Izikiɛ 16:8 - Yálá laawoo hɛɓɛ (dc)

⁸ Gɛ́ɛ́ tɛɛi ə́ kwɛlɛ, ŋą́ ə́ kaa yáá kpɛla kɛa. Ŋą́ nwɔ́ həɠə wəlii ta pɛlɛ ə́ mɛ̨i; ŋą́ ə́ kpuɠulu loo; ŋį́ nwóó kwɛlɛ yɛ́, gwa yɛ́ gu mįnɛ̨ həɠə, ə́ kɛ kɛa a nwɔ́ɔ́. Yai-Laa gu wɔ yálái woo li.

Yálá laawoo hɛɓɛ

⁸ Gɛ́ɛ́ tɛɛi ə́ kwɛlɛ, ŋą́ ə́ kaa yáá kpɛla kɛa. Ŋą́ nwɔ́ həɠə wəlii ta pɛlɛ ə́ mɛ̨i; ŋą́ ə́ kpuɠulu loo; ŋį́ nwóó kwɛlɛ yɛ́, gwa yɛ́ gu mįnɛ̨ həɠə, ə́ kɛ kɛa a nwɔ́ɔ́. Yai-Laa gu wɔ yálái woo li.

Bible

⁸ “Tãi ŋa ŋɔ́nɔ tɛ̀ɛ la yâi, ŋa gàa a gɛɛ tãi a seri a gɛɛ í nâa kɛ́ a surɔŋ-pɛrɛ mu ǹuu. Nya ƃe ŋá í mɛi pɛlɛ a ŋá seɣei ŋá íkaŋ loo ŋá kpanaŋ-woo kɛ̀ í yêei a gɛɛ kwa yâ kúkɛ tua-laa ma. Íkɛ a ḿbɔɔ.” Ŋ̀wála-wâla kélee Yâwɛɛi ƃé mò tí.

Izikiɛ 16:8 ပူးပေါင်းရင်းမြစ်များ

Zɛnɛse 22:16

«Yai-Laa aa gwɛla a gbɔwɔ, yɛ mą: Ɲą́ą́ ɓə gáá a Yálá hvulú, mɛ̨nįi ŋɛ̨i yáá gɛ, yii kpɔ hvo kɛ lənə li ə́ lon gɔw tɔ̨nɔ̨i ŋɛ̨i kulɔi mą́ą́ a haláái,

Lɛɛ gbɔwɔ ɓa 15:16

Ɲɔw aa di hu pu diɛ, Ə́ wɔ yee walawala laa aa di mąą ɲɔw, daa di kpuwulu kɛ, yɛ kwɛni. Di kaa pai lɛɛi tí, ə lɛɛ ɉu Yai-Laa Ə́ wɔ nu huwui ə tɛɛ; a Ə́ wɔ nu huwui Ə́ di həɠə ɉu, di tɛɛ.

Lɛɛ gbɔwɔ ɓa 32:13

Ə́ kiliŋąhiɛ ə́ wɔ tínuąi diɛ, diɛi ɓaa: Abrahamə, Isaakə, da Israɛlə, diɛi wɔlɔ ə́ ə́ kwɛla diɛ a ə́ kpɔwɔ, yɛ́ kɛ diɛ: ‹Ŋą́ ka huwu ɓɛlɛ, ŋį́ damą yɛ yələkɔlɔn ɉu pɛmɛ̨lɛ̨n-gɔw, ɛlɛɛ, nɔi ŋɛ̨i ŋą́ vaa ɓo kaa, ŋį́ gəlee tɛɛ ka huwu pɔ, ə kɛ a di kwɛlin a yələ kəlee da nwɔɔ.›»

Azaya 43:1

Kɛlaa, mɛ̨nįi Yai-Laa kaa moi yiihu, ya ka, A yai ə́ pɛli Ɉakɔbə, yai ə́ kɛ yɛnɛ̨ɛ̨ Isarɛlə, yɛ: 'Hvó ɲɔw, mąąhɔlɔɓo, ŋą́ą́ ɓə ə́ nwun mąąɓo, gɛ́ ə́ təli a ə́ laa, Ɲą́ą́ ɓə bɔ́ɔ́ ɓaa a yɛ́.

Azaya 43:4

Mąąhɔlɔɓo, ə́ mąą mɛ̨nį nwąnąąi mą́ą́ kɛnɛ̨, ə́ tɔlɔ kaa yɛ́, ɛlɛɛ, ə́ wɛli kaa mą́ą́, yili ɓə a gɛ gɛ́ nu kanŋaa kɛ a ə́ nwun mąąɓo hɛnŋaa, gɛ́ taa kpɛa-kpɛaɠaa tɛɛ a ə́ mąąhvalin.

Ɉeremi 31:3

Yai-Laa ə gbɔwɔ lɛ mą́ą́ kwɛaa la, yɛ mą́ą́: Israɛlə, ə́ wɛli kaa mą́ą́, a wɛlikɛmąąi ɲɛn deei hvo mą, yili ɓə gɛi, gɛ́ ə́ yala la bɔ́ pələ a tələnmolaa.

