Izikiɛ 19:14 - Yálá laawoo hɛɓɛ (dc)

¹⁴ Kɛlaa, nwɔ̨n ə kulɔ nwonwo lon ɉu, ə nwonwoɠaa da maɠaa kəlee kələn. Viɲə kpɔmɔi tii nwonwo ta hvo kɛa laa a ɉuwala walaa, yɛ pɛli kɛi a tɔɔ tunwɔ̨n. Wɔlɔ woo li, da doo a wɔlɔ wələ.

Yálá laawoo hɛɓɛ

¹⁴ Kɛlaa, nwɔ̨n ə kulɔ nwonwo lon ɉu, ə nwonwoɠaa da maɠaa kəlee kələn. Viɲə kpɔmɔi tii nwonwo ta hvo kɛa laa a ɉuwala walaa, yɛ pɛli kɛi a tɔɔ tunwɔ̨n. Wɔlɔ woo li, da doo a wɔlɔ wələ.

Bible

¹⁴ Ŋɔŋ a tée m̀a, a ŋ̀ówo da m̀â kereŋ, m̀ɛni ma, ŋ̀owo fé ŋɔ́nɔ pâi kɛ̂i a zu kpanaŋɔɔ, kâloŋ wuru fé ŋɔ́nɔ pâi kɛ̂i naa. Maloŋ tòo maa wule ká ŋí. Ǹyaŋ a pâi kɛ̂i a maloŋ tòo maa wule woo.

Izikiɛ 19:14 ပူးပေါင်းရင်းမြစ်များ

Zɛnɛse 49:10

Tɔɔ tunwɔ̨n hva kulɔ Ɉuda yəi, dɔɔhvili hva kulɔ ə́ yəi bɛlɛ́n, ə lɛɛ ɉu, nui Ɉeeɓolaa kaa a nwɔɔ yɛ pa. A yai tii, hį́i kəlee kaa pai lɛɛi nwoo mu.

Tɔɔɓɛlaa veelɛ 24:20

Mɛ̨nįɠaa tii di laa Ɉerusalɛmə da Ɉuda diɛ, mąąhɔlɔɓo, Yai-Laa ə niiŋanwana diɛ, ə di pili kwɛaa la, ə di həɠə ɲɛ̨i mu. Sedesiasə ə muhəɠə Babilonə tɔɔmun nąą ɓa a kɔ́.

Kɔlɔnikɔ Veerɛi 36:13

Yɛ nwɔ̨nɔ̨ gwɛlitee tɔɔmun Nabukodonosorə yəi, ɛlɛɛ yaan, aa kɛ gwɛla Yálá ɲɛ̨i ɓa, yili yəi. Sedesiasə ə nwun ɉuwalawala, ə kili walawala laa kulɔ, hvo kpɛli gɛ, hvo pənə hvo pa, Israɛlə nwɔ Yálá Yai-Laa pɔ.

Nehemi 9:37

Ku kɛ nɛ̨ŋɛ̨nŋąą mąą mɛ̨nį ɓa, nɔi hɛn gɔw kpɛa kpɛaa daa lɛɛ a dɔɔɓɛlaai ə́ ku lɔ di yee mu di wɔɔ. Daa hee ku wɔ kpinįi ku mɛ̨i, da ku yəi taatɛlɛɛɠaa, ə lɛɛ, ku ɓo la laanɔ̨nwɔ̨ kɛnɛ̨ɛ hu.»

Mąątɛ̨nɛ̨ 110:2

Yai-Laa ə ə́ wɔ Heeɓolaai yee kɔ̨nwɔ̨n ɉu ɓɛɛlɛɛi, ə gɔwɔ tɔɔ Siɔn, yɛ́ pɛli heei ə́ yowoɠaa mɛ̨i.

Mąątɛ̨nɛ̨ 79:7

Mąąhɔlɔɓo daa Ɉakɔbə kɛ a di kɔ̨nɔ̨n, daa nwɔ lɔi kala.

Ɉeremi 38:23

«Ə́ nɛąni da ə́ lonnii di kaa lii a diɛ Kalde nuą pɔ. Yɛ́ kpinįi hva kulɔ di yee ŋą. Babilonə tɔɔmun gaa ə́ hon ɉii, diɛ daa kələn.»

Ɉeremi 52:3

Mɛ̨nįi di kɛi gɛ Ɉerusalɛmə daai da Ɉuda lɔi hu, ə Yai-Laa liiholi, yili ɓə gɛ, yɛ di pili, yɛ di həɠə ɲɛ̨i mu. Sedesiasə ə tɔɔ Babilonə tɔɔmun na.

