Izikiɛ 2:1 - Yálá laawoo hɛɓɛ (dc)

¹ Yɛ mą́ą́: «Hulɔnu lon, 'haŋą ə́ tɔɔ, gɛ́ ŋą́ pələ ɓo yɛ́.»

Yálá laawoo hɛɓɛ

¹ Yɛ mą́ą́: «Hulɔnu lon, 'haŋą ə́ tɔɔ, gɛ́ ŋą́ pələ ɓo yɛ́.»

Bible

¹ Nya ƃe è mò ḿâ ǹyɛɛi, “Núu-kpune ǹóŋ, í mu siye í tɔ́ɔ, ŋa pâi lônoi ípɔ naa.”

Izikiɛ 2:1 ပူးပေါင်းရင်းမြစ်များ

Mąątɛ̨nɛ̨ 8:4

Ŋą́ ɲɛ̨́i hee yələ kɔlɔn ma, yai ə́ bɛli a Ə́ yee, Ə́ ɲąnįn da pɛmɛ̨lɛ̨n-gɔwɠaa, hɛlɛn ma;

Izikiɛ 1:28

Ə kɛ yɛ gbəimiliin, yai a laa tulɔ kpinįn dɔwɔ, a tulɔ pu yələ. Gɛɛ pɔ̨nɔ̨i tii kɛ naa kwɛlɛ kəlee, gɛ pələ ka tii kɛ. Yai-Laa nwɔ mąąwiɛ gulɔ mąą, da gɛ pələ ka tii kɛ; ŋą́ nąą kaa, ŋą́ pɛlɛ níí ɓa, nɔi ɓa, ŋą́ woo ta mɛ̨n yɛ pələ ɓo mą́ą́.

Izikiɛ 12:3

Ə́ wəli tɔɔ, hulɔnu lon; ə́ tiɛ̨ pɛli yɛ nui di kaa lííla luwɔlaa hu, hvóló ɲąą ɉə-ɉə, gɛ ti di ɲɛ̨i ɓa; ə́ kaa lii luwɔlaa hu, yɛ́ həɠə ɓɛ, yɛ́ li kɛɛnąą ta kpɛli ɓa; kiɛ-o, di kili kaa pai pui ɉu, diɛ kɛ kulɔ nwoo mu nuą ɓaa a diɛ.

Izikiɛ 13:2

«Hulɔnu lon! Mɛ̨nįi ŋɛ̨i ɓo Yálá kwəi mɛ̨nį hukulɔ nuąi Israe lɔi hu diɛ, diɛi tii da kɛ di kaa mɛ̨nį ɓoi a Yai-Laa laa, A nuąi da mɛ̨nį kulɔ di kwəi diɛ mo. 'Kɛ diɛ; 'ka ka wəli tɔɔ Yai-Laa woo ɓa.

Izikiɛ 14:13

Hulɔnu lon, lɔi ta kɛ laa; a nɛ̨ŋɛ̨n ɉəɠə mą́ą́ a náá pu pələ; ŋį́ hee ɉu, gɔ̨nɔ̨n gaa ɉeei a ɲee pulu, gɛ́ gəlee hu kala, gɛ́ pulu too mą; ə kɛ a nu, ə kɛ a huwɔ, gɛ́ di paa ɉu.

Izikiɛ 14:3

Hulɔnu lon, nuąi ɲɛ̨́i daa di wɔ haliɠaai lɔ di nį́į́ pɔ, ɉɛn pai di tooi nɛ̨ŋɛ̨n ɉu daa di yee kąnąn mą. A kɛ ti ŋą́ pɛli mɔ̨ɔ̨ di lɛɛi laa diɛ di nwun dɔɔ a ɲą́ą́?

Izikiɛ 15:2

«Hulɔnu lon, lə ɓə a viɲə wulu hviɛla ɓo yɛ tɛɛ la wulu ta kpɛliɠaa diɛ; yɛ nwonwo hviɛla ɓo lɔwɔ wulu ta kpɛliɠaa wonwo ɓa?

Izikiɛ 16:2

«Hulɔnu lon, Ɉerusalɛmə kili hvilɛnŋąą lɔ kɛɛ kala mɛ̨nįɠaa diɛ.

Izikiɛ 17:2

«Hulɔnu lon, hanwon da hɔɔ a mɛ̨nį kulɔ mąą ta, Israɛlə nuą diɛ:

Izikiɛ 2:3

yɛ mą́ą́: «Hulɔnu lon, gáá ə tɔɔi Israɛlə lonnii pɔ, a gulɔ nwoomu nu huwui tii, a nuąi daa tɔɔ ná a kɔ́, diɛ mąn di nąnni mąn, aa lɛɛ ɉu háákələi aa həli.

