Izikiɛ 18:8 - Yálá laawoo hɛɓɛ (dc)

⁸ hva kwələ tɔɔ a tɔ̨nɔ̨ hɔlɔɓo pələ ɉu, hva kwələ kpɛ a da laa pələ mɛ̨i, yɛ ɲee kulɔ hulu mɛ̨nį hu; yɛ nuą lɔwai mɛ̨nįɠaa ɓo a tɛ̨ą,

Yálá laawoo hɛɓɛ

⁸ hva kwələ tɔɔ a tɔ̨nɔ̨ hɔlɔɓo pələ ɉu, hva kwələ kpɛ a da laa pələ mɛ̨i, yɛ ɲee kulɔ hulu mɛ̨nį hu; yɛ nuą lɔwai mɛ̨nįɠaa ɓo a tɛ̨ą,

Bible

⁸ a kpa pili va geni pɛlɛ ma, ńyee fé mɛni nyɔmɔɔ sîi da su, gɛ ǹûa loai kpɛtɛ a teniŋ ƃo pere,

Izikiɛ 18:8 ပူးပေါင်းရင်းမြစ်များ

Samia Veerɛi 22:24

Ŋą́ gwə́i kwələ Yai-Laa ɓa. Ŋą́ gbɔ́ɔ́ laa hɔn mo mɛ̨nį ɲɔ̨n gəlee tɔwɔ.

Nehemi 5:15

Nɔi ɲąąwooɓo nuą tɔlɔɔ-tɔlɔɔɠaai kɛ dɔ́wɔ, di kɛi too nɔi lonnii mɛ̨i, diɛ kɔ̨nɔ̨n gulɔ di yəi, da lɔɔ, ɛlɛɛ yili pulu diɛ wali kwələ pow nąąn ɉəɠə di yəi. Di yee pɔ nuą kpɛli mąn, di kɛi hee nuą mɛ̨i. Kɛlaa nwɛi, və́ tíwɔ́ tii, mąąhɔlɔɓo, ŋį́ ɲɔw Yálá ɓa.

Mąątɛ̨nɛ̨ 15:5

Hva kwələ tɔɔ a tɔ̨nɔ̨ hɔlɔɓo pələ ɉu, hva kwəi kwələmun ŋą hɛn gulɔ ɲəi, əgɛ, yili yee ə lɛɛ ɉu. Nui a túwɔ́ tii, dɔɔi lɔ gbilin a yələ kəlee, hva dumo dɔɔi.

Lɛɛ gbɔwɔ ɓa 22:25

«‹Ya ə́ heeyɔwɔ ta ŋią biliɉu hon ɲəi a tolaa, pənə ə́ dɛɛ bɔ, gɛɛ yələ hvo wulu.

Hanwon 28:8

Nui a nwɔ hɛn gɔw ta pɛlɛ mą a hvulu, gaa ɉɛn gɔwi tii tɛi gee mɛ̨i a mąąwɛli nuą mąąkpɔnmąą ɓomun nwɔɔ.

Azaya 1:17

'Ka mɛ̨nį lɛlɛɛ kɛɛ mąąkwɛli, 'ka ka kwəi kwələ, 'ka heemɛ̨i laa kulɔ ka lɔwai, 'ka təlilon ɉon a kwəi kwələ laa, 'ka kalanin dɔɔ bulu kɛ.

Azaya 33:15

Nui a túwɔ́ a tələnmolaa, yɛ hvaa, lɛɛ hva kɛ ɉu, yɛ lənə hvulu hɛn ɉɔlɔɓo mɛ̨nį ɓa, yɛ ɲee kulɔ nɔgwəi mɛ̨inɛ̨ɛ̨ mu, yɛ nwəli laa kpulu, ə gɛ hvo pa nu paa nwun dɔɔ hu woo mɛ̨n; yɛ ɲɛ̨i laa kpulu, ə gɛ hvo pa mɛ̨nį ɲɔ̨n gaa.

Ɉeremi 15:10

Éékə́ néé! Lə mɔ̨nɔ̨ ɓə ŋɛ̨i ə́ naa mą́ą́i! Yɛ́ li gáái a lon? Ɲą́ą́ ŋɛ̨i ŋą́ą́ kɛ a nui nɔi kəlee a naa hea too, diɛ tɔɔ na; Və́ kwələ həɠə li, və́ kwələ tɔɔ li, Kɛlaa, ə mą kɛ tii, nu kəlee kaa nɛ́ŋɛn naai.

