Izikiɛ 14:3 - Yálá laawoo hɛɓɛ (dc)

³ Hulɔnu lon, nuąi ɲɛ̨́i daa di wɔ haliɠaai lɔ di nį́į́ pɔ, ɉɛn pai di tooi nɛ̨ŋɛ̨n ɉu daa di yee kąnąn mą. A kɛ ti ŋą́ pɛli mɔ̨ɔ̨ di lɛɛi laa diɛ di nwun dɔɔ a ɲą́ą́?

Yálá laawoo hɛɓɛ

³ Hulɔnu lon, nuąi ɲɛ̨́i daa di wɔ haliɠaai lɔ di nį́į́ pɔ, ɉɛn pai di tooi nɛ̨ŋɛ̨n ɉu daa di yee kąnąn mą. A kɛ ti ŋą́ pɛli mɔ̨ɔ̨ di lɛɛi laa diɛ di nwun dɔɔ a ɲą́ą́?

Bible

³ “Núu-kpune ǹóŋ, ǹûai ŋí da dí ɣâla-pɔɔkɔŋ-ŋai siɣe dílii su a gɛɛ díkɛ sɔnyɔ̂ŋ kɛ. Ǹyaŋ díɣâla-pɔkɔɔŋ-ŋai da díperei kpaâŋ dí ŋ̀ɛi fa ŋɔ́nɔ kwaa kaa. Da gaai yɛɛ sɛŋ ƃé ŋa pâi díkili-ŋa ponoi?

Izikiɛ 14:3 ပူးပေါင်းရင်းမြစ်များ

Tɔɔɓɛlaa veelɛ 3:13

Elise yɛ Israɛlə tɔɔmun mą: «Lə mɛ̨nį ɓə gwa yɛ́ gu lɔwai? 'Li ə́ nąn nwɔ Yálá kwəi mɛ̨nį ɓo nuąi pɔɔli a wala kɛ tii ə́ lee nwɛiɠaa.» Israɛlə tɔɔmun ə nwoo pulu pənə, yɛ mą: kpaa! Mąąhɔlɔɓo, Yai-Laa ə dɔɔɓɛlaa haaɓai ŋɛ̨i ɲąąkpɔn giɛ, di lɔ mɛ̨nį ɓa Moabə yee ŋą.

Mąątɛ̨nɛ̨ 101:3

Mɛ̨nį ɲɔ̨n da lɔpee hva ɉeei hɔlɔɓo ɲéé pɔ, nuąi daa lənə Yɛ́ ŋį́ yowolaa kulɔ a diɛ, di túwɔ́ pələ hva pɛli nwún ɉu lan ɉi.

Mąątɛ̨nɛ̨ 66:18

Əli kɛ kiliŋąhiɛ ɲɔ̨nwɔ̨ɔ̨ ɓə kɛ gwə́i, Nąmu hvəli kɛ nwəli tɔɔ nwóó ɓa.

Hanwon 15:29

Yai-Laa a mąą kwɛa nwąnąlɔ nuą diɛ, Kɛlaa, a nwəli tɔɔ tələnmo nuą di wɔ hvɛli ɓo woo ɓa.

Hanwon 15:8

Nwąnąlɔ nuą di wɔ haláá wɛli kpɛɛi Yai-Laa ɓa kpɔ tɛ-tɛ, Kɛlaa, nuąi di haŋą, di wɔ hvɛ́li woo a nii hon.

Hanwon 21:27

Nwąnąlɔ nuą di wɔ haláá wɛli kpɛɛi Yai-Laa ɓa kpɔ tɛ-tɛ, mąąhɔlɔɓo, da gulɔ a líiɲɔ̨nwɔ̨ɔ̨.

Hanwon 28:9

Nui a nwəli laa kpulu tɔ́n nwoo tɔwɔ, nwɔ Yálá hvɛli woo kəlee kaa a mɛ̨nį ɲɔ̨n gɛnɛ̨.

