Izikiɛ 16:27 - Yálá laawoo hɛɓɛ (dc)

²⁷ Yili ɓə gɛ ŋą́ ɲéé pɛlɛ yɛ́, ə́ kɔ̨nɔ̨n ə kpɛɛ, ŋą́ ə́ tɛɛ ə́ yowoɠaai di kaa a Filisti nɛ̨ɛ̨lɛa di pɔ, diɛi tii ə́ wɔ túwɔ pələ ɲɔ̨n tii aa kɛ nwumɛ̨ hee di ɲɛ̨i.

Yálá laawoo hɛɓɛ

²⁷ Yili ɓə gɛ ŋą́ ɲéé pɛlɛ yɛ́, ə́ kɔ̨nɔ̨n ə kpɛɛ, ŋą́ ə́ tɛɛ ə́ yowoɠaai di kaa a Filisti nɛ̨ɛ̨lɛa di pɔ, diɛi tii ə́ wɔ túwɔ pələ ɲɔ̨n tii aa kɛ nwumɛ̨ hee di ɲɛ̨i.

Bible

²⁷ “M̀ɛni m̀â, ŋa nâa mu siɣe a gɛɛ ŋá ká kula maa kɛ́. Ŋa pâi ŋá luwai kulai káyeêi, ŋa kátɛɛ Felesia ŋai pɔ́ nyii ká ƃɛlɛ kpɛɛ̂i díkoi ká wulu-wulu kɛ́ mɛnii mai.

Izikiɛ 16:27 ပူးပေါင်းရင်းမြစ်များ

Tɔɔɓɛlaa veelɛ 24:2

Nąąlɔwai, Yai-Laa ə Kalde nuą, Aramə nuą, Moabə nuą da Amɔn lonnii di ɲąątɔɔ Yoyakimə ɓa. Yai-Laa ə di tɛɛ Ɉuda lɔi hu pələ, ə gɛ, di nɔi nuą huwu pu, yɛ bələi Yai-Laa ə bu laŋɔ tínuą la, diɛi kɛ a gwəi məni hukulɔ nuą.

Mąątɛ̨nɛ̨ 106:41

Ə di tɛɛ huwu takpɛliɠaa pɔ, di yowoɠaa diɛ hee di mɛ̨i.

Azaya 3:1

A tɛ̨ą hɛn kpɔ a pɛli kpɔmąą tɛɛi, Ɉerusalɛmə da Ɉuda lɔi di pɔ, Nąmu Yai-Laa Mɛ̨nį Kəlee ŋą Hééɓomun kaa pai, gəlee kulɔi di yəi; yɛ ə kɛ a ya, yɛ ə kɛ a kɔ̨nɔ̨n.

Azaya 5:25

Yili mąą mɛ̨nį ɓa, Yai-Laa lii aa holi nwɔ nuąi pɔ, aa ɲee tɛ mɛ̨i di kɛlɛ mɛ̨nį ɓa, yeeɠaa diɛ kpɛlin, di powaɠaa di ɓo gwəli hɛ̨ąiɠaa yɛ tulun ŋą, kɛlaa ə mą kɛ tii, nii hvo nii laa li, ɲee tɛɛ lɔ ni mɛ̨i.

Azaya 9:12

Bələ ɓə Yai-Laa ə nwɔ nuąi kɛlɛ la, bələi mąn ə kɛ la tii, di hvo pənə di hvo pa di nwɔ Yálái pɔ, yai a Yai-Laa Mɛ̨nį Kəlee ŋą Hééɓomun.

Azaya 9:17

A tɛ̨ą, nwąnąlɔ a nu kələn yɛ nwɔ̨n, yɛ tíi kələn nwɔ̨n, yai a lɔwɔ kələn, yɛ lulu kɛnɛ̨ tɛ yələ kwəi.

Ɉeremi 34:21

Ɉuda tɔɔmun Sedesiasə da nwɔ kalanɉonŋaa di wɛi, gáá di tooi di yowoɠaa yee kɔ́nma, Babilonə tɔɔmun nwɔ kɔlaɠai yee ɲą; diɛi ŋɛ̨i daa gɔ́ mąą kwɛa daa ɓa.

