Izikiɛ 18:14 - Yálá laawoo hɛɓɛ (dc)

¹⁴ «Kɛlɛɛ nu ta a kɛ laa lon ə ɓo mą, nɛ̨ŋɛ̨nŋaai kpɔ nąn ə ɉəɠə, ə yili kəlee kaa, ɛlɛɛ, hva dúwɔ yili ta ɓo,

Yálá laawoo hɛɓɛ

¹⁴ «Kɛlɛɛ nu ta a kɛ laa lon ə ɓo mą, nɛ̨ŋɛ̨nŋaai kpɔ nąn ə ɉəɠə, ə yili kəlee kaa, ɛlɛɛ, hva dúwɔ yili ta ɓo,

Bible

¹⁴ “Kɛ́lɛ a kɛ ǹúui ŋí a lóŋ-surɔŋ maa sɔlɔ ƃo nyii pâi ǹâŋ ŋɔsɔnyɔ̂ŋ ŋai ŋí kaai é yao vé da kɛ́ ní,

Izikiɛ 18:14 ပူးပေါင်းရင်းမြစ်များ

Tɔɔɓɛlaa veelɛ 22:1

Ɉosiasə kaa kwɛlan ə kɛ mɛ̨ihaaɓa, yɛ dɔɔlaa hɔlɔɓo. Ə tɔɔlaa kɛ Ɉerusalɛmə daai a kwɛlan bow haaɓa kɔ́w tɔ̨nɔ̨. Nee laa ɓa kɛ a: Yedida, yai kɛ a Bɔskatə mun Adaya lon nɛ̨ɛ̨nu.

Tɔɔɓɛlaa veelɛ 22:2

Ɉosiasə ə hiɛ a ɉaŋąą Yai-Laa ɲɛ̨i ɓa, ə hvilɛn gbɔlɔɔ gala Davidə nwɔ pələi mɛ̨i, hvə li ŋɛ̨i hvo li ŋɛ̨i.

Kɔlɔnikɔ Veerɛi 34:21

«'Ka li ka Yai-Laa mąąni kɛ, ɲą́ą́ kwa Israɛlə nu kpəli, ə pɛlɛ la Ɉuda nuą mąą mɛ̨nį ɓa, yɛ hvilɛn na ɉɛɓɛ́i ŋɛ̨i di gaa ɉu wooɠaa mąą mɛ̨nį ɓa. Mąąhɔlɔɓo, Yai-Laa nwɔ liiholii hu kɛnɛ̨ɛ̨ ɓə, yaai yɛ ə pu ku mɛ̨i, hvo gaai, ku nąnni di hvo gɛ li di hvo Yai-Laa woo pɔ yii ɓo, yɛ bələi bɛ̨ɛ̨i la ɉɛɓɛ́i ŋɛ̨i hu.»

Hanwon 17:21

Nui a kilikpɛɛgwəi lon gaa, ya ɓə pai ɉu mɔ̨nɔ̨ mįi, nu a kɛ a ɓowomun, nąn va kwəinɛ̨ɛ̨ hɔlɔɓo.

Hanwon 23:24

Tələnmomun nąn a pili yələi a kwəinɛ̨ɛ̨. Nui a kilimąą lon gaa, a kwəinɛ̨ɛ̨ hɔlɔɓo non tii pɔ.

Azaya 44:19

Di kili hva mɛ̨nį hukpɛ, di hva kpɛli di kiliŋąhiɛ, di hvo kɛ mą: «Ŋą́ą́ háá bələ tɔ̨nɔ̨ kələn nwɔ̨n ɉu, ŋą́ą́ bələ tɔ̨nɔ̨ kɛ a gɔnɔ̨n ɲili kwɛi, ŋą́ą́ huwɔ mɔ̨n dəŋą ɓa, ŋą́ą́ mįi, ɛlɛɛ gbuɔ woloi aa lɛɛ, ya ka gáá pɛlɛi gɛ́ kwɛli hvilɛ mą!»

