Izikiɛ 16:15 - Yálá laawoo hɛɓɛ (dc)

¹⁵ «Kɛlaa ə́ ə́ kili lɛɛ ə́ lɛlɛ pələi ti ɓa; ɛlɛɛ, bələi ə́ laa ə taɠa la, bələ lɔ ɓə ə́ túwɔ pələ ɲɔ̨n gulɔ la. Ə́ nu kəlee ɲɛ̨i kwɛli, wɛli mɛ̨nį hu; ə́ ɓo di yəi.

Yálá laawoo hɛɓɛ

¹⁵ «Kɛlaa ə́ ə́ kili lɛɛ ə́ lɛlɛ pələi ti ɓa; ɛlɛɛ, bələi ə́ laa ə taɠa la, bələ lɔ ɓə ə́ túwɔ pələ ɲɔ̨n gulɔ la. Ə́ nu kəlee ɲɛ̨i kwɛli, wɛli mɛ̨nį hu; ə́ ɓo di yəi.

Bible

¹⁵ “Kɛ́lɛ í ímáŋ ílɛlɛ-laai mâ íkɛ wulu-wulu kɛ, kpɛ́ni fêi ímaa-tûŋ è taa-taa kwaa kélee m̀â.

Izikiɛ 16:15 ပူးပေါင်းရင်းမြစ်များ

Tɔɔɓɛlaa dɔlɔɔ 11:5

Salomɔn ə hvilɛn Astarte pulu, yai kɛ a Sidɔn nuą di wɔ hali, da Milkomə, yai kɛ a Amɔn lɔi hu nuą di wɔ ɓɛlɛkpɛɛmąą halii.

Tɔɔɓɛlaa dɔlɔɔ 12:28

Giliŋąhiɛ taaləi tii kɛi ə mo, ə nįŋɛ̨ lon mąąnįnįn veelɛ pɛli a hɛni. Yɛ nuą diɛ: «Kaa wɔlɔ lamun lii Ɉerusalɛmə, Israɛlə nuą. Yálái ka kulɔ Eziptə, ya ka.»

Tɔɔɓɛlaa veelɛ 17:7

Yili ə laa tii Israɛlə nuą diɛ, mąąhɔlɔɓo, di nɛ̨ŋɛ̨n ɉəɠə Yai-Laa di wɔ Yálái ɓa, yai di kulɔ Eziptə tɔɔmun ɲee mu luwɔlaa hu. Di kɛi kɛa kwɛli hvilɛn haliɠaa diɛ,

Tɔɔɓɛlaa veelɛ 21:3

Ɉaláá kulɔiɠaai nąn Ezekiasə ə nąą kala, ya ɓə Manase ə pənə ə di tɔɔ. Ə Baalə nwɔ haláá kulɔ kwɛniɠaa tɔɔ, ə pənə ə wuluɠaa tɔɔ diɛ haláá kulɔ mą, yɛ bələi Akabə Israɛlə tɔɔmun ə gɛ la, yɛ haláá kulɔ yələ kwəi hɛnŋąą diɛ, yɛ tí diɛ.

Mąątɛ̨nɛ̨ 106:35

Da huwu takpɛliɠaa di too di kee pɔ, di di yee lɔ di tuwɔ pələɠaa hu.

Azaya 1:21

Ə kɛ pələ kɛ ləi yai, daai ŋɛ̨i kɛ nwoo pulu, mąą aa pənə a wɛlikɛ taa? Mąąwiɛ ə kɛ laa, mɛ̨nį haŋąą yɛ ɓo laa daai, tələnmolaa mąąkilɛ taa, Kɛlaa, yiihu kɛa, nu paa nuą daa lɛɛ a daa nąmįną.

Azaya 48:1

'Ka ka wəli tɔɔ mɛ̨nįi ŋɛ̨i ɓa, Ɉakɔbə nwɔ pɛ́lɛ́i mu nuą, kaa Israɛlə laa kaa kaa, kaai kulɔ Ɉuda huwu hu, kaai ka ka kwɛla a Yai-Laa laa, kaa Israɛlə nwɔ Yálái hvɛli kɛlɛ kɛlɛ, Kɛlaa, hva kɛ tələnmolaa hu da tɛ̨ą mɛ̨nį.

