Izikiɛ 14:14 - Yálá laawoo hɛɓɛ (dc)

¹⁴ Ə mą kɛ, nu haaɓai ɲɛ̨́i a Noe, Daniɛlə, da Ɉobə, da kɛ kɛ nɔi ti hu, diɛ lɔ ɓə li pɛli di kpɔwɔ nwun mąąɓoi a di wɔ tələnmolaa. Mɛ̨nį kəlee ŋą Hééɓomun Yálá woo li.

Yálá laawoo hɛɓɛ

¹⁴ Ə mą kɛ, nu haaɓai ɲɛ̨́i a Noe, Daniɛlə, da Ɉobə, da kɛ kɛ nɔi ti hu, diɛ lɔ ɓə li pɛli di kpɔwɔ nwun mąąɓoi a di wɔ tələnmolaa. Mɛ̨nį kəlee ŋą Hééɓomun Yálá woo li.

Bible

¹⁴ A kɛ̀ ǹúu saaƃai ŋí, Nôa, Dãya da Zôo díkɛ m̀aa lɔii tí su, díteniŋ ƃó laai nɔ́ ƃé kɛ̀ pâi dí ƃaloi. Ŋ̀wála-wâla kélee Yâwɛɛi ǹya kpîŋ ƃé mò tí.

Izikiɛ 14:14 ပူးပေါင်းရင်းမြစ်များ

Zɛnɛse 6:8

Kɛlaa, Yai-Laa ə ɲɛ̨i lɛlɛɛ hee Noe ɓa.

Zɛnɛse 7:1

Yai-Laa ə mo Noe ɓa yɛ mą: «'Lɔ gələn ɉu, yɛ́ ka ə́ yəi bɛlɛ́n nuą kəlee. Hvo gaai, ŋą́ą́ ə́ kaa ə́ ɓɛlaa lɔwai, ə́ tələnmoɔi ɲɛ̨́i ɓa.

Kɔlɔnikɔ Maa-ŋuŋ 1:4

Lamɛkə lon maa Noe, Noe lon maa Sɛmə, Kamə da Ɉafɛtə.

Zôo 1:1

Nu ta ə wɔlɔ kɛ Usə lɔi hu, a hulɔnu ta, diɛ kɛ mą: Ɉobə. Ə kɛ a nui dúwɔ́ pələ lɛlɛɛ, nwɔ mɛ̨nį haŋąą; yɛ ɲɔw Yálá ɓa, ɛlɛɛ, yɛ mąą kwɛa mɛ̨nį ɲɔ̨n ma.

Zôo 1:5

Da kpɛɛ kɛa a ɉɛli laa hvilɛn ŋąą, di nąn ə kɛi di təli yɛ di mąąhəɠə haláá kulɔ. A muhəɠə kɛ yələwala pɔ, haláá yii da gəlee, yɛ gulɔ di tɛitɛi di mąą mɛ̨nį ɓa. Mąąhɔlɔɓo, ə kɛi kɛ diɛ gwəi pələ «Nónnii daa kiɛ ləi nɛ̨ŋɛ̨n ɉəɠə di tɛɠi pələ, diɛ Yálá nwąnąlɔ.» Bələ ɓə Ɉobə ə kɛi gɛ la a yələ kəlee.

Hanwon 11:4

Akɛ ya gwɛli yɛ pələi da walə kwɛli la, ə́ gwɛli pələ kɛ yɛ hɛn gɔw yii noɔ,

Ɉeremi 11:14

Ɉeremi! Ə́ wɛi, hvó kɛ ə́ kaa nu huwui ŋɛ̨i mąą nɛɛmąą hvəi mą́ą́, hvó kpɛli ə́ woolaa di mąą mɛ̨nį ɓa; hvó vɛ́li di mąą mɛ̨nį ɓa, ɓɛlɔwai mąąwɛli mɛ̨nį kaa pai laai laa diɛ, və́ pai nwə́li tɔɔi di woo ɓa.

Ɉeremi 15:1

Yai-Laa yɛ mą́ą́: Ə mą kɛ Moisə da Samuɛlə daa tɔɔ nííla, nwɔ́ kiliŋąhiɛ hva kɛa hvilɛn nuą ŋɛ̨i diɛ a nɛlɛɛ. Ka di kpɛ di həɠə nííla, də li!

Ɉeremi 7:16

Yɛ́ Ɉeremi! Ə́ wɛi, və́ kɛ li ə́ nuą ŋɛ̨i mąą nɛɛmąą hvə mą́ą́! Və́ kɛ li ə́ di wɔ woola kɛ mą́ą́, hvo kɛ ə́ kaa wɔlɔi mą́ą́ di mąą mɛ̨nį ɓa. Mąąhɔlɔɓo, və́ pai nwəli tɔɔi ə́ wɔ nɛɛmąą hvə woo ɓa.

Izikiɛ 14:16

Akɛ hu haaɓai ti di mą kɛli kɛ nɔi ti hu, Mɛ̨nį kəlee ŋą Hééɓomun Yálá woo li; ə kɛ a hulɔnon, yɛ ə kɛ a nɛ̨ɛ̨nnon, di hva pɛli dɔ̨nɔ̨ kpɛli ɓalo; kɛlaa diɛ tɔ̨nɔ̨ lɔ ɓə da ɓalo; nɔi ə lɛɛ a lɔi pun.

Izikiɛ 14:18

Nu haaɓai ti da kɛ nɔi ti hu; a tɛ̨ąą, Mɛ̨nį kəlee ŋą Hééɓomun Yálá woo li; yɛ ə kɛ a hulɔnon, yɛ ə kɛ a nɛ̨ɛ̨nnon, da hva pɛli ɓaloi; ə kulɔ lɔ nu haaɓai ti ɓə da ɓalo.

