Izikiɛ 14:8 - Yálá laawoo hɛɓɛ (dc)

⁸ Ŋą́ hee mąą nu hu, yɛ kɛ a nui da mɛ̨nį kɔ́ɔn mą, ɛlɛɛ ŋį́ gulɔ nwɔ́ nu huwui lɔwai; ka gili kɔ́lɔn kaa kɛ diɛ, ɲą́ą́ ɓə gáá a Yai-Laa.

Yálá laawoo hɛɓɛ

⁸ Ŋą́ hee mąą nu hu, yɛ kɛ a nui da mɛ̨nį kɔ́ɔn mą, ɛlɛɛ ŋį́ gulɔ nwɔ́ nu huwui lɔwai; ka gili kɔ́lɔn kaa kɛ diɛ, ɲą́ą́ ɓə gáá a Yai-Laa.

Bible

⁸ Ŋa pâi ŋɛ́i seêi màa nuui tí ma. Ŋa pâi gɛi a sɛŋ kɔɔ̂ŋ ma sɛŋ ká mɛni ma. Ŋa pâi gulai ŋánûai sama, gɛ̀ ni, ka pâi gɔlɔni a gɛɛ ńyãa ƃa Yâwɛɛ.

Izikiɛ 14:8 ပူးပေါင်းရင်းမြစ်များ

Mąątɛ̨nɛ̨ 34:16

Yai-Laa a ɲɛ̨i lɛlɛɛ hee tələnmo nuą diɛ, nwəli tɔɔ di woo ɓa.

Mąątɛ̨nɛ̨ 34:17

Yai-Laa a kɔ́ pɛlɛ mɛ̨nį ɲɔ̨n gɛ nuą diɛ, əgɛ, ə di laa kili kpɛɛ nuą ŋą.

Mąątɛ̨nɛ̨ 37:22

A tɛ̨ą, nuąi a lúwɔ too diɛ, di pɔɔ ɓaa a nɔi, nuąi a di nɛ̨ŋɛ̨n naa, da di kulɔ a di nwun.

Azaya 65:15

Nííɓa nuą da kɛi pa nɛ̨ŋɛ̨nnaa kɛi, da gɔɔn kaa, diɛ kɛ mą: «Yai-Laa Nąmu ə ə́ haa pələ kɛ kpɔlɔ tii!» Kɛlaa, laa ninɛ̨ kaa pai heei nwɔ́ tínuąi diɛ.

Ɉeremi 21:10

Yai-Laa yɛ diɛ: A tɛ̨ą, gáá pɛlɛi daa ŋɛ̨i ɓa, gɛ́ mɛ̨nį nwąnąą laa mą, və́ nɛlɛɛ laai mą. Gáá dooi Babilonə tɔɔmun yee ŋą, ə gələn.»

Ɉeremi 24:9

Gáá di kɛi a hɛn da, nuą diɛ ɲɔw mą, diɛ mɛ̨nį kɔ́ɔn diɛ, yɛnɛ̨ɛ̨ lɔiɠaa kəlee hu. Gáá di taɠa taɠai lɔi mɛ̨i nąą kəlee, diɛ pa kɛi a yɛlɛ kulɔ ɉu hɛn. Nuą diɛ lalan ɉuwui lɔpee gəlee, da nɛ̨ŋɛ̨n naa huwui lɔpee pili diɛ.

Ɉeremi 29:22

Di mąą mɛ̨nį a kɛ a nɛ̨ŋɛ̨n naa, gɔwɔ tɔɔ mąą Ɉuda kɔluwɔɠaa kpɔ tii Babilonə di lɔwai, diɛ kɛ diɛ: ‹Yai-Laa ə ə́ hon yɛ bələi ə Sedesiasə da Akabə di hon na, diɛi Babilonə tɔɔmun ə di mɔn.›

Ɉeremi 44:11

«Yili mąą mɛ̨nį ɓa, Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo ka, yɛ diɛ: Gáá pai heei ka hu, gɛ́ ka mɔ̨nɔ̨ ɓo, ɛlɛɛ, gɛ́ ka huwu kpɛɛ Ɉuda lɔi kəlee hu.

Izikiɛ 13:23

Yili mąą mɛ̨nį ɓa, ká hvo kɛa pai lɛɛ kɛɛ kaai; ká hvo kɛa pai mɛ̨nį ta ɓoi. Gáá pai nwɔ́ nu kan gulɔi ka yəi. Bələ ɓə, ká gili kɔ́lɔn gɛaa kaa kɛ ɲą́ą́ ɓə gáá a Yai-Laa, Hééɓo kəlee Nąmu.»

Izikiɛ 15:7

Gáá heei di hu: Daa kulɔ nwɔ̨n ɲəi, kɛlaa nwɔ̨n gaa pai di kələn ɉi; bələ ɓə ká gili kɔ́lɔn na ti káá kɛ, Yai-Laa ɓaa a ɲą́ą́, ɲą́ą́ ɲɛ̨i hee ka hui.

