Izikiɛ 20:13 - Yálá laawoo hɛɓɛ (dc)

¹³ Kɛlaa, Israɛlə nwɔ pɛlɛ́i mu nuą di kulɔ nwóó mu nɔi pun ɉu. Di hvo nwɔ́ tiɓoɠaai pɔ hiɛ ɓo, nwɔ́ tɔ́nŋaai tii da yɛnɛ̨ɛ̨ kpɛɛ hvo mą tɛɛ di pɔ mɛ̨nį kɛ nuą pɔi, di di yee kulɔ di mu. Di kɛ lɔ nwɔ́ hvįįtɔɔ yələɠaai yali mɛ̨nį hu, gɛ kɛa kɛ diɛ, gáá nwɔ́ liiholii yɛɛi di mɛ̨i nɔi pun ɉu, gɛ́ di paa.

Yálá laawoo hɛɓɛ

¹³ Kɛlaa, Israɛlə nwɔ pɛlɛ́i mu nuą di kulɔ nwóó mu nɔi pun ɉu. Di hvo nwɔ́ tiɓoɠaai pɔ hiɛ ɓo, nwɔ́ tɔ́nŋaai tii da yɛnɛ̨ɛ̨ kpɛɛ hvo mą tɛɛ di pɔ mɛ̨nį kɛ nuą pɔi, di di yee kulɔ di mu. Di kɛ lɔ nwɔ́ hvįįtɔɔ yələɠaai yali mɛ̨nį hu, gɛ kɛa kɛ diɛ, gáá nwɔ́ liiholii yɛɛi di mɛ̨i nɔi pun ɉu, gɛ́ di paa.

Bible

¹³ Kɛ́lɛ tãi ŋá pá la a dîa ǹɔii pûŋ, dítɔ̀ɔ ma. Dí ŋátɔ̂ŋ ŋai kara dí dípôlu tɔɔ ŋá sɛŋ-lɛɛi m̀a nyii a pá a fulu-laa núu kélee pɔi. Nya ƃe dí ŋáfii-tɔɔ ɣelei maa tĩa kara kpɔ́ a zu kɛtɛ. Ŋá kɛ́ ŋ̀wɛli a gɛɛ ŋá ńii ŋwana kpɔ́ dîa a ŋanaa

Izikiɛ 20:13 ပူးပေါင်းရင်းမြစ်များ

Samia Veerɛi 12:9

Gɛ pələ kaa ləi yai, ə́ tɛɠɛɓo Yai-Laa woo hu, mɛ̨nįi hva nɛɛ mą́ą́, yɛ́ gɛ? Hɛtə mun ŋɛ̨i a Uri, yáá baa a ɓɔwa, yáá nɛ̨ą həɠə, yɛ gɛ a ə́ nɛ̨ą. Yɛ́ kpįnįi ɓə dɛɛ Amɔn lonnii pɔ, diɛ baa a kɔ́ kɔ́ ɓɔwa.

Kɔlɔnikɔ Veerɛi 30:7

'Ka gɛ yɛ ka nąnni da ka kaayɔwɔɠaa di woo kala di nąnni di wɔɔ Yálái Yai-Laa ɓa, yaan ə di lɛɛ laa diɛ di hukala; yɛ bələi gbaɠala kaa la kaa.

Nehemi 13:17

Ŋą́ haŋą Ɉuda nɔi kalanɉonŋąą diɛ, gɛ́ diɛ: «Lə mɛ̨nį ɲɔ̨n mə ŋɛ̨i ka káá gɔwɔ tɔɔi ɓɛi, ka túwɔ́ lɔwɔ ɓɛlɛkpɛɛ maa?

Lɛɛ gbɔwɔ ɓa 32:10

Yii hu kɛa, Moisə, nɛ́ɛ́ laa ŋį́ nwɔ́ liiŋąnwąnąi yɛɛ di mɛ̨i, gáá gəlee nwun na pilii kpɔ tɛ̨ɛ̨tɛ̨ɛ̨, yili pulu, yɛ́ ɓə kɛa gáá pai ə́ huwu ɓɛlɛi.»

