Izikiɛ 16:38 - Yálá laawoo hɛɓɛ (dc)

³⁸ Nɛ̨ąą da wɛli hon diɛ nu ɲąmą pu, pələi da di hutɔɔ la, bələ ɓə gáá pai ə hutɔɔi la. Gáá pai ə́ ɲąmą pui, nį́į́ holi pələ da nwɔ́ tolo kulɔ pələ mąą mɛ̨nį ɓa.

Yálá laawoo hɛɓɛ

³⁸ Nɛ̨ąą da wɛli hon diɛ nu ɲąmą pu, pələi da di hutɔɔ la, bələ ɓə gáá pai ə hutɔɔi la. Gáá pai ə́ ɲąmą pui, nį́į́ holi pələ da nwɔ́ tolo kulɔ pələ mąą mɛ̨nį ɓa.

Bible

³⁸ Ŋa pâi ǹíi ŋwanai ŋa kákula maa kɛ yɛ̂ɛ nɛnî ƃe a ǹyée kula sirɛ-kaa mɛ̂ni su, kpaa máŋ yɛ̂ɛ núu-paa ǹûui. Ŋa pâi í kula maa kɛ̂i a ípâa.

Izikiɛ 16:38 ပူးပေါင်းရင်းမြစ်များ

Zɛnɛse 38:11

Ɉuda yɛ kɛa non nɛ̨ą Tamarə ɓa: «Yɛ bələi yáá lɛɛ la a kalanin, 'li ə́ lɛɛ ə́ nąn ɲəi bɛlɛ́n, ə́ nąą mąą kpɔn, ə lɛɛ ɉu nón Sela ə laŋą.» Ɉuda ə kɛi mo gwəi pələ, yɛ kɛ mą: «Və́ bɔ Sela yaa kpɛli hvo haa, yɛ bələi niɛni di haa la.» Tamarə ə li nąn ɲəi bɛlɛ́n, ə lɛɛ laa.

Zɛnɛse 38:24

Ɲąnįn ɉaaɓa tɛɛ pulu, nu ta ə pa, yɛ Ɉuda ɓa: «Ə́ lon nɛ̨ą Tamarə aa gbɔwɔ kɛ a wɛli kɛ mun, aa lɛɛ ɉu aa koo həɠə.» Ɉuda yɛ diɛ: «Ka ɉon ka li la, ka nɛɛ a vulú, ka gələn.»

Zɛnɛse 9:6

«Nui a mɛlan ɲąmą pu, nu lɔ ɓə a mąą nu ɲąmą pu, mąąhɔlɔɓo, Yálá ə nu pɛli Yálá kpinį mąą nįnįn ɉu.

Lɛɛ gbɔwɔ ɓa 21:12

«‹Nui lɔpee a nu ta kɛlɛ, a baa, mąąnɛ̨ɛ̨ di mąą nu paa.

Ɉeremi 18:21

Yili ɓa, di lonnii lɛɛ pulu yee kɔ́nma, di lɔ kɔ́ kɔ́ ɓɔwa ŋą. Di nɛ̨ąni di lɛɛ a lon nwɛli da hilɛ wɛli. Di hilɛni di haa ɲɔ̨n ɲəi, di lon ɉilɛlɛa di lɛɛ kɔ́ hu.

Izikiɛ 16:36

Mɛ̨nį kəlee ŋą Hééɓomun Yálá woo ka, yɛ: Gɛ mɛ̨nį yáá ə́ nɛ̨ąhɛn nɛɛ tooni hvóló ɓa, yáá ə́ kpuwulu lɛ ə́ wɔ wɛli hon ŋąą hu ka ə́ wɛliɠaai, da ə́ wɔ ɓowo haliɠaai ə́ kɛi ə́ lonnii kulɔ diɛ a haláá, yɛ di ɲąmą pu;

Izikiɛ 16:40

Di kaa pai nu kpulu ɲąątɔɔi yɛ́, diɛ ə́ hɔɔ a kwɛni. Diɛ ə́ ɓɛla ɓɛla a di wɔ ɓɔwa kwɛa kwɛaɠaai.