Azaya 1:15

Ɓɛlɔwai ka ka yee tɛ la, kaa vɛ́li, ŋą́ ŋɛ̨́i-laa kpulu, ka mą kɛ wɔlɔi kpɔ kaa vɛ́li, vá nwə́li tɔɔ ka woo ɓa, mąąhɔlɔɓo, ɲąmą kaa ka yee ɓa.

Azaya 33:15

Nui a túwɔ́ a tələnmolaa, yɛ hvaa, lɛɛ hva kɛ ɉu, yɛ lənə hvulu hɛn ɉɔlɔɓo mɛ̨nį ɓa, yɛ ɲee kulɔ nɔgwəi mɛ̨inɛ̨ɛ̨ mu, yɛ nwəli laa kpulu, ə gɛ hvo pa nu paa nwun dɔɔ hu woo mɛ̨n; yɛ ɲɛ̨i laa kpulu, ə gɛ hvo pa mɛ̨nį ɲɔ̨n gaa.

Ɉeremi 11:11

Yai-Laa yɛ diɛ: Yii gaa tii, gáá mɛ̨nį ɲąąnwąnąą laai diɛ, yii di hva pɛli di kpɔɔ kulɔi ɉu. Di kaa pai wɔlɔi, diɛ də́li, kɛlaa vá nwə́li tɔɔ di woo ɓa.

Ɉeremi 17:9

Nu kwəi kili ɲɔ̨nwɔ̨ɔ̨i hɛn gəlee ɓa, gbəlaan ŋąą, ɉu hva pɛli tɔɔi, gbɛɛ ɓə a pɛli gɔlɔn ɉii.

Ɉeremi 21:2

«Yai-Laa mąąni kɛ ku mąą mɛ̨nį ɓa, mąąhɔlɔɓo, Babilonə tɔɔmun Nabukodonosorə aa kɔ́ pɛlɛ kuɔ, gbəli hu Yai-Laa a pɛli ə kpalo mɛ̨nį ta kɛ, ə ku mąąkɔ̨nwɔ̨ Nabukodonosorə yəi.»

Izikiɛ 11:21

Ną́mu Yálá woo li, yɛ: Kɛlaa, nuąi di kili kaa lɔ túwɔ́ bələ ɲɔ̨n bɔ pələ, da mɛ̨nį ɲɔ̨n gɛɛ, gáá pai di wɔ túwɔ́ pələ ɲɔ̨n yɛɛi a di nwun.›»

Izikiɛ 14:2

Nąąlɔwai Yai-Laa ə mɛ̨nį ɓo mą́ą́, yɛ mą́ą́:

Izikiɛ 14:4

'Mo diɛ, yɛ́ diɛ: Hééɓo kəlee Nąmu woo ka, yɛ: Israɛlə mun lɔpee a nwɔ halii laa nii pɔ, ɉɛn pai doo nɛ̨ŋɛ̨n ɉu, yɛ ɲee kąnąn mą, yili pulu, yɛ pa gwə́i mɛ̨nį hu kulɔmun bɔ, ɲą́ą́ ɓə ŋą́ mąą nu woo pulu pənə; a pa, pələi lɔ nwɔ haliɠaai da kɛ la a di tamąą, bələ lɔ ɓə ŋį́ nwoo pulu pənə la.

Izikiɛ 14:7

Nui lɔpee yɛ ə kɛ a Israɛlə nwɔ pɛlɛ́i mu mun da, yɛ ə kɛ a nwɛą yii gaa heeni Israɛlə lɔi hu, a mąą kwɛa mą́ą́, ə hali mɛ̨nį hee nį́į́ hu, ɉɛn pai dooi nɛ̨ŋɛ̨n ɉu ə ɲee kąnąn mą; yili a tɔɔ yɛ pa gwə́i mɛ̨nį hu kulɔmun mąąni kɛi, ɲą́ą́ Yai-Laa, ɲą́ą́ gbinįi ɓə ŋį́ nwoo pulu pənə.