Lɛɛ gbɔwɔ ɓa 32:8

Niɛwooɠaai ŋɛ̨i ŋį́ dɛɛ, di pɔ, daa di pulu tɔɔ mą, daa nįŋɛ̨ lon bɛli di kpɔɔ ɓa, diɛ pɛlɛ gɔwɔ mu, diɛ haláá kulɔ mą, diɛ kɛ mą: Israɛlə, ka gu wɔ yálái ka, yai gu kulɔ Eziptə lɔi hu.»

Hanwon 1:25

Yii kaa ka kili kulɔ nwɔ́ liɛwooɠaa hu, ka hvo ka wəli tɔɔ li nwɔ́ kilaa pɔ̨nɔ̨ woo ɓa,

Hanwon 13:13

Nui a nu woo pili, a gbɔwɔ nwun na pili. Kɛlaa, nui a tɔ́n bɔ liɛwooŋąą hon, mąą nu a vɛla hɔlɔɓo.

Azaya 56:6

Nweąąi da kanąn Yai-Laa ɓa, di yee ə ɓo nwɔ kólóɠaai diɛ, diɛ naa wɛli la kɛ, diɛ di kpɔwɔ kɛ a nwɔ kóló kɛ nuą, nuąi kpɔ da vįitɔɔ yələ mąąhəɠə, di hva ɲali, ɛlɛɛ, diɛ lɛɛ nwɔ́ mįnɛ̨i pulu,

Azaya 63:10

Kɛlaa di wɛi, di kulɔ nwoo mu, di yɛnɛ̨ɛ̨ kpɔlu nwɔ Nįį-Mąąhəɠɛɛi la. Gɛɛ tii yaan, ə pənə ə wolo diɛ, ə kɛ a di yowo, yaa kpinįį, ə kɔ́ pɛlɛ diɛ.

Ɉeremi 7:24

Kɛlaa, ya ka tii, di hvo gɛ li di hvo di wəli tɔɔ mą, di hvo bɔ mɛ̨nį kɛ; di túwɔ́ a di liiɓa, a di wɔ wəlii kpɔlɔ ɲɔ̨nwɔ̨ɔ̨. Di ɲɛ̨i kɛ mąąnɛ̨ɛ̨ di ɉee mą́ą́, daa tinɛ̨n di pulu pələ ɓə di ɉee mą́ą́.

Izikiɛ 20:11

Ŋą́ nwɔ́ tiɓoɠaai tɛɛ di pɔ, ŋą́ nwɔ́ tɔ́nŋaai lɛ diɛ, ə gɛ nuąi da di pɔ mɛ̨nį kɛ, di yɛnɛ̨ɛ̨ kpɛɛ hvo mą hɔlɔɓo.

Izikiɛ 20:14

Kɛlaa ə mą kɛ tii, ŋą́ gɛ́ mɛ̨nį kɛ ɉu; náá mąą mɛ̨nį ɓa, mɛ́lɛ hvo pa lee kpɛɛ mą́ą́, lɔiɠaa ɲɛ̨i ɓa; a diɛi tii ŋą́ Israɛlə kulɔ nuwɔ laa hu di ɲɛ̨i ɓai.

Izikiɛ 20:16

Mąąhɔlɔɓo, di nwɔ́ tɔ́n nwooɠaai ɓɛlɛ kpɛɛ mą, di hvo nwɔ́ tiɓoɠaai kɛ li, diɛ nwɔ́ hvįįtɔɔ yələɠaai həɠə mą. Mąąhɔlɔɓo, di hvilɛn ŋaai kɛ di wɔ haliɠaai pulu.

Izikiɛ 20:21

Kɛlaa, di lonnii di kulɔ nwóó mu, di hvo nwɔ́ tiɓoɠaai hon, di hvo nwɔ́ tɔ́n nwooɠaai pɔ mɛ̨nį kɛ; di hvo lɛɛ di pulu, ya pa di halai ɓə nuą da yɛnɛ̨ɛ̨ kpɛɛ hvo mą hɔlɔɓo la, a di pɔ mɛ̨nį kɛi da mo. Di kɛi nwɔ́ hvįįtɔɔ yələɠaa həɠə mą, Gɛ́ nwɔ̨nɔ̨ diɛ, gáá pai nwɔ́ liiholi yɛɛi di mɛ̨i nɔi pun ɉu, və́ pai nwɔ́ liiholii kpɛlai bələi.

Izikiɛ 20:24

Mąąhɔlɔɓo, di hvo nwɔ́ tiɓoɠaai kɛ li, di tɛɠɛɓo nwɔ́ tɔ́n nwooɠaai hu, di hvo nwɔ́ hvįįtɔɔ yələɠaai mąą kiliŋąhiɛ kɛ li. Ɛlɛɛ, daa kɛ di ɲɛ̨i kulɔ di nąnni di wɔ haliɠaai pɔ.

Izikiɛ 20:36

Yɛ bələi ŋą́ ka nąnni ɲąąwooɓo la nɔi pun ɉu, Eziptə lɔi hu, bələ ɓə gáá pai gɛi la a káá, Mɛ̨nį kəlee ŋą Hééɓomun Yálá woo li.

Izikiɛ 20:8

Kɛlɛɛ di di kwɛli tee ɲə́i, di hvo di wəli tɔɔ nwóó ɓa; di ta lɔpee hvo ɲee kulɔ mowo mɛ̨nįɠaai tii hu, di hvo gɛ di hvo ɓo Eziptə haliɠaa diɛ. Ŋą́ kɛli kɛ kɛa diɛ: Gáá pai nwɔ́ líiholi yɛɛi di mɛ̨i. Vá nwɔ́ líiholi kpɛla bələi di pɔ, Eziptə lɔi hɛ̨ąi.

Izikiɛ 22:8

Yá kɛ nwɔ́ hɛn mąąhəɠɛɛɠaai hviiɓoi, yɛ́ nwɔ hvįįtɔɔ yələɠaa ɓɛlɛ kpɛɛ mą.

Izikiɛ 23:38

Di pənə nwɔ̨nɔ̨ di nwɔ́ hvįįtɔɔ yələi laa pu, a ɲələi di nwɔ́ pɛlɛ́i mąą luwu la.

Levetekɔ 18:5

«Ka nwɔ́ tɔ́n nwooɠaa da yɛnɛ̨ɛ̨ kɛ pələ hon bələ mąą yɛlɛ kɛ. Nui a di hon, a yɛnɛ̨ɛ̨ kpɛɛ hvo mą hɔlɔɓo. Ɲą́ą́ ɓə gáá a Yai-Laa.

Levetekɔ 26:15

ka nwɔ́ tɔ́n nwooɠaai pili, nɔi hu yíi ɓo pələi ŋį́ nɛ kaa, nwɛli a wala kɛ kaa, ɛlɛɛ ka wala nwɔ́ tíɓoɠaai ta lɔpee kɛ, kaa nwɔ́ mįnɛ̨i hu kala la tii,

Levetekɔ 26:43

A kɛ tii da pa kɛa nɔi lɛɛi gbɔwɔ ɓa, nɔi a nwɔ hvįįtɔɔ hvólóɠaai kəlee ɲąąnɛ̨ɛ̨ kulɔ, ɓɛlɔwai a kɛ la a lɔi pun. Nuą diɛn, a kɛ tii, nwɔ́ tɔ́n nwooɠaai di viiɓo, da nwɔ́ hvįįtɔɔ hvólóɠaa di bili, daa kpɛɛ a di wɔ nɛ̨ŋɛ̨nŋąą tii mąą mɔ̨nɔ̨ mįɛ.

Amɔsə 2:4

Yai-Laa woo ka, yɛ: Mɛ̨ni tɔ̨nɔ̨ hvəi gɛi gɛ́ haŋą Ɉuda nuą diɛ, gaa kpɔ a mɛ̨nį haaɓa, kpɔ hɔlɔmun nąąn. Mąąhɔlɔɓo, daa lənə Yai-Laa nwɔ tɔ́nŋąą diɛ, ɛlɛɛ, di hvo bɔ liɛwooɠaa hon ni, mąąhɔlɔɓo, daa həɠə daa hvilɛn haliɠaa pulu, diɛi wɔlɔ di kalaɓɔlɔni di hvilɛn di pului.

Lonon mo 14:22

Nuąi ŋɛ̨i kpɔ nwɔ́ mąąwiɛlaa kaa, da mɛ̨nįi ŋį́ gɛ Eziptə lɔi hu, ə mą kɛ nɔi pun ɉu ɓɛ. Nuą ŋɛ̨i daa ɉúkɔɔn ɉii kɛ gee mɛ̨i pow, di hvo nwóó hon ni.

Lonon mo 14:29

Ka powa kaa lɛɛi puuni nɔi pun ɉu ɓɛ, kaa kpɔ ŋɛ̨i di ka lono, ka káá kwɛlan ə həɠə pow hveelɛ ɓa, yɛ li la tɔwɔ pələ, kaai kpɔ hvaa ka nwun ɉu yɛ hvilɛn na mą́ą́,

Lonon mo 26:25

Isakarə huwu nwɔ pɛlɛ́ɠaai ka tii. Di kɛ a: Nu waa pow mɛ̨ida kɔ́w nąąn pulu nwun ɉaaɓa (64.300).

Lomaŋ 10:5

Dələnmolaai a kulɔ tɔn ɉu, Moisə kpinįi ə bɛ̨ɛ̨, yɛ mą: Nui a pɔ mɛ̨nį kɛ, nwun mąą a ɓo.

Dutɛrɔnome 31:27

Mąąhɔlɔɓo, ka kwɛli teɛi, ɛlɛɛ, ka nwun ɉu walawalaa mɛ̨nį nwɛi, yili kpaɠala ka mą́ą́ nii háákələi ka lɔwai. Vúlú kɔ́wɔ ŋą ɓə ka tɔɔlaa Yai-Laa la, gu hvo mun kɛ ɉáá pulu!

Dutɛrɔnome 9:7

Ka kili ə kɛ ɉu kaa diɛ, ka Yai-Laa ka wɔ Yálái liiholi nɔi pun ɉu, ka hvo lɛ̨ą mɛ̨nįi tii ɓa. Ə həɠə ka kulɔ yələ ɓa Eziptə lɔi hu, ə lɛɛ ɉu ka həli la ɓɛ, ka kɛi lɔ tɔɔ Yai-Laa la.

Dutɛrɔnome 9:8

Ká Yai-Laa liiholi mɛ̨nį kɛ Horɛbə yee ɓa. Yai-Laa lii ə holi ka pɔ, yɛ kɛ ə ka hukala.

Tɛsalonikə dɔlɔɔ 4:8

Yili ɓa, nui a ɲee kulɔ niɛwoo ŋɛ̨i mui, hvo ɲee kulɔ li nu ta mu, Yálá ɓə aa ɲee kulɔ mu, yai ŋą Kili-Mąąhəɠɛɛ tɛɛ ká pɔi.

Samuɛlə dɔlɔɔ 8:8

Bələi lɔ di kɛi túwɔ́ la a ɲą́ą́, ə həɠə ɲələi ŋą́ di kulɔ la Eziptə lɔi hu, ə lɛɛ ɉu ə həli yiihu ɓa, diɛ nɛ́ɛ́ laa, diɛ tíɓo kɛ yálá takpɛliɠaa diɛ, bələ ka tii di kaa túwɔ́i la a ɲą́ą́.