Izikiɛ 20:12 - Yálá laawoo hɛɓɛ (dc)

¹² Ŋą́ nwɔ́ hvįįtɔɔ yələɠaai lɛ diɛ, da kwa diɛni ku lɔwai mɛ̨nį kili too la di ŋą. Diɛ gbaɠala kaa, diɛ kɛ ɲą́ą́ Yai-Laa, ɲą́ą́ ɓə ŋą́ di mąąhəɠə.

Yálá laawoo hɛɓɛ

¹² Ŋą́ nwɔ́ hvįįtɔɔ yələɠaai lɛ diɛ, da kwa diɛni ku lɔwai mɛ̨nį kili too la di ŋą. Diɛ gbaɠala kaa, diɛ kɛ ɲą́ą́ Yai-Laa, ɲą́ą́ ɓə ŋą́ di mąąhəɠə.

Bible

¹² Ǹaa pôlu ma, ŋá ŋáfii-tɔɔ ɣelei tɛɛ dí pɔ a ŋ̀ɛi-kɛ maa é kɛ ku loai a gɛɛ dí gɔ́lɔŋ a gɛɛ ńyãa ƃa Yâwɛɛ nyii dí maa waai.

Izikiɛ 20:12 ပူးပေါင်းရင်းမြစ်များ

Zɛnɛse 2:3

Ə lúwɔ́ too voló mɛ̨ihveelɛ yələ ɓa, ə ɉəɠə ɉu a nwɔɔ. Mąąhɔlɔɓo, volói ti ɓə, ə ɲee laa kulɔ la gɛ koló kəlee ɓa.

Nehemi 9:14

Ə́i wɔ hvįįtɔɔ yələ mąąhəɠɛɛ lɛ diɛ, ə́ di hiɛ pələ lɛ diɛ da yɛnɛ̨ɛ̨ kɛ pələ, da ə́ wɔ tɔ́n. Ə́ wɔ kɛla Moisə pɔ pələ.

Lɛɛ gbɔwɔ ɓa 16:29

Mąąnɛ̨ɛ̨ ka gɔlɔn kaa Yai-Laa aa túwɔ́ hvoló tɛɛ ka pɔ, ə gɛ ka ka hvįįtɔɔ. Yili ɓə gɛ, voló mɛ̨ida yələ, a hvóló hveelɛ kɔ̨nɔ̨n dɛɛ ka pɔ. Yili ɓa, nu kəlee ə lɛɛ ɉeei, nu ta hvo kulɔ bɔɔli a voló mɛ̨ihveelɛ yələ.»

Lɛɛ gbɔwɔ ɓa 35:2

Hvoló mɛ̨ida yee mu, nuą da di mąą kóló kəlee kɛ, voló mɛ̨ihveelɛ yələ, a kɛ ka yəi a hvóló mąąwiaa, a Sabatə, a Yai-Laa nwɔ hvįįtɔɔ yələ. Nui lɔpee a kóló kɛ a mąą yələi, da baa.

Azaya 56:2

Nu a túwɔ tii a ganąn bələ mą́ą́, mąą nu kaa a lúwɔ lon, yai hva vitɔɔ yələ mąą kala, Kɛlaa yɛ mąąhəɠə, ɛlɛɛ, hva ɲee too mɛ̨nį ɲɔ̨n lɔpee da hu.»

Ɉeremi 17:22

Nu ta hvo nwɔ̨nɔ̨ tiɛ̨ həɠə hvo kulɔ la ɲəi pɛlɛ́n a vįitɔɔ yələ, nu ta hvo kóló lɔpee ta kɛ, kɛlaa, ka vįitɔɔ yələi tii kɛ a hvoló mąąhəɠɛɛ, yɛ bələi ŋį́ ka nąnni tí la.

Izikiɛ 20:20

'Ka nwɔ́ hvįįtɔɔ hvólóɠaai kaa a hvoló mąąhəɠɛɛɠaa. Gwa kaani gu lɔwai mɛ̨nį kili too mɛ̨nį ɓə ka ŋą. Kaa pɛli gbaɠala kaai, kaa kɛ, ɲą́ą́ ɓə a Yai-Laa ka wɔ Yálá.

Izikiɛ 20:26

Ŋą́ di mąąliɓi a di wɔ haláá hɛnŋaai, a di lonnii dɔlɔɔ tɔlɔɔɠaai di kɛi gulɔ a ɉaláái; ə gɛ ŋą́ di hutɔɔ, diɛ pɛli gbaɠala kaai diɛ kɛ, ɲą́ą́ ɓə gáá a Yai-Laa.

Izikiɛ 37:28

Bələ ɓə hįį lɔi takpɛliɠaa da gili kɔ́lɔn na, diɛ kɛ ɲą́ą́ ɓə gáá a Yai-Laa, yai a Israɛlə kɛ a hɛn mąąhəɠɛɛ; a ɲələi gáá pai nwɔ́ pɛlɛ́ mąąhəɠɛɛi tɔɔi la di lɔwai, yɛ lɛɛ laa a yələ kəlee.»

Izikiɛ 44:24

Kiti mɛ̨nį a kulɔ, diɛ ɓə a giti tee nuą; mąąnɛ̨ɛ̨ di kiti tee, yɛ bələi ŋą́ mąą tɔ́n naa la. Mąą nɛ̨ɛ̨ di nwɔ́ tiɓoɠaa da gwə́i mɛ̨nįɠaa kəlee pɔ mɛ̨nį kɛ nwɔ́ hɛliɠaai kəlee hu; diɛ nwɔ́ hvitɔɔ yələɠaa kaa a hvoló mąąhəɠɛɛɠaa.

Levetekɔ 20:8

«Ka ka yee kanąn nwɔ tɔ́nŋaai diɛ, ka bɔ túwɔ́ ɓo. Ɲą́ą́ ɓə gáá a Yai-Laa, yai a ka mąąhəɠə.

Levetekɔ 21:15

mąą hvo nɛ̨ɛ̨li hvo huwu takpɛli lɔ ɉuwu hu, mąąhɔlɔɓo, ɲą́ą́ ɓə gáá a Yai-Laa, ɲą́ą́i ɉəɠə ɉu.»

Levetekɔ 21:23

Kɛlaa, mąą hvo nɛ̨ɛ̨li di hvo həli ɉəɠə ɓɛla ɓa, di hvo həli ɉaláá kulɔ kəhi ɓa; mąąhɔlɔɓo, gbɛɠii gaa mą, hvo gɛɛnąą mąąhəɠɛɛ mąąliɓi, da mu hɛnŋąą, mąąhɔlɔɓo, ɲą́ą́ Yai-Laa, ɲą́ą́ ɓə nwɔ́ nuąi tɔɔ nwɔ́ kólói ɓa.»

Levetekɔ 21:8

Hvo kɛli nuą di gaa a nu mąąhəɠɛɛ, mąąhɔlɔɓo, ya ɓə gaa a Yálá kɔ̨nɔ̨n naa həli mun. Gaa a nu mąąhəɠɛɛ, mąąhɔlɔɓo, ɲą́ą́ Yai-Laa, ɲą́ą́i ŋą́ ka mąąhəɠə, mą́ą́ həɠɛɛi.

Levetekɔ 23:24

«'Mo Israɛlə lonnii diɛ, yɛ́ diɛ: «Ɲąnin mɛ̨ihveelɛnąą nwɔ hvóló dɔlɔɔ, kaa ka yəi a hvįįtɔɔ hvóló, yɛ mɛ̨nį kili too ka ŋą, ə ɓo a hɛli, ka ka ɲąąkpɔn a ɲələ, kaa mą́ą́wiɛ.

Levetekɔ 23:3

«Nu kəlee ə mąą kóló kɛ hvóló mɛ̨ida yee mu, kɛlaa, voló mɛ̨ihveelɛ yələ kaa a hvįįtɔɔ hvóló; ka ka ɲąąkpɔn a mąą yələ, ka náá mąąwiɛ. Ka hvo kóló ta lɔpee kɛ a mąą yələ. Yai-Laa nwɔ hvólói li, ɓɛi lɔpee ka kɛ laa heeni, ka ka kili lɛɛ ɉu.

Levetekɔ 23:32

Túwɔ́ yələ li ka yəi a hvįįtɔɔ yələ, ka hin nɔ a mąą yələ; ə həɠə ɲąnin nwɔ hvóló mɛ̨inąąn ɲələ ɓa, ə həli la bulu ɓa yələ laaɓoɔ ɓa, ka hva kóló lɔpee ta kɛ.»

Levetekɔ 23:39

«Ɲąnin mɛ̨ihveelɛnąą nwɔ hvóló pow kɔ́w lɔɔli yələ, ka kpɛɛ kɛa a ka pɔ yɛa hihɛnŋąą kəlee ɓa kulaa, mąąnɛ̨ɛ̨ ka hiɛ mąąhəɠɛɛ kulɔ a hɛli Yai-Laa ɓa hvóló mɛ̨ihveelɛ yee mu. Voló tɔlɔɔ a kɛ a hvįįtɔɔ hvóló; voló mɛ̨ihaaɓa yələ ə ɓo a hvįįtɔɔ hvóló.

Levetekɔ 25:4

Gwɛlan mɛ̨ihveelɛnąą, a kɛ a nɔi nwɔ hvįįtɔɔ kwɛlan Yai-Laa nwɔ hvįįtɔɔ kwɛlan ni; ka hva tíi kɛ la, ka hva viɲəɠaa mąą kulɔ.

Kolosə 2:16

Ə həɠə kɛa yiihu ɓa, nu ta hvo kɛa ɲɛ̨i hvala: kɔ̨nɔ̨n mɛ̨nį ɓa, ə mą kɛ, a kpələ hɛn mɛ̨nį, hɛli mɛ̨nį, ɲąnįn nįnɛ̨ mɛ̨nį, awala kɛ tii, túwɔ́ yələ mɛ̨nį.

Tɛsalonikə dɔlɔɔ 5:23

Liilaa Yálá yaa kpinįi, ə ká mąąhəɠə kpɔ tɛ̨ɛ̨tɛ̨ɛ̨, ɛlɛɛ, ká kili, ká nįį, ká kɔlɔ, ə lɛɛ kpɔ a nɛlɛɛ, mąąkulɔi hvo kɛ mą, ə lɛɛ ɉu gu Nąmu Jesus Kristə pa yələ ə ɉəli mą.

Zûu 1:1

Ɲą́ą́ Ɉudə Jesus Kristə ŋą tímun, Ɉakə nəɠə. Gáá ɉɛɓɛ́i ŋɛ̨i tɛɛi, nuąi kpɔ Ną́n Yálá aa di təli, a wɛlikɛmąą laa, yɛ ɲɛ̨i kɛ diɛ, diɛi a Jesus Kristə nwɔɔ.