Izikiɛ 23:24

Mąą yələ, kɔ́ kɔ́ wotoloɠaa, da tiɛ̨ həɠə-wotoloɠaa da həɠə ɲánwuɔ̨ pələ diɛ pa pɛlɛi yɛ́. Da kɛ a nu huwu yee lɔɔ gee hu; da ə́ mąątínɛ̨n a kɔ́ kɔ́ kwɛlihɛnŋąą, di doo gee hu. Ŋą́ nwóó hu kulɔ diɛ, diɛ kɛa ə́ kiti tee yɛ bələi di kaa la bɔ.

Izikiɛ 23:25

Ŋą́ tóló kulɔ a yɛ́, diɛ ə́ hɔɔ a líiholi. Di kaa pai ə́ huŋɔ̨ teei yɛ́, da ə́ wəliɠaa. Ə́ hu nuą gbəlii a lɛɛ, ɓɔwa kwɛaa yɛ di paa; di kaa pai ə́ lon ɉinąą da ə́ lon nɛ̨ąą həɠəi, ɛlɛɛ, ə́ kpəlii pai lɛɛi nwɔ̨n ə gələn.

Izikiɛ 35:6

yili ɓa, yii kpɔ gáá a vúlu, Mɛ̨nį kəlee ŋą Hééɓomun Yálá woo li; gáá pai ə́ ɲąmą pui, ɛlɛɛ, ɲąmą a hvilɛn ə́ pulu. Yii kpɔ hvó ɲɔw li ɲąmą ɓa, ɲąmą kaa pai kɛi hvilɛn ni ə́ pulu.

Izikiɛ 36:18

Ŋą́ nwɔ́ liiholii hee diɛ, ɲąmąi tii di bu nɔi hu, mąą mɛ̨nį ɓa; da ɉaliɠaai di nɔi mąąliɓi la, di mąą mɛ̨nį ɓa.

Levetekɔ 20:10

«Nui a laa a mɛlan nɛ̨ą, da nu hveelɛi tii paa.

Nahumə 1:2

Yai-Laa kaa a Yálá tolɔɔ, yɛ nwąną kulɔ, nuąi da tɔɔ na, a nwąną kulɔ diɛ, Yai-Laa a nwąną kulɔ, nwɔ liiholii mąą ɲɔwuɔi, Yai-Laa a nwąną kulɔ gɔ́ yɔwɔɠaa diɛ, a nii hvoli ɲowoɠaa pɔ.

Sofoni 1:17

Gáá mɛ̨nį ɲąąnwąnąą laai nu kanŋaa diɛ, diɛ hiɛ yɛ ɲɛ̨ipu nuą. Mąąhɔlɔɓo, daa nɛ̨ŋɛ̨n ɉəɠə Yai-Laa ɓa. Di ɲąmą kpoloon gaa pai laai yɛ, tulɔya kpoloon, di powa puɔ gee mɛ̨i, yɛ luwun yɛ túlún.

Lonon mo 35:16

«Akɛ kwɛli hɛn mə ə ɉee mɛlan ma, yɛ haa, nu paamun ni, mąąnɛ̨ɛ̨ di nu paamun tii paa.

Lonon mo 35:17

Akɛ ə ɉɔɔ a kwɛni ə haa, a wala kɛ tii, ə kwɛni pili ə hee nu ɓa ə baa, nu paamun ni, mąąnɛ̨ɛ̨ di nu paamun tii paa.

Lonon mo 35:18

Akɛ ə hɛn da pili yɛ gbɔn gɛ pələ, yɛ mɛlan baa la, nu paamun ni mąąnɛ̨ɛ̨ di nu paamun tii paa.

Lonon mo 35:21

a duwɔ a ɲee kpuwulu a yowo laa, yɛ baa; nui gɛlɛ ɓo kɛ, mąąnɛ̨ɛ̨ di baa, nu paamun ni. Nwąną kulɔ mun mə a nui tii paa, ɓɛlɔwai a gaa la.

Lonon mo 35:31

Mąą hvo nɛ̨ɛ̨li di hvo hɛn da hon a nu paamun nwun mąąɓo hɛn. Akɛ haa mɛ̨nį kaa nwəli pulu, mąąnɛ̨ɛ̨ di baa.

M̀ɛni-lɛɛi 16:6

gbala ə tɔɔ, daa nu mąąhəɠɛɛɠaa da ə́ kwəi mɛ̨nį hukulɔ nuą ɲąmą pu, ɲąmą lɔ ɓə yáán ə́ dɔɔ di la, diɛ gbələ. Yili kpɔ ɓə di gwɛli!»