Izikiɛ 2:6

«Ə́ wəli tɔɔ hulɔnu lon: Hvo ɲɔw diɛ, ho ɲɔi di hvaa woo ɓa; ə́ kaa hɛa too nuą lɔwai, ɲąąlən ɉu. Ə́ kaa heeni ɲɔ̨n-gaaləɠaa mɛ̨i, ho ɲɔw di hvaa woo ɓa, 'hvó ɲɔw di ɲɛ̨ilai ɓa, mąąhɔlɔɓo kulɔ nwoo mu nu huwu li.

Izikiɛ 2:8

«Hulɔnu lon, ə́ wəli tɔɔ, mɛ̨nį gáá moi yɛ́ mą, 'hvó kɛ a nui a nwun gulɔ mɛ̨nį mu, yɛ gulɔ nwoo mu nukan ŋɛ̨i, ə́ laa taɠa, ɉɛn gáá dɛɠɛi ə́ pɔ, 'ə́ mįi.»

Izikiɛ 20:3

Hulɔnu lon, 'mo Israɛlə kalanɉonŋaa diɛ, yɛ diɛ: Mɛ̨nįi Mɛ̨nį kəlee ŋą Hééɓomun Yálá kaa moi, ya ka, yɛ: «Ká pa mą́ą́nin kɛi? Yii kpɔ gáá a vúlú, və́ pai hvaai mą, ka hvo mą́ą́nin kɛ; Mɛ̨nį kəlee ŋą Hééɓomun Yálá woo li.

Izikiɛ 3:1

Yɛ mą́ą́: «Hulɔnu lon, ɉon 'ə́ mįi, ɉɛɓɛ́ yilii ŋɛ̨i mįi; yili pulu, ə́ li ka ə́ pələ́ ɓo Israɛlə nwɔ pɛlɛ́i mu nuą diɛ.»

Izikiɛ 3:10

Yɛ mą́ą́: «Hulɔnu lon, nwooɠaai kpɔ gáá moi yɛ́, ə́ wə́li tɔɔ diɛ, di lɛɛ ə́ kili pɔ.

Izikiɛ 3:17

«Hulɔnu lon, gáá ə́ tɔɔi yɛ kɛɛnąą mąąhɛn mun, Israɛlə nwɔ pɛlɛ́i mąą mɛ̨nį ɓa; yá woo ta mɛ̨n, yɛ həɠə ná, mąąnɛ̨ɛ̨ ə́ di kili pu ɉu náá hu.

Izikiɛ 3:4

Yɛ mą́ą́: «Hulɔnu lon, 'li ə́ həli Israɛlə nwɔ pɛlɛ́i mu nuą diɛ, ə́ nwóóɠaa laa həli diɛ.

Izikiɛ 37:3

Nąąlɔwai, Yai-Laa yɛ mą́ą́: «Hulɔnu lon, nu kɔ́wɠaai ŋɛ̨i di nɔ̨ɔ̨ a pɛli mɔɔ tooi di hu?» Ŋą́ nwoo ɲąąpənə, gɛ́ mą: «Mɛ̨nį kəlee ŋą Hééɓomun Yálá, yɛ́ ɓə yili kpaɠala kɔ́lɔn.»

Izikiɛ 4:1

Yai-Laa yɛ nwɔ̨nɔ̨ mą́ą́: Yɛ́, hulɔnu lon, pɔlɔ kɔ́w tɔ̨nɔ̨ həɠə, naa ə́ lííla; taa ta mąąnįnįn gɛ mɛ̨i, Ɉerusalɛmə.

Izikiɛ 40:4

Ɉulɔnui tii yɛ mą́ą́: Hulɔnu lon, ə́ ɲɛ̨i hee kpɔ laa a nɛlɛɛ; ə́ ə́ wəli tɔɔ kpɔ a nɛlɛɛ, mɛ̨nįɠaai kpɔ gáá pai nɛi yɛ́, ə́ kili lɛɛ gəlee hu. Maahɔlɔɓo, di lɛ yɛ́ mɛ̨nį ɓə gɛ diɛ pa a yɛ́ ɓɛ. Mɛ̨nįɠaai kpɔ ə́ kaa pai gaai, a kɛ ə́ gəlee hukulɔ Israɛlə nwɔ pɛlɛ́i mu nuą diɛ.

Izikiɛ 43:18

Ɉulɔnui tii yɛ mą́ą́: hulənu lon, Mɛ̨nį kəlee ŋą Hééɓomun Yálá woo ka: ɲələi di kaa pai ɉaláá kulɔi tɔɔi la, nąą mąą tɔ́nŋąą ka; Yálá kɔ́ haláá kulɔ mɛ̨nį ɓa mɛ̨i, diɛ ɲąmą pu laa.

