Izikiɛ 17:23 - Yálá laawoo hɛɓɛ (dc)

²³ Ŋą́ ɉi Israɛlə yee tɔɔ ton ną nwonwoɠaa kaa pai tɔɔi ma, diɛ ɓa. Kpitili ɓɔn tii kaa pai kɛi a hɛan nɛlɛɛ; nwɛ̨nį huwu kəlee diɛ yii ɉu. Di kaa pai kɛi yii nwonwo nįnįn mu.

Yálá laawoo hɛɓɛ

²³ Ŋą́ ɉi Israɛlə yee tɔɔ ton ną nwonwoɠaa kaa pai tɔɔi ma, diɛ ɓa. Kpitili ɓɔn tii kaa pai kɛi a hɛan nɛlɛɛ; nwɛ̨nį huwu kəlee diɛ yii ɉu. Di kaa pai kɛi yii nwonwo nįnįn mu.

Bible

²³ Eezuɛ yèe kpaya-kpaya-ŋai tôŋsu. Ŋ̀owo a pâi kulâi m̀a é ƃa a pâi kɛ̂i a sîda wuru sirɛ kɛ́tɛ. Ŋɔni-sĩi kélee a pâi kɛ̂i zu, dí dítaa tɔ́ɔ ǹinîŋ mu.

Izikiɛ 17:23 ပူးပေါင်းရင်းမြစ်များ

Zɛnɛse 49:10

Tɔɔ tunwɔ̨n hva kulɔ Ɉuda yəi, dɔɔhvili hva kulɔ ə́ yəi bɛlɛ́n, ə lɛɛ ɉu, nui Ɉeeɓolaa kaa a nwɔɔ yɛ pa. A yai tii, hį́i kəlee kaa pai lɛɛi nwoo mu.

Mąątɛ̨nɛ̨ 80:8

Yálá, Mɛ̨nį Kəlee ŋą Hééɓomun; pənə ə́ ku hee ku kpanɲą, ə́ ə́ ɲɛ̨i lɛlɛɛ hee kuɔ, ku kaa pai ɓaloi.

Wɛli 5:15

Gɔwɔ kaa yɛ pɛlɛ́ hɔlɔɔn yii dɔɔ a kawulu, Vilɛn ŋąą hɛni gbono mɛ̨i. Nwun nąn ŋąą mɛlaa mɛ̨i yɛ Liban yee, dɔɔ mɛ̨i kwɛa yɛ kpitili wulu.

Azaya 2:2

Gaa pai kɛi a yələ ta, gbukpui ɲɛ̨i Yai-Laa hee pɛlɛ́ kaa mɛ̨i, gaa pai kɛnɛ̨i, ə tɛɛ ɲeeɠaa diɛ, nąąlɔwai, hį́i kəlee kaa pai pai bɔ.

Azaya 27:6

Voló yiɠaai pai pai, Ɉakɔbə hamuɠaa kaa pai ɓɔn ɉi, Israɛlə kaa pai powai, dɛlinŋąą diɛ kulɔ, gaa pai yɛnɛ̨ɛ̨ laa hvɛɛi a ma.

Azaya 49:18

Ə́ ɲɛ̨i laa ə́ kwɛlɛ nąą kəlee, ə́ kɛɛ kaa: Di kəlee, di kaa di ɲąąkpɔn ɉii, diɛ pa ə́ pɔ, Yai-Laa aa gwɛla, yɛ diɛ: Yii kpɔ gáá a vúlú, Yai-Laa woo li. Ə́ kaa pai gəlee kɛi a ə́ mąą yili hɛn, yɛ́ di kɛ a ə́ hąą yili kɔ́lɔ, yɛ nɛ̨ɛ̨nui di kaa lííla nwɔ wɛli pɔ.

Ɉeremi 31:12

Diɛ ka tii pai; diɛ wələ too a kwəinɛ̨ɛ̨ Siɔn yee tona. Di kaa pai Yai-Laa nwɔ mɛ̨inɛ̨ɛ̨ɠaa pɔ. Di kaa pai kɔ̨nɔ̨n nɔi hu, lɔɔ pɔ, wulɔ da lɔɔ nįnɛ̨, ə mą kɛ, daatɛlɛɛ bɛlɛɛɠaa da gbɛa-kpɛaa. Di kaa pənəi di pu di nįnɛ̨ kɔ́lɔi, di tɛlin yɛ nɔw yɛai, da kɛ ya pui ma. Pulu hva kɛa too diɛ.

Izikiɛ 20:40

Mɛ̨nį kəlee ŋą Hééɓomun Yálá wo ka yɛ: Nwɔ́ yee mąąhəɠɛɛ, Israɛlə nwɔ yee tɔɔ mɛ̨i ɓə Israɛlə nwɔ pɛlɛ́i mu nuą kəlee kaa pai kɛi mą́ą́wiɛi laa. Di kəlee da kɛ kɛa heeni nɔi hu, nąą ɓə gáá pai ɲéé laa ka mu, gɛ́ ɲéé hee ka wɔ haláá hɛnŋaa lɛlɛɛɠaa mu; a yiiɠaai ka káá pai ɉəɠəi ka yəi hɛnŋaa lɔwai a nwɔ́ɔ́, a ɉɛnŋaai kpɔ ka káá pai kɛi gɔ́i la.