Izikiɛ 11:12

Ɲələ, ka gɔlɔn kaa diɛ; ɲą́ą́ ɓə gáá a Yai-Laa, ɲą́ą́ ŋɛ̨i ka hvo gɛ ka hvo lɛɛ nwɔ tɔ́n nwooi mui, ka hvo ŋą́ tiɓoɠaai kɛ li. Mąąhɔlɔɓo, kaa hvilɛn ka kwɛlɛ taaɠaa túwɔ pələ pulu.»

Izikiɛ 18:13

Yɛ tɔ̨nɔ̨ kwɛli kwələ tɔɔ hu, yɛ tɔ̨nɔ̨ hɔlɔɓo a hulu, mąą lon a pɛli lɛɛi yɛnɛ̨ɛ̨? Hva lɛɛ yɛnɛ̨ɛ̨. Ə mɛ̨nį ɲɔ̨n ɉuwui tii kəlee kɛ, gaa pai haai ɉəɠə mąą hvo ɉu; ɲąmą wulu ə lɛɛ gbɔwɔ nwuɔ̨.

Izikiɛ 18:17

yɛ ɲee kulɔ hulu mɛ̨nį hu, hva kwələ kulɔ hon hvo dɛɛ yii ə dɔɔ mą, hva tɔ̨nɔ̨ hɔlɔɓo a hulu; yɛ nwɔ́ tɔ́n nwooɠai hon, yɛ nwɔ́ tíɓoɠaai pɔ hiɛ ɓo, mąą lon tii hva haa nąn nwɔ nɛ̨ŋɛ̨nŋaai mąą mɛ̨nį ɓa; a lɛɛ yɛnɛ̨ɛ̨, yili ɉəɠə mąą hvo mą.

Izikiɛ 22:12

Da mɛ̨inɛ̨ɛ̨ hon ə́ pɔɔli, ɲąmą pu mɛ̨nį ɓa; yá kɛ hɛnŋaa hɔ̨nwɔ̨ kɛnɛ̨i ə́ pɔɔli, yɛ́ dɛɛ ɲɛn ɉu. Yɛ́ ə́ yee pənə ə́ hee yɔwɔ hu a wea mɛ̨nį; ɛlɛɛ nwɛi, yɛ́ lɛ̨ą mą́ą́. Mɛ̨nį kəlee ŋą Hééɓomun Yálá woo li.

Levetekɔ 19:15

«'Hvó kiti tee a hulu, 'hvo tɔɔ nu ta pulu nwɔ mąąwɛlilaa ɓa, nu kɛnɛ̨ ta hvo ə kilimąą pənə, kɛlaa, nuą kiti tee a tələnmolaa.

Levetekɔ 19:35

«'Ka hvo hvulu kɛ hɛnŋąą kɔɔn ɉi: yɛ ə kɛ a gwɛa yee, yɛ ə kɛ a wiɛ pələ, ə mą kɛ, gəgən ɉu.

Zakari 8:16

Dɔnŋaai mąąnɛ̨ɛ̨ ka di kɛ, diɛ ka: 'Ka tɛ̨ą ɓo ka kee ɓa, ka kɛi kiti tee, 'ka dee a ɉąŋąą, ə́ gɛ, diɛ pɛli pənəi diɛ pa a liilaa.

Zakari 8:19

Nwooi Yai-Laa Mɛ̨nį Kəlee ŋą Hééɓomun ə mo mą́ą́, ya ka, yɛ mą́ą́: Ɲąnin nąąn nąą nwɔ hin nɔ kuu, ɲąnin nɔɔli nąą nwɔ hin nɔ kuu, ɲąnin mɛ̨ihveelɛnąą nwɛi, da ɲąnin bow nąą nwɛi, gəlee kaa pai kɛi a Ɉuda nwɔ pɛlɛ́i mu nuą di wɔ kwəinɛ̨ɛ̨ kulɔ hvóló, di wɔ mąną kaa hvólóɠaa, da di wɔ hɛli pu hvólóɠaa. Kɛlaa, tɛ̨ą da liilaa, di wɛli ə kɛ kaa.

Dutɛrɔnome 23:21

Ka kwələ tɔɔ nwɛ̨ą ɓa, ka kɛi gbɛ, ka tɔ̨nɔ̨ laa mɛ̨i. Kɛlaa, ka hvo gwələ taalə yili ta tɔɔ ka kaayɔwɔ ta ɓa. Ə gɛ Yai-Laa ka wɔ Yálá yɛ pɛli lúwɔ́ tooi ka kɛ kólóɠaa diɛ nɔi tii ka káá lɔi ɉu kaa hee laa.