Azaya 57:8

Gbon bulu, ɉoŋon ɉu, nąą ɓə, ə́ wɔ halii laa laa. Ə́ gɛ tii, ə́ ə́ mąą kwɛa mą́ą́, ə́ ə́ kpuwulu ɓo, ə́ tɛ, ə́ ə́ laai pɛli a ɲąą kɛnɛ̨; nuąi tii di laai wɛli kaa yɛ́, ka diɛ nii ka pɛli ɉu kpɔ a ɲąą nɛ̨ɛ̨, yɛ́ ə́ lii pɔ wɔlɔ ka diɛni ka laa mɛ̨nį ɓa, ə́ ɲɛ̨i həɛ mąąnįnįn mą!

Ɉeremi 2:20

Ɉu aa kwɛa, Israɛlə! Yáá ə́ nwun gulɔ nwɔ́ nwun nąmu laa mu, yáá ə́ yɛli tee, yɛ́ kɛ diɛ: «Və́ kɛa bɔ, və́ kɛ a luwɔ!» Yáá li, yáá laa yee kpukpuɠaa nwuɔ̨ da wulu laa hu wiaɠaa mu, yɛ wɛli kɛ Nɛ̨ɛ̨nu.

Ɉeremi 3:1

Yai-Laa woo ka, yɛ diɛ: Hulɔnu a nɛ̨ą kulɔ lɔwɛi, mąąnɛ̨ɛ̨nui ə həɠə ɉilɛ pɔ, ə li ə hee hulɔnu takpɛli nwuɔ̨, akɛti, ɉulɔnu dɔlɔɔ tii a mɔ̨ɔ̨ pənə yɛ li Nɛ̨ɛ̨nui tii pɔ? Kpaa-o! Kɛlaa, yɛ́ Israɛlə; yɛ́i ŋɛ̨i yáá hvilɛn nu tamąą pulu, yɛ́ nwɔ̨nɔ̨ ə́ pənə ə́ pa bɔ́? Ɲą́ą́ Yai-Laa nwóó li!

Ɉeremi 7:4

Ka hvo ka kpɔɔ ɓowo a lɛɛ wooɠaa kaa kɛ diɛ: «Yai-Laa hee pɛlɛ́i ka! A Yai-Laa hee pɛlɛ́ yoo! Yai-Laa hee pɛlɛ́i, ɓɛ ɓə!»

Izikiɛ 16:16

Ə́ ə́ mąą həɠəɠaa həɠə, yɛ́ ɉalə kɔ́iɠaa mąą yili la, yɛ́ túwɔ pələ ɲɔ̨nŋąą kulɔ ɉu, ɉuwu ta hvo ta kɛ li, ɛlɛɛ da hvo pai kɛi.

Izikiɛ 16:25

Yáá haláá kulɔi pɛli pələ taŋan na kəlee ɓa, yɛ́ ə́ wɔ lɛlɛ mąąliɓi laa; yɛ́ ə́ kɔ́lɔ tɛɛ tɛɛ bələi nuą́ kəlee pɔ, yɛ́ ə́ wɔ túwɔ pələ ɲɔ̨n hu wiɛ la.

Izikiɛ 20:8

Kɛlɛɛ di di kwɛli tee ɲə́i, di hvo di wəli tɔɔ nwóó ɓa; di ta lɔpee hvo ɲee kulɔ mowo mɛ̨nįɠaai tii hu, di hvo gɛ di hvo ɓo Eziptə haliɠaa diɛ. Ŋą́ kɛli kɛ kɛa diɛ: Gáá pai nwɔ́ líiholi yɛɛi di mɛ̨i. Vá nwɔ́ líiholi kpɛla bələi di pɔ, Eziptə lɔi hɛ̨ąi.

