Izikiɛ 17:16 - Yálá laawoo hɛɓɛ (dc)

¹⁶ Ɲą́ą́ Yai-Laa, Mɛ̨nį kəlee ŋą Hééɓomun Yálá, yii gáá gwɛlai ɉu, ya ka: dɔɔmun ti ɉee a tɔɔmun; nwooi ə gwɛlɛ mą yɛ nɛɛi; yɛ ŋą mįnɛ̨ həɠə wooi hu kala; dɔɔmun ti pɔɔli ɓə gaa pai haai laa Babilonə daa kwəi.

Yálá laawoo hɛɓɛ

¹⁶ Ɲą́ą́ Yai-Laa, Mɛ̨nį kəlee ŋą Hééɓomun Yálá, yii gáá gwɛlai ɉu, ya ka: dɔɔmun ti ɉee a tɔɔmun; nwooi ə gwɛlɛ mą yɛ nɛɛi; yɛ ŋą mįnɛ̨ həɠə wooi hu kala; dɔɔmun ti pɔɔli ɓə gaa pai haai laa Babilonə daa kwəi.

Bible

¹⁶ “Tɔ̃yâ m̀a tãi nɔ ŋ́gaa la ɣele mai, gâloŋ tí a pâi lɛɛ̂i Babelɔŋ ƃɛ́i dí gɛ̀ naa a kâloŋ é lɛ́ɛ la zu é sáa. Kpɛ́ni fêi è gbanaŋ-wôoi ŋɔtɔ̂ŋ kara.

Izikiɛ 17:16 ပူးပေါင်းရင်းမြစ်များ

Samia Veerɛi 21:2

Tɔɔmun ə Gabaɔn nuą təli, ə gɛ, da diɛni di heei ə kɛ tɔ̨nɔ̨, di mɛ̨nį ta ɓo mɛ̨nįi tii hu. Gabaɔn nuą di hvo kɛ a Israɛlə nu huwu ta. Kɛlaa, di kɛ a Amɔrə nu huwu gbəliɠaai lɛɛ, diɛi wɔlɔ da Israɛlə nuą di mįnɛ̨ həɠə, diɛ kɛ di hva di paa. Pələi mąn ə kɛ la tii, Israɛlə nuą da Ɉuda nuą di mąą mɛ̨nį nwąną pələ kɛ Saulə yəi, ə kɛi Gabaɔn nuą paa.

Tɔɔɓɛlaa veelɛ 24:17

Babilonə tɔɔmun ə Yoyakin kulɔ dɔɔlaa hu, ə mąąhvalin a Yoyakin galá Matania, yii di nąą mąąhvalin a Sedesiasə.

Tɔɔɓɛlaa veelɛ 24:20

Mɛ̨nįɠaa tii di laa Ɉerusalɛmə da Ɉuda diɛ, mąąhɔlɔɓo, Yai-Laa ə niiŋanwana diɛ, ə di pili kwɛaa la, ə di həɠə ɲɛ̨i mu. Sedesiasə ə muhəɠə Babilonə tɔɔmun nąą ɓa a kɔ́.

Mąątɛ̨nɛ̨ 15:4

Ɲɛ̨i mu, mąąnɛ̨ɛ̨ di tɛɠɛɓo nɛ̨ŋɛ̨n ɉəɠəmun ɉu. Kɛlaa, nuąi da ɲɔw Yai-Laa ɓa, a di mąąwiɛ, ə mą kɛ, aa gwɛla a ɲee lɛɛ pələ ɉu, hva nwoo lɛɛ.

Lɛɛ gbɔwɔ ɓa 20:7

«'Hvó Yai-Laa ə wɔ Yálá laa ɓo kpɛli-kpɛli. Mąąhɔlɔɓo, nui a naa ɓo kpɛli-kpɛli, Yai-Laa a mąą nui hutɔɔ.

Lɛɛ gbɔwɔ ɓa 8:2

Aarɔn ə ɲee haŋą Eziptə yáɠaa kəlee mɛ̨i, ɲáɠaa kəlee di tɛ a gbəŋə, ə Eziptə lɔi nąą kəlee kpɛɛ mą.

Ɉeremi 34:21

Ɉuda tɔɔmun Sedesiasə da nwɔ kalanɉonŋaa di wɛi, gáá di tooi di yowoɠaa yee kɔ́nma, Babilonə tɔɔmun nwɔ kɔlaɠai yee ɲą; diɛi ŋɛ̨i daa gɔ́ mąą kwɛa daa ɓa.

Ɉeremi 39:7

Yili pulu, ə Sedesiasə ɲɛ̨i wolo, ə ɲili a yɔwɔn veelɛ, yɛ li la Babilonə.

