Izikiɛ 18:9 - Yálá laawoo hɛɓɛ (dc)

⁹ yɛ nwɔ́ tiɓoɠaai pɔ hiɛ ɓo, yɛ nwɔ́ tɔ́n nwooɠaai hon, yɛ lɛɛ la tii tɛ̨ą pulu; tələnmomun ni, mąą nu kaa pai lɛɛi yɛnɛ̨ɛ̨; ɲą́ą́ Mɛ̨nį kəlee ŋą Hééɓomun Yálá, nwóó li.

Yálá laawoo hɛɓɛ

⁹ yɛ nwɔ́ tiɓoɠaai pɔ hiɛ ɓo, yɛ nwɔ́ tɔ́n nwooɠaai hon, yɛ lɛɛ la tii tɛ̨ą pulu; tələnmomun ni, mąą nu kaa pai lɛɛi yɛnɛ̨ɛ̨; ɲą́ą́ Mɛ̨nį kəlee ŋą Hééɓomun Yálá, nwóó li.

Bible

⁹ gɛ ŋáɔɔ̂i tɔ̂ŋ mɛi kâa, gɛ sia a ŋatɔ̂ŋ lá-woo. M̀aa ǹúui tí káa a teniŋ ƃo nuu vé pâi saâi.” Ńyãai a Ŋ̀wála-wâla kélee Yâwɛɛi, ńyãa ƃe mò tí.

Izikiɛ 18:9 ပူးပေါင်းရင်းမြစ်များ

Tɔɔɓɛlaa dɔlɔɔ 9:4

Ə́ wɛi, akɛ yá hiɛ ɲɛ̨́i ɓa yɛ bələi ə́ nąn Davidə ə gɛ la, a kwəi kwələlaa, ə́ tələnmoɔ, yɛ túwɔ́ yɛ bələ ŋą́ ə́ tí la, yá ə́ yee kanąn nwɔ́ tɔ́n nwooɠaai diɛ, da nɔi hon bələi ŋą́ nɛ,

Hanwon 12:28

Tələnmo pələ mɛ̨i ɓə yíipoo a hɔlɔɓo ɉu; bələ yili ɓə hva nu lɔ haa hu.

Izikiɛ 11:12

Ɲələ, ka gɔlɔn kaa diɛ; ɲą́ą́ ɓə gáá a Yai-Laa, ɲą́ą́ ŋɛ̨i ka hvo gɛ ka hvo lɛɛ nwɔ tɔ́n nwooi mui, ka hvo ŋą́ tiɓoɠaai kɛ li. Mąąhɔlɔɓo, kaa hvilɛn ka kwɛlɛ taaɠaa túwɔ pələ pulu.»

Izikiɛ 18:10

«Kɛlɛɛ nui tii lon a kɛ a nu paa mun, ɲee ə ɓo lɔ ɲąmą pu mɛ̨nį hu, yɛ mɛ̨nį ɲɔ̨nŋaai tii ta kɛ,

Izikiɛ 18:17

yɛ ɲee kulɔ hulu mɛ̨nį hu, hva kwələ kulɔ hon hvo dɛɛ yii ə dɔɔ mą, hva tɔ̨nɔ̨ hɔlɔɓo a hulu; yɛ nwɔ́ tɔ́n nwooɠai hon, yɛ nwɔ́ tíɓoɠaai pɔ hiɛ ɓo, mąą lon tii hva haa nąn nwɔ nɛ̨ŋɛ̨nŋaai mąą mɛ̨nį ɓa; a lɛɛ yɛnɛ̨ɛ̨, yili ɉəɠə mąą hvo mą.

Izikiɛ 18:19

«Ka káá kɛi diɛ: Lə mɛ̨nį ɓa yai lon va nąn nwɔ nɛ̨ŋɛ̨n bulu mɔ̨nɔ̨ mįi? Mąąhɔlɔɓo, non ə tələnmo yii ɓo, yɛ túwɔ a ɉaŋaa; ə nwɔ́ tɔ́n nwooɠaai kəlee pɔ mɛ̨nį kɛ; yili mąą mɛ̨nį ɓa, a lɛɛ yɛnɛ̨ɛ̨.