Izikiɛ 5:1

Hulɔnu lon, ə́ wə́li tɔɔ; ɓɔwa kwəaa ɲąąlia həɠə; 'gɛ a kpəŋą, ə́ ə́ nwun bu la da ə́ kpɛlɛ; yili pulu ə́ ə́ ləɠai ti heekpəlinna kɛ kpɔ tamąą.

Izikiɛ 7:2

«Yɛ́, hulɔnu lon, ə́ wəli tɔɔ, mɛ̨nįi Mɛ̨nį kəlee ŋą Hééɓomun Yálá kaa moi yɛ hvilɛn na Israɛlə lɔi ɓa, ya ka: mɛ̨nį kəlee kpɛɛ li; nɔi hu mɛ̨nį kəlee aa həli gbɛlai ɓa.

Danîa 10:11

Nui tii ə mo mą́ą́, yɛ mą́ą́: «Daniɛlə, ə́ wɛli kaa Yálá ɓa, gɛ pələ kwɛli mą, nwooɠaai ŋɛ̨i gáá moi yɛ́, ə́ ŋąą kaa. Həɠə ə́ tɔɔ, mąąhɔlɔɓo, yɛ́ bə ŋą́ pa ə́ pɔ háákələi.» Ə mo lɔ tii, ŋą́ muhəɠə ŋą́ tɔɔ, mą́ą́ yɛ ni kpɛlin.

Danîa 10:19

Nu yii tii yɛ mą́ą́: «Hulɔnu, yɛ́i ŋɛ̨i ə́ wɛli kaa Yálá ɓa, hvo ɲɔw! Liilaa ə kɛ ə́ yəi, ə́ hvaŋąlɔ, ə́ ə́ huwalawala.» Ɓɛlɔwai ə kɛi yiliɠaai ɓo la mą́ą́, huwalawala ə kɛi tɛɛ ɓɔ́. Ŋą́ mo mą nąąlɔwai, gɛ́ mą: «Nwɔ́ mɛ̨nį Nąmu, nwə́li tɔɔi ə́ woo ɓa, mąąhɔlɔɓo, yaa huwalawala tɛɛ ɓɔ́.»

Danîa 8:17

Gabriɛlə ə lɛɠɛ mą́ą́, ɓɛlɔwai ə kɛi mąą lɛɠɛ la mą́ą́, ŋą́ ɲɔw kpɔ kɛnɛ̨, ŋą́ pɛlɛ nɔi ɓa gɔwɔ mu. Yɛ mą́ą́: «Daniɛlə, pələi mąn kaa la a nu, mąąnɛ̨ɛ̨ ə́ gbaɠala kaa yɛ́ diɛ, yɛnɛ̨ɛ̨ ɲąąkpɛɛi lɔwai mɛ̨nį ka ŋɛ̨i ə́ gaa.»

Maafîu 17:7

Jesus ə mąą lɛɠɛ diɛ ə ɲee pɛlɛ diɛ yɛ diɛ: «Ka hvo ɲɔ̨w, ka ka muhəɠə.»

Ɉaan 3:13

Mąąhɔlɔɓo, nu ta hvo ta tɛ li yələi, hvo kɛ li lɔ Nu Lon yii həɠə yələkɔlɔn ɉu.

Ɉaan 3:16

Mąąhɔlɔɓo, Yálá aa yɛnɛ̨ɛ̨ nuą wɛli la kɛ kpɔ kɛnɛ̨, hvo kɛli ə Non ɉulɔnu tɔ̨nɔ̨ gbən kwɛlɛ, ya ɓə ə gɛ, nui lɔpee a laa na, nwun na hva pili. Kɛlaa, a yɛnɛ̨ɛ̨ kpɛɛ hvo mą hɔlɔɓo Yálá yei.

Gɛlaɠaa 26:16

Kɛlaa, 'ə́ muhəɠə, 'ə́ haŋąn ə́ tɔɔ, Mɛ̨nįi ŋį́ gbɔ́ɔ́ lɛ la yɛ́, ya ka: Ŋą́ ə́ həɠə ɉu, yɛ́ kɛ a nwɔ́ tímun, da gwɛlɛɛn gɛɛ ŋɛ̨i ə́ gáá ɉu, mąą kɛla, da gwɛlɛɛn gɛɛ yiiɠaai kpɔ nwɔ̨nɔ̨, gáá pai gbɔ́wɔ́ lɛ ɉu yɛ́.

Gɛlaɠaa 9:6

Kɛlaa, 'Ə́ muhəɠə, 'tɛ taai, mɛ̨nįi mąąnɛ̨ɛ̨ ə́ gɛ, di kaa lii moi yɛ́.»