Izikiɛ 20:16

Mąąhɔlɔɓo, di nwɔ́ tɔ́n nwooɠaai ɓɛlɛ kpɛɛ mą, di hvo nwɔ́ tiɓoɠaai kɛ li, diɛ nwɔ́ hvįįtɔɔ yələɠaai həɠə mą. Mąąhɔlɔɓo, di hvilɛn ŋaai kɛ di wɔ haliɠaai pulu.

Izikiɛ 20:3

Hulɔnu lon, 'mo Israɛlə kalanɉonŋaa diɛ, yɛ diɛ: Mɛ̨nįi Mɛ̨nį kəlee ŋą Hééɓomun Yálá kaa moi, ya ka, yɛ: «Ká pa mą́ą́nin kɛi? Yii kpɔ gáá a vúlú, və́ pai hvaai mą, ka hvo mą́ą́nin kɛ; Mɛ̨nį kəlee ŋą Hééɓomun Yálá woo li.

Izikiɛ 20:31

Ka kɛi li kɛ a ka wɔ haláá hɛnŋaai, kaa ka lonnii pili nwɔ̨n ɉu, ka kɛi ka mąąliɓi ɉaliɠaai tii pɔ, aa lɛɛ ɉu, aa həli la háákələi ɓa. A kɛ ti, gáá pai gbɔ́wɔ́ lɛɛi laa káá mą́ą́nin kɛ, kaai a Israɛlə nuąi? Yii kpɔ gáá a vúlú, vá tí ka hvo mą́ą́nin kɛ, Mɛ̨nį kəlee ŋą Hééɓomun Yálá woo li.»

Izikiɛ 3:20

Tələnmomun a bulu tinɛ̨n ŋą tələnmolaa ɓa, yɛ hvulu mɛ̨nį kɛ, gáá pai gɛi ə kalin; gaa pai haai; gili ɲą pɔ̨nɔ̨i hvó pai moi, yili ɓə pai gɛi yɛ haa la a nwɔ nɛ̨ŋɛ̨nŋąąi, dələnmo yíi ə mo, di hvo kɛa pai di kili lɛɛi ɉu; kɛlaa, yɛ́ ɓə gáá pai ɲąmą wulu lɛɛi ə́ nwuɔ̨.

Izikiɛ 33:30

«Hulɔnu lon, ə́ wəli tɔɔ, ə́ wɔ lɔi hu nuą kaa ə́ laa pələ ɓoi, bɛlɛ́ɠaa pɔ, da bɛlɛ́ɠaa laaləi; di kaa kɛi di keeni diɛ: ‹'Ká pa ka gwəli, ka gu Yai-Laa hvaa woo mɛ̨n.›

Izikiɛ 36:25

Gáá pai ya mąąhəɠɛɛ taɠai ka mɛ̨i, pɔn ɲɛ ɓo la kaa; gáá pai ka mąąhəɠəi, ka wɔ mąąliɓi mɛ̨nįɠaai kəlee yəi; da ka wɔ haliɠaai kəlee yəi.

Izikiɛ 44:12

Mąąhɔlɔɓo, di kɛi di mąą mɛ̨nį ɲɛ̨i kulɔ haliɠaa ɲɛ̨i ɓa; ɛlɛɛ, di Israɛlə nwɔ pɛlɛ́i yee lɔ nɛ̨ŋɛ̨n ɉu; yili mąą mɛ̨nį ɓa, gáá di hutɔɔi diɛ di wɔ nɛ̨ŋɛ̨n ɉu mɔ̨nɔ̨ mįi. Mɛ̨nį kəlee ŋą Hééɓomun Yálá woo li.

Izikiɛ 6:9

Nuąi pai kulɔi ɉu, gíli kaa pai tooi di ɲą nɔiɠaai ti di kaa pai li laa a diɛ ɉu; di wɔ tuwɔ pələ ɲɔ̨n gulɔ kili ti lənə mą́ą́i, gáá pai ɉu kalai di kwəi, da di ɲɛ̨i kɔ́wi ti haliɠaa mąąwiɛi. Di ɓɛlɛ kaa pai kpɛɛi di kpɔwɔ kwəi, nɛ̨ŋɛ̨ŋąąi di ɉəɠə mąą mɛ̨nį ɓa, da di wɔ kili kpɛɛ gwəi mɛ̨nįɠaa kəlee.

