Izikiɛ 19:12 - Yálá laawoo hɛɓɛ (dc)

¹² Kɛlaa, di gulɔ a nwun a lii ɲąnwąną; di doo nɔi ɓa, hvaŋą ə həɠə hvóló kulɔi pələ, ə maɠaa kpala ma; nwonwo kpɛa kpɛaɠaai tii di kpala, nwɔ̨n ə di kələn.

Yálá laawoo hɛɓɛ

¹² Kɛlaa, di gulɔ a nwun a lii ɲąnwąną; di doo nɔi ɓa, hvaŋą ə həɠə hvóló kulɔi pələ, ə maɠaa kpala ma; nwonwo kpɛa kpɛaɠaai tii di kpala, nwɔ̨n ə di kələn.

Bible

¹² Kɛ́lɛ núu da è ǹíi ŋwana é m̀uleŋ È dòo ǹɔii ma. Voloi kulâi pere fãai è gbala m̀â è pú Ŋ̀ówo-ŋai díkpala. Ŋɔŋ é gereŋ.

Izikiɛ 19:12 ပူးပေါင်းရင်းမြစ်များ

Tɔɔɓɛlaa veelɛ 23:29

Nąąlɔwai tii ɓə Faraɔn Neko, yai kɛ a Eziptə tɔɔmun, da Asiri tɔɔmun di pɛlɛ di kee ɓa Eufratə ɲalee kwɛlɛ, diɛ li kɔ́ tooi. Tɔɔmun Ɉosiasə yaan, ə muhəɠə yɛ li Eziptə tɔɔmun laa kwiɛn ɉi a kɔ́. Kɛlaa, yii lɔ yili ə ɲɛ̨i tɔɔ lɔ Ɉosiasə ɓa, aa mą Ɉosiasə paa Megido.

Tɔɔɓɛlaa veelɛ 23:34

Yili pulu, Eziptə tɔɔmun Neko ə Ɉosiasə lon Ɛliakimə hee a tɔɔmun a nąn mąąhvalin. Eziptə tɔɔmun Neko ə Ɛliakimə laa mąąhvalin a: Yoyakimə. Yii ɓaa Yoakazə nwɛi, aa kɛ doo gaho ŋą, ə lɛɛ gaho ŋą ə dɛɛ Eziptə lɔi hu, nąą ɓə ə haa laa.

Tɔɔɓɛlaa veelɛ 24:6

Yoyakimə ə laa nąni kwɛlɛ, non Yoyakin ə hee gbəlin ɉu a nąn mąąhvalin.

Mąątɛ̨nɛ̨ 52:5

Yá mɛ̨nį ɲɔ̨n viɛlaɓo mɛ̨nį lɛlɛɛ ɓa. Yɛ́ lɛɛ hviɛlaɓo tɛ̨ą ɓa.

Mąątɛ̨nɛ̨ 80:16

Ɉihɛn yɛ́ kpinįi ə́ ɉin a ə́ yee, mąąkpɛ, da non ŋɛ̨i ə́ ɉuwalawala ə́ mąą mɛ̨ni ɓa.

Azaya 27:11

Ɓɛlɔwai nwulu woŋoɠaa da kpala la, nɛ̨ą da pa di nwɔ̨n naa ɉu, a tɛ̨ą, kili hvo nu huwui ŋɛ̨i ɓa; ya ɓə gɛi, nui di pɛli, hva di mąąwɛli kaa. Nui di kulɔ hva di ɲɛ̨imąąwɛli kaa.

Azaya 27:8

Ə di kiti tee, a di kpɛi ə mo, di kulɔ nɔi hu, ə di kpɛ a nɔ̨ɔ̨ hvaŋą, a gbooyee hu hvaŋą tɛɛi tɔ̨nɔ̨

Ɉeremi 22:30

Yai-Laa woo ka! «Ka bɛ̨ɛ̨ a nui tii laa kaa diɛ nu kpoloon, nui nwun na hvo nɛ̨ɛ̨li mɛ̨nį ta hu nwɔ yɛnɛ̨ɛ̨ hu, non da lɔpee hvo pai nu kɛi, yɛ pɛli heei Davidə nwɔ tɔɔkpəlin hu, yɛ kɛ a Ɉuda tɔɔmun da.»

Ɉeremi 31:28

Háá ɓa háá, bələi ŋą́ ɲɛ̨́i ɲɔ̨nwɔ̨ɔ̨ hee la diɛ, gɛ́ di kulɔ a di nwun, gɛ́ di pu, gɛ́ di laa pɛlɛ nɔi ɓa, diɛ lɛɛ a taa kpoloon, gɛ́ di mąąwɛli, gɛ́ mɛ̨nį ɲąąnwąnąą laa diɛ; bələ lɔ ɓə gáá ɲɛ̨́i lɛlɛɛ heei la diɛ, ŋą́ di tɔɔ, ŋą́ di kɔ́wɔ hvilɛn. Ɲą́ą́ Yai-Laa nwóó li!»

