Izikiɛ 17:20 - Yálá laawoo hɛɓɛ (dc)

²⁰ Gáá nwɔ́ hɛlɛn ɉeei dɔwɔ; gaa pai kɔ́i la. Gɛ́ li la Babilonə, gɛ́ giti tee laa, nwooi ti ə gwɛlɛ mą́ą́, yɛ nɛɛ laa, mąą mɛ̨nį ɓa.

Yálá laawoo hɛɓɛ

²⁰ Gáá nwɔ́ hɛlɛn ɉeei dɔwɔ; gaa pai kɔ́i la. Gɛ́ li la Babilonə, gɛ́ giti tee laa, nwooi ti ə gwɛlɛ mą́ą́, yɛ nɛɛ laa, mąą mɛ̨nį ɓa.

Bible

²⁰ Ŋa pâi ŋá deɣãŋ pɛlɛ̂i m̀ɛi. Ǹyaŋ a pâi kɔi a ŋa ƃarei. Ŋa pá la Babelɔŋ ŋá gula-maa kɛ kpɛ́ni fêi vé tua ni a ńyãa a teniŋ ƃo pere.

Izikiɛ 17:20 ပူးပေါင်းရင်းမြစ်များ

Samia Veerɛi 18:9

Absalɔn ə tɛ Davidə nwɔ nuąi mɛ̨i dɛɠii. Absalɔn ə kɛ heeni tiɛ̨-hŋəŋ hoo mɛ̨i, ɉoo ə bələ haŋą wulu kɛnɛ̨ ta pɔ pələ, yii kɛ ŋonwo tamąą ma. Absalɔn ə lɛɛ hɛlɛn ni nwulu wonwo ta ɓa ɲələi gɔwɔ hvo nɔi ɓa, ɉoo ə ɓɔ mu.

Kɔlɔnikɔ Veerɛi 33:11

Yai-Laa ə Asiri tɔɔmun nwɔ kɔlaɠa nwun nąmįną tɔɔ, di pa a kɔ́, di bɛlɛ diɛ. Di Manase hon kwɛli kpɛlɛmąąɠaa, di ɲili a ɓala kwɛli yɛli, di li la Babilonə.

Zôo 10:16

Ŋą́ múhəɠə, yá hvilɛn búlu yɛ yala, yɛ́ ɉón bələ kwɛli a pələ tamąą.

Ikilisiati 9:12

Yan, nu lonnii di hvo mɛ̨nį ɲąąnwąnąą pai yələ kɔ́lɔn. Bələi lɔ hɔ̨nwɔ̨lee a too la yá-tuluun dumɔ̨ hu, a wala kɛ tii, nwɛ̨nį yɛ too nwɛ̨nį kpɛ diŋɛ̨n ɉu, di ɲɛ̨i heɛ haa ɓa yɛ pa di pɔ, bələ lɔ ɓə nu kanŋaa kaa la.

Ɉeremi 2:35

Ə́ kaa kɛi diɛ: «Ɉɔ́n və ɉu, nwɔ liiholi kaa pai hvólói mą́ą́.» Kɛlaa vílɛn ŋaai ə́ pulu a kiti. Gbalai tɔɔ, yáá kɛ diɛ: «Ɉɔn ve ɉu!»

Ɉeremi 2:9

Yili mąą mɛ̨nį ɓa, gáá kiti pɛlɛi kaa. Gɛ́ bɛlɛ ka lonnii di wɔ lonnii diɛ.

Ɉeremi 34:21

Ɉuda tɔɔmun Sedesiasə da nwɔ kalanɉonŋaa di wɛi, gáá di tooi di yowoɠaa yee kɔ́nma, Babilonə tɔɔmun nwɔ kɔlaɠai yee ɲą; diɛi ŋɛ̨i daa gɔ́ mąą kwɛa daa ɓa.

Ɉeremi 37:17

Yili pulu, tɔɔmun Sedesiasə ə nu ta tɔɔ, diɛ li dəli; tɔɔmun ə mąąnin kɛ loo pələi, ɲəi bɛlɛ́n, yɛ mą: «Yai-Laa nwɔ wɛlɛɛ kaa ə́ la?» Ɉeremi yɛ mą: «Ee! Di kaa pai ə́ tɛɛi Babilonə tɔɔmun pɔ.»

Ɉeremi 50:44

«Bələi lɔ yala a kulɔ la Ɉurdɛn kpomó hu, yɛ tɛ taatɛlɛɛ kwənąnŋaa hu, ɓɛi taatɛlɛɛ kaa laa a yələ kəlee, bələ lɔ ɓə gáá pai kulɔi la Babilonə nuą tɛɠii, gɛ́ laŋą kɔ́kulááɠaa ɲąątɔɔ diɛ, Mąąhɔlɔɓo, gbɛɛ ɓə gaa yɛ Ɲą́ą́? Gbɛɛ ɓə a pɛli də́lii kiti haɠa ɓa? Taatɛlɛɛ mɛ̨i kaa mun nɛlɛ ɓə a pɛli tɔɔi ná?.»

