Izikiɛ 16:33 - Yálá laawoo hɛɓɛ (dc)

³³ Wɛli hon nɛ̨ąą kəlee da kɛ di hala hɔlɔɓoi, kɛlaa ə́ wɛi, ə́ kɛi gɛ ə́ wɔ wɛliɠaai diɛ a mɛ̨inɛ̨ɛ̨; ə gɛ, diɛ həɠə kɛɛnąą kəlee, diɛ pa ka diɛni kaa laa.

Yálá laawoo hɛɓɛ

³³ Wɛli hon nɛ̨ąą kəlee da kɛ di hala hɔlɔɓoi, kɛlaa ə́ wɛi, ə́ kɛi gɛ ə́ wɔ wɛliɠaai diɛ a mɛ̨inɛ̨ɛ̨; ə gɛ, diɛ həɠə kɛɛnąą kəlee, diɛ pa ka diɛni kaa laa.

Bible

³³ Sinaa ƃe da sama-sɛŋ tɛ̀ɛ nɛyãa pɔ, kɛ́lɛ yâ ƃe ya sama-sɛŋ tɛɛ ísinaai pɔ a gɛɛ díkula ƃela kélee ma díkɛ pa ípɔ.

Izikiɛ 16:33 ပူးပေါင်းရင်းမြစ်များ

Azaya 30:3

Faraɔn nwɔ taa wala wala kaa pai kɛi a ka nwumɛ̨ hɛn, ka mąą kilɛ mɛ̨nį Eziptə nįnįn mu yɛ kɛ a ka ɲɛ̨i paa mɛ̨nį.

Azaya 57:9

Ə́ kɛi li a gilɛ tɔɔmun bɔ pələ, wulɔ lɔɔ yɛ́, yɛ́ ə́ wɔ mąąti wulɔ kunnɛ̨ɛ̨ɠaa lɔ yɛ́ pɔlɔɔ pɔlɔɔ, yɛ́ nuą tɔɔ kpɔ kwɛala, bələ ɓə ə́ ə́ kpɔwɔ mąą yɛɛ la, kpɔ yɛ́ həli la ɲąmuą taa pələ.

Ɉeremi 2:24

yɛ dɔlɔɔ haa, yɛ ɓo lɔ lɔwɔ pɔ, yɛ ɉilɛ kwɛli a ɉunwɔ, gbɛɛ ɓə a pɛli kpəɲan ɉii nwɔ hilɛ wɛli tɔwɔ? Dɔlɔɔ hilɛɠaai da kɛ gwɛlii, di hva di kpɔɔ hviikpɛɛ, da gaa lɔ a gbɔɔi lɔwai.

Izikiɛ 16:32

Ə́ kaa yɛ wɛlikɛ nɛ̨ɛ̨nu, yai a nwɛ̨ą wɛli la kɛ ə́ tɛɛ ɉilɛ ɓa.

Izikiɛ 16:34

Ə́ wɔ wɛli hon ŋaai tii hu, hvo túwɔ li yɛ ə́ ɓɛlaa wɛlikɛ nɛ̨ąą, ə́ wɛi di hvo kɛi ə́ kwɛli yɛ wɛlikɛ nɛ̨ɛ̨nu, kɛlaa ə́ wɛi, ə́ kɛi nuą́ hala, di hva ə́ hala; yili ɓə gɛ ə́ wɔ wɛli hon bələi kulaa ə́ ɓɛlaa nɛ̨ąą di wɛi mu.

Izikiɛ 16:41

Di kaa pai ə́ wɔ pɛlɛ́ɠaai kələn ɉii; di kaa pai giti hu wooɠaai tii pɔ mɛ̨nį kɛi yɛ́ nɛ̨ąą kpulu kɛnɛ̨ɛ ɲɛ̨i ɓa. Gáá pai ə́ wɔ wɛli hon ŋąą kpɛɛi, hva kɛa pɛli wali tɛɛi a nuą́ hvɛla.

Osia 2:12

Gáá kɛa pai nwɔ nwumɛ̨ mɛ̨nįɠaai tooi pɔ̨nɔ̨ ɲą, nwɔ wɛliɠaa ɲɛ̨́i ɓa, ɛlɛɛ, nu ta hvo pai gulɔi ɲə́i.

Zooɛ 3:3

Gáá pai kwɛlɛɛn mɛ̨nįɠaa kɛi yələ kwəi, da lɔi mɛ̨i, ə mą kɛ ɲąmą, nwɔ̨n da nwɔ̨n nulu.

Mise 1:7

Ɉali mąą nįnįnŋaai kpɔ daai, gəlee hu a yali yali. Ɉɔlɔɓo hɛn gəlee a lɛɛ a nwɔ̨n gɔ̨nɔ̨n, ŋą́ nwɔ haliɠaai kəlee wolo-wolo. Mąąhɔlɔɓo, di di tiɛ̨ gee mɛ̨i, a wɛlikɛ nɛ̨ąą yəi wali. Di kaa pai pənəi di kɛ a wɛlikɛ nɛ̨ąą hvɛla.

Lukə 15:30

Kɛlaa, ə́ lon ŋɛ̨i aa li, aa ə́ yəi hɛn gɔw hu kala nɛ̨ą pulu, a pənə a pa, ya ɓə ya nįŋɛ̨ gbɔn baa mą.›