Izikiɛ 16:49 - Yálá laawoo hɛɓɛ (dc)

⁴⁹ Ə́ ləɠə Sodomə nwɔ nɛ̨ŋɛ̨n ka: Ɓələn da bilaa kɛ hɛn gəlee hu, liihɛlɛn və kɛ mą da non nɛ̨ąą; di hvo kɛi mąąwɛli mun da yeehvowolomun di mąąkpɔn mąąɓo,

Yálá laawoo hɛɓɛ

⁴⁹ Ə́ ləɠə Sodomə nwɔ nɛ̨ŋɛ̨n ka: Ɓələn da bilaa kɛ hɛn gəlee hu, liihɛlɛn və kɛ mą da non nɛ̨ąą; di hvo kɛi mąąwɛli mun da yeehvowolomun di mąąkpɔn mąąɓo,

Bible

⁴⁹ Tɔ̃yâ m̀a, m̀ɛni-ŋai ŋí ƃé ka leɣe-ǹɛnîi Sodɔŋ è gɛ. Da ǹeɣe díkɛ a díyôŋkàa, kpɛ́ni fêi mii-sãa támaa è kɛ díyeêi, kɛ́lɛ dífe da tɛɛ ní golo-ƃelai da diai sɛŋ da fé kɛ ní díyeêi pɔ.

Izikiɛ 16:49 ပူးပေါင်းရင်းမြစ်များ

Zɛnɛse 13:10

Lɔtə ə ɲɛ̨i laa, nɔi kɛ Ɉurdɛn yá koo ɓa, ə gaa, nąą pələ nwɔ kalai ɲąąnɛ̨ɛ̨. Ə həɠə Soarə daai yɛ li Sodomə daai da Gomorə daai pələ, nąą pələ ə kɛ yɛ Yálá-taa lon ma. Kɛlaa, Nąąlɔwai, Yai-Laa hvo ni kɛ Sodomə taa da Gomorə taa di kala li. Gɛɛnąąi tii, nɔi lɛlɛ pələ ə kɛ yɛ Eziptə ɲá lee kɛnɛ̨ ŋɛ̨i da kɛ mą: Nilə, gwɛlɛ lɔi.

Zɛnɛse 13:13

Sodomə taai tii hu nuą di kɛi túwɔ́ pələ ɲɔ̨n gɛ, diɛ Yai-Laa lii kələn gwəi.

Zɛnɛse 18:20

Yai-Laa ə mo Abrahamə ɓa, yɛ mą: «Sodomə taa da Gomorə taa hu nuą kɛ nɛ̨ŋɛ̨n gun aa tɛ aa həli mą́ą́, di wɔ túwɔ́ pələ ɲɔ̨n ɉu a wiɛ.

Zɛnɛse 19:24

Nąąlɔwai ɓə Yai-Laa ə nwɔ̨n dulɔ pu la Sodomə taa da Gomorə taa di mɛ̨i.

Zɛnɛse 19:9

Nuąi tii diɛ Lɔtə ɓa: «Həɠə tai laa tɔɔni! Nwɛ̨ą ə həɠə ləi, yɛ kɛ ə tɔ́n ɉee ku mɛ̨i ku pɔ lɔi ɓɛ, yili hva pɛli tii. Mɛ̨nį ku kɛi pa gɛi a nuąi ŋɛ̨i, ku kaa gee mɛ̨i hveelɛ kɛi a yɛ́.» Sodomə nuą di Lɔtə pili a huwalawala, di yili kɛa gbon mą, diɛ kɛ di naa yali.

Mąątɛ̨nɛ̨ 138:6

Yai-Laa kaa hɛn gəlee nwun mɛ̨i yələi kwɛaa la! Nui kɔ́lɔn və mą, yɛ gaa! Yɛ humɛ̨ni kɛnɛ̨mun gaa kwɛaa la.»

Hanwon 16:18

Kpɔwɔ ɲąą kɛnɛ̨ a kɛɛ kala, ɲɛ̨itɛ yɛ nu hukala.

Hanwon 16:5

Kpɔwɔ ŋąą kɛnɛ̨ nuą kəlee wɛli kpɛɛi Yai-Laa ɓa, di hvo pai lɛɛi lɔ tii, di hutɔɔ mɛ̨nį hva ɉəɠə mą.

Hanwon 18:12

Nu a wala ni too, ɉuɲąɲą kɛnɛ̨i, Kɛlaa, gɛɛ di hvo nu ɲɛ̨i pɔ̨nɔ̨, mąąnɛ̨ɛ̨ ə gbɔwɔ mąą yɛɛ.

Hanwon 21:13

Nui a nwəli laa kpulu mąąwɛlimun domą woo tɔwɔ, gaa pai təliɓo kɛi yaa kpɛli, di hva nwoo mu hon.

Hanwon 21:4

Ɲɛitɛmun, huɲąɲą kɛnɛ̨mun, nwąnąlɔ nuą da di wɔ mąąwiɛ, gəlee kaa a nɛ̨ŋɛ̨n.

Azaya 1:10

Sodomə nu kpɛa-kpɛa, ka ka wəli tɔɔ Yai-Laa woo ɓa! Gomorə nuą ka ku wɔ Yálái nwɔ liɛwoo mɛ̨n! Yɛ diɛ:

Azaya 16:6

Kwaa Moabə nwɔ kpɔwɔ ɲąą kɛnɛ̨ ɲɔ̨nwɔ̨ɔ̨ bələ mɛ̨n, nwɔ ɲɛ̨i tɛ mɛ̨nį, nwɔ kpɔwɔ ɲąą kɛnɛ̨i, nwɔ ɓələn, vilɛn ŋąą la kpɛli kpɛli mɛ̨nį pulu.

Azaya 3:9

Di ɲɛ̨́i tɔɔ pələ ɓə a di mąą kɛla hvaa ɓo, di wɔ nɛ̨ŋɛ̨n tii tɔɔ di ɲɛ̨́i, yɛ bələi Sodomə ə gɛ la, di hva noo, di mąąwɛliɛi, diɛ mąąwɛli mɛ̨nį laa di kpɔwɔ ɓa.

Azaya 47:8

'Ə́ wəli tɔɔ kɛa yɛnɛ̨ɛ̨ wɛli la kɛmun, yɛ́i tɔɔlaa kɛi a ə́ wəli pulu laɠiɛ, yɛ́i yá kɛ kɛi diɛ ə́ kwəi pələ: «Ɲą́ą́ lɔ ɓə laa, akɛ ɲą́ą́ hvəi, nu takpɛli hvo laa, nwɛ́i və́ pai kalaninnaa kɛi a yələ lɔpee ta, və́ pai hvɛɠɛi a nónnii.»

Ɉeremi 48:11

Moabə ə kɛ liilaa hu, ə həɠə kpɔ muhəɠə yələ ɓa, ə kɛi vįitɔɔ nwɔ lɔɔ kpoi mɛ̨i, mąąhɔlɔɓo, di hvo ta kɛ ɉuɓo li. Mukulaa ɓaa: Hvo ta kɛ li li kɔluwɔlaa hu. Yili mąą mɛ̨nį ɓa, neen gaa lɔ ni ɉu, gun nɛɛ ə ɓo lɔ ni a gɛ pələ.

Izikiɛ 16:46

Ə́ liɛ nɛ̨ɛ̨nu ɓaa a Samari, gaa hee ni ə́ kɔ́ɓɛyee hu pələ; ə ləɠə nɛ̨ɛ̨nu ɓaa Sodomə, gaa ə́ ɓa-mįi-yee hu pələ, da non nɛ̨ąą.

Izikiɛ 18:12

yɛ ɲee pənə mąąwɛli mun da yeehvowolomun di hu, yɛ nwuɔ̨ kɛ, da tolaa heemą, hva kɛa pənə hvo ɉɛn tii tɛɛ nąmu pɔ; hali mɛ̨nį wɛli ə ɓo mą, yɛ ɲee to ɓowo mɛ̨nį hu,

Izikiɛ 18:16

hva ɲee pənə nu ta hu, hva kanąn tolaa hɛn ma; hva nwuɔ̨ kɛ, yɛ gɔ̨nɔ̨n dɛɛ nui pulu kaa mą bɔ; Yɛ həɠə tɛɛ nui gaa a gbuwulu bɔ,

Izikiɛ 18:7

Hva ɲee pənə nu ta hu, hva tolaa hɛn ɉon, hva nwuɔ̨ kɛ, yɛ gɔ̨nɔ̨n da tɛɛ pulu həɠə mun bɔ, nui həɠə hvo mą, yɛ həɠə kɛ mąą nu ɓa,

Izikiɛ 23:42

Di kɛi nu kpulu kɛnɛ̨ tin mąn, diɛ kwəinɛ̨ɛ̨ kulɔ, mɛ̨nį hvo kɛ di wəli pulu; nu kpulu kɛnɛ̨ ta kpɛli ə pa ə pɛlɛ yiliɠaai diɛ, diɛ həɠə nɔi pun ɉu pələ kəlee pɔ; di kɛi yee kwąną kwɛli too nɛ̨ąą yee ɓa, diɛ tɔɔɓɔlɔ lɛlɛɛɠaa lɔ di nwuɔ̨.

Izikiɛ 28:17

Ə́i kpɔwɔ ɲąą kɛnɛ̨, ə́ lɛlɛ mɛ̨nį hu, ə́ mąąwiɛ pələ ə́ ə́ wɔ kilikɛɲəi hukala. Gáá ə́ tooi lɔi ɓa, yɛnɛ̨ɛ̨ tɔɔɓɛlaa diɛ pa, diɛ ə́ kaa.

Izikiɛ 28:2

«Hulɔnu lon, 'mo Tirə tɔɔmun ma, yɛ́ mą; Mɛ̨nį kəlee ŋą Hééɓomun Yálá woo ka, yɛ: Ə́ kpɔɔ ɲąąkɛnɛi yá mo, yɛ́ kɛ diɛ, gáá a yálá, ŋą́ ɓo heeni tɔɔ kpəlin mɛ̨i, yai gaa a yálá hee kpəlin gboloyá hąąi; ya pa nu lɔ ɓaa yɛ́, hvó a yálá. Ə́ kaa ə́ kpɔwɔ kaai yɛ Yálá pɛli.

Izikiɛ 28:9

Nui pai ə́ paai, ə́ lii kaa mɔ̨ɔ̨ pai kpələi, yɛ́ kɛ mą gáá ɓaa yálá? Yá pa, ə́ kaa lɔ nu kan, hvó a yálá, ɛlɛɛ, ə́ ɓo kɛa nuąi pai ə́ paai, di yee kɔnma.

Izikiɛ 29:3

'Mo, yɛ́ mą: Mɛ̨nį kəlee ŋą Hééɓomun Yálá woo ka, yɛ: Faraɔn Eziptə tɔɔmun, aa lɛɛ gwa yɛ́ gu lɔwai, yɛ́i a mąąɲɔw hɛn gwiɛ kwiɛ; ə́ ɓo pɛlɛni Nilə yaɠaa lɔwai; yɛ́ ɓə ya kɛ diɛ: ‹Nwɔ́ɔ́ ɓaa a Nilə ya! Ɛlɛɛ, ɲą́ą́ gbinįlee ɓə gbɔwɔ pɛli!›

Danîa 4:30

Nąąlɔwai tii hu kpɔlɔ, nwoo tii laa ə hvɛɛ Nabukodonosorə ɓa. Yálá ə gulɔ nuą lɔwai, yɛ kala nwunu mįi yɛ Nįŋɛ̨, luwuluwu tulɔ ə lɛɛ pui ma, nwun nəɠa ə kwɛa yɛ kuwɔ ləɠa, gɔwɔ ɲąnįnŋaa di kɛ yɛ nwɛ̨nį nwɛi.

Danîa 5:23

Yaa ə́ muhəɠə Yálá ŋɛ̨i gaa hɛn gəlee nwun mɛ̨i naa ɓa, yaa ɲəi bɛlɛ́n ɉɛnŋaa həɠə, yɛ́, ə́ wɔ wɛli nɛ̨ąąi, ə́ nɛ̨ąni da ə́ wɔ nu kpɛa-kpɛaɠaai, kaa lɔɔ kpələ ɉu. Yili pulu, yáláɠaai ŋɛ̨i di kaa a: wali kwɛli, hɛni, ɓala kwɛli, kwɛli, wulu da kwɛni maahaɠaaɠaa, diɛi di hva kɛɛ kaa, di hva mɛ̨nį mɛ̨n, kili hvo diɛ, kaa kwɛli hvilɛn diɛ, ka hvo gɛ li ka hvo mąąwiɛ tɛɛ Yálá pɔ, yaai ə́ nɔw kaa ɲəi, da ə́ kɛ mɛ̨nįɠaa kəlee.

Abdiasə 1:3

Ə́ wɔ huɲąŋą kɛnɛ̨ lalan bilɛɛ aa ə́ ɓowo, yɛ́i ə́ mąą tinɛ̨n ŋąą a kwɛni hįį, nu ta yee hvaa tɛɛ laa yɛ́. Ə́ heɛ mɔ̨ɔ̨ tii laa, ya kɛ kɛi ə́ kpɔwɔ ɓa: «Gbɛɛ ɓə pai gúlɔi ɓɛ?»

Lukə 17:28

Bələ lɔ ɓə nwɔ̨nɔ̨ ə kɛ la a Lɔtə nwɔ yələi: nuą diɛ di laa mį́į́, diɛ di kpələ, diɛ lɔwɔ́tɔɔ, diɛ hihɛn ɲɛa laa, ɛlɛɛ, diɛ pɛlɛ́ tɔɔ.

Lukə 21:34

«Ka ka kpɔɔ mɛ̨i kaa. Ka hvo ka nii lɔ yɛnɛ̨ɛ̨liiɓa hu, ka hvo kɛ a lɔɔ honŋąa. Ə lɛɛ, ka hvo ka liihɛlɛn a ka wɔ yɛnɛ̨ɛ̨ kɛ hɛn mɛ̨nį. Ə kulɔ yili pulu, volói tii kaa pai kulɔi ka kəlee ka tɛɠii.

Dutɛrɔnome 32:15

Bələ ɓə Yesurun ə kɔ̨nɔ̨n mįi la ə pilɛ ɉu, goo ə hee, ə kulɔ nwoo mu laa kɛ, ə kɛnɛ̨ tɛɓɛlɛ-tɛɓɛlɛ, goo ə hee. Ə gili kulɔ bɛli Yálá hu, ə nɛɛ laa. Ə mąąkɔ̨nwɔ̨ kwɛni ɓɛlɛkpɛɛ ma, yaai gaa a nwun mąąɓomun.

Zĩi 5:5

Ká kɛ ká nɛ̨ɛ̨ hu yɛnɛ̨ɛ̨, káá ká liiɓa kɛ, káá ká laa nɛ̨ɛ̨ mįi, a hɛli ɲələɠaa.

Piɛrə dɔlɔɔ 5:5

Káá kpɛlimąn, a muhəɠə nįnɛ̨ɠaa, 'ká lɛɛ nu pɔlɔ-pɔlɔɠaa woo mu. Ɛlɛɛ, ká kəlee, 'ká ká kpɔwɔ mąąyɛɛ ká lɔwai mɛ̨nįɠaa hu, mąąhɔlɔɓo, «Kpɔwɔ ɲąą kɛnɛ̨mun nwɛli hvo Yálá ɓa, kɛlaa, nuąi da di kpɔwɔ mąą yɛɛ, a nwɔ mɛ̨inɛ̨ɛ̨i kɛ diɛ.»

M̀ɛni-lɛɛi 11:8

Di powa kaa pai lɛɛi tooni daa-lee kɛnɛ̨ hɛ̨ąi, yai da naa hee a Sodomə da Eziptə, nąą ɓə di di Nąmu kpɔn laa wulu ɓa.