Izikiɛ 14:4 - Yálá laawoo hɛɓɛ (dc)

⁴ 'Mo diɛ, yɛ́ diɛ: Hééɓo kəlee Nąmu woo ka, yɛ: Israɛlə mun lɔpee a nwɔ halii laa nii pɔ, ɉɛn pai doo nɛ̨ŋɛ̨n ɉu, yɛ ɲee kąnąn mą, yili pulu, yɛ pa gwə́i mɛ̨nį hu kulɔmun bɔ, ɲą́ą́ ɓə ŋą́ mąą nu woo pulu pənə; a pa, pələi lɔ nwɔ haliɠaai da kɛ la a di tamąą, bələ lɔ ɓə ŋį́ nwoo pulu pənə la.

Yálá laawoo hɛɓɛ

⁴ 'Mo diɛ, yɛ́ diɛ: Hééɓo kəlee Nąmu woo ka, yɛ: Israɛlə mun lɔpee a nwɔ halii laa nii pɔ, ɉɛn pai doo nɛ̨ŋɛ̨n ɉu, yɛ ɲee kąnąn mą, yili pulu, yɛ pa gwə́i mɛ̨nį hu kulɔmun bɔ, ɲą́ą́ ɓə ŋą́ mąą nu woo pulu pənə; a pa, pələi lɔ nwɔ haliɠaai da kɛ la a di tamąą, bələ lɔ ɓə ŋį́ nwoo pulu pənə la.

Bible

⁴ “M̀ɛni ma mò dîa nyii-ŋai ńyãa Yâwɛɛ ŋá mòi diai. Eezuɛ ǹúu nyii kélee a ŋɔŋâla-pɔɔkɔŋ siɣe ǹíi-sui nyii a berei kpaaŋ ŋɔsɔnyɔ̂ŋ sui, é pá ɣála ŋɔlono-kɛ-nuui pɔ naai ńyãa Yâwɛɛ, ńyãa kpîŋ ƃe pâi ŋ̀óo su tooi ŋɔɣâla pɔɔkɔŋ támaa-ŋai mɛ̂ni ma.

Izikiɛ 14:4 ပူးပေါင်းရင်းမြစ်များ

Tɔɔɓɛlaa veelɛ 1:16

Eli yɛ tɔɔmun mą: «Yai-Laa woo ka, yɛ diɛ: Gɛ mɛ̨nį ə́ nuą tɔɔ diɛ li Ɛkrɔn nuą di wɔ hali Baalə-Zebubə mąąnin gɛi, yɛ Yálá a wala kɛ Israɛlə nuą yəi, yili ɓa, gbin tii ə́ laai ŋą, hvó pai həɠəi laa, nąą ɓə ə́ kaa haai laa.»

Azaya 3:11

Kpalo ɓɛlaai mɛ̨nį ɲɔn gɛmun mą, hvó gaai mąąwɛli mɛ̨nį hɛlɛ ŋąąi nwun mɛ̨i, di kaa pai ɉon ɉii, yɛ bələi ə gwɛli la a dúwɔ́ pələ.

Azaya 66:4

Ɲą́ą́ gbɛli mąn, gáá pai nííɓa mɛ̨nį kɛi a di mɔ̨nɔ̨ ɓo mɛ̨nį, ɉɛn da ɲɔw mą, gɛ́ ɲɛɛ a di nwun. Mąąhɔlɔɓo ŋį́ təliɓo kɛ, nu ta hvo hvaa, ŋą́ą́ hvaa, nu ta hvo nwəli tɔɔ li. Mɛ̨nįi ɲɔ̨nwɔ̨ɔ̨ ɲɛ̨́i mu, ya ɓə da gɛ. Mɛ̨nįi nwɛli kpɛɛ mą́ą́, ya ɓə di gɛ a di liiɓa mɛ̨nį.

Izikiɛ 14:3

Hulɔnu lon, nuąi ɲɛ̨́i daa di wɔ haliɠaai lɔ di nį́į́ pɔ, ɉɛn pai di tooi nɛ̨ŋɛ̨n ɉu daa di yee kąnąn mą. A kɛ ti ŋą́ pɛli mɔ̨ɔ̨ di lɛɛi laa diɛ di nwun dɔɔ a ɲą́ą́?

Izikiɛ 14:6

Yili mąą mɛ̨nį ɓa, 'mo Israɛlə nwɔ pɛlɛ́i ɓa, yɛ́ mą: Hééɓo kəlee Nąmu Yálá woo ka, yɛ: 'Ká pənə ka pa, ka ka pulu tɔɔ ka wɔ haliɠaai diɛ; ka həɠə kɛa ka wɔ ɓowo mɛ̨nįɠaai ti kəlee pulu.

Izikiɛ 14:7

Nui lɔpee yɛ ə kɛ a Israɛlə nwɔ pɛlɛ́i mu mun da, yɛ ə kɛ a nwɛą yii gaa heeni Israɛlə lɔi hu, a mąą kwɛa mą́ą́, ə hali mɛ̨nį hee nį́į́ hu, ɉɛn pai dooi nɛ̨ŋɛ̨n ɉu ə ɲee kąnąn mą; yili a tɔɔ yɛ pa gwə́i mɛ̨nį hu kulɔmun mąąni kɛi, ɲą́ą́ Yai-Laa, ɲą́ą́ gbinįi ɓə ŋį́ nwoo pulu pənə.

Izikiɛ 2:7

Nwóóɠaa ɓo diɛ, di mɛ̨n, di hvo mąn, kulɔ nwoomu nuą li.

Izikiɛ 3:4

Yɛ mą́ą́: «Hulɔnu lon, 'li ə́ həli Israɛlə nwɔ pɛlɛ́i mu nuą diɛ, ə́ nwóóɠaa laa həli diɛ.

Izikiɛ 44:12

Mąąhɔlɔɓo, di kɛi di mąą mɛ̨nį ɲɛ̨i kulɔ haliɠaa ɲɛ̨i ɓa; ɛlɛɛ, di Israɛlə nwɔ pɛlɛ́i yee lɔ nɛ̨ŋɛ̨n ɉu; yili mąą mɛ̨nį ɓa, gáá di hutɔɔi diɛ di wɔ nɛ̨ŋɛ̨n ɉu mɔ̨nɔ̨ mįi. Mɛ̨nį kəlee ŋą Hééɓomun Yálá woo li.

Sofoni 1:3

Nu kanŋaa da huwɔɠaa, yələi nwɛ̨niɠaa da gboloyá hu hɔwɔleeɠaa, gáá pai nwąnąlɔɔ nuą nwun napilii, da di yee pɔɔɠaai kpɔ da nuą həɠə pələ ɓa. Gáá nu kanŋaa kpɛɛi lɔi mɛ̨i. Yai-Laa woo li!»