Izikiɛ 16:37 - Yálá laawoo hɛɓɛ (dc)

³⁷ Yili mąą mɛ̨nį ɓa, gáá ə́ wɔ wɛliɠaai kəlee ɲąąkpɔn ɉii; diɛi ə́ wɛli ə too diɛ, yiiɠaai di wɛli ə kɛ yɛ́, da yiiɠaai di wɛli hvo kɛ yɛ́; gáá pai di ɲąąkpɔn ɉii, diɛ həɠə kɛɛnąą kəlee, diɛ pa ə́ pɔ, ŋą́ ə́ kpuwulu ɓo di ɲɛ̨i ɓa, di kaa pai ə́ kpuwulu kəlee kaai.

Yálá laawoo hɛɓɛ

³⁷ Yili mąą mɛ̨nį ɓa, gáá ə́ wɔ wɛliɠaai kəlee ɲąąkpɔn ɉii; diɛi ə́ wɛli ə too diɛ, yiiɠaai di wɛli ə kɛ yɛ́, da yiiɠaai di wɛli hvo kɛ yɛ́; gáá pai di ɲąąkpɔn ɉii, diɛ həɠə kɛɛnąą kəlee, diɛ pa ə́ pɔ, ŋą́ ə́ kpuwulu ɓo di ɲɛ̨i ɓa, di kaa pai ə́ kpuwulu kəlee kaai.

Bible

³⁷ M̀ɛni ma, ŋa pâi ká wɛ̂li-ŋai kélee ŋá-tɛi gîe ma, é máŋ kɛ́ a ǹyii ká ŋwɛli nii da nyii káfe ŋwɛli nii. Ŋa pâi dítinaŋ ni yâ ŋá ímaa kpôloŋ díŋɛi a gɛɛ dí íkaŋ káa.

Izikiɛ 16:37 ပူးပေါင်းရင်းမြစ်များ

Azaya 47:3

Nuą di ə́ kpuwulu kaai! Ə́ tənəi ŋɛ̨i ə́ kpáánŋąąi, yɛ́ noo, nuą di gaa, gáá pai nwą́ną́ kulɔi, nu ta hvo laa, yɛ kpɛ̨ąn ɉii dɔ́wɔ́.

Ɉeremi 13:22

Akɛti, ya ə́ kpɔɔ mąąni kɛ, yɛ kɛ diɛ: «Mɛ̨niɠaa ŋɛ̨i kaa laai mą́ą́ lə mɛ̨nį ɓa?» Ə́ wɔ lii ɲɔ̨n gwəi laa ɓə gɛi, diɛ həɠə tee la yɛ́, di yee tɔɔ ə́ kwąną.

Ɉeremi 13:26

Ɲą́ą́ gbínii, gáá yɛ́ həɠəi tɛi a ə́ nwun, ə́ ɓɛlɛ ə́ too nu kəlee ɲɛ̨i ɓa.

Ɉeremi 22:20

'Tɛ́ Liban yee nwuɔ̨ ə́ tomą, tomą yələi Basan lɔi hu, tomą kɛɛnąą kəlee ɓa. Daa ə́ wɛlikɛmąą nuą kəlee hu yali

Ɉeremi 4:30

Ə lɛɛ yɛ́i ɓaa Ɉerusalɛmə taa, lə ɓə ə́ kaa pai gɛi? Hɛli həɠə ɓə ŋɛ̨i ə́ kaa gɛi yɛ́i? Ə́ kaa mɔ̨ɔ̨ pai ə́ mąą yilii a hɛni? Ə́ kaa mɔ̨ɔ̨ pai pəna laa ə́ ɲɛ̨i? Kpɛli ka tii ə́ kaa gɛi, yɛ́ lɛlɛ kwɛli. Yɛ́ wɛliɠaa daa tɛɠɛɓo ə́ hu, ə́ paa mɛ̨nį ɓə kɛa di kaa la ə́ pulu.

Woolaa 1:19

Ŋą́ nwɔ́ wɛliɠaa təli, diɛ kpɛli daa mówo nwɔ́ haláá laa həli nuą, daa nwɔ́ kalanɉonŋaa diɛ mɔ̨nɔ̨ mįi daa kwəi a pulu, diɛ kɔ̨nɔ̨n gwɛli, ə gɛ, di nɔ̨ɔ̨ ə lɛɛ di hu.

Woolaa 1:8

Ɉerusalɛmə aa nɛ̨ŋɛ̨n ɉəɠə a gɛnɛ̨, ya ka nąą aa lɛɛ a túlún ɉu. Nuą kɛi mąąwiɛ, mɛlɛ aa kpɛɛ di kwəi, mąąhɔlɔɓo, daa gbuwulu kaa. Nwɛi, gaa mɔ̨nɔ̨ mįi. Aa bulu tinɛ̨n.

Izikiɛ 16:57

ə́ wɔ kili ɲɔ̨nwɔ̨ɔ̨ hvo ni kɛ kulɔ li pɔ̨nɔ̨ ŋą? Ə́ wɛi nąąlɔwai aa həli. Aramə nɛ̨ɛ̨lɛa diɛ di laa pu ə́ hu, da ə́ kwɛlɛ nɛ̨ąą kəlee, da Filisti nɛ̨ɛ̨lɛai tii ə́ kwɛlɛ diɛ tɛɛ ɓo ə́ hu.

Izikiɛ 23:17

Yiliɠaai di pa bɔ, Babilonə nuą di pa nwɛli pɛlɛ́ mu, di mąą liɓi a di wɔ tuwɔ pələ ɲɔ̨n; mąą ə liɓi di mąą mɛ̨nį ɓa. Yili pulu di wɛli ə kpɛɛ mą kpɔ tɛ̨ɛ̨ tɛ̨ɛ̨.

Osia 2:10

Hvo kɛ gbaɠala kɔ́lɔn yɛ kɛ mɔ̨nun, wulɔ, lɔɔ nɛ̨ɛ̨, ɲą́ą́ ɓə kɛi di tɛɛ bɔ, ŋį́ kɛi wali tiɛ̨ mą, ɛlɛɛ, ɉɛni nwɛi, di kɛi Baalə mąą mɛ̨nį kɛ la.

Osia 2:3

'Ka kɛ ka nąn nonnii diɛ: «Ami, nwɔ́ nu huwu», kaa ka mąąhalani diɛ: «Ruhama, nwɛli kɛmąą mun.»

Osia 8:10

Di mą hamą pilɛɠaa ɲąąkwɛlɛ nɔiɠaa hu, gáá kɛa pai di ɲąąkpɔn ɉii, ɛlɛɛ ɉu hvo pai kwɛai, di mąą kaa pai kɛi kpalin ɉii, tɔɔɓɛlaa di wɔ tɔɔmun nwiɛ mu.

M̀ɛni-lɛɛi 17:16

Mįnɛ̨ powi tii ə́ gaa, ɛlɛɛ, da ɉuwɔi tii, di kaa pai wɛlikpɛɛmąą laa kulɔi a nwɛlikɛ nɛ̨ɛ̨nui, di kaa pai mąą hɛnŋąa kəlee kulɔi mą, di nɛɛ a gbuwulu. Di kaa pai ɉuwɔ mįi, ɛlɛɛ, di gələn a nwɔ̨n.