Izikiɛ 14:9

Yálá kwəi mɛ̨nį hu kulɔmun lɔpee da mowo yɛ mɛ̨nį ta ɓo, a kɛ ti ɲą́ą́ ɓə mąą nu ɓowo; ŋį́ hee ɉu, ɛlɛɛ ŋį́ gulɔ nwɔ́ nu huwui Israɛlə lɔwai.

Izikiɛ 16:37

Yili mąą mɛ̨nį ɓa, gáá ə́ wɔ wɛliɠaai kəlee ɲąąkpɔn ɉii; diɛi ə́ wɛli ə too diɛ, yiiɠaai di wɛli ə kɛ yɛ́, da yiiɠaai di wɛli hvo kɛ yɛ́; gáá pai di ɲąąkpɔn ɉii, diɛ həɠə kɛɛnąą kəlee, diɛ pa ə́ pɔ, ŋą́ ə́ kpuwulu ɓo di ɲɛ̨i ɓa, di kaa pai ə́ kpuwulu kəlee kaai.

Izikiɛ 16:47

Hvo di pɔɔ kɔ́ɔn ni a yola, yɛ́ ə́ yee too di wɔ ɓowo mɛ̨nįɠaai tii hu; ə́ ɲɔ̨nwɔ̨ɔ̨ ə́ yee tɛɛ diɛ pələ kəlee hu.

Izikiɛ 16:57

ə́ wɔ kili ɲɔ̨nwɔ̨ɔ̨ hvo ni kɛ kulɔ li pɔ̨nɔ̨ ŋą? Ə́ wɛi nąąlɔwai aa həli. Aramə nɛ̨ɛ̨lɛa diɛ di laa pu ə́ hu, da ə́ kwɛlɛ nɛ̨ąą kəlee, da Filisti nɛ̨ɛ̨lɛai tii ə́ kwɛlɛ diɛ tɛɛ ɓo ə́ hu.

Izikiɛ 23:22

Yili mąą mɛ̨nį ɓa, Oholiba, nwooi Mɛ̨nį Kəlee ŋą Hééɓomun Yálá kaa moi ya ka, yɛ: Gáá pai ə́ wɔ wəliɠaai ɲąątɔɔi yɛ́; diɛi di wɛli aa kpɛɛ yɛ́. Gáá pai di kpulu ɲąątɔɔi yɛ́, diɛ həɠə pələ kəlee.

Izikiɛ 23:25

Ŋą́ tóló kulɔ a yɛ́, diɛ ə́ hɔɔ a líiholi. Di kaa pai ə́ huŋɔ̨ teei yɛ́, da ə́ wəliɠaa. Ə́ hu nuą gbəlii a lɛɛ, ɓɔwa kwɛaa yɛ di paa; di kaa pai ə́ lon ɉinąą da ə́ lon nɛ̨ąą həɠəi, ɛlɛɛ, ə́ kpəlii pai lɛɛi nwɔ̨n ə gələn.

Sofoni 3:19

Mąą yələi tii, nuąi kpɔ kɛi ə́ mɔ̨nɔ̨ɓo, ŋą ɲéé pɛlɛ diɛ. Ŋį́ mɛlaa kɔ́wɔ nwąnąąɠaa ɓalo; yiiɠaai daa pili, ŋį́ di ɲąą kpɔn. Ka ɲɛ̨i a pɔ̨nɔ̨, ka laa lɛlɛɛ ə tɛ nɔiɠaa ti ka nwumɛ̨ ɉu di ɲɛ̨i ɓa.

M̀ɛni-lɛɛi 17:16

Mįnɛ̨ powi tii ə́ gaa, ɛlɛɛ, da ɉuwɔi tii, di kaa pai wɛlikpɛɛmąą laa kulɔi a nwɛlikɛ nɛ̨ɛ̨nui, di kaa pai mąą hɛnŋąa kəlee kulɔi mą, di nɛɛ a gbuwulu. Di kaa pai ɉuwɔ mįi, ɛlɛɛ, di gələn a nwɔ̨n.