Ɉeremi 31:32

Hvo pai kɛi yɛ mįnɛ̨i kwa di nąnni ku ɉəɠə, ɓɛlɔwai ŋą́ di hon na a di yee, gɛ́ di kulɔ Eziptə lɔi hu. Mįnɛ̨i tii, di ɉukala, kɛlaa, ɲą́ą́n, gáá lɔ a di Nąmu di nwun na. Yai-Laa woo li!»

Izikiɛ 16:6

Ŋą́ kɛi tɛɛ ɓɛi ə́ kɛ laa nąą kwɛlɛ, ŋį́ ə́ kaa, yɛ́ ə́ mąą kɔ̨ŋɔ̨ ə́ ɲąmą hu; ya ɓə ŋį́ kɛ yɛ́, a ɓɛlɔwai ə́ kɛ laa ə́ ɲąmą ti hu: 'yɛnɛ̨ɛ̨ kɛ! A ɓɛlɔwai kpɔ ti ə́ kɛ laa ə́ ɲąmą hu, gɛ́ yɛ́: 'lɛɛ yɛnɛ̨ɛ̨.

Osia 11:1

Ɓɛlɔwai Israɛlə ə kɛ la nokolo kɔ́lɔi, nwɛli ə kɛ mą́ą́; nón tii kɛ Eziptə, ŋą́ dəli.

Osia 2:15

Gáá pai múhəɠəi naa ɓa, Baaləɠaa mąą mɛ̨nį ɓa, diɛi tii ə kɛi di kɔ́ a hɛn gun nɛ̨ɛ̨ɠaa, yɛ mąą yili nąąlɔwai a wəlii-kwɛli da kwɛan, ə kɛi gilɛ həɠə nwɔ wɛliɠaa pulu, ɛlɛɛ ɲą́ą́n, yɛ lɛ̨ą mą́ą́, Yai-Laa woo li.

Osia 2:7

di lee kɛ mɛ̨nį a wɛlikɛ nɛ̨ɛ̨nu, nɛ̨ɛ̨nui di mąą koo həɠə, aa nwumɛ̨ tɛ a gbɔwɔ, a kɛi ə kɛi mo diɛ: «Gáá gilɛ həɠəi nwɔ́ wɛliɠaai pulu, diɛ ɓə da gɔ́ a kɔ̨nɔ̨n da yá; diɛ gɔ́ a həɠəɠaa, wulɔ da lɔɔ.»

Malasi 1:2

Yai-Laa ə mo wɔ nuąi diɛ, yɛ diɛ: «Ká wɛlikaa mą́ą́.» Ká mą́ą́nįn gɛ, kaa kɛ mą: «Lə ɓə kwa pɛli gɔlɔn ɉi la, kuɔ kɛ: ku wɛli kaa yɛ́?» Yai-Laa yɛ diɛ: «Kɛlɛi Ɉakɔbə niɛ ɓa kɛ a Esau-e? Bələi mąn ə kɛ la tii, ŋą́ Ɉakɔbə wɛlilakɛ,

Lomaŋ 5:8

Kɛlaa, bələi Yálá ə nwɔ wɛlikɛmąąlaa lɛ la guɔ, bələ ka: Ɓɛlɔwai gu kɛ la a nɛ̨ŋɛ̨n ɉəɠə nuą, nąąlɔwai ɓə Kristə ə haa la gu mąą mɛ̨nį ɓa.

Dutɛrɔnome 4:31

Mąąhɔlɔɓo, Yai-Laa ka wɔ Yálái kaa a liinɛ̨ɛ̨ gwəi Yálá, hva gili kulɔ ka hu, hva ka huwu pu, ɛlɛɛ, mįnɛ̨i da ka nąnni di ɉəɠə, yɛ gwɛla ɉu, hva ɉəɠə mą.

Rutə 3:9

Yɛ nɛ̨ɛ̨nui tii ɓa: «Gbɛɛ ɓaa a yɛ́?» Nɛ̨ɛ̨nui tii yɛ mą: «Ɲą́ą́ Rutə ə́ wɔ lúwɔ́ nɛ̨ą, ɲą́ą́ li. Gɛ́ ə́ ə́ nįnįn bɛlɛ mɛ̨́i, mąąhɔlɔɓo, yɛ́ ɓə mąąnɛ̨ɛ̨ ə́ ə́ mą́ą́ mɛ̨nį ɲɛ̨i kulɔ.»

Samuɛlə dɔlɔɔ 12:22

Mąąhɔlɔɓo, Yai-Laa hvo pai ɲee kulɔi nwɔ nu huwui mu, gbala ə tɔɔ, naa kɛnɛ̨i. Ɛlɛɛ, ə nɛ̨ɛ̨ a Yai-Laa lii, ə ka kɛ a nwɔ nu huwu.