Izikiɛ 16:3 - Yálá laawoo hɛɓɛ (dc)

³ 'Kɛ́ diɛ: mɛ̨nįi Yai-Laa, gu wɔ Yálá kaa moi Ɉerusalɛmə ɓa, ya ka: ə́ huwu mɛ̨nį hu, da ə́ káá pələ hu, Kanaan lɔi kaa a ə́ kalaɓɔlɔ ni di wɔ lɔi; ə́ nąn ə kɛ a Amɔrə mun, ə́ lee ə ɓo a Hɛtə nɛ̨ɛ̨nu.

Yálá laawoo hɛɓɛ

³ 'Kɛ́ diɛ: mɛ̨nįi Yai-Laa, gu wɔ Yálá kaa moi Ɉerusalɛmə ɓa, ya ka: ə́ huwu mɛ̨nį hu, da ə́ káá pələ hu, Kanaan lɔi kaa a ə́ kalaɓɔlɔ ni di wɔ lɔi; ə́ nąn ə kɛ a Amɔrə mun, ə́ lee ə ɓo a Hɛtə nɛ̨ɛ̨nu.

Bible

³ Kɛ́ m̀a, Ŋ̀wála-wâla kélee Yâwɛɛi ǹyɛɛ, “Káfe a sɛŋ da. Kákaa nɔ́ yɛ̂ɛ Keena-ŋa. Kánâŋ ni díkɛ a Amoai-ŋa. Kálee-ni díkɛ ƃo a Ita-ŋa.

Izikiɛ 16:3 ပူးပေါင်းရင်းမြစ်များ

Zɛnɛse 11:25

Tɛra hɔlɔɓoɔ pulu, Nahɔrə ə kwɛlan nwundɔ̨nɔ̨ kwɛlan bow kɔ́w mɛ̨inąąn gɛ, ə lon ɉinąą takpɛliɠaa da lon nɛ̨ąą hɔlɔɓo.

Zɛnɛse 11:29

Abramə ə Sarai həɠə a nɛ̨ą, Nahɔrə ə Haran lon nɛ̨ɛ̨nu Milka həɠə a nɛ̨ą. Yiska ə kɛ a Haran lon dɔ̨nɔ̨.

Zɛnɛse 15:16

Ə́ huwuhu nuą ɉəɠə gee pɔ nąąn gɛɛnąą ɓə pai kɛi ɓɛ nɔi ŋɛ̨i hu, mąąhɔlɔɓo, Amɔrə nuą di hvo ni di wɔ nwąnąlɔ laahvɛɛ li, ə gɛ, ŋį́ di kpɛ.»

Tɔɔɓɛlaa dɔlɔɔ 21:26

Akabə ə túwɔ́ kpɔlɔɔ a ɲɔ̨nwɔ̨ɔ̨ yɛ Amɔrə nuą ŋɛ̨i Yai-Laa ə di kpɛ di wɔ lɔi hu yɛ Israɛlə nuą hee laa, yɛ kwɛli hvilɛn haliɠaa diɛ.

Tɔɔɓɛlaa veelɛ 21:11

«Yii kpɔ Ɉuda tɔɔmun Manase aa ɲee lɔ mɛ̨nį ɲɔ̨n daaləi ŋɛ̨i hu aa tɛɛ Amɔrə nuąi kɛ ɓɛ dɔwɔ di wɛi ɓa, aa gɛ Ɉuda nuą daa nɛ̨ŋɛ̨n ɉəɠə, a kwɛli hvilɛn di mo hali ɓa,

Ɛsdrasə 9:1

Mɛ̨nįɠaai tii kəlee tɛɛ pulu, bɛlɛ nąmįną di pa, diɛ mą́ą́: «Israɛlə lonnii, ɉaláá laa həli nuą, da Levi huwuhu nuą, da nɔi nuą daa kɛ tɔ̨nɔ̨, diɛ ɓaa: Kanaan nuą, Hɛtə nuą, Perizi nuą, Ɉebusə nuą, Amɔn nuą, Moabə nuą, Eziptə nuą, da Amɔrə nuą, da diɛni diɛ Yálá nwąną kala.

Nehemi 9:7

Yɛ́ Yai-Laa, yɛ́ ɓə Abramə həɠə, ə́ gulɔ Urə Kalde lɔi hu, ə́ naa hee a Abrahamə.

Azaya 1:10

Sodomə nu kpɛa-kpɛa, ka ka wəli tɔɔ Yai-Laa woo ɓa! Gomorə nuą ka ku wɔ Yálái nwɔ liɛwoo mɛ̨n! Yɛ diɛ:

Azaya 43:27

Ə́ nąn dɔlɔɔ tɔlɔɔ ə ɉɔn gɛ, ə́ woo laa tɛɛ nuą di di kwɛli tee ɲə́i.

Izikiɛ 16:2

«Hulɔnu lon, Ɉerusalɛmə kili hvilɛnŋąą lɔ kɛɛ kala mɛ̨nįɠaa diɛ.

Izikiɛ 16:4

Ə́ káá yələ, a ɲələi ti di ə́ káá la, di hvo ə́ wəlingɛ̨ą tee, di hvo ə́ waa a ya ə́ mąą həɠə mɛ̨nį ɓa; di hvo kpolo pu ə́ kɔ́lɔ ɓa, di hvo ə́ mąąkpinįn gɛ a həɠə ɓɛla.