Izikiɛ 23:3

Di lɔ wɛli honŋąą hu Eziptə lɔi hu, di lɛɛ tiikpə, di nwɛli honŋąąi ti kɔ́wɔtɔɔ; nąą ɓə di pələ kɛ laa a di kpɛla ɲįnį, di di kpɛla ɲįnį ɲɛ̨i paa.

Izikiɛ 23:8

Ə nwɛli mɛ̨nįi ti kpalatɔɔ Eziptə lɔi hu; a ɓɛlɔwai da yaa di kɛi laa la, ə ɓo nii a nɛ̨ɛ̨non; ɓɛlɔwai di kɛi ɲįnį hon na, diɛ pɛli wɛli pələ kəlee kəi la. Ɲee ə kɛ lɔ nwɛli honŋąąi ti hu.

Izikiɛ 27:3

Kɛ́ Tirə ɓa, yɛi heenin gboloyá kwɛlɛ pələɠaa hu, ka lɔiɠaa káá lɔ́wɔ́tɔɔ, ka gboloyá hɛ̨ąąi lɔi tamąą. Mɛ̨nį kəlee ŋą Hééɓomun Yálá woo ka: Tirə, yɛ́ ɓə kɛ diɛ nɛ́lɛɛi, mą́ą́ kulɔi hvo mą́ą́?

Izikiɛ 33:13

Ŋą́ kɛ tələnmomun ma; ə́ kaa pai lɛɛi yɛnɛ̨ɛ̨, a gilitɔɔ nwɔ tələnmolaai tii ɓa yɛ nɛ̨ŋɛ̨n ɉəɠə, dəlimo túwɔi kpɔ wɔlɔ aa gɛ, da lɛ̨ą gəlee ɓa; mąą nu a haa nɛ̨ŋɛ̨n tii ə ɉəɠə mąą mɛ̨nį ɓa.

Osia 1:2

Yai-Laa ə pələ ɓo Ose ɓa, Yai-Laa yɛ Ose ɓa: «'Li nɛ̨ɛ̨nui a gbɔwɔ lɔwɔ́tɔɔ hinąą diɛ, bɔ, ɉəɠə a ə́ nɛ̨ą, ə́ wɛli lonnii kaa mą, mąąhɔlɔɓo nɔi yee kaa lɔ túwɔ́ pələ ɲɔ̨n ɉu; a bulu tinɛ̨n aa mo Yai-Laa ɓa.»

Osia 4:10

Di kaa pai kɛi kɔ̨nɔ̨n mį́í hva di pilɛ, diɛ wɛli yíi ɓo, kɛlaa di hva tamą. Mąąhɔlɔɓo, daa di pulu tɔɔ Yai-Laa ɓa.

Osia 4:18

Da kpɛɛ a nɔɔɠaa kpəlɛɛ, túwɔ́ pələ ɲɔ̨n mə da di ɲąątɔɔ mą. Nwumɛ̨ mɛ̨nį ɓə di ɲɛ̨itɔwɔ nuą da kɛ bɔ di gɛ.

Osia 9:1

Israɛlə, 'hvo kwəinɛ̨ɛ̨ kulɔ! 'Hvo mąną, yɛ lɔi ta kpɛliɠaa, mąąhɔlɔɓo, ə́ kaa wɛli hon ɉii a ə́ mąą kwɛai ə́ kaa moi ə wɔ Yálái ɓa, yɛ́ yili mąą hvɛla wɛlila kɛ, mɔ̨nun danɉii kəlee ɓa.

Mise 3:11

Ɲɛ̨itɔwɔ nuą, da kiti tee a hvulu, mąąhɔlɔɓo, da nɔ gwəi hɛn ɉon, ɉaláá laa həli nuą, da nu mąąkwɛli, a tɔ̨nɔ̨ hɔlɔɓo pələ, Yálá kwəi mɛ̨nį hukulɔ nuą, diɛ mɛ̨nį hukulɔ nuą diɛ, wali ɓa, ɛlɛɛ, Yai-Laa ɓə di kilitɔɔ mą, diɛ kɛ diɛ: «Yai-Laa hvo mɔ̨ɔ̨ ku lɔwai? Lɛɛ li, mɛ̨nį ɲąąnwąnąą hva pɛli ku hɔlɔɓoi.»