Woolaa 2:1

Ee kə! Yai-Laa liiɲąnwąną pələ ɓa, aa Siɔn halakpɛla mɛ̨i kpįnį, aa Israɛlə mąąɲįnɛ̨n tɛ yələi aa doo nɔi ɓa. Niiholi pələ, hvo kpɛli gili lɛɛ li gɔwɔ tɔɔ kpəlin ɉu.

Izikiɛ 15:2

«Hulɔnu lon, lə ɓə a viɲə wulu hviɛla ɓo yɛ tɛɛ la wulu ta kpɛliɠaa diɛ; yɛ nwonwo hviɛla ɓo lɔwɔ wulu ta kpɛliɠaa wonwo ɓa?

Izikiɛ 15:4

Viɲə wulu ka, daa dɔɔ nwɔ̨n ma, nwɔ̨n aa ɉunwɔ̨la hveelɛi mį́į́ ma ɉɛąi aa kələn lə wolo kpɔ ɓə kɛa da pɛli gɛi la?

Izikiɛ 17:10

Da ɉin gaa pai lɛlɛi? Hvaŋą ɲąą nwąnąą a hee mą, kɛlaa gbala hiɛ li kpɔ tɛ̨ɛ̨ tɛ̨ɛ̨. Nɔi ti kɛ mąąnɛ̨ɛ̨ ə lɛlɛ ɉu, gaa pai kpalai laa.»

Izikiɛ 19:11

Nwonwoɠaa di tɔɔ mą a gbɛa kpɛa, di kɛ a tɔɔ tunwɔ̨nŋaa; ɲee mu ə həɠə nwonwoɠaa nwun mɛ̨i, ə kɛi nuą mąą ɲɔw gwɛa pələ ɓa, da nwonwo tamą pələ mą.

Izikiɛ 28:17

Ə́i kpɔwɔ ɲąą kɛnɛ̨, ə́ lɛlɛ mɛ̨nį hu, ə́ mąąwiɛ pələ ə́ ə́ wɔ kilikɛɲəi hukala. Gáá ə́ tooi lɔi ɓa, yɛnɛ̨ɛ̨ tɔɔɓɛlaa diɛ pa, diɛ ə́ kaa.

Osia 13:15

Ɛfraimə ə mą kɛnɛ̨ nąn nonnii lɔwai, hvóló kulɔi pələ hvaŋą kaa pai, Yai-Laa nwɔ hvaŋąi, yai həɠəi gbali kələn ŋąą hu pələ, yɛ ɲá nwun gulɔi hu kpala, ya yɛ kpala yálɔwa hu, yɛ nɔi kala, da ɉu hɛn gɔwɠaa.

Zôna 4:8

Ɓɛlɔwai hvóló ə kulɔ la, Yálá ə hvaŋą ta tɛɛ yɛ həɠə hvóló kulɔi pələ, a gələn ŋąą. Hvóló ə Ɉonasə nwuɔ̨ kələn gbɔ yɛ kɛ ə hvowa. Ə mo yɛ mą: «Ɉáá hviɛlaɓoɔi gɛ́ɛ́ yɛnɛ̨ɛ̨ ɓa.»

Maafîu 3:10

Yili ɓa, daa ɲowa ŋąą hee nwulu hamu ɓa. Wului hva ɓa lɛlɛɛ ɓo, da gulɔ di bili nwɔ̨n ɉu.

Ɉaan 15:6

Nui a wala kanąn mą́ą́, da bili ɲɛnɛ̨ɛ̨, yɛ wulu wonwo a kulɔ mą, diɛ gɛ a kwɛi.

Dutɛrɔnome 29:28

«Mɛ̨nį yiiɠaa noɔ, Yai-Laa ku wɔ Yálái nwɔɔ li; yaa tɔ̨nɔ̨ ɓə gɔlɔn. Mɛ̨nį yiiɠaai aa di kulɔ pɔ̨nɔ̨ŋą, yiliɠaa kaa a ku wɔɔ kwa ku lonnii, kuɔ pɛli dɔ́n ŋɛ̨i hu wooɠaa kəlee kɛi a yələ kəlee mɛ̨nį.

Dutɛrɔnome 32:22

A tɛ̨ąą! Nwɔ́ liiholi nwɔ̨n gaa pai kulɔi ɉúnwɛ̨i. Ə kələn mo kɛ kpɔ ə həli la ɲɔ̨muątaa, a lɔi kələn ə bɛlɛ ɉihɛnŋąą diɛ, a yeeɠaa kɔ́wɔ hvilɛn ɉii kələn.