Izikiɛ 20:11

Ŋą́ nwɔ́ tiɓoɠaai tɛɛ di pɔ, ŋą́ nwɔ́ tɔ́nŋaai lɛ diɛ, ə gɛ nuąi da di pɔ mɛ̨nį kɛ, di yɛnɛ̨ɛ̨ kpɛɛ hvo mą hɔlɔɓo.

Izikiɛ 20:13

Kɛlaa, Israɛlə nwɔ pɛlɛ́i mu nuą di kulɔ nwóó mu nɔi pun ɉu. Di hvo nwɔ́ tiɓoɠaai pɔ hiɛ ɓo, nwɔ́ tɔ́nŋaai tii da yɛnɛ̨ɛ̨ kpɛɛ hvo mą tɛɛ di pɔ mɛ̨nį kɛ nuą pɔi, di di yee kulɔ di mu. Di kɛ lɔ nwɔ́ hvįįtɔɔ yələɠaai yali mɛ̨nį hu, gɛ kɛa kɛ diɛ, gáá nwɔ́ liiholii yɛɛi di mɛ̨i nɔi pun ɉu, gɛ́ di paa.

Izikiɛ 33:15

ɉɛn di dolaa hee mą, a pənə a dɛɛ, yɛ nwuɔ̨ hɛn bənə yɛ dɛɛ, yɛ túwɔ a yɛnɛ̨ɛ̨ nwɔ tɔ́nŋaa, yɛ túwɔ pələ ɲɔ̨n maa laa, mąą nu a lɛɛ yɛnɛ̨ɛ̨, hea hvo ɉu, hvo pai haai.

Izikiɛ 36:27

Gáá pai gbɔ́ kpɔɔ Kilii lɔi ka hu, gáá pai gɛi, kaa hiɛ a nwɔ́ tɔ́n nwooɠaai; kaa ka yee kɛ nwɔ́ lɔi hu yíi ɓo pələ ɓa, kaa túwɔ la tii.

Izikiɛ 37:24

Nwɔ́ tí mun Davidə ɓə pai kɛi tɔɔlaa kɛi di mɛ̨i; di kəlee di mɛ̨i kaa mun ə ɓo tanɔ̨n. Di kaa pai kɛi hiɛi a nwɔ́ lɔi hu yíi ɓo pələ, diɛ lɛɛ nwɔ́ tɔ́n nwooɠaa pulu, diɛ di pɔ mɛ̨nį kɛ.

Levetekɔ 18:5

«Ka nwɔ́ tɔ́n nwooɠaa da yɛnɛ̨ɛ̨ kɛ pələ hon bələ mąą yɛlɛ kɛ. Nui a di hon, a yɛnɛ̨ɛ̨ kpɛɛ hvo mą hɔlɔɓo. Ɲą́ą́ ɓə gáá a Yai-Laa.

Amɔsə 5:14

Yili ɓa, ka mɛ̨nį lɛlɛɛ kɛ, ka mɛ̨nį ɲɔ̨n nɛɛ laa. Yili ɓə a gɛ, ka lɛɛ yɛnɛ̨ɛ̨. Ɛlɛɛ, Yai-Laai, gaa a Mɛ̨nį Kəlee ŋą Hééɓomun Yálá, ɛlɛɛ ka pɔ a neelee, yɛ bələi ka mo la.

Amɔsə 5:24

Kɛlaa, yii gáá bɔ, ya ɓaa: Mɛ̨nį haŋąą ə kɛ ka lɔwai, yɛ pələi ya lee a kɛ tɛɛi la. Tələnmolaa yɛ hiɛ ka lɔwai, yɛ ya ton yii hva kpala.

Amɔsə 5:4

Mɛ̨nį Yai-Laa ə mo Israɛlə nu huwu diɛ, ya ka, yɛ diɛ: Akɛ ka hvo bɔ ka hvo haa, ɲą́ą́ ɓə mąąnɛɛ ka pa bɔ́.

Habakukə 2:4

Bɛ̨ɛ̨ yɛ diɛ: Nui nwɔ kiliŋąhiɛ ɲɔ̨nwɔ̨ɔ̨i a too, Kɛlaa, nui tələnmoɔ a yɛnɛ̨ɛ̨ kɛ, nwɔ tələmo laa haalai.

