Izikiɛ 13:8 - Yálá laawoo hɛɓɛ (dc)

⁸ Yili ɓə gɛi Mɛ̨nį kəlee ŋą Hééɓomun Yálá yɛ diɛ: Yii kaa nuą ɓowo mɛ̨nį ɓo, ɛlɛɛ kaa mɛ̨nįