Izikiɛ 16:13 - Yálá laawoo hɛɓɛ (dc)

¹³ Ə́ mąą yili hɛnŋąąi tii di kɛ a hɛni da wali; ə́ mąąyili həɠəɠaa di ɓo a həɠə ɓɛla huwu lɛlɛɛɠaa, gwəlɛɛ pə-pə, a həɠə ɓɛla hɔ̨nwɔ̨ kpɛa kpɛa, di mąą puɔ. Kɔ̨nɔ̨n ɉu yɛɠɛɛ ɓə ə́ kɛi mįi, da kwɛ́in nwulɔ, da wulɔ; ə́ lɛlɛ kpɔ kɛa a gɔn bulu pələ. Ə́ həli tɔɔlaa ɓa.

Yálá laawoo hɛɓɛ

¹³ Ə́ mąą yili hɛnŋąąi tii di kɛ a hɛni da wali; ə́ mąąyili həɠəɠaa di ɓo a həɠə ɓɛla huwu lɛlɛɛɠaa, gwəlɛɛ pə-pə, a həɠə ɓɛla hɔ̨nwɔ̨ kpɛa kpɛa, di mąą puɔ. Kɔ̨nɔ̨n ɉu yɛɠɛɛ ɓə ə́ kɛi mįi, da kwɛ́in nwulɔ, da wulɔ; ə́ lɛlɛ kpɔ kɛa a gɔn bulu pələ. Ə́ həli tɔɔlaa ɓa.

Bible

¹³ Ŋá í maa-ɣiri a gôo da kane. Ǹyaŋ í maa-ɣiri seɣei è kɛ̀ a seɣe nɛnɛ-fɛfɛ, gɛ ƃo a namalaŋ seɣe sɔ̃ɔ kpanaŋɔɔ. Í felaƃa lɛ́lɛɛ da kɔ̃́iŋ wulɔ é pɛlɛ wulɔ mâ m̀ii. Íkɛ kpɔ́ a ílɛlɛɛ a maa pɔlɔ-pɔlɔɔ íkɛ fólo kpɔ́ yɛ̂ɛ kaloŋ-nɛnî.

Izikiɛ 16:13 ပူးပေါင်းရင်းမြစ်များ

Zɛnɛse 17:6

Gáá pai ə́ huwuhu ɓɛlɛi kpɔ kɛnɛ̨, hį́i tamąą kaa pai hɔlɔɓoi ə́ huwuhu tɔɔɓɛlaa diɛ kulɔ ɉu.

Samia Veerɛi 8:15

Davidə ə heeɓolaa kɛ Israɛlə kəlee nwun na. Ə kɛi nwɔ nuąi hutoo a tələnmolaa, da kwəi kwəlɛlaa.

Ɛsdrasə 4:20

Diɛ tɔɔɓɛlaa huwalawalaa di wɔlɔ di muhəɠə Ɉerusalɛmə daai, di hee Eufratə ya lee voló tooi pələ lɔiɠaai tii kəlee mɛ̨i, diɛ kulɔ-kulɔ hɛnŋąą kulɔ diɛ, da nįįhɔnwɔ.

Ɛsdrasə 5:11

Nwoo ŋąąpənəi di dɛɛ ku pɔ ya: ‹Kuɔ ɓə ku kaa a yələkɔlɔn da lɔi, di pɛli Yálá nwɔ koló kɛ nuą, bɛlɛ́i ŋɛ̨i wɔlɔ kɛ ɓɛ, ya ɓə ku kaa pənəi ku dɔɔ. Tɔɔmun gɛnɛ̨ ta ə wɔlɔ kɛ a Israɛlə nuą di wɔ tɔɔmun, ya ɓə bɛlɛi tii tɔɔ ə nąą kulɔ.

Zôo 29:6

Ɓɛlɔwai ŋį́ kɛi gɔ́wɔ́ ɓa waa la a wulɔ, ɛlɛɛ, wulɔ kpoloon yɛ laa ɲə́i gɔwɔla.

Mąątɛ̨nɛ̨ 147:14

Ya ɓə liilaa yɛnɛ̨ɛ̨ tɛɛ ə́ wɔ lɔi pɔ, yɛ ə́ pilɛ a mɔ̨nun nįnɛ̨.

Mąątɛ̨nɛ̨ 48:2

Yai-Laa kɛnɛ̨i, mąąwiai lɔ a yələ kəlee, gu wɔ Yálái nwɔ taaleei hu, nwɔ yee mąąhəɠɛɛi nwuɔ̨.

Mąątɛ̨nɛ̨ 50:2

Yálá kaa Siɔn daai, yai nɛlɛɛ, mąąkulɔi hvo mą, yɛ lən.

Mąątɛ̨nɛ̨ 81:16

Nuąi Yai-Laa wɛli kpɛɛ diɛ, yiliɠaai də li kɛ di nɛ̨ɛ̨ kwɛlii di hu, dəli lɔ kɛa kɛ yili hu a yələ kəlee.

