Izikiɛ 16:6 - Yálá laawoo hɛɓɛ (dc)

⁶ Ŋą́ kɛi tɛɛ ɓɛi ə́ kɛ laa nąą kwɛlɛ, ŋį́ ə́ kaa, yɛ́ ə́ mąą kɔ̨ŋɔ̨ ə́ ɲąmą hu; ya ɓə ŋį́ kɛ yɛ́, a ɓɛlɔwai ə́ kɛ laa ə́ ɲąmą ti hu: 'yɛnɛ̨ɛ̨ kɛ! A ɓɛlɔwai kpɔ ti ə́ kɛ laa ə́ ɲąmą hu, gɛ́ yɛ́: 'lɛɛ yɛnɛ̨ɛ̨.

Yálá laawoo hɛɓɛ

⁶ Ŋą́ kɛi tɛɛ ɓɛi ə́ kɛ laa nąą kwɛlɛ, ŋį́ ə́ kaa, yɛ́ ə́ mąą kɔ̨ŋɔ̨ ə́ ɲąmą hu; ya ɓə ŋį́ kɛ yɛ́, a ɓɛlɔwai ə́ kɛ laa ə́ ɲąmą ti hu: 'yɛnɛ̨ɛ̨ kɛ! A ɓɛlɔwai kpɔ ti ə́ kɛ laa ə́ ɲąmą hu, gɛ́ yɛ́: 'lɛɛ yɛnɛ̨ɛ̨.

Bible

⁶ “Ǹya ƃe ŋ́gɛɛ tɛɛ̂i ŋá íkaa íkɛ ƃo láai í ŋãa su íkɛ péne-pene. Ŋá gɛ̀ ílɛɛ ɣele mâ.

Izikiɛ 16:6 ပူးပေါင်းရင်းမြစ်များ

Azaya 14:19

Kɛlaa ə́ wɛi, daa ə́ pili kwɛaa la, hvó ə́ wɔ kámąi kwɛlɛ, yɛ yəikalalon a nu lii muhəɠə, yɛ nui di baa a ɓɔwa kwɛaa, diɛ ɓɔ di hu, diɛ di pili kwɛni woloɠaa hu, gəlee daa pu ə́ mɛ̨i, yɛ nu powai di kaa dan ɉii a di kɔ́wɔ.

Azaya 51:23

gáá pai nɔɔi tii tɛɛi ə́ mɔ̨nɔ̨ ɓo nuą pɔ, diɛi tii kɛi kɛ yɛ́: «'Pɛlɛ, ə gɛ ku tɛɛ», ɛlɛɛ yɛ́ kpɛli yɛ́ ə́ hɛ̨ą kɛ a pələ, a nuą tɛɛ kpaalə.

Izikiɛ 16:22

Ə́ wɔ ɓowo mɛ̨nįɠaai ti kəlee hu, da ə́ wɔ túwɔ pələ ɲɔ̨nŋąą, hvo kɛi ə́ kiliŋąhiɛ ə́ muhəɠə yələ ɓa, a ɓɛlɔwai ə́ kɛ laa a ə́ kpuwulu, həɠə hvo kɛ yɛ́, ə́ ɲąmą lɔɔ yɛ́ hɔwɔ hɔwɔ.

Izikiɛ 16:5

Nui lɔpee da hvo ə́ ɲɛ̨́i mąąwɛli kaa, yɛ pɛli mɛ̨nįɠaai ti ta kɛi yɛ́, ə mą kɛ tanɔ̨n; ə́ kəi ɓailii tɛ a nuą, ɲələi di ə́ káá lai; di ə́ pili kpomói.

Izikiɛ 16:7

Ŋą́ ə́ huwalawala, yɛ kpomói kala tiliin; ə́ gbala tɔɔ kɛa ə́ hu yɛ hvɛɛ, yɛ́ kɛnɛ̨; ə́ lɛlɛ kɛa naai və kɛ mą; ə́ ɲįnįɠaa di tɔɔ kɛa, ə́ ləɠaɠaa di kulɔ; kɛlaa həɠə hvo kɛ yɛ́; ə́ kɛ lɔ a ə́ kpuɠulu.

Mise 7:10

Ɲówo kaa pai nąą kaai, yɛ nwumɛ̨; yai tii kɛi kɛ mą́ą́: «Ə́ wɔ Yálái Yai-Laa kaa mį?» Ɲɛ̨́i kaa pai tɛɠɛ ɓoi ɉu, di kaa pai dan ɉii yɛ pələ pɔ palaya.

Maafîu 5:13

«Ka káá a yɛnɛ̨ɛ̨ kpolo-léén. Kɛlaa, akɛ kpolo-léén a kpɛɛ mą, lə ɓə da pɛli di néén gɛi la mą? Hva kɛa kɛ a hɛn da kɛ hɛn, mąąnɛ̨ɛ̨ lɔ di bili yɛnɛ̨ɛ̨, nuą diɛ tɛɛ ɉu.

Ɉaan 5:25

A tɛ̨ą, a tɛ̨ą kpɔkpɔɔ gáá moi kaa: gaa pai kɛi a yələ ta, aa gbɛa mun həli, Yálá Lon nwoo a too hąąuą wəlii; yiiɠaa da mąn, da ɓalo.

Gɛlaɠaa 7:34

A tɛ̨ą, mɔ̨nɔ̨i nwɔ́ nuą kaa mįi Eziptə lɔi hu, ŋą́ą́ gaa, ŋą́ą́ di ɲiŋɛ̨ woo mɛ̨n, ŋą́ yɛɛ, ə gɛ, ŋą́ di nwun mąąɓo. Yiihu kɛa, gáá ə́ tɔɔi ə́ li Eziptə lɔi hu.›

Lomaŋ 9:15

Yaan, ə kɛ Moisə ɓa: «Nui ŋą́ kɛ bɔ, ŋą́ ɲɛ̨imąąwɛli kaa; nui ŋą́ kɛ bɔ ŋą́ nwɛlila kɛ.»

Dutɛrɔnome 9:4

Yai-Laa a pa nuą tii kpɛi ka tɔwɔi, ka tɔɔ kaa kɛ diɛ: «Ku túwɔ́ pələ lɛlɛɛ moɔ ya ɓə gɛ, Yai-Laa yɛ ku lɔ la nɔi ŋɛ̨i hu, kuɔ hee laa.» Nu huwui tii hɔn mə gɛ, yɛ nɔi kulɔ la di yəi, yɛ dɛɛ ka pɔ.

Hebreu 10:29

Gu hvomun kɛ, nui a Yálá lon mąą mɛ̨nį too gɔwɔ pɔ, mįnɛ̨ nįnɛ̨ ɲąmąi ŋɛ̨i pu, nɛ̨ŋɛ̨n nwaa mɛ̨nį ɓa, ə yili hviiɓo, ə ɓáá kulɔ nɛ̨ɛ̨laai a həɠə Kili-Mąąhəɠɛɛ pɔ, mą, ká wɔɔ kwəi, ŋą mɔ̨nɔ̨i hva kɛnɛ̨ kpɔ ə tɛɛ gɛi ɓa?

M̀ɛni-lɛɛi 14:20

Di viɲəɠaa tii yá kulɔ gɔwɔ́-la daa pulu pələ, ɛlɛɛ, ɲąmą ə kulɔ, ə tɛ kpɔ hoo-laa-kwɛli ɓa, ə laa nɔi mɛ̨i a kilə waa tɔ̨nɔ̨ pulu nwun mɛ̨ida.