Woolaa 4:20

Dɔɔmun Yai-Laa ə ku wɔ yɛnɛ̨ɛ̨ tɛɛ bɔ, yaamun ga ŋɛ̨i, ku yowoɠaa daa gɛ a di wɔɔ luwɔ, yɛ ɓo di yəi gaho ŋą; Yaai kɛ kwa ku kili kɛ mą, kuɔ kɛ diɛ: «Kwá kɛ yaa tii vaŋan mu, kwa pɛli yɛnɛ̨ɛ̨ kɛi hį́itakpɛliɠaa lɔwai!»

Izikiɛ 15:4

Viɲə wulu ka, daa dɔɔ nwɔ̨n ma, nwɔ̨n aa ɉunwɔ̨la hveelɛi mį́į́ ma ɉɛąi aa kələn lə wolo kpɔ ɓə kɛa da pɛli gɛi la?

Izikiɛ 17:10

Da ɉin gaa pai lɛlɛi? Hvaŋą ɲąą nwąnąą a hee mą, kɛlaa gbala hiɛ li kpɔ tɛ̨ɛ̨ tɛ̨ɛ̨. Nɔi ti kɛ mąąnɛ̨ɛ̨ ə lɛlɛ ɉu, gaa pai kpalai laa.»

Izikiɛ 19:1

Yɛ́ ɓə, gɔwɔ tɔɔ yɛ́ wɔlɔ Israɛlə lɔi ɲɛ̨i tɔwɔ nuą mɛ̨i, yɛ diɛ:

Izikiɛ 19:11

Nwonwoɠaa di tɔɔ mą a gbɛa kpɛa, di kɛ a tɔɔ tunwɔ̨nŋaa; ɲee mu ə həɠə nwonwoɠaa nwun mɛ̨i, ə kɛi nuą mąą ɲɔw gwɛa pələ ɓa, da nwonwo tamą pələ mą.

Izikiɛ 26:17

Di kaa pai kɛi wɔlɔi ə́ mɛ̨i, diɛ kɛ diɛ: Ə́ kulɔ pələ kɛ ləi yɛnɛ̨ɛ̨ lɔiɠaa lɔwai, gboloyá ɲą taa? Daa laa tɛɛi ti, yai da ɉu nuą di hvąŋą kɛnɛ̨ɛ kɛ gboloyá ɲą; a daa ti di kɛi ɲɔw mą kɛɛnąą kəlee.

Osia 10:3

Yiihu, di kaa kɛi diɛ; tɔɔmun və ku yəi, mąąhɔlɔɓo, ku hva ɲɔw Yai-Laa ɓa, ɛlɛɛ, lə kpɔ ɓə tɔɔmun a pɛli gɛi ku mąą mɛ̨nį hu?

Osia 3:4

Bələ ɓə Israɛlə lonnii kaa pai lɛɛi la a ɉukwɛaa, tɔɔmun va kɛ di yəi, da di ɲɛ̨itɔwɔ mun, da haláá kulɔ mɛ̨nį, da haláá həɠə mɛ̨nį, ɛlɛɛ da haláá kulɔi, da Yálá mąąnikɛ hɛnŋąą.

Amɔsə 9:11

Ɲələi tii a həli, Davidə nwɔ ɓuwui yɛ ə pu, ŋį́ ɉaŋą ŋį́ dɔɔ a nįnɛ̨, ŋį́ ɉįi laaləiɠaa pɛli, ɓɛ yiiɠaai nąą kaa a gboloon, ŋį́ naa tɔɔ, ŋį́ pənə ŋį́ daai tii tɔɔ, yɛ pələi wɔlɔ ə kɛ la.

Lukə 19:41

Jesus ə lɛɠɛɛ kɛa Ɉerusalɛmə taa ɓa, ə ɲɛ̨i hee daa ɓa, ə wɔlɔ, yɛ mą:

Ɉaan 19:15

Di kəlee di tómą diɛ mą: «Ə haa! Ə haa! 'Gbanwo kolɔwa ɓa.» Pilatə yɛ diɛ: «Ɲį́ ka wɔ tɔɔmun gbanwoi kolɔwa ɓa?» Ɉaláá laa həli nuą kpɛa-kpɛa di nwoo pulu pənə diɛ mą: «Tɔɔmun da kpɛli hvo ku yəi, ə kulɔ Sesarə pulu.»

Nwun mąąɓo 9:15

«Ɲąąlən gbɔlɔ yɛ wuluɠaa diɛ: ‹Akɛ ka káá bɔ ka ɉéé a ka wɔ tɔɔmun, ka pa ka lɔ nínín mu; a wala kɛ tii, nwɔ̨n da kaa pai kulɔi ɲąąlən gbɔlɔ hu, yii gaa pai Liban kpitiliɠaa kələn ɉii.›