Azaya 64:11

Yá kɛli mɛ̨nįɠaai tii kəlee kaa, Yai-Laa, Yá pɛli mɔ̨ɔ̨ ə́ kpɔwɔ hu hon ɉi? Yɛ́ tɔɔ lɔ kpɛli kpɛli? Yɛ́ ku nwumɛ̨ la tii a gɔn bulu pələ?

Ɉeremi 13:20

'Ə́ nwun mu həɠə, ə́ kɛɛ kaa! Ə́ yowoɠaa kaa həɠəi ɲánwuɔ̨ pələ! Daatɛlɛɛ kpului diɛ ə́ mɛ̨i kaa, gaa mįnɛ̨? Yɛ́ ɓɛlaa lɛlɛɛɠaa kaa mį?

Woolaa 2:15

Tɛɛ pələi nuą da ə́ wɔ mɔ̨nɔ̨i kaa lɔ, diɛ di yee lɔwa, diɛ kwəlee hvɛɛ, diɛ di nwun gbɛŋɛ̨n. Diɛ yɛlɛ kulɔ ə́ hu, Ɉerusalɛmə, diɛ kɛ mą: «A kɛ tii, daai kpɔ di kɛi nɛlɛ mɛ̨ni ɓo diɛ ɉu ɲąąnɛ̨ɛ̨ mɛ̨ni ɓo yɛnɛ̨ɛ̨ nąą kəlee, ya ɓəi-yoo!»

Izikiɛ 16:10

Ŋą́ həɠə mąąpuɔɠaa tɛɛ ə́ pɔ, da nu kɔ́wɔɲą kɔ́lɔ huwu lɛlɛɠaa, da hɛ̨ą yili kɔ́lɔ kwəlɛɛ pə-pə; ŋį́ həɠə ɲɛ̨i tɔɔɠaa kɛ yɛ́.

Izikiɛ 16:17

Ə́ mąą yili hɛnŋąą lɛlɛɛi ŋį́ dɛɛ ə́ pɔ a hɛni da wali, ə́ di həɠə yɛ́ di kɛ a hinąą hɛn mąąnįnįn, yɛ́ túwɔ pələ ɲɔ̨n gulɔ la.

Izikiɛ 16:19

Ŋį́ lɛɠɛi ŋį́ dɛɛ ə́ pɔi, da gbanin gɔw, da nwulo, da gwɛ̨in nwulo; yai ŋį́ kɛi ə́ kɔ̨nɔ̨n gɛ la, ə́ ɉee di lííla; a di liilaa haláá kun nɛ̨ɛ̨; ə́ túwɔ pələ ka ti. Yai-Laa, gu wɔ yálái woo li.

Izikiɛ 23:40

Yili pulu di nuą təli diɛ həɠə kwɛa la, di nu tɔɔ kpɔ di pɔɔli, mąą nuą ka ti daa pa, diɛi ə́ ə́ waa di mąą mɛ̨nį ɓa, yɛ́ pə́ną́ laa ə́ ɲɛ̨i kɔ́n bulu; yɛ́ ə́ mąą yili.

Izikiɛ 27:16

Ɉɛn damąąi ə́ kɛi bɛli, ya ɓə Aramə ə kɛi ɲa ə́ yəi, nɔwɔ tiɛ̨i di kɛi paa la ə́ pɔ, ya ɓaa; kúwɔ́-kwɛni kpɔliɔ, həɠə ɓɛla kpɔluɔ, həɠə ɓɛla mąąpuɔ, həɠə ɓɛla kwəlɛɛ pə-pə da kúwɔ́-kwɛni huwu tamąą.

Osia 2:5

A wala gɛ tii, gáá pai həɠə kulɔi mą, ə lɛɛ a gbuwulu, gɛ́ nɛɛ lɔ yɛ bələi wɔlɔ ə kɛ la a gaa yələ. Ŋį́ gɛ yɛ lɔi pun, ŋį́ gɛ yɛ gbali a kələn, gɛ́ gɛ, yɛ haa la a kpələ wɛli.

Dutɛrɔnome 8:8

Lɔi ta li, ɓɛi mɔ̨nun da kpai, viɲə, ɓɔɔlaa wuluɠaa da grenadə wuluɠaa da lɛlɛ laa; ə mą kɛ olivə wulɔ, da kwɛin nwulɔ di kaa laa;

Samuɛlə dɔlɔɔ 10:1

Samuɛlə ə nwulɔ kpowo həɠə, ə bu Saulə nwuɔ̨, ə nɛ̨nɛ̨ɓo, yɛ mą: «Yai-Laa ka tii aa ə́ həɠə, ə gɛ, ə́ kɛ a gwɛlin ɲąąwooɓomun.

Samuɛlə dɔlɔɔ 12:12

Kɛlaa, Nahasə yai kɛ a Amɔn nuą di wɔ tɔɔmun, gaai ka mo yɛ pa kɔ́ pɛlɛi kaa, ka kɛ mą́ą́: ‹Kpələ! Tɔɔmun mə mąąnɛ̨ɛ̨ ə ku ɲąąwooɓo.› Ya pa Yai-Laa ka wɔ Yálái ɓə gaa a ka wɔ tɔɔmun.