą́ pa mɛ̨nį ɓoi yɛ́, ŋą́ gɛ ə́ laa ə hvaa, yɛ́ kɛ diɛ: Yai-Laa ka wɔ Yálái woo ka, yɛ; nui yɛ ə nwəli tɔɔ, ə nwəli tɔɔ; nui hvo bɔ hvo nwəli tɔɔ, hvo nwəli tɔɔ; mąąhɔlɔɓo kulɔ nwoo mu nuą li.»

Izikiɛ 3:4

Yɛ mą́ą́: «Hulɔnu lon, 'li ə́ həli Israɛlə nwɔ pɛlɛ́i mu nuą diɛ, ə́ nwóóɠaa laa həli diɛ.

Izikiɛ 39:23

Lɔi kəlee kaa pai gbaɠala kaai diɛ kɛ Israɛlə nwɔ pɛlɛ́i ə li luwɔlaa hu; di wɔ nɛ̨ŋɛ̨nŋąą mąą mɛ̨nį ɓa; mąąhɔlɔɓo, di di pulu kulɔ mą́ą́; yili ɓə gɛ gɛ́ ɲɛ̨́i loo diɛ, gɛ́ di tɛɛ di yowoɠaa pɔ, kɔ́ kɔ́ ɓɔwa yɛ di paa.

Izikiɛ 39:26

Nwumɛ̨i di mo, da di wooɠaai kpɔ di gala mą́ą́ mɛ̨nį hu, ɓɛlɔwai di kɛ laa di wɔ lɔi hu, nu ta hvo kɛi di mąą kpɛlin, da lɛ̨ą yili kəlee ɓa.

Lonon mo 15:30

«Kɛlɛɛ, nui a gili a gɛ, ə kɛ a nɔi lon da, ə kɛ a nwɛ̨ąi gaa heeni ka kɔ́wɔ mɛ̨i, yili kaa a Yai-Laa lalan ŋąą. Mąąnɛ̨ɛ̨ di mąą nu lɛɛ dɔ̨nɔ̨ kon ɉu.

Lomaŋ 2:24

Yɛ bələi bɛ̨ɛ̨i la Yálá lawoo hɛɓɛ́ hu yɛ kɛ: Káái a Ɉuifəɠaa, kaa kaa ɓə ka gɛ huwu takpɛliɠaa diɛ Yálá ɓɛlɛ too woo ɓo.

M̀ɛni-lɛɛi 13:5

Di hvaa laaləi kɛ ɉuwɔi tii pɔ, yɛ pɛli, huɲąŋą kɛnɛ̨ wooɠaa ɓoi, da Yálá lalan nwooɠaa, ɛlɛɛ, di hvaŋą tɛɛ bɔ, ə gɛ-mɛ̨nį kɛ ɲąnįn bow-nąąn-kɔw-hveelɛ yee mu.