Izikiɛ 7:19

Diɛ di wɔ waliɠaa pili kwəli hąąɠaa, di wɔ hɛniɠaa di lɛɛ di ɲɛ̨i ɓa a hɛn gbɛli-kpɛli. Di wɔ walii da di wɔ hɛnii di hvo pai di ɓaloi a Yai-Laa nwɔ liiholi yələ.

Osia 4:5

Ə́ kaa pai kalin ɉii hvóló ŋą, ka Yálá kwəi mɛ̨nį hu kulɔ mun kaa kalin a kpinį, gáá pai ə́ kaa lee nwun na pilii.

Sofoni 1:3

Nu kanŋaa da huwɔɠaa, yələi nwɛ̨niɠaa da gboloyá hu hɔwɔleeɠaa, gáá pai nwąnąlɔɔ nuą nwun napilii, da di yee pɔɔɠaai kpɔ da nuą həɠə pələ ɓa. Gáá nu kanŋaa kpɛɛi lɔi mɛ̨i. Yai-Laa woo li!»

Zakari 7:13

Yili mąą mɛ̨nį ɓa, Yai-Laa Mɛ̨nį Kəlee ŋą Hééɓomun yɛ diɛ: «Bələi lɔ ŋį́ di təli la di hvo gɛ di hvo mɛ̨n, bələ lɔ ɓə diɛ kpɛli di də́li la, ɛlɛɛ, ɲą́ą́n gbɛ́li mąn, və́ nwə́li tɔɔ di woo ɓa.

Lukə 20:8

Jesus yɛ diɛ: «A kɛ tii, ɲą́ą́ gbɛli, nui mɛ̨nįɠaai ŋɛ̨i kɛɛ mąą laa tɛɛ bɔ́ və́ naa ɓoi kaa.»

Ifisiɛŋ 5:5

Mąąhɔlɔɓo, ká kili ə́ pu ɉu, yáámun, káá, wɛlikɛ nuą, mąąliɓi túwɔ́ ɓo nuą, hɛn nwɛlilaa yai gaa a kwɛli hvilɛŋąą hali ɓa; mąą nuą di wɔɔ nąą hvo Kristə da Yálá di wɔ tɔɔlaai hu.

Piɛrə dɔlɔɔ 2:8

gaa nwɔ̨nɔ̨ a nu kɔwɔ tuwɔ kwɛnį, a kwɛni kpuwui a nu too. Da di kɔ́wɔ tuwɔi mą, mąąhɔlɔɓo, di hvo gɛ li di hvo laa Yálá laa woo la, ɛlɛɛ, yili ɓə kɛ naa di tɔwɔ.

M̀ɛni-lɛɛi 2:14

Kɛlaa, ə mą kɛ tii, ə́ hɔn da wolaa kaa laa, gɛ́ ŋį́ nɛ yɛ́, ya ɓaa: nu taɠaa kaa ə́ pɔɔli, di yee kąnąnŋąą Balaamə ŋą kalan bələi ɓa, yai Balakə liɛwoo kɛ, yili ə hɛlɛn dɛ Israɛlə lonnii tɔwɔ, diɛ haláá huwɔ mįi, ɛlɛɛ, diɛ di kpɔwɔ mąąliɓi la di wɔɔ Yálái ɲɛ̨i ɓa.

Samuɛlə dɔlɔɔ 28:6

Saulə ə Yai-Laa mąąnin gɛ, kɛlaa, Yai-Laa hvo nwoo pulu pənə, ə kɛ a hįi pələ, ə ma kpɛli kɛ a ɉaláá laa həli mun, ə kɛ a Yálá kwəi mɛ̨nį hukulɔ mun.