Izikiɛ 17:15 - Yálá laawoo hɛɓɛ (dc)

¹⁵ Kɛlaa dɔɔ kwəlii mun ti ə kulɔ dɔɔ mun ti ɉon nwoo mu; ə nuą tɔɔ Eziptə lɔi hu, yɛ kɛ yili ə hooɠaa tɛɛ bɔ, da kɔ́kulááɠaa. Ɲee kaa mɔ̨ɔ̨ pai pɛli mą? Nui a duwɔ taalee ti ɓo ɲee pɔɔ a pɛli lɛlɛi mɔ̨ɔ̨? Ə mįnɛ̨-həɠə woo hu kala, nwun a pɛli mɔ̨ɔ̨ kulɔi yili hu?

Yálá laawoo hɛɓɛ

¹⁵ Kɛlaa dɔɔ kwəlii mun ti ə kulɔ dɔɔ mun ti ɉon nwoo mu; ə nuą tɔɔ Eziptə lɔi hu, yɛ kɛ yili ə hooɠaa tɛɛ bɔ, da kɔ́kulááɠaa. Ɲee kaa mɔ̨ɔ̨ pai pɛli mą? Nui a duwɔ taalee ti ɓo ɲee pɔɔ a pɛli lɛlɛi mɔ̨ɔ̨? Ə mįnɛ̨-həɠə woo hu kala, nwun a pɛli mɔ̨ɔ̨ kulɔi yili hu?

Bible

¹⁵ Kɛ́lɛ, Zuda kaloŋ è tɔɔ m̀a é ǹyée-mu ǹuu tɛɛ Ize a gɛɛ dí kɔ́kɔ-soo támaa da kɔkuluƃa támaa tɛɛ m̀i. Ǹyee a pâi pɔri Babelɔŋ kaloŋ ma? Ǹúu-sîi nyii a m̀ɛni saŋ ŋí kɛi a pɔri pûi? A pɔri gbanaŋ-wooi pilii dífa gula maa kɛi?

Izikiɛ 17:15 ပူးပေါင်းရင်းမြစ်များ

Tɔɔɓɛlaa veelɛ 24:20

Mɛ̨nįɠaa tii di laa Ɉerusalɛmə da Ɉuda diɛ, mąąhɔlɔɓo, Yai-Laa ə niiŋanwana diɛ, ə di pili kwɛaa la, ə di həɠə ɲɛ̨i mu. Sedesiasə ə muhəɠə Babilonə tɔɔmun nąą ɓa a kɔ́.

Kɔlɔnikɔ Veerɛi 36:13

Yɛ nwɔ̨nɔ̨ gwɛlitee tɔɔmun Nabukodonosorə yəi, ɛlɛɛ yaan, aa kɛ gwɛla Yálá ɲɛ̨i ɓa, yili yəi. Sedesiasə ə nwun ɉuwalawala, ə kili walawala laa kulɔ, hvo kpɛli gɛ, hvo pənə hvo pa, Israɛlə nwɔ Yálá Yai-Laa pɔ.

Mąątɛ̨nɛ̨ 55:23

Yɛ́ tiɛ̨i tɛ Yai-Laa nwuɔ̨, ə ə́ laa hon mu, yɛ ə́ hvąŋąlɔ, hva tələnmomun nɛɛ laa, a yələ ta, hvo too.

Mąątɛ̨nɛ̨ 56:7

Da di loo, diɛ mą́ą́ hɛnŋį, diɛ dɛ́ɛ́ pɔɔɠaa mąąkpɛɛ; nwún na pili mɛ̨nį ɓa.

Hanwon 19:5

Nui a kɛla hvaa ɓo a lɛɛ, ɉu tɔɔ mɛ̨nį hva ɉəɠə mą. Nui a lɛɛ kɛ, nwun va kulɔ ɉu.

Azaya 36:5

Yɛ́ kɛ diɛ: Woo ɲąą taanɔ̨n gbən, a pɛli liɛwoo da huwalawala tɛɛi nu pɔ kɔ́ hu! Gbɛɛ kpɔ ə́ kilitɔɔi mą, yɛ́ kulɔ nwóó mu?

Ɉeremi 32:4

Ɉuda tɔɔmun hvo pai kulɔi Kalde kɔ́kulááɠaa yəi, di kaa pai dɛɛi Babilonə tɔɔmun bɔ, da yaa diɛ pələ́ pili di kee ɓa nu ta hva kɛ di lɔwai.

Ɉeremi 34:3

Yɛ́ kpinįi, hvo pai kulɔi ɲəi, di kaa pai ə́ hon ɉii, di ə́ tɛɛ bɔ, yɛ́ ka Babilonə tɔɔmun, ka káá pai ka ɲɛ̨i kwəleen ɉeei gee ɓa, kaa pələ pili ka kee ɓa, ə́ kaa pai lii Babilonə.

Ɉeremi 38:18

Kɛlaa, yá wala li hvó ə́ kpɔwɔ tɛɛ Babilonə tɔɔmun nwɔ kɔlaɠai ɲɛ̨itɔwɔ nuą pɔ, daa ŋɛ̨i kaa pa tooi Kalde nuą yee ɲą, di gələn, ɛlɛɛ yɛ́n, hvá kulɔ di yəi.›»

Ɉeremi 38:23

«Ə́ nɛąni da ə́ lonnii di kaa lii a diɛ Kalde nuą pɔ. Yɛ́ kpinįi hva kulɔ di yee ŋą. Babilonə tɔɔmun gaa ə́ hon ɉii, diɛ daa kələn.»