Izikiɛ 14:20

Ə mą kɛ, Noe, Daniɛlə, da Ɉobə di kaa nɔi ti hu; a tɛ̨ą, Yai-Laa woo li; di hva pɛli hulɔnon maloi, ə mą kɛ, nɛ̨ɛ̨nnon mə. Ə kulɔ lɔ nu haaɓai ti ɓə da ɓalo di wɔ tələnmolaa haa lai.

Izikiɛ 16:18

Ə́ ə́ mąąhəɠəɠaa mąąpuɔ həɠə yɛ́ gɛ diɛ; yɛ́ nwɔ́ wulɔi da nwɔ́ lansan hee di lííla.

Izikiɛ 16:20

Ə́ ə́ lon ɉinąą, da ə́ lon nɛ̨ąą, a diɛi ti ə́ di káá mą́ą́; ə́ di həɠə yɛ di kɛ a haláá hɛn, mąąnįnįnŋą́ą́i ti diɛ. Dúwɔ pələ ɲɔ̨n gulaa tii hvo mɔ̨ɔ̨ kɛ ə́ lii hon?

Izikiɛ 18:20

Nui a nɛ̨ŋɛ̨n ɉəɠə, mąą nu ɓə a haa; lon və pai nąn nwɔ nɛ̨ŋɛ̨n ɉu mɔ̨nɔ̨ mįi; lon ga nąn və pai non nwɔ nɛ̨ŋɛ̨n ɉu mɔ̨nɔ̨ mįi. Tələnmomun nwɔ tələnmolaa a lɛɛ nwuɔ̨, nu ɲɔ̨nwɔ̨ɔ̨ nwɔ kili ɲɔ̨nwɔ̨ɔ̨ wulu yɛ lɛɛ nwuɔ̨.

Izikiɛ 28:3

Ə́ kaa ə́ kpɔwɔ kaai a kilimąą mun ə tɛɛ Daniɛlə ɓa, loo mɛ̨nį ta hvo laa yɛ ə́ kwəi pili yɛ́,

Izikiɛ 3:19

Kɛlaa, yá nu ɲɔ̨nwɔ̨ɔ̨ kili ɲą pɔ̨nɔ̨, ɛlɛɛ, a wala bulu tɔɔ nwɔ kili ɲɔ̨nwɔ̨ɔ̨i ɓa, da nwɔ tuwɔ pələ ɲɔ̨n, yai ti ɓə pai haai a nwɔ nɛ̨ŋɛ̨n laa pɔɔ, kɛlaa ə́ wɛi, yá kulɔ ɉu nɛ̨ŋɛ̨kpɛlɛɛ.

Danîa 1:6

Nuąi tii lɔwai, Ɉuda huwuhu hilɛlɛa nąąn di kɛ laa, diɛ kɛ di laa ɓaa: Daniɛlə, Hanania, Misaɛlə da Azaria.

Danîa 10:11

Nui tii ə mo mą́ą́, yɛ mą́ą́: «Daniɛlə, ə́ wɛli kaa Yálá ɓa, gɛ pələ kwɛli mą, nwooɠaai ŋɛ̨i gáá moi yɛ́, ə́ ŋąą kaa. Həɠə ə́ tɔɔ, mąąhɔlɔɓo, yɛ́ bə ŋą́ pa ə́ pɔ háákələi.» Ə mo lɔ tii, ŋą́ muhəɠə ŋą́ tɔɔ, mą́ą́ yɛ ni kpɛlin.

Danîa 9:21

Ɓɛlɔwai ŋą́ kɛi mɛ̨nįɠaai tii laa həli la, malaka Gabriɛlə tii ŋą́ gaa nwɔ́ hįi dɔlɔɔ hu, ə koon, ə lɛɠɛ mą́ą́ a mąąhulaa, ɓɛlɔwai ŋɛ̨i di kɛi yələwulii pɔ haláá kulɔ la.

Danîa 9:23

Ɓɛlɔwai tii ə́ gɔwɔ tɔɔ la yɛ Yálá mąąnɛ̨ɛ̨, Yálá ə wɛlɛɛ ta ɓo ya ɓə ŋą́ pa moi yɛ́, mąąhɔlɔɓo, ə́ wɛli kaa Yálá ɓa. Tɔɔ a ə́ nwąnąąi, ə́ nwɛlɛɛ ŋɛ̨i mɛ̨n, gɛɛ ŋɛ̨i yaa gaa, ə́ mukulaa kaa.

Hebreu 11:7

Laa na laa háálai, Noe ə nwəli tɔɔ, Yálá ə pələ ɓo mą, yɛ hvilɛn na mɛ̨nįɠaai pai kɛi, yai nu hva gaa, mąą mɛ̨nį ɓa. Ə Yálá woo kaa a tɛ̨ą, ə kələn da bɛli, yɛ pɛli ɲəi bɛlɛ́n nuą ɓaloi. Bələ ə yɛnɛ̨ɛ̨ kəlee nwun na pili la, ə kɛ a tələnmolaai a hɔlɔɓo laa na laa hu, ŋą kwɛlin ɉəɠəmun.

Piɛrə veelɛ 2:9

Pələi nuą di kanąn ŋąą Ną́mu Yálá ɓa a di kulɔ la hukɔɔn mɛ̨nį hu, ə bələ kɔ́lɔn. Pələi nwɔ̨nɔ̨ mąąnɛ̨ɛ̨ ə mɛ̨nį ɲɔ̨n gɛ nuą hon na, yɛ pa di hutɔɔ kiti teei lɔwai, ə bələ kɔ́lɔn.