Ɉeremi 52:11

Yili pulu, ə Sedesiasə ɲɛ̨i wolo, ə ɲili a ɓala kwɛli yɔwɔn veelɛ. Ə ɉəɠə ə li la Babilonə daai, ə doo laa gaho ŋą, ə lɛɛ laa, ə haa.

Izikiɛ 12:13

Gáá pai hɛlɛn dɛi dɔwɔ, gaa pai kɔ́i a nwɔ́ hɛlɛn; gáá pai lííla Babilonə, Kalde lɔi hu. Gaa pai haai nɔi tii hu, ɛlɛɛ yaan hva kɛa pənə hvo ɲɛ̨i tɔɔi mą.

Izikiɛ 16:59

«Mąąhɔlɔɓo, mɛ̨nįi Mɛ̨nį kəlee ŋą Hééɓomun Yálá kaa moi ya ka: Gáá lɔ ə́ hon ɉii yɛ bələi ə́ túwɔ la, yɛ́i ŋɛ̨i tɛɠɛ ɓo nɛ̨ŋɛ̨n naa woo hu a mįnɛ̨ hukalai ə́ moi.

Izikiɛ 17:10

Da ɉin gaa pai lɛlɛi? Hvaŋą ɲąą nwąnąą a hee mą, kɛlaa gbala hiɛ li kpɔ tɛ̨ɛ̨ tɛ̨ɛ̨. Nɔi ti kɛ mąąnɛ̨ɛ̨ ə lɛlɛ ɉu, gaa pai kpalai laa.»

Izikiɛ 17:13

Ə dɔɔ kwəlii mun da həɠə, da yaa di woo ə laa mą; yili ə nwoo kwɛlɛ mą, yɛ gwɛla ɉu; ə nɔi kalanɉonŋaa həɠə.

Izikiɛ 21:23

Yai-Laa woo ə həli mą́ą́ yɛ mą́ą́:

Osia 10:4

Nuą kaa lɔ di woo kwɛlɛi, diɛ di kwɛla, ɛlɛɛ, diɛ mįnɛ towələ mį́i, a lɛɛ. Yiliɓa, bələi kpɔlɔ nu paa kala tiliin a ɓɔn na kɛɛ hinŋąą mɛ̨i, bələ kpɔlɔɔ ɓə di hutɔɔ mɛ̨nį kaa pai ɓɔn ɉii la kɛɛ kəlee.

Malasi 3:5

A tɛ̨ą, Yai-Laa Mɛ̨nį Kəlee ŋą Hééɓomun nwoo ka, yɛ diɛ: Ŋą́ pa, ŋą́ hee ka lɔwai, ŋą́ ka mąą mɛ̨nįɠaa hutɔɔ. Ŋą́ haŋą həɠə-hɛn nąmįną diɛ a mąą hulaa; diɛi da kɛ wɛli hon ɉi, diɛ di kwɛla a lɛɛ, diɛ kólo kɛ nuą hvɛla kulɔ di yəi, diɛ too təlilɛa da galaninŋaa mɛ̨i, diɛ nwɛ̨ąą yee kpɛlaan, diɛ hɛn gulɔ di yəi; ɛlɛɛ, da nuąi di hva ɲɔw mą́ą́.

Lonon mo 30:2

Moisə yɛ Israɛlə nu huwu ɲɛ̨itɔwɔ nuą diɛ: «Nwooi Yai-Laa ə mo ya ka:

Lomaŋ 1:31

Kiliŋąhiɛ hvo diɛ, di hva kulɔ di woo ɓa, yii da mo, di hva gɛ, di kili wala-walaa, ɛlɛɛ, di hva nu ta ɲɛ̨i mąą wɛli kaa.

Timote dɔlɔɔ 1:10

wɛlikɛ nuą, nuąi da laa a di keeni, luwɔ lɔwɔtɔɔ nuą, lɛɛ kɛ nuą, nuąi da di kwɛla a lɛɛ, da nuąi kpɔ da kɔ pɛlɛ laa na laa mąąhəɠɛɛ ɓa, diɛ ɓə tɔn ɉeɛi di mɛ̨i.

Timote veelɛ 3:3

di kili walawalaa, di nwun va tínɛ̨n, di laa-pələɓoɔ, di ɲąą hvo laa li, di ɲąniɛ, di ɓo a mɛ̨nį lɛlɛɛ ɲowo;

Zasua 9:20

Yii gwa pɛli gɛi, ya ɓaa gu di lɛɛ yɛnɛ̨ɛ̨, Yálá nwɔ liiholi hvo pa nee hee guɔ, gu wooi tii gu gwɛlɛ mąą mɛ̨nį ɓa.»