Ɉeremi 52:3

Mɛ̨nįi di kɛi gɛ Ɉerusalɛmə daai da Ɉuda lɔi hu, ə Yai-Laa liiholi, yili ɓə gɛ, yɛ di pili, yɛ di həɠə ɲɛ̨i mu. Sedesiasə ə tɔɔ Babilonə tɔɔmun na.

Izikiɛ 17:18

Ə nwoo lɛɛ a mįnɛ̨ həɠə-woo hu kalai ə mo, yá pa, ə ɲee hee kpɔ mu; kɛlaa ə gɛɛ kala mɛ̨nįɠaai ti kəlee kɛ; yili ɉu hva pɛli kɛ nɛ̨ɛ̨i mą.

Izikiɛ 17:7

Kɛlaa kuɔ kɛnɛ̨ ta ə kɛ laa, gooŋąą kpɛa kpɛa, gɔlɔ ɓa lɛɠa huwia. Viɲəi ti ə ɉamuɠaa ɲɛ̨́i tinɛ̨n bɔ pələ, yɛ kɛ yili ə ya pu diɛ, ə nwonwoɠaa haŋąn bɔ pələ, ɓɛi ti kɛ ɉinŋąą laai diɛ nąą mąą tɛɛ.

Izikiɛ 17:9

'Kɛ diɛi: Yai-Laa woo ka, yɛ: Gaa mɔ̨ɔ̨ ɓa lɛlɛɛ ɓoi? Gúwɔ́i ti hvo pai ɉamu kulɔi mu, máɠaa diɛ pɛli yohvai, diɛ kala ɲą? Nwonwo kəlee ka pai kpalai mą, huwalawalamun, da nu kpulu mąą kpaan və pai kɛi nuą diɛ, gulɔ mɛ̨nį ɓa a nwun!

Izikiɛ 21:25

Bələ tɔ̨nɔ̨ laa, gɔ́ kɔ́ ɓɔwa yɛ ɉąŋąn a Raba pələ, Amɔn lonnii di wɔ taai, da Ɉuda lɔi hu pələ, Ɉerusalɛmə taa pɔ pələ, mąą tinɛ̨nŋąąi a mąą kɔ́nwɔ̨ hįi.

Izikiɛ 21:28

Di kaa pai gaai a lɛɛ-tɔlu; daa di kilitɔɔi lɛ diɛ; di wɔ nɛ̨ŋɛ̨nŋąąi kili too mɛ̨nį ɓə di ɲą; di kaa pai di hon ɉi gɔ́ hu.

Izikiɛ 23:20

Da nwɔ wɛliɠaa da too di kee ɓa, da ɲąąnɛ̨ɛ̨i kaa; kɛlaa di woo laa kulɔi a kɛ yɛ wɛlɛhooɠaa da kɛi tɛ, awala kɛti hooɠaa da kɛi tɛ.

Izikiɛ 29:16

Hva kɛa kɛ a hɛn da di kilitɔɔ mą; yili ɓə kɛi gɛ Israɛlə nwɔ pɛlɛ́i yɛ ɲɛ̨i tinɛ̨n bɔ pələ, yɛ nɛ̨ŋɛ̨n ɉəɠə la ti; bələ ɓə da gili kɔ́lɔn na diɛ kɛ Yai-Laa ɓaa a ɲą́ą́.»

Izikiɛ 29:7

Nuą da ə́ hon a di yee, yá yala di yə́i, yɛ di yee kəlee ɲą ɓɛla; nuąi kɛi tunwɔ̨n ə́ mɛ̨i, ə́ kɛi yali di mu, yɛ́ di hɛ̨ą ti ɉu.

Maafîu 23:33

Kaa yii ka wɔ mɛ̨nį ɲɔ̨nwɔ̨ɔ̨ ŋɛ̨i yɛ tumo, ka pɛli kulɔ pələ kɛi ləi ɉahanąmą gaho nwɔ̨n ɉu?

Dutɛrɔnome 17:16

Ka wɔ tɔɔmun gbɔ, mąą hvo nɛ̨ɛ̨li hoo kpulu kɛnɛ̨ hvo kɛ ɲəi, hvo kɛ gaa nuą tɔɔi Eziptə lɔi hu hoo kpulu kɛnɛ̨ ya mɛ̨nį ɓa. Mąąhɔlɔɓo, Yai-Laa ə kɛ kaa: «Ka hvə kpɔ kɛa pənə ka hvo ɉon a Eziptə lɔi hu pələi tii tɔ̨nɔ̨ kpɛli.»

Hebreu 2:3

gu hvomun kɛ nwun mąąɓo wɛlɛi ŋɛ̨i, naa həliɛ ə gɔwɔ tɔɔ gu Nąmu yəi, gu ŋą tɛ̨ą mɛ̨nį mɛ̨n, lə takpɛli ɓə kɛa a pɛli gu kulɔi nwun napili yəi, akɛ gwa ɲagban naa kulɔ?

Zasua 9:20

Yii gwa pɛli gɛi, ya ɓaa gu di lɛɛ yɛnɛ̨ɛ̨, Yálá nwɔ liiholi hvo pa nee hee guɔ, gu wooi tii gu gwɛlɛ mąą mɛ̨nį ɓa.»