Sofoni 3:11

Mąą yələi tii, hvó pai nwumɛ̨i, ə́ kɛ mɛ̨nį ɲɔ̨nwɔ̨ɔ̨ɠaa mąą mɛ̨nį ɓa, yɛ́ kɔ́ pɛlɛ mą́ą́. Gbala ə tɔɔ, nąąlɔwai, gbɔwɔ ɲąą kɛnɛ̨ nuąi tii, da kɛ di nwun dɛi, ŋą́ kɛ kɛa, a di hukalaa ə́ lɔwai, ɛlɛɛ, hvá kɛa humɛ̨ni kɛnɛ̨ kulɔ nwɔ́ yee mąąhəɠɛɛ nwuɔ̨.

Maafîu 3:9

Ɛlɛɛ, ka hvo ka kiliŋąhiɛ, kaa kɛ mą: ‹Ku kálápɔlɔ ɓaa a Abrahamə.› Gbalaitɔɔ, gáá moi kaa, Yálá a pɛli mą ə gwɛniɠaa ŋɛ̨i mąąpənə a Abrahamə lonnii.

Dutɛrɔnome 32:15

Bələ ɓə Yesurun ə kɔ̨nɔ̨n mįi la ə pilɛ ɉu, goo ə hee, ə kulɔ nwoo mu laa kɛ, ə kɛnɛ̨ tɛɓɛlɛ-tɛɓɛlɛ, goo ə hee. Ə gili kulɔ bɛli Yálá hu, ə nɛɛ laa. Ə mąąkɔ̨nwɔ̨ kwɛni ɓɛlɛkpɛɛ ma, yaai gaa a nwun mąąɓomun.

M̀ɛni-lɛɛi 17:5

Laa ta pɛ̨ɛ̨ dɔwɔla, a mɛ̨nį hu kpinįɛ, diɛ kɛ mą: «Babilonə daa-lee kɛnɛ̨i, yai a nwɛlikɛ nɛ̨ąą, ɛlɛɛ, da mąąliɓi túwɔ́ɠaai kpɔ lɔi mɛ̨i, di lee.»

Nwun mąąɓo 10:6

Mɛ̨nįi kɛ ɲɔ̨nwɔ̨ɔ̨ Yai-Laa ɲɛ̨i ɓa, Israɛlə ə pənə nwɔ̨nɔ̨ ə ɲee lɔ ɉu ə gɛ. Ɉaliɠaai ŋɛ̨i da kɛ diɛ Baalə da Astarteɠaa, ə mą kɛ Aramə nuą di wɔ haliɠaa, ə mą kɛ Sidɔn nuą di wɔ haliɠaa, da Moabə nuą, ə mą kɛ Amɔn lonnii di wɔ haliɠaa, ə lɛɛ da Filisti nuą di wɛi, di kɛi kwɛli hvilɛn diɛ, di di pulu tɔɔ Yai-Laa ɓa.

Nwun mąąɓo 2:12

Di lɛ̨ą Yai-Laa ɓa, yai a di nąnni di wɔ Yálá, yai di kulɔ Eziptə lɔi hu. Di hvilɛn gea di kwɛlɛ lɔiɠaa di wɔ haliɠaai pulu, diɛ kwɛli hvilɛn diɛ, di Yai-Laa lii kələn gwəi.

Nwun mąąɓo 3:6

Israɛlə nuą di yiliɠaai lonnii nɛ̨ą həɠə a di nɛ̨ąni, diɛ di kpɔ-kpɔ lonnii nɛ̨ąą tɛɛ yiliɠaai lon ɉinąą pɔ a di nɛ̨ąni, diɛ di wɔ haliɠaai mąąwiɛ.