Ɉeremi 44:17

Bələi gaa la ku kwəi, bələ ɓə ku kaa gɛi la. Ku kaa haláá kulɔi yələkɔlɔn ɉu tɔɔ-nɛ̨ɛ̨nui ɓa, kuɔ gɔ́ a lɔɔ, yɛ bələi ku kɛi gɛ la Ɉuda taaɠaa hu da Ɉerusalɛmə daai; kuɔ-o, ku nąnni-o, kuɔ tɔɔɓɛlaai-o, da ku ɲɛ̨itɔwɔ nuą, gɛi ku kɛi mo tii, ku kɛ ku nɛ̨ɛ̨ hu, ku hvo kɛi ɲɔ̨nwɔ̨ɔ̨ kaa.

Ɉeremi 8:6

Ŋą́ nwə́li tɔɔ kpɔ a nɛlɛɛ, di hvaa woo ɲąą hvo mą. Da lɔpee hvo ɲee kulɔi nwɔ kili ɲɔ̨nwɔ̨ɔ̨ hu, yɛ diɛ: «Akɛti lə ɓə ŋɛ̨i gáá gɛi?» Nu kəlee kaa lii nwun ma, yɛ hoo aa kɛi pili kɔ́ hu.

Ɉeremi 9:14

Yili ɓa, Yai-Laa Mɛ̨nį Kəlee ŋą Hééɓomun, Israɛlə nwɔ Yálá, yɛ diɛ: Gáá pai pilíí ɓa tɛɛi di pɔ di mį́i ŋį́ kili ya tɔɔ di la di gbələ.

Izikiɛ 18:10

«Kɛlɛɛ nui tii lon a kɛ a nu paa mun, ɲee ə ɓo lɔ ɲąmą pu mɛ̨nį hu, yɛ mɛ̨nį ɲɔ̨nŋaai tii ta kɛ,

Izikiɛ 18:15

hva haláá kɔ̨nɔ̨n mįi, ɲɛ̨i hva kulɔ Israɛlə nwɔ haliɠaai ta lɔpee pɔ; hva hvilɛn ɉee yɔwɔ nɛ̨ą pulu,

Izikiɛ 18:28

gili a pu nwɔ kulɔ nwoo mu laai kəlee hu, ɛlɛɛ, a bulu tinɛ̨n gəlee ɓa, gaa pai lɛɛi yɛnɛ̨ɛ̨, ɉəɠə mąą hvo mą, hvo pai haai.

Izikiɛ 20:18

«Ŋą́ mo di lonnii diɛ nɔi pun ɉu, gɛ́ diɛ: Ka hvo hvilɛn ka nąnni hiɛ pələ pulu, ka hvo di yii pələ pɔɔ kɔ́ɔn, ka hvo ka mąąliɓi a di wɔ haliɠaai.

Osia 7:2

Ɛlɛɛ di hvo kɛ gɔlɔn di kwəi pələ diɛ kɛ mɛ̨nį ɲɔ̨n di kaa gɛi, gáá gəlee kili lɛɛi ɲą́; yiihu, di kɛ mɛ̨nįɠaa daa di yili, di kaa ɓɛ ɲɛ̨́i mu.

Egaa 1:5

Ɲą́ą́ Yai-Laa Mɛ̨nį Kəlee ŋą Hééɓomun, gɛ́ ka ka kiliŋąhiɛ, mɛ̨nįɠaai daa həli kaa diɛ.

Egaa 1:7

Ɲą́ą́ Yai-Laa Mɛ̨nį Kəlee ŋą Hééɓomun, gáá pənəi ŋį́ mo kaa, gɛ́ ka ka kiliŋąhiɛ mɛ̨nįɠaai tii di kaa həli kaa diɛ.

Egaa 2:18

Mɛ̨nįɠaai pai kɛi, ə həɠə háákələi ɓa, ka mąąkpɛɛ kpɔ a nɛlɛɛ; voló ŋɛ̨i di Yai-Laa hee pɛlɛ́ gwɛni laa la, gaa a ɲąnin mɛ̨inąąn nwɔ hvóló pow hveelɛ kɔ́w nąąn ɲələ, nąą kili ə lɛɛ ka ŋą.

Maafîu 23:32

Akɛti, ka ka nąnni túwɔ́ pələ ɲɔ̨n tii laa kulɔ lɔ.

Piɛrə dɔlɔɔ 1:18

ká kili ə pu tii ɉu káá, di hvo kɛ ká nwun mąąɓo li, diɛ ká kulɔ ká nąnni yíi pələ ɲɔ̨nwɔ̨ɔ̨ tii yəi, a hɛn kala kaa mą, a wali, awala kɛ tii, a hɛni,