Izikiɛ 5:15

Ə́ kaa pai kɛi a hɛn a nwumɛ̨ tɛ nɔiɠaai kpɔ ə́ kwɛlɛ gəlee diɛ; diɛ yɛlɛ yɛ́ diɛ mɛ̨nįɠaa kɔ́ɔn yɛ́. Ə́ ɓo a kwəi pilimąą hɛn di ɲɛ̨i ɓa; ɓɛlɔwai gáá pai ə́ kiti teei laa a líiholi, a liiɲąnwąną, gɛ́ hąŋąn yɛ́ a nwala wala. Ɲą́ą́ Yai-Laa, ɲą́ą́ ɓə mo.

Izikiɛ 6:7

Nuą kaa pai kɛi tooi ka lɔwai a di pɔwa; bələ ɓə ka ɉu kɔ́lɔn na kaa kɛ, Yai-Laa ɓaa a ɲą́ą́.

Levetekɔ 17:10

«Israɛlə lon da, a wala kɛ tii, nwɛ̨ąi heeni ka kɔ́wɔ mɛ̨i, da a ɲąmą mįi, ŋą́ hee ɲąmą mįi mun tii hu, ŋį́ gulɔ nwɔ nuą lɔwai.

Levetekɔ 22:3

«'Mo diɛ yɛ́ diɛ: «Tɔn a kɛ ɉaláá laa həli nuą yəi bɛlɛ́n ɉulɔnu ta ɓa, a lɛɠɛ gɔɓo hɛn mąąhəɠɛɛɠaai Israɛlə lonnii da paa la Yai-Laa pɔ da ɓa, mąą nui hva kɛa lɛɛ nwɔ́ kólói hu. Yələ kəlee mɛ̨nį li. Ɲą́ą́ ɓə gáá a Yai-Laa.

Levetekɔ 26:17

Ŋą́ ɲɛ̨́i ɲɔ̨nwɔ̨ɔ̨ hee kaa, ka yowo yee yɛ tɛɛ kaa, nuąi yowolaa kulɔi a kaa, diɛ hee ka mɛ̨i. Ɛlɛɛ, kaa pu, ə mą kɛ nu hvo ka kpɛi.

Lonon mo 19:20

«Kɛlɛɛ nui a tɔ́n bɛlɛ gbɔwɔ ɓa hva mąąhəɠə kóló kɛ, nu taaləi tii, mąąnɛ̨ɛ̨ di nɛɛ dɔ̨nɔ̨ kon ɉu. Hvo pa nee Yai-Laa nwɔ kɛɛnąą mąąhəɠɛɛi mąą liɓi. Mąąhɔlɔɓo di hvo ɲá mąąhəɠɛɛ taɠa li mą, tɔ́n gaa mą.

Lonon mo 26:10

Lɔi laa ə ɓo di yɛɛ ɉu, da Kore ni di kpulu nwun na yɛ pili, ɛlɛɛ nwɔ̨nɔ̨ yɛ nu nwun veelɛ yee lɔɔli hu kala. Diɛ kɛ la a nuąi da mɛ̨nį kɔ́ɔn diɛ.

Lomaŋ 11:22

Yálá nwɔ mɛ̨nį lɛlɛ pələi tii kaa, da ɲąmąn bələ, bələi ə yąmą na nuąi too diɛ, da nwɔ mɛ̨nį lɛlɛ pələ ə́ pɔ; Yá lɛɛ lɔ nwɔɔ mɛ̨nį lɛlɛ pələi tii pulu, yá wala gɛ tii, da ə́ kpɔwɛɛ mą.

Korɛntə dɔlɔɔ 10:11

Mɛ̨nįɠaai kpɔ tii di gɛ, di yiliɠaai pɛ̨ɛ̨, ə gɛ, ə kɛ a mɛ̨nį kɔɔn mąą, di bɛ̨ɛ̨, gu mąąkwɛli mɛ̨nį ɓa, guɔi gu kaa lɛɠɛi ɲɛ̨nɛ̨ɛ̨ ɲąąkpɛɛi lɔwai ŋɛ̨i ɓa.

Dutɛrɔnome 28:37

Nu huwuɠaai kpɔ Yai-Laa ka wɔ Yálái kaa pai ka tɛɛi di pɔ, ka káá pai kɛi di yəi a mąą ɲɔwu kɛ hɛn, a hɛn da yɛlɛ kulɔ ɉu, a nuąi da di laa pələ ɓo diɛ kwələn ɉɔɔ a diɛ.

Dutɛrɔnome 28:46

Yili mąą mɛ̨nįɠaa da həli kaa, ə kɛ a kpalo mɛ̨nį da kɔ́lɔn ɉɛn kaa, da ka huwuhu nuą a yələ kəlee mɛ̨nį.

Dutɛrɔnome 29:19

Nui taaləi tii, Yai-Laa hva mąą hvaalɛɛ. Yai-Laa nwɔ liiholi da nwɔ tolo kaa pai ɓɛlai mąą nu mɛ̨i, mɛ̨nį nwąnąąɠaa kpɔ di pɛ̨ɛ̨i ɉɛɓɛ́i ŋɛ̨i hu, di kaa pai pui mɛ̨i; ɛlɛɛ, Yai-Laa yɛ mąą nu laa kpɛɛ yələkɔlɔn mu.