Lukə 1:6

Zakari da nɛ̨ą Elisabɛtə di kɛ a nu haŋąaɠaa Yálá ɲɛ̨i ɓa, diɛ Yálá nwɔ liɛwooɠaa hon gbɔ kpaan.

Ɉaan 14:21

«Nui a nwɔ́ liɛwooɠaa hon, ə bɔ mɛ̨nį kɛ, mąą nu tii ɓə nwɛ́li kaa mąą, yaan, nui a nwɛ́li la kɛ Ną́n Yálá a nwɛ́li la kɛ, ɲą́ą́ gbɛli ŋą mąą nu wɛli la kɛ ŋį́ gbɔ́ɔ́ lɛ mą ponoŋą.»

Gɛlaɠaa 24:16

Yili mąą mɛ̨nį ɓa, ŋį́ gbinįlee, ŋą́ tɔɔ a nwąnąi gɛ́ níi laa hɔnmo, mąąkulɔi hva kɛ mą, Yálá da nu kanŋaa di ɲɛ̨i ɓa.

Lomaŋ 1:17

Yaan, bələi Yálá a nu kɛ la a tələnmomun yaa kpinįi ɲɛ̨i ɓa, nwɛlɛɛ lɛlɛɛ ɓə a yili lɛ. Ə həɠə gɔwɔ tɔɔi lɔwai ɓa, ə lɛɛ ɉu ɲąąkpɛɛi lɔwai, laa na laa lɔ ɓə. Yɛ bələi bɛ̨ɛ̨i la, diɛ kɛ mą: Nui tələnmoɔ a yɛnɛ̨ɛ̨ kɛ, nwɔ laa na laa háálai.

Lomaŋ 8:1

Yiihu kɛa, nuąi di kaa Jesus Kristə hu, nwun na pili hvo kɛa diɛ.

Dutɛrɔnome 11:1

Ka Yai-Laa ka wɔ Yálái wɛli la kɛ, nwɔ tíɓoɠaa nwɔ yɛnɛ̨ɛ̨ mąą tɔ́nŋąą, da nwɔ yɛnɛ̨ɛ̨ hon bələɠaai gáá dɛɛi ka pɔi, ka di kɛ a yələ kəlee.

Dutɛrɔnome 4:1

Yii hu kɛa, Israɛlə nuą, ka ka wəli tɔɔ dɔ́nŋąą da yɛnɛ̨ɛ̨ yíi ɓo pələi gáá dɛɛi ka pɔ mą. Mɛ̨nįɠaa tii pɔ pələ ɓə ka pɛli lamui la yɛnɛ̨ɛ̨; ɛlɛɛ, nɔi tii Yai-Laa ka nąnni di wɔ Yálá kaa dɛɛ ka pɔ, ka ɉɔlɔɓo a ka wɔ.

Dutɛrɔnome 5:1

Moisə ə Israɛlə lonnii kəlee təli, yɛ diɛ: «Israɛlə lonnii! Ka ka wəli tɔɔ dɔ́n nwooɠaa da nɔi hu yíi ɓo pələɠaa ɓa, yii gáá dɛɛi ka pɔ háákələi! 'Ka di mąąkwɛli, 'ka bɔ mɛ̨nį kɛ.

Dutɛrɔnome 6:25

Bələi gwa kɛ la a tələnmo nuą, bələ ka tii; Ya ɓaa gu nwɔ tíɓoɠaai tii kəlee kɛ Yai-Laa gu wɔ Yálái ɲɛ̨i ɓa, yɛ bələi ə gu tí la.»

Zɔ̂ŋ Maa-ŋuŋ 2:29

Yii kani ká gbaɠala kɔlɔn káá ɉaŋąąi, ká kili ə pu kani ɉu káá, nui a mɛ̨nį haŋąą kɛ, yaa kpɛli, a tɛ̨ą lon.

Zɔ̂ŋ Maa-ŋuŋ 3:7

Nónnii pɛlɛɛɠaa, nui lɔpee ta hvo ká lan. Nui a tələnmo tuwɔ ɓo, dələnmoɔi, yɛ bələi yaa tii a Jesus dələnmoɔi la.