Izikiɛ 14:11 - Yálá laawoo hɛɓɛ (dc)

¹¹ Bələ ɓə Israɛlə pɛlɛ́ hva kɛa lan na, yɛ mąą kwɛa mą́ą́; hva kɛa nɛ̨ŋɛ̨n ɉəɠə a nwɔ kulɔ nwoo mu mɛ̨nįɠaa, yɛ pɛli kɛi la a nwɔ́ nu huwu, ɲą́ą́n gɛ́ kɛ a nwɔ Yálá. Mɛ̨nį kəlee ŋą Hééɓomun Yálá woo li.

Yálá laawoo hɛɓɛ

¹¹ Bələ ɓə Israɛlə pɛlɛ́ hva kɛa lan na, yɛ mąą kwɛa mą́ą́; hva kɛa nɛ̨ŋɛ̨n ɉəɠə a nwɔ kulɔ nwoo mu mɛ̨nįɠaa, yɛ pɛli kɛi la a nwɔ́ nu huwu, ɲą́ą́n gɛ́ kɛ a nwɔ Yálá. Mɛ̨nį kəlee ŋą Hééɓomun Yálá woo li.

Bible

¹¹ Ŋa pâi nyíŋi kɛ̂i a gɛɛ Eezuɛ-ŋai dífa ŋɔ́nɔ dípôlu tɔɔ la mâ dí dímaa-tĩa kara a dísɔnyɔ̂ŋ ŋai. Ŋa pâi gɛ̂i tí a gɛɛ díkɛ a ŋánûa ńyaŋ ŋ́gɛ ƃò a Díɣâla.” Ŋ̀wála-wâla kélee Yâwɛɛ ƃé mò tí.

Izikiɛ 14:11 ပူးပေါင်းရင်းမြစ်များ

Zɛnɛse 17:7

Gáá nwóó kwɛlɛi yɛ́ ka ə́ huwuhu kaa a lɔwai lɔpee gəlee, yili ɓa, gáá a ə́ wɔ Yálá ka ə́ huwuhu nuą.

Mąątɛ̨nɛ̨ 119:67

Gɛɛ kpɔwɔ mąąyɛɛ hvo lɔ ɉú, ŋį́ kɛi lan, yiihu kɛa, gáá ə́ wɔ tɔn nwooiɠaai hon ɉii.

Azaya 9:16

Yili ɓɛ gɛi, Yálá hvo pai di wɔ hilɛlɛai mąą hvaalɛɛi, hva di wɔ təlilɛai da di wɔ kalanninŋaai ɲɛ̨imąąwɛli kaa, mąąhɔlɔɓo, di kəlee di hva mɛ̨nį haŋąą kɛ, di hva kulɔ di woo ɓa; nuąi tii kəlee da kɛ woo ɲɔ̨n moi Yálá ɓa, ə mą kɛ tii, Yálá nwɔ liiɲąnwąnąi ni li pɔ, ɲee haŋąą ni di pɔ, yɛ haŋą diɛ.

Ɉeremi 11:4

Mįnɛ̨i tii ɓaa, yii ŋɛ̨i ŋį́ dɛɛ ka nąnni pɔ, diɛi ŋį́ di kulɔ Eziptə lɔi hu, huluun nwɔ̨n ɉu. Yili ɓa, ka ka wəli tɔɔ nwóó ɓa, kaa bɔ mɛ̨nį kɛ; yili pɔ pələ ɓə ka kɛ la a nwɔ́ nu huwu, ɲą́ą́n gɛ́ ɓo a ka wɔ Yálá.

Ɉeremi 23:15

Yili mąą mɛ̨nį ɓa, yii Yai-Laa Mɛ̨nį Kəlee ŋą Hééɓomun kaa moi, Yálá kwəi mɛ̨nį hukulɔ nuą tii mąą mɛ̨nį hu, ya ka, yɛ diɛ: «Gáá pai di paa hali tɔɔi di la, gaa a pili mąą ya, gáá pai dɛɛi di pɔ di gbələ. Mąąhɔlɔɓo, Yálá kwəi mɛ̨nį hukulɔ nuąi Ɉerusalɛmə daai, diɛ ɓə nɔi kala mɛ̨nį aa həɠə di pɔ pələ, yɛ hiɛ nɔi nąą kəlee.»

Ɉeremi 24:7

Gáá pai kili tɛɛi di pɔ, diɛ pɛli gɔ́lɔn ɉii la, diɛ kɛ diɛ: Ɲą́ą́ ɓə gáá a Yai-Laa diɛ ɓo a nwɔ nuą, ɲą́ą́ ɓə a di wɔ Yálá; mąąhɔlɔɓo, da pənə di pa bɔ a di kwəi kwəlɛɛ.»

Ɉeremi 31:33

Mįnɛ̨i ku kaa pai ɉəɠəi kwa Israɛlə lonnii a ɲələi tii, ya ka: «Gáá pai nwɔ́ tɔ́n nwooɠaa lɔi di nįį hu, gɛ́ bɛ̨ɛ̨ di kili pɔ. Ŋą́ lɛɛ a di wɔ Yálá, diɛn, di kɛ a nwɔ́ nuą. Yai-Laa woo li!

Ɉeremi 32:38

Nąąlɔwai da kɛ a nwɔ́ nuą, gɛ ɓo a di wɔ Yálá.

Ɉeremi 50:6

Nwɔ́ nuąi di kɛ kɛa yɛ, ɓɛlaaɠaai daa lan, di laa hɔn mo nuą daa kɛ di həɠə bələ mɛ̨i, diɛ li a diɛ di nwun ma, yeeɠaa ɓa, da həɠə yee yii mɛ̨i, də li yee kpukpu yii mɛ̨i, di pɛlɛ kili hvo kɛa di ŋą gála hu.

Izikiɛ 14:10

Di wɔ nɛ̨ŋɛ̨nŋąąi wulu a lɛɛ di nwuɔ̨; nui a pa kɛɛmąąni kɛi, nwɔɔ nɛ̨ŋɛ̨n a kɛ lɔ yɛ pələi nu gaa Yálá kwəi mɛ̨nį hu kulɔi nwɔɔ nɛ̨ŋɛ̨n a kɛ la.

Izikiɛ 14:12

Yai-Laa ə mɛ̨nį ta ɓo mą́ą́, yɛ mą́ą́:

Izikiɛ 37:23

Di hvo kɛa pai kɛi di mąąliɓi a di wɔ haliɠaai, da di wɔ túwɔ pələ ɲɔ̨nŋaai, ə mą kɛ di wɔ kulɔ nwoo mu laai di kɛi gɛi. Ɓɛɠaai kpɔ di kaa laa, gáá pai di nwun mąąɓoi, ŋą́ di kulɔ laa; ɓɛɠaai di nɛ̨ŋɛ̨n ɉəɠə laa. Gáá pai di mąąhəɠəi, da kɛ a nwɔ́ nuą, ɲą́ą́n ŋą́ kɛ a di wɔ Yálá

Izikiɛ 37:27

Ɉéé pɛlɛ́ kaa pai kɛi di kwɛlɛ, gáá pai kɛi a di wɔ Yálá, diɛn, di ɓo a nwɔ́ nuą.

Izikiɛ 39:22

Ə həɠə mąą yələ ɓa, yɛ li la tɔwɔ pələ; Israɛlə nwɔ pɛlɛ́i a gili kɔ́lɔn yɛ kɛ Yai-Laa, di wɔ Yálá ɓaa a ɲą́ą́.

Izikiɛ 44:10

«Leviɠaai tii di mąąkwɛa mą́ą́, a ɓɛlɔwai Israɛlə ə lan na, di lan, diɛ di mąąkwɛa mą́ą́ di hvilɛn ŋąą di wɔ haliɠaai pulu, di kaa pai di wɔ nɛ̨ŋɛ̨n diɛ̨i həɠəi.