Izikiɛ 31:6

Yələi nwɛ̨nįɠaa di kɛi di taa tɔɔ nwoŋoɠaa hu, lɔwɔ huwɔɠaa diɛ di kaa mu, lɔi kpulu tamąą diɛ taa pu nįnįn mu,

Izikiɛ 36:8

Nąąlɔwai, kaai a Israɛlə yeeɠaa, ka káá pai kɛi a lɔi lɛlɛɛ, hɛn gəlee yɛ lɛlɛ laa, a nwɔ́ nu huwui Israɛlə nwɔɔ, mąąhɔlɔɓo ɉu hvo kɛa kwɛa li, yɛ pənə yɛ pa nwɔ lɔi hu.

Izikiɛ 40:2

Ə kɛ yɛ hį́i pələ, Yálá ə li a ɲą́ą́ Israɛlə lɔi hu, ə vílɛn yee tɔɔ ta ton na, ɲeei tii mɛ̨i ɉɛɠɛɛ pələ, ə kɛ yɛ pɛlɛ́ɠaa da kɛ laa a taa kɛ pələ.

Danîa 4:8

Nwului tii kɛnɛ̨ɛ kɛ, nwalawalaa. Dón yɛ kɛ ə həli yələkɔlɔn ma. Lɔi mɛ̨i nuą kəlee diɛ pɛli gaai.

Danîa 4:9

Naa lɛlɛɛ kɛ mą, ma tamąą ɉu, nu kəlee kɔ̨nɔ̨n ə kɛ ɉu, mu ɓə lɔwɔi huwɔɠaa kəlee di kɛi pa diɛ pɛlɛ laa. Naa hu ɓə yələi nwɛ̨nįɠaa kəlee di kɛi pa diɛ di taa tɔɔlaa. Nɔ̨ɔ̨-nɔ̨ɔ̨ hɛnŋaa kəlee diɛ di kɔ̨nɔ̨n ɉɔlɔɓo nwului tii hu.

Osia 14:7

Mąąpooɠaa diɛ li kwɛa la, mąą yɛ wiɛ yɛ olivə wulu, gun nɛ̨ɛ̨ yɛ tɛ yɛ Liban wəla wulu.

Osia 14:8

Nuąi kɛi hee nįnįn mu, di kaa pai yalii di pulu diɛ pa, mɔ̨nin yɛ pənə yɛ lɛlɛ diɛ, diɛ powa yɛ viɲə wulu, di laa a tɛ yɛ Liban lɔɔ.

Mise 4:1

Yələ ta kaa pai ɉəlii, tinąą, hvəlaan, Ɲeei tii Yai-Laa nwɔ pɛ́lɛ́i tɔɔ mɛ̨i, gaa pai kɛi tɔɔni yeeɠaa kəlee nwun mɛ̨i, nwun yɛ lan yee kpu kpuɠaa kəlee mɛ̨i, nu kpulu kaa pai kɛi pai laa.

Maafîu 13:32

Yaan diikpəi hihɛn gɔwɠaa lɔwai. Kɛlaa da Ɉin, a kɛnɛ̨ nwɛ̨nį yɛ pɛli daa tɔɔi ɉu.»

Markə 4:32

Kɛlaa, nu ya ɉi, a kɛnɛ̨ nwɛ̨nį yɛ pɛli daa tɔɔi ɉu.»

Lukə 13:19

Gɛ pələ a pɛli ə kɛ yɛ, hihɛn gɔw logolo tiikpə ta, yii nu ta ə ɉəɠə ə ɉin ɲəi ɲɛa. Ə ɓɔn, ə kɛ a wulu kɛnɛ̨. Nwɛ̨niɠaa di pa diɛ di taa tɔɔ ɉu.»

Ɉaan 12:24

A tɛ̨ą kpɔ-kpɔ gáá moi kaa, mɔ̨nun ɉuwi da bili, a wala haai, yaa tɔ̨nɔ̨ lɔ ɓə a kɛ lɛɛ. Kɛlaa yaamun, a haai, ya ɓə a ɓɔn na, ə kɛnɛ̨, yɛ ɓa a damąą.

Galatə 3:28

Ɉuifə mɛ̨nį hvo kɛa ɉu, Grɛkə mɛ̨nį hvo kɛa ɉu, luwɔ mɛ̨nį hvo kɛa ɉu, lɛɛgbɔwɔ ɓa mɛ̨nį hvo kɛa ɉu, hulɔnu mɛ̨nį hvo kɛa ɉu, nɛ̨ɛ̨nu mɛ̨nį hvo kɛa ɉu; gbala ə tɔɔ, ká kəlee káá kɛ kɛa tanɔ̨n Kristə hu

Kolosə 3:11

Yiihu kɛa, Grɛkə mɛ̨nį hvo kɛa ɉu, Ɉuifə mɛ̨nį hvo kɛa ɉu, kɛ́nɛ̨-lon mɛ̨nį hvo kɛa ɉu, kɛ́nɛ̨-kpoloaa mɛ̨nį hvo kɛa ɉu, huwu takpɛli mɛ̨nį hvo kɛa ɉu, lɔwɔ-pɔmun mɛ̨nį hvo kɛa ɉu, luwɔ mɛ̨nį hvo kɛa ɉu, lɛɛ gbɔwɔ ɓamun mɛ̨nį hvo kɛa ɉu, kɛlaa, Kristə ɓə a gəlee, gəlee hu.

M̀ɛni-lɛɛi 11:15

Malaka mɛ̨ihveelɛnąą ə nwɔ tului hvɛɛ: Woo kpɛa-kpɛaaɠaa di tɔɔ yələi, diɛ kɛ mą: «Tɔɔlaai yɛnɛ̨ɛ̨ yiihu, aa lɛɛ a gu Nąmu, yai a Kristə, nwɔɔ, gaa pai tɔɔlaa kɛi, ɲɛ̨n deei hvo mą.»