Izikiɛ 18:21 - Yálá laawoo hɛɓɛ (dc)

²¹ «Nu ɲɔ̨nwɔ̨ɔ̨ yaan a bulu tɔɔ gɛ nɛ̨ŋɛ̨nŋaa diɛ, yɛ nwɔ́ tiɓoɠaai kəlee pɔ mɛ̨nį kɛ, yɛ hiɛ a ɉaŋaa, a kwəi kwələ laa, mąą nui a lɛɛ yɛnɛ̨ɛ̨, ɉəɠə mąą hvo mą.

Yálá laawoo hɛɓɛ

²¹ «Nu ɲɔ̨nwɔ̨ɔ̨ yaan a bulu tɔɔ gɛ nɛ̨ŋɛ̨nŋaa diɛ, yɛ nwɔ́ tiɓoɠaai kəlee pɔ mɛ̨nį kɛ, yɛ hiɛ a ɉaŋaa, a kwəi kwələ laa, mąą nui a lɛɛ yɛnɛ̨ɛ̨, ɉəɠə mąą hvo mą.

Bible

²¹ “A kɛ sɔnyɔ̂ŋ nuu a bôlu tɔɔ ŋɔsɔnyɔ̂ŋ mâ é ŋá tɔ̂ŋ ŋai mɛi káa é sia a teniŋ ƃo pere, a pâi lɛɛ tí-ti ƃôi ɣele ma. Vé pâi sâai.

Izikiɛ 18:21 ပူးပေါင်းရင်းမြစ်များ

Zɛnɛse 26:5

Mąąhɔlɔɓo, Abrahamə ə nwóó mɛ̨n, ə nwɔ́ tɔ́nŋąąi hon, da bɔ liɛwooɠaa, ə́ nwɔ́ tiɓoɠaa kɛ.»

Mąątɛ̨nɛ̨ 119:1

Nuąi di yíi pələ mąąkulɔi hvo mą, di nwun na nɛ̨ɛ̨i, a diɛi da hiɛ a Yai-Laa nwɔ tɔn nwooi.

Mąątɛ̨nɛ̨ 119:112

Ŋą́ tɔɔ a nwą́ną́i, gɛ́ ə́ wɔ tɔn nwooɠaai pɔ yíiɓo, Və́la li a yələ kəlee.

Mąątɛ̨nɛ̨ 119:80

'Gɛ ŋą́ hvilɛn ə́ tɔn nwɔ nwooɠaai pulu a neelee, əgɛ, nwumɛ̨ hvo pa tɛ a ɲą́ą́.

Hanwon 28:13

Nui a ɉɔn noo, hva tɛ tɔwɔ. Kɛlaa, nui a hvaa ɉɔn ma, ə kpəla mą, mąą nu ɓə Yálá a ɲɛ̨imąąwɛli kaa.

Ɉeremi 18:8

Kɛlaa lɔi yii a túwɔ́ pələ ɲɔ̨n gɛ, ə nwɔ́ liiɲąnwąną muhəɠə, nɔi tii a bulú tɔɔ ɉɔn ma, mɛ̨nįi ŋą kɛi pa naai mą, ŋą ɉəɠə mą.

Ɉeremi 26:3

Gbəli hu, di kaa pai di wəli tɔɔi, diɛ di pulu tinɛ̨n tɛitɛi di wɔ túwɔ́ pələ ɲɔ̨n ɓa, mɛ̨nį ɲąąnwąnąąi gwə́i gɛ́ kɛ ŋį́ naa diɛ, di kɛ mɛ̨nį ɲɔ̨nwɔ̨ɔ̨ɠaa mąą mɛ̨nį ɓa, gɛ́ pɛli nɛɛi laa.

Izikiɛ 13:22

Yii ka kɛ tələnmomun ɉupui mą a lɛɛ wooɠaa, ya pa ɲą́ą́i vá gwəi pili mą; yii ka kɛ wɛa mun ɲee kɔ́n gɛi ɉu, ɛlɛɛ hva ɲee kulɔ nwɔ tuwɔ pələ ɲɔ̨n hu, yɛ pɛli yɛnɛ̨ɛ̨ hɔlɔɓoi.

Izikiɛ 18:17

yɛ ɲee kulɔ hulu mɛ̨nį hu, hva kwələ kulɔ hon hvo dɛɛ yii ə dɔɔ mą, hva tɔ̨nɔ̨ hɔlɔɓo a hulu; yɛ nwɔ́ tɔ́n nwooɠai hon, yɛ nwɔ́ tíɓoɠaai pɔ hiɛ ɓo, mąą lon tii hva haa nąn nwɔ nɛ̨ŋɛ̨nŋaai mąą mɛ̨nį ɓa; a lɛɛ yɛnɛ̨ɛ̨, yili ɉəɠə mąą hvo mą.

Izikiɛ 18:19

«Ka káá kɛi diɛ: Lə mɛ̨nį ɓa yai lon va nąn nwɔ nɛ̨ŋɛ̨n bulu mɔ̨nɔ̨ mįi? Mąąhɔlɔɓo, non ə tələnmo yii ɓo, yɛ túwɔ a ɉaŋaa; ə nwɔ́ tɔ́n nwooɠaai kəlee pɔ mɛ̨nį kɛ; yili mąą mɛ̨nį ɓa, a lɛɛ yɛnɛ̨ɛ̨.