Woolaa 1:13

Aa nwɔ̨n gulɔ yələi, aa ɉee gɔ́w ɓa; aa nwɔ diŋɛ̨n bu dɔ́wɔ, aa mą́ą́wɛli, gáá lɔ ɲɔ̨n ɉu yələ kəlee.

Woolaa 4:20

Dɔɔmun Yai-Laa ə ku wɔ yɛnɛ̨ɛ̨ tɛɛ bɔ, yaamun ga ŋɛ̨i, ku yowoɠaa daa gɛ a di wɔɔ luwɔ, yɛ ɓo di yəi gaho ŋą; Yaai kɛ kwa ku kili kɛ mą, kuɔ kɛ diɛ: «Kwá kɛ yaa tii vaŋan mu, kwa pɛli yɛnɛ̨ɛ̨ kɛi hį́itakpɛliɠaa lɔwai!»

Izikiɛ 12:13

Gáá pai hɛlɛn dɛi dɔwɔ, gaa pai kɔ́i a nwɔ́ hɛlɛn; gáá pai lííla Babilonə, Kalde lɔi hu. Gaa pai haai nɔi tii hu, ɛlɛɛ yaan hva kɛa pənə hvo ɲɛ̨i tɔɔi mą.

Izikiɛ 15:8

Gáá nɔi ɲɛ̨́i kɛi a lɔi pun, lɛɛi di hvo mo di woo pulu mąą mɛ̨nį ɓa. Ɲą́ą́ Yai-Laai a Yálá nwóó li.»

Izikiɛ 17:19

Yili mąą mɛ̨nį ɓa, Yai-Laa woo ka, yɛ: Gáá a Mɛ̨nį kəlee ŋą Hééɓomun; nwooi ə gwɛlɛ, yɛ gaa lɛɛi bulu, yii kpɔ ə nɛɛi, ə ŋą mįnɛ̨ wooi hu kala; Gáá ɉu mɔ̨nɔ̨ heei nwuɔ̨.

Izikiɛ 18:24

Kɛlaa, tələnmomun yii a ɲee kulɔ tələnmo yíi hu, yɛ túwɔ pələ ɲɔ̨n gulɔ; dúwɔ pələ ɲɔ̨n gbɛa kpɛaɠaai nu ɲɔ̨nwɔ̨ɔ̨ɠaa di kɛi gulɔ, yɛ di kɛ, a kɛi yiliɠaai kɛ, a mɔ̨ɔ̨ pɛli lɛɛ yɛnɛ̨ɛ̨? Dələnmo túwɔi kpɔ ə mo, gili hva lɛɛ nuą ŋą; nwoo kalai ə mo da nɛ̨ŋɛ̨n ə ɉəɠə, yili mąą mɛ̨nį ɓə pai gɛi yɛ haa.

Izikiɛ 32:3

«Mɛ̨ni kəlee ŋą Hééɓomun Yálá woo ka: Gáá pai nwɔ́ diɲɛ̨n bui ə́ mɛ̨i, nɔiɠaa di wɔ ɲąąkpɔn gɛnɛ̨ɛi hu; diɛ ə́ yala gbonwon ɲa nwɔ́ tumɔi hu.

Izikiɛ 38:22

Gáá pai ɉu tɔɔi a ɲɔ̨n da ɲąmą; yaa mąn, da nwɔ kɔ́kulááɠaa, da nu kpulu tamąąi tii pai kɛi bɔi; ŋą́ tulɔ kɛnɛ̨ pu di mɛ̨́i, da hɔ̨n gbuɠulu, da nwɔ̨n, ɛlɛɛ, da nwɔ̨n maɠa.

Osia 2:2

Ɉuda lonnii da Israɛlə lonnii di kaa pai pɛlɛi di kee ɓa, nu tɔ̨nɔ̨ ə ɓo di yəi a di ɲąąwooɓomun, diɛ hee lɔi kəlee mɛ̨i; mąąhɔlɔɓo, Izreɛlə nwɔ hvólói a kɛ a hvóló kɛnɛ̨.

Osia 7:12

Da lɛɛ gilɛ həɠəi, ŋą́ą́ nwɔ́ tumɔ̨i pili di mɛ̨i, gɛ́ di pu nɔi ɓa, yɛ yələi nwɛ̨niɠaa, bələi di bələ mɛ̨n na, bələ ɓə ŋį́ di hutɔɔ la.

Mise 6:2

Ka ka wəli tɔɔ Yai-Laa nwɔ kiti wooi ɓa, yeeɠaa! Ɛlɛɛ, kaai a lɔi kɔ́wɔ hvilɛn gwɛni walawala, 'ka ka wəli tɔɔ! Vaai Yai-Laa da nwɔ nu huwui di lɔwai, ya ka: Da Israɛlə di kaa di woo hu kulɔi.

Lukə 21:35

Mąąhɔlɔɓo, gaa pai pui yɛnɛ̨ɛ̨ nuą kəlee mɛ̨i yɛ pələi da diŋɛ̨n bili la yai.