Izikiɛ 19:11 - Yálá laawoo hɛɓɛ (dc)

¹¹ Nwonwoɠaa di tɔɔ mą a gbɛa kpɛa, di kɛ a tɔɔ tunwɔ̨nŋaa; ɲee mu ə həɠə nwonwoɠaa nwun mɛ̨i, ə kɛi nuą mąą ɲɔw gwɛa pələ ɓa, da nwonwo tamą pələ mą.

Yálá laawoo hɛɓɛ

¹¹ Nwonwoɠaa di tɔɔ mą a gbɛa kpɛa, di kɛ a tɔɔ tunwɔ̨nŋaa; ɲee mu ə həɠə nwonwoɠaa nwun mɛ̨i, ə kɛi nuą mąą ɲɔw gwɛa pələ ɓa, da nwonwo tamą pələ mą.

Bible

¹¹ Ŋ̀ówoŋ è kɛ̀ a gbanaŋɔɔ È kɛtɛ é kɛ́ yɛ̂ kâloŋ ŋɔkâloŋ wuru-ŋa. È ƃɔlɔ kpɔ́ é seri ŋ̀ele-kɔlɔŋ su Ǹûai kélee dí gàa berei ǹaa è kɛ la da berei è kɛ a goya lai.

Izikiɛ 19:11 ပူးပေါင်းရင်းမြစ်များ

Zɛnɛse 49:10

Tɔɔ tunwɔ̨n hva kulɔ Ɉuda yəi, dɔɔhvili hva kulɔ ə́ yəi bɛlɛ́n, ə lɛɛ ɉu, nui Ɉeeɓolaa kaa a nwɔɔ yɛ pa. A yai tii, hį́i kəlee kaa pai lɛɛi nwoo mu.

Tɔɔɓɛlaa dɔlɔɔ 5:1

Salomɔn ə kɛi tɔɔlaa kɛ, ə həɠə Eufratə ya kwɛlɛ, dɔɔlaaɠaa kpɔ kɛ laa, gəlee mɛ̨i, ə li Filisti nuą di wɔ lɔi ɓa; ə lɛɛ la ɉu, ə həli da Eziptə nuą ɲɛn ma. Salomɔn ŋą yɛnɛ̨ɛ̨ kəlee yee mu, di kɛi tíi kɛ mą, diɛ nįįhɔ̨nwɔ̨ kulɔ mą.

Ɛsdrasə 4:20

Diɛ tɔɔɓɛlaa huwalawalaa di wɔlɔ di muhəɠə Ɉerusalɛmə daai, di hee Eufratə ya lee voló tooi pələ lɔiɠaai tii kəlee mɛ̨i, diɛ kulɔ-kulɔ hɛnŋąą kulɔ diɛ, da nįįhɔnwɔ.

Ɛsdrasə 5:11

Nwoo ŋąąpənəi di dɛɛ ku pɔ ya: ‹Kuɔ ɓə ku kaa a yələkɔlɔn da lɔi, di pɛli Yálá nwɔ koló kɛ nuą, bɛlɛ́i ŋɛ̨i wɔlɔ kɛ ɓɛ, ya ɓə ku kaa pənəi ku dɔɔ. Tɔɔmun gɛnɛ̨ ta ə wɔlɔ kɛ a Israɛlə nuą di wɔ tɔɔmun, ya ɓə bɛlɛi tii tɔɔ ə nąą kulɔ.

Mąątɛ̨nɛ̨ 110:2

Yai-Laa ə ə́ wɔ Heeɓolaai yee kɔ̨nwɔ̨n ɉu ɓɛɛlɛɛi, ə gɔwɔ tɔɔ Siɔn, yɛ́ pɛli heei ə́ yowoɠaa mɛ̨i.

Mąątɛ̨nɛ̨ 80:15

Yálá, Yai-Laa Mɛ̨nį Kəlee ŋą Hééɓomun, pənə Ə́ pa kani wɛ! 'Lɛɛ yələkɔlɔn ɉu, Ə́i ɲɛ̨i pili ku mɛ̨i, ɓɛ kaa li, 'ə́ kɛ mɛ̨nį kɛ viɲə yɛai ŋɛ̨i mąą mɛ̨nį hu.

Mąątɛ̨nɛ̨ 80:17

Ɓɛ kaa li, daa gələn, daa dee; ə́ ɲɛ̨i nwɛ̨ɛ̨ pələ diɛ, di nwun na aa pili.

Azaya 11:1

Ɉɛse nwɔ nwungbəi mąą kaa pai pooi, ɉamu kaa pai kpuwun ɉii.

Izikiɛ 19:12

Kɛlaa, di gulɔ a nwun a lii ɲąnwąną; di doo nɔi ɓa, hvaŋą ə həɠə hvóló kulɔi pələ, ə maɠaa kpala ma; nwonwo kpɛa kpɛaɠaai tii di kpala, nwɔ̨n ə di kələn.

Izikiɛ 19:14

Kɛlaa, nwɔ̨n ə kulɔ nwonwo lon ɉu, ə nwonwoɠaa da maɠaa kəlee kələn. Viɲə kpɔmɔi tii nwonwo ta hvo kɛa laa a ɉuwala walaa, yɛ pɛli kɛi a tɔɔ tunwɔ̨n. Wɔlɔ woo li, da doo a wɔlɔ wələ.

Izikiɛ 21:10

Nu kəlee kaa pai gili kɔ́lɔn ɉi la ti, diɛ kɛ ɲą́ą́ Yai-Laa, ɲą́ą́ ɓə ŋą́ kɔ́ kɔ́ ɓɔwai kulɔ daa hu, ɛlɛɛ, hva kɛa pənə hvo lɔ laa.›

Izikiɛ 21:13

Yai-Laa woo ə həli nwɔ̨nɔ̨ mą́ą́:

Izikiɛ 31:3

Ə́ kaa yɛ Liban kpitili, nwonwo hu wia, nįnįn ɉu kɛnɛ̨, a hɛan gɛnɛ̨, yai don na ə kɛi hee tulɔ kpinįn ma.

Danîa 4:11

Ə kɛi tomą kpɔ a nwoo kɛnɛ̨ yɛ kɛ mą: Ka nwului ŋɛ̨i pɔn, ka ɉonwoɠaa hu tee, ka naa kulɔ ma, ka maɠaa hu taɠa-taɠa. Ɉuwɔɠaai da kɛ pɛlɛi mu, di taɠa-taɠa. Nwɛ̨niɠaa diɛ kpɛli, di kulɔ naa hu, di taɠa-taɠa.

Levetekɔ 23:40

Voló dɔlɔɔ yələ, ka pa a ka wɔ hihɛnŋąąi má lɛlɛɛɠaa, ka pa a gwala laa, a wulu laa nwunu, da yá-kwɛlɛ-ɓɔɔ laa. Ka kɛi pa, ka pa a ka kwəinɛ̨ɛ̨ voló mɛ̨ihveelɛi tii kəlee yee mu; Yai-Laa ka wɔ Yálái lííla.

Lonon mo 24:17

«Gáá mɛ̨nį kaai, Kɛlaa yiihu mɛ̨nį hvə li, gáá mąąkpɛɛi, kɛlaa ɲɛ̨́i mu mɛ̨nį hvə li. Pɛmɛ̨lɛ̨n-gɔw ta kaa kulɔi Ɉakɔbə huwu hu. Yɛ kɛ a tɔɔmun; tɔɔ hvili kaa muhəɠəi Israɛlə hu. Yɛ Moabə laa kpaɠa yali. Yɛ Sɛtə lonnii kəlee paa.