Izikiɛ 18:30

Yili mąą mɛ̨nį ɓa, gáá pai ka tɛi tɛi ka kiti teei ka túwɔ pələ mąą mɛ̨nį ɓa, Israɛlə nwɔ pɛlɛ́i; ɲą́ą́ Mɛ̨nį kəlee ŋą Hééɓomun Yálá, nwóó li. Yili ɓa, 'ka pənə ka pa, 'ka ká pulu tinɛ̨n ka wɔ kulɔ nwoo mu laai ɓa, ɛlɛɛ, ɉɛn kɛi ka kalin yɛ ka too nɛ̨ŋɛ̨n ɉu, ka hvo nɛɛ ka lɔwai.

Izikiɛ 18:5

«Tələnmo mun da akɛi túwɔ a ɉaŋąą, a gwəi kwəlɛɛ,

Izikiɛ 18:9

yɛ nwɔ́ tiɓoɠaai pɔ hiɛ ɓo, yɛ nwɔ́ tɔ́n nwooɠaai hon, yɛ lɛɛ la tii tɛ̨ą pulu; tələnmomun ni, mąą nu kaa pai lɛɛi yɛnɛ̨ɛ̨; ɲą́ą́ Mɛ̨nį kəlee ŋą Hééɓomun Yálá, nwóó li.

Izikiɛ 3:21

Kɛlɛɛ, ya tələnmomun gili ɲą pɔ̨nɔ̨, dələnmomun ti hvo pa nəi nɛ̨ŋɛ̨n ɉəɠə; ɛlɛɛ yaan hva nɛ̨ŋɛ̨n ɉəɠə, gaa pai lɛɛi yɛnɛ̨ɛ̨; mąąhɔlɔɓo di gili ɲą pɔ̨nɔ̨, yɛ́ kpɛlimąn, yá kulɔ ɉu nɛ̨ŋɛ̨kpɛlɛɛ.»

Izikiɛ 33:19

Nu ɲɔ̨nwɔ̨ɔ̨ a həɠə nwɔ kiliŋąhiɛ ɲɔ̨nwɔ̨ɔ̨ pulu, yɛ túwɔ a ɉaŋaa, a tələnmolaa, gaa pai lɛɛi yɛnɛ̨ɛ̨ mɛ̨nį lɛlɛɛ tii ə gɛ mąą mɛ̨nį ɓa.

Izikiɛ 36:27

Gáá pai gbɔ́ kpɔɔ Kilii lɔi ka hu, gáá pai gɛi, kaa hiɛ a nwɔ́ tɔ́n nwooɠaai; kaa ka yee kɛ nwɔ́ lɔi hu yíi ɓo pələ ɓa, kaa túwɔ la tii.

Danîa 4:27

Nąąlɔwai, ə mo yɛ diɛ: «Babilonə taa kɛnɛ̨i kaa ləi, ɲą́ą́ ɓə dɔɔ, ɲá gɛ a nwɔ́ kɛnɛ̨ laa mąąwiɛ.»

Lukə 1:6

Zakari da nɛ̨ą Elisabɛtə di kɛ a nu haŋąaɠaa Yálá ɲɛ̨i ɓa, diɛ Yálá nwɔ liɛwooɠaa hon gbɔ kpaan.

Lukə 24:47

Yaan a kɛ tii, nąą hu ɓə di kaa pai hįi kəlee kalan ɉi la, əgɛ, di di túwɔ́ pələ ɲɔ̨nŋąa mąąhvalin, di kɛ nɛ̨ŋɛ̨n mąąhvaa ə lɛɛ, ə gɔɠɔ tɔɔ Ɉerusalɛmə.

Gɛlaɠaa 3:19

Yili ɓa, ka ka túwɔ́ pələ mąąhvalin, ka tinɛ̨n ka pa Yálá pɔ, ə ka wɔ nɛ̨ŋɛ̨nŋaai waa.

Lomaŋ 8:13

Mąąhɔlɔɓo, ka kɛli yɛnɛ̨ɛ̨ kɛ a kɔlɔ liiɓa, ka haa. Kɛlaa, Gilii ŋɛ̨i Yálá ə dɛɛ ka pɔ ɉaala, ka kɔ́lɔ liiɓa kɛɛ lɛɛ laa, ka yɛnɛ̨ɛ̨ hɔlɔɓo.

Zĩi 2:14

Ną́n nonnii, nu a kɛ diɛ: «Laa na laa kaa ɲə́i», a wala kɛ bɔ túwɔ́ ɓoi, yili dɔlɔ ɓaa a lə? Akɛti, naa na laa yili a pɛli nu nwun mąąɓoi?

Zĩi 2:26

Yaan bələ kpɔlɔɔ ɓə gaa la, kɔlɔi nɔ̨ɔ̨ hvə ɉu, ɉaai; laa na laai bɔ túwɔ́ hvo mą, yaa kpɛlimąn, ɉaai.