Izikiɛ 17:17 - Yálá laawoo hɛɓɛ (dc)

¹⁷ Ə mą kɛ Faraɔn aa kpɔn mą a nwɔ kɔlaɠa hu kɛnɛ̨i, ɉu wala walai, yili hva mąą kɔ̨nwɔ̨ a gɔ́ kɔ́ yələ, a ɓɛlɔwai di kaa pai lɔwaɠaa tee la daa ɓa, diɛ kɔ́ pɛlɛ́ɠaa tɔɔ mą, diɛ nu kpulu kɛnɛ̨ paa.

Yálá laawoo hɛɓɛ

¹⁷ Ə mą kɛ Faraɔn aa kpɔn mą a nwɔ kɔlaɠa hu kɛnɛ̨i, ɉu wala walai, yili hva mąą kɔ̨nwɔ̨ a gɔ́ kɔ́ yələ, a ɓɛlɔwai di kaa pai lɔwaɠaa tee la daa ɓa, diɛ kɔ́ pɛlɛ́ɠaa tɔɔ mą, diɛ nu kpulu kɛnɛ̨ paa.

Bible

¹⁷ Ize kaloŋ da ŋɔkɔ-kuluƃa wála-walaa ŋai dífe pâi gula yêei kɛ̂i gɔi su. Da pâi pɔrɔ kane ŋa tɔɔ̂i ziaŋ ma a gɛɛ dí tɛ la dípili ziaŋ su a gɛɛ dí nuu támaa paa.

Izikiɛ 17:17 ပူးပေါင်းရင်းမြစ်များ

Azaya 36:6

Ə́ kili hvo tii yáá dɔɔ Eziptə ɓai, a veen gbaɠa hu yali laa nɛ̨ɛ̨ tii! Nui lɔpee a tunwɔ̨n mą, a lɔ ɲee hu, yɛ ɉaɠa; bələ ɓə Faraɔn Eziptə tɔɔmun a gɛ la, a nui lɔpee a gilitɔɔmą.

Ɉeremi 33:5

Di kaa pai gɔ́ woloi ŋą da Kalde nuą, kɛlaa yaamun, daai ŋɛ̨i laahvɛɛ mɛ̨nį lɔ ɓə a nu powa, a nuąi gáá pai di kɛlɛi nwɔ́ liiholii hu, da nwɔ́ liikələn gwəi hu. Mąąhɔlɔɓo, ŋą́ą́ búlu tinɛ̨n diɛ, di wɔ nɛ̨ŋɛ̨nŋaai kəlee mąą mɛ̨nį ɓa.

Ɉeremi 37:5

Nąąlɔwai Eziptə tɔɔmun nwɔ kɔlaɠai aa kɛ muhəɠə, yɛ pa. Kalde nuąi tii kɛ daa gɔ́ pɛlɛ Ɉerusalɛmə ɓa, bələ mɛ̨n di mo, diɛ gɔ́ aa həɠə Ɉerusalɛmə ɓa.

Ɉeremi 37:7

yɛ mą; Yai-Laa Israɛlə nwɔ Yálái woo ka: «Ɉuda tɔɔmun ká tɔɔ mą́ą́nin kɛ mɛ̨nį ɓa, mɛ̨nįi ká líi moi mą, ya ka, ká kɛ mą: Eziptə tɔɔmun nwɔ kɔlaɠai tii həɠə Eziptə, yɛ pa ka mąąkpɔn mąąɓoi, gaa pai yalii bulu, yɛ pənə yɛ li Eziptə, ɓɛi ə həɠə laai.

Ɉeremi 52:4

Sedesiasə nwɔ tɔɔlaa gwɛlan mɛ̨inąąn nɔwai, ɲąnin mɛ̨ida nwɔ hvóló pow yələ, Babilonə tɔɔmun Nabukodonosorə ə pa, yaa da nwɔ kɔkulaa kpulu kɛnɛ̨i Ɉerusalɛmə daa kpala, di kɔlaɠa pɛlɛ laa, di galaɠaa tɔɔ, di mąątinɛn na di doo gee hu.

Woolaa 4:17

Ku ɲɛ̨iyá ə kɛi pu, nui pai kpɔn ɉii kuɔ, ku ɲɛ̨i yɛ ɓo dɔwɔ; ku hvo ta gaa li hvo pa. Ku kɛ ɉį́i mɛ̨i, kuɔ ku ɲɛ̨i laa a ku mąą kpɔnmąą ɓo lɔi, hvo pɛli ku kulɔi ɉu.

Izikiɛ 4:2

Yili pulu, 'kɔ́ pɛlɛ daa ɓa; 'lɔwa tee gwɛlɛ; 'pɔ́lɔ́ tɛ mą; 'kɔlaɠa hee mą; 'mąątínɛ̨n a pɛlɛ́ nwąną wolo hɛnŋąą.

Danîa 11:15

Ɲanwuɔ̨ tɔɔmun gaa pai, pɔlɔ kpukpuɠaa tɔɔi ɉįi ɓa, ə gɛ, di tɛ ma, di hvilɛn taai pələ, di daa nuą hon. Ɉəɠə pələ kɔlaɠai, pələi mąn di wəlɛɛ kɛ la, di yee hva lɔ, da di wɔ nu kpuluɠaai, hvaŋą hva hɔlɔɓo di yəi, da diɛni di hvo kɔ́.

Dutɛrɔnome 20:20

Kɛlaa nwulu yiiɠaai ka gɔlɔn di hva ɓá, ka pɛli mą ka di pɔn; kaa ka wɔ kólóɠaa kɛ la, daai tii gɔ́ kaa ka yaa ka lɔwai ɉon mɛ̨nį ɓa, ə lɛɛ ɉu ka ɉon.