Izikiɛ 44:15

«Ɉaláá laa həli nuą, diɛi a Levi huwu, a Sadɔkə lonnii, diɛi tii kɛi nwɔ́ kɛɛnąą mąąhəɠɛɛi mąą kólóɠaa kɛ, ɓɛlɔwai Israɛlə lonnii di lan na, diɛ di mąą kwɛa mą́ą́, diɛ ɓə pai kɛi di mąą lɛɠɛi mą́ą́, diɛ mą́ą́ mɛ̨nįɠaa ɲɛ̨i kulɔ. Di kaa pai kɛi tɔɔni nííla; di ɉuwɔ wulɔ da ɲąmą di laa həli mą́ą́. Mɛ̨nį kəlee ŋą Hééɓomun Yálá woo li.

Izikiɛ 48:11

Ɉaláá laa həli mun Sadɔkə lonnii tii di di həɠə ɉu a nwɔ́ɔ́, diɛi tii lɛɛ nwɔ́ tɔ́n nwooi pulu, di hvo lan Israɛlə lonnii di wɔ lan mɛ̨nįi hu, yɛ bələi Levi huwu hu nuą di lan nai,

Zakari 13:9

Gáá pai ɉaaɓanąą tii tɛɛ nwɔ̨n ɉu, ŋį́ ɉu waa, yɛ bələi da wali hu waa la, ŋį́ ɉu həɠeen, yɛ bələi da hɛni hu həɠeen na. Gaa pai kɛi vɛ́lii, ɛlɛɛ, ɲą́ą́n, gɛ́ nwoo mu hon. Gáá pai kɛi diɛ: «Nwɔ́ nu huwu li.» Yaan gaa pai kɛi diɛ: «Nwɔ́ Yálá ɓaa a Yai-Laa.»

Dutɛrɔnome 13:11

Ka ɉɔɔ a kwɛni ə haa; mąąhɔlɔɓo, ə kɛi ka mąą kwɛa pələ kwɛli Yai-Laa ka wɔ Yálái ɓa; yaa tii ka kulɔ Eziptə lɔi hu, ə ka nwun mąąɓo nuwɔ pɛlɛ́i mu.

Dutɛrɔnome 19:20

Nu takpɛliɠaa di kaa pai mɛ̨nįi tii bələ mɛ̨n ɉii, diɛ ɲɔw dúwɔ́ pələ ɲɔ̨n tii ta kɛ mɛ̨nį ɓa ka lɔwai.

Hebreu 11:16

A tɛ̨ą, lɔi yii viɛlaɓoɔ, yai gaa yələkɔlɔn ɉu, ya ɓə di kɛli gwɛli. Yili ɓə gɛ, Yálá hva nwumɛ̨ naa heei a di wɔ Yálá, hvó gai, aa taa nįnɛ̨ ta tɔɔ, a di wɔɔ.

Hebreu 8:10

Gu Ną́mu yɛ mą: Mįnɛ̨i gwá Israɛlə pɛlɛ́i ku kaa pai ɉəɠəi, a mąą yələɠaa, di lii hu, da di wɔ kiliŋąhiɛ hu ɓə gáá pai nwɔ́ tɔ́n nwooɠaai pɛ̨ɛ̨i laa, gɛ́ kɛ a di wɔ Yálá, diɛn, di kɛ la a nwɔ́ nu huwu.

Piɛrə veelɛ 2:15

Daa həɠə tɛ̨ą pələ mɛ̨i, daa hvilɛn lan bələ mɛ̨i. Bosɔrə lon Balaamə nwɔ pələi ɓə daa hvilɛn mɛ̨i. Hɛn nwɛli laa mąą mɛ̨nį ɓa, Balaamə ə túwɔ́ pələ ɲɔ̨n gɛ, ə gɛ. Ə wali hɔlɔɓo.

M̀ɛni-lɛɛi 21:7

Nui lɔpee a yeetɛɛmąą laa kɛ, a gwɛlin tii hɔlɔɓo, ɛlɛɛ, ŋą́ kɛ a nwɔ Yálá, ɛlɛɛ, yɛ ɓo a nón.