Izikiɛ 18:22 - Yálá laawoo hɛɓɛ (dc)

²² Di hva kɛa di kiliŋąhiɛ nwɔ kulɔ nwoo mu laai lɔpee ta ɓa, kɛlaa dəlimo laai tii ə gɛ, yili mąą mɛ̨nį ɓə gaa pai lɛɛi la yɛnɛ̨ɛ̨.

Yálá laawoo hɛɓɛ

²² Di hva kɛa di kiliŋąhiɛ nwɔ kulɔ nwoo mu laai lɔpee ta ɓa, kɛlaa dəlimo laai tii ə gɛ, yili mąą mɛ̨nį ɓə gaa pai lɛɛi la yɛnɛ̨ɛ̨.

Bible

²² Ǹyaŋ ŋɔ mɛni nyɔmɔɔ-ŋai da kili fé pâi lɛ̂ɛi ŋá. A pâi lɛ̂ɛi ɣele ma ŋɔ mɛni lɛ́lɛɛi maa mɛ̂ni ma.

Izikiɛ 18:22 ပူးပေါင်းရင်းမြစ်များ

Tɔɔɓɛlaa dɔlɔɔ 17:18

Nokoloi nee yɛ Eli ɓa: «Yálá nwɔ nu! Lə mɛ̨nį ɓə gwa yɛ́ gu lɔwai? Ə́ lɔ ɲə́i bɛlɛ́n nwɔ́ nɛ̨ŋɛ̨nŋąą kili too mɛ̨nį ɓa Yálá ŋą, da nón nwun napili mɛ̨nį?»

Kɔlɔnikɔ Veerɛi 6:23

'Lɛɛ yələ kɔ́lɔn ɉu, ə́ ə́ wəli tɔɔ, ə́ ə́ kɛ mɛ̨nį kɛ ɉu, ə́ di lɔwai woo ɓo, nui ɉɔn gɛ, ə́ ɉutɔɔ a nwɔ nɛ̨ŋɛ̨n yɛɛ yá mo a nwun; ɛlɛɛ, ə́ tələnmomun ŋą tələnmolaa too pɔ̨nɔ̨ ŋą, ə́ ɉon, yɛ bələi dələnmoɔ la.

Mąątɛ̨nɛ̨ 103:12

Bələi lɔ hvóló həɠəi mąąkwɛaa la hvóló tooi ɓa, bələ lɔ ɓə a gu hɔn mąąkwɛa la guɔ.

Mąątɛ̨nɛ̨ 19:11

Viɛlaɓɔɔi ə tɛɛ hɛni ɓa, dɛɛ kpɔ hɛni waa kpulu tamąą ɓa. Nɛ̨ɛ̨i dɛɛ kwɛ̨inwulɔ ɓa, dɛɛ kpɔ kwɛ̨i gulaa nįnɛ̨ ɓa.

Mąątɛ̨nɛ̨ 25:7

'Hvó kɛa ə́ kili lɛɛ, múhəɠɛɛ yələ nɛ̨ŋɛ̨ŋaa diɛ, da nwɔ́ túwú pələ ɲɔ̨nŋaa, Kɛlaa, ə́ kiliŋąhiɛ ə́ vilɛn mą́ą́ ə́ wɔ ɲɛ̨imąąwɛlikaa hu, Gbala ə tɔɔ, Yai-Laa, yɛ́ mɛ̨nį lɛlɛɛi.

Mąątɛ̨nɛ̨ 51:1

Nwələ ɲɛ̨itɔwɔmun. Davidə nwɔ wələ.

Azaya 43:25

Kɛlaa, nwɛ́i, bələi gɛ́ pələ kaa la a wɛlikɛmąąlaa, yili ɓə a gɛ gɛ́ ə́ wɔ kulɔ nwoomuɠaai lɛɛ yɛ́ a kpɛli, ɛlɛɛ, vá ə́ wɔ túwɔ́ pələ ɲɔ̨nŋąąi kili lɛ ɲą́.

Ɉeremi 31:34

Di hvo kɛa pai kɛi di kee ni mąąkwɛlii di kee lɔwai. Nu ta hva kɛa kɛ nąn non ma: ‹Ka Yálá kɔ́lɔn bələ mąąkwɛli›. Mąąhɔlɔɓo, di kəlee di kaa pai gɔ́lɔn ɉii; nu kpɛa kpɛaa mąn, nɛapɛlɛɛ mąn. Ɲą́ą́ Yai-Laa nwóó li! Ŋą́ di wɔ nɛ̨ŋɛ̨nŋaa mąą hvaalɛɛ, ŋį́ gíli kulɔ di hɔn ɉu.»

Ɉeremi 50:20

Nąąlɔwai, ɲələ lee lee tii, di kaa pai kɛi di ɲɛ̨i laai a Israɛlə nwɔ túwɔ́ pələ ɲɔ̨n, di hva kɛa gaa, da Ɉuda nwɔ nɛ̨ŋɛ̨nŋaai, di hva kɛa di kaa; Mąąhɔlɔɓo, nuą gbəliɠai da lɛɛ yɛnɛ̨ɛ̨, ŋą di mąąhvaalɛɛ, Ɲą́ą́ Yai-Laa nwóó li!

Izikiɛ 18:24

Kɛlaa, tələnmomun yii a ɲee kulɔ tələnmo yíi hu, yɛ túwɔ pələ ɲɔ̨n gulɔ; dúwɔ pələ ɲɔ̨n gbɛa kpɛaɠaai nu ɲɔ̨nwɔ̨ɔ̨ɠaa di kɛi gulɔ, yɛ di kɛ, a kɛi yiliɠaai kɛ, a mɔ̨ɔ̨ pɛli lɛɛ yɛnɛ̨ɛ̨? Dələnmo túwɔi kpɔ ə mo, gili hva lɛɛ nuą ŋą; nwoo kalai ə mo da nɛ̨ŋɛ̨n ə ɉəɠə, yili mąą mɛ̨nį ɓə pai gɛi yɛ haa.

Izikiɛ 33:16

Nɛ̨ŋɛ̨nŋaai ə gɛ, di hva da wulu lɛɛ nwuɔ̨, ə tɛ̨ą mɛ̨nį kɛ da tələnmolaa; yili mąą mɛ̨nį ɓa, gaa pai lɛɛi yɛnɛ̨ɛ̨.

Mise 7:19

Gaa nwɔ̨nɔ̨ pai pənəi yɛ ku hon a lii nɛ̨ɛ̨ gwəi laa, yɛ ku wɔ nɛ̨ŋɛ̨nŋaa kiin-giin gɔwɔ mu; yɛ nɛ̨ŋɛ̨n gəlee pili gboloyá kpon gbala.

Lomaŋ 8:1

Yiihu kɛa, nuąi di kaa Jesus Kristə hu, nwun na pili hvo kɛa diɛ.

Hebreu 8:12

Gbala ə tɔɔ, ŋą́ mɛ̨inɛ̨ɛ̨ kɛ diɛ, ŋį́ di kɛ mɛ̨nį ɲɔ̨nŋaa mąąhvaalɛɛ, ŋį́ di wɔɔ nɛ̨ŋɛ̨nŋąa kəlee naa kili kpɛɛ ɲą́.»

Zɔ̂ŋ Maa-ŋuŋ 3:7

Nónnii pɛlɛɛɠaa, nui lɔpee ta hvo ká lan. Nui a tələnmo tuwɔ ɓo, dələnmoɔi, yɛ bələi yaa tii a Jesus dələnmoɔi la.