Izikiɛ 20:22 - Yálá laawoo hɛɓɛ (dc)

²² Kɛlaa, ŋą́ ɲéé yali bulu, ŋą́ gɛ́ mɛ̨nį kɛ, náá mąą mɛ̨nį ɓa; náá hvo pa ləi pu, nɔiɠaai tii di kɛ ɉu, gɛ́ di kulɔ laa, yiliɠaai ɲɛ̨i ɓa.

Yálá laawoo hɛɓɛ

²² Kɛlaa, ŋą́ ɲéé yali bulu, ŋą́ gɛ́ mɛ̨nį kɛ, náá mąą mɛ̨nį ɓa; náá hvo pa ləi pu, nɔiɠaai tii di kɛ ɉu, gɛ́ di kulɔ laa, yiliɠaai ɲɛ̨i ɓa.

Bible

²² Kɛ́lɛ, ŋá ńii maa soŋ kpɛ́ni fêi è kɛ pâi kɛ̂i a ńaa kara mɛ̂ni ǹɔii-ŋuŋ ŋai sama nyii ŋai ŋ̀gâa ŋ́gɛ díkula Izei.

Izikiɛ 20:22 ပူးပေါင်းရင်းမြစ်များ

Zôo 13:21

Ə́ wɔ mɔ̨nɔ̨i mąą kwɛa mą́ą́, hvo kɛa mą́ą́ ɲɔw a mɛ̨nį ɲɔ̨n.

Mąątɛ̨nɛ̨ 115:1

Kuɔ hvəi, Yai-Laa, kuɔ hvəi mąąnɛ̨ɛ̨ ku mąąwiɛ hɔlɔɓo; kpələ́! Kuɔ hvəi, kɛlaa yili mąąnɛ̨ɛ̨i ə kɛ Ə́ laa mąąhəɠɛɛ ɓa, ə́ wɔ wɛlikɛmąąlaa, da ə́ wɔ tɛ̨ą mąą mɛ̨nį ɓa.

Mąątɛ̨nɛ̨ 25:11

Ə́ laa mąąwiɛ mɛ̨nį ɓa, Yai-Laa, nwɔ́ nɛ̨ŋɛ̨n mąąhvaa lɛɛ, gɛnɛ̨ ɓə!

Mąątɛ̨nɛ̨ 78:38

Kɛlaa yaa ti nwɛi, a líinɛ̨ɛ̨ gwəi Yálá, hvo kɛi di hɔn ɉee gwəi, hvo di hukala, yaamun, ə kɛi di kɛ nɛ̨ŋɛ̨nŋaa hu pu; ɛlɛɛ, yɛ nwɔ liiholi huhon gbɔ kɛlɛ kɛlɛ di mąą mɛ̨nį ɓa, níilaai lɔ kɛ di pɔ,

Ɉeremi 14:21

Yai-Laa, ə́ laa mąą mɛ̨nį ɓa, hvo gɛ nuą di hvo tɛɠɛɓo ə́ laa hu, hvo ə́ wɔ tɔɔkpəlin nwɔ mąąwiɛ ɓɛlɛkpɛɛma; Ə́ kiliŋąhiɛ mįnɛ̨i gwa gaani gu ɉəɠə mą, hvo lənə mą.

Ɉeremi 14:7

Yii kuɔ nɛ̨ŋɛ̨nŋaa kaa ku hɔn moi, Ə́ wɛ́i Yai-Laa ə́ kɛ mɛ̨nį kɛ ɉu; ə́ laa mąą mɛ̨nį ɓa A tɛ̨ą, kwaa lənə yɛ́ gee mɛ̨i pow lee pow, kwaa ku hɔn gɛ a yɛ́.

Woolaa 2:8

Yai-Laa aa Siɔn lɛlɛɛ mąąkpɛ hįi pu kili tee gwəi; yɛ gaa nąą kəlee kalan ɉi, ə ɉee tin-tin, yɛ hva pɛli ɲee yalii bulu, hvo kɛli a nąą kəlee wolo; aa bɛlɛ́ nwąną hveelɛi kəlee kɛlɛ, aa woolaa too gəlee la.

Izikiɛ 20:14

Kɛlaa ə mą kɛ tii, ŋą́ gɛ́ mɛ̨nį kɛ ɉu; náá mąą mɛ̨nį ɓa, mɛ́lɛ hvo pa lee kpɛɛ mą́ą́, lɔiɠaa ɲɛ̨i ɓa; a diɛi tii ŋą́ Israɛlə kulɔ nuwɔ laa hu di ɲɛ̨i ɓai.

Izikiɛ 20:17

Kɛlaa, ŋą́ di ɲɛ̨imąąwɛli kaa, və́ tí və́ di hukala. Və́ di paa nɔi pun ɉu.

Izikiɛ 20:9

Kɛlaa ə mą kɛ ti, ŋą́ gíliŋa hiɛ náá mąą mɛ̨nį ɓa, ə gɛ mɛ́lɛ hvo pa lee kpɛɛ mą́ą́ ɉįi takpɛɠaa di wɔ lɔi hu nuą ɲɛ̨i ɓa. Ŋą́ gbɔ́ɔ́ lɛ diɛ nɔiɠaa tii ɲɛ̨i ɓa, a di kulɔi ŋą́ mo Eziptə lɔi hu.

Danîa 9:17

Ną́mu Yálá, nɛɛnaa ŋɛ̨i gáá vəi yɛ́, gɛ́ ə́ hvɛli, ə́ wəli tɔɔ nwóó ɓa. Ə́ laa mąą mɛ̨nį ɓa, Ną́mu Yálá, ə́ ɲɛ̨i lɛlɛɛ hee ə́ hee pɛlɛ́ ɓa, yii di kaa mɛlɛkpɛɛi mąą.

Danîa 9:19

Ną́mu Yálá, ə́ wəli tɔɔ kuɔ! Ną́mu Yálá, ku mąąhvaalɛɛ! Ną́mu Yálá, ə́ kiliŋąhiɛ kuɔ! Ə́ laa mąą mɛ̨nį ɓa, Ną́mu Yálá, daai ŋɛ̨i da ɉu nuą, diɛi di kaa a ə́ wɔɔ, ə́ wɔ naa kɛ di mąą mɛ̨nį hu, hvo ɉu kwɛa.»