Izikiɛ 16:45

Nɛ̨ɛ̨nui ɉilɛ da nonnii di wɛli ə kpɛɛ mą, mąą nɛ̨ɛ̨nui lon nɛ̨ɛ̨nu ɓaa a yɛ́. Ə́ liɛnii tii, di hilɛni da di lonnii di wɛli kpɛɛ diɛi, di ləɠə ɓaa yɛ́. Ka lee ə kɛ a Hɛtə nɛ̨ɛ̨nu; ka nąn ə ɓo a Amɔrə mun.

Izikiɛ 21:30

Israɛlə tɔɔmun, ə́ wəli tɔɔ, ə́ kili ɲɔ̨ŋɔ̨ɔ̨i ə́ kwəi, hvó Yálá kɔ́lɔn, ə́ wɔɔ yələ kaa pai, ɲələ a kɛ lɔ a ɲələi, yɛ́ ká ə́ wɔ nɛ̨ŋɛ̨nŋąąi ka kpɛɛ la.

Maafîu 11:24

Yili ɓə gaa mą, gáá moi kaa, Yálá nwɔ kiti teei lɔwai Sodomə taa nwɔ gahoi a hviɛlaɓo ə́ wɛi ɓa.»

Maafîu 3:7

Kɛlaa yii kɛa Ɉaan ə Farisiɛ̨ɠaa da Sadusiɛ̨ɠaa tamąą kaa, diɛ pa bɔ di mąąwaa mɛ̨nį ɓa, ə mo diɛ, yɛ diɛ: «Kaa yiiɠaa ka wɔ mɛ̨nį ɲɔ̨nwɔ̨ɔ̨ ŋɛ̨i, yɛ tumo kwəi lonnii, gbɛɛ ɓə kɛ kaa ka pu, ka həɠə Yálá nwɔ liiɲąnwąną yii gaa pai dɔwɔ?

Lukə 3:7

Nu kpulu kɛnɛ̨ ə kɛi pai Ɉaan pɔ, əgɛ, ə di mąąwaa. Ɉaan ə kɛi mo diɛ, yɛ kɛ diɛ: «Kaa yii ka wɔ mɛ̨nį ɲɔ̨nwɔ̨ɔ̨ ŋɛ̨i yɛ tumo kwəi lonni, gbɛɛ ɓə kɛ kaa ka pu ka həɠə Yálá nwɔ liiɲąnwanąąi ŋɛ̨i pai dɔwɔ?

Ɉaan 8:44

Ka nąn ɓaa a nąnį, niiɓa ɓə ka káá bɔ kaa gɛ. Ə həɠə kpɔ yɛnɛ̨ɛ̨ kɔ́wɔ tɔɔ yələ ɓa, paa lɔ ɓə nwɛli kaa mą. Hvo ta tɔɔ li tɛ̨ą pələ mɛ̨i, mąąhɔlɔɓo, hvo tɛ̨ą kɔ́lɔn. A kɛi lɛɛ mɛ̨nį ɓo, a gulɔ gbɔwɔ kɛ pələ hu, mąąhɔlɔɓo, gaa a lɛɛmun, yɛ ɓo a lɛɛ nąn.

Ifisiɛŋ 2:3

Gu kəlee gu kɛ a di ta, gu kəlee gu kɛi gu kpɔwɔ tɛɛ gu kɔlɔ liiɓa mɛ̨nįɠaa pɔ, guɔ niiɓa mɛ̨nįɠaa kɛ, gu hvilɛnŋąą kɔlɔ liiɓa mɛ̨ni pulu; ɛlɛɛ, gu kaa pələ hu, gu kɛ a nuąi Yálá ŋą liiholui hvilɛnŋąą di pulu, lɔ yɛ nu takpɛliɠaa.

Dutɛrɔnome 20:17

Yiiɠaai a Hɛtə nuą, Amɔrə nuą, Kanaan nuą, Perizi nuą, Hivi nuą, da Ɉebusə nuą, ka gəlee paa kpɔɔ tɛ̨ɛ̨tɛ̨ɛ̨; yɛ bələi Yai-Laa ka wɔ Yálái kaa ka tí la.

Dutɛrɔnome 7:1

Ɲələi Yai-Laa ka wɔ Yálái kaa pai ka lɔi la nɔi ŋɛ̨i ka káá pai ɉɔlɔɓoi a ka wɔ ɉui; yɛ nu huwu tamąą kpɛ ka ɲɛ̨i tɔwɔ, diɛi a: Hɛtə nuą, Girgasə nuą, Amɔrə nuą, Kanaan nuą, Perizi nuą, Hivi nuą, ɛlɛɛ da Ɉebusə nuą; nu huwu mɛ̨ihveelɛi tii di tamąąi, di hvaŋą kɛnɛ̨ di tɛɛ kaa,

Zasua 13:4

Kanaan lɔi kəlee da Meara lɔi, yii gaa a Sidɔn nuą di wɔ lɔi, ə həli la Afeka, ə həli la Amɔrə nuą ɲɛn ma.

Zasua 24:14

Ɉosue yɛ diɛ: «Ə həli kɛa kaa! Ka ɲɔw Yai-Laa ɓa, ka tí mą a ka kwəi kwɛlɛɛ, ka lɛɛ nwoo mu. Ɉaliɠaai ka nąnni di kɛi mąąwiɛ Efratə yá pulu pələ, da Eziptə lɔi hu, ka di kulɔ ka lɔwai, ɛlɛɛ, ka tí Yai-Laa ɓa.

Zɔ̂ŋ Maa-ŋuŋ 3:10

Mɛ̨nįi a Yálá lonnii da nąnį lonnii di lowai tɔɔ, ya ka: Nui lɔpee hva tələnmo laa kɛ Yálá nwɛi ta hvə li, ə mą kɛ, nui nwɔ̨nɔ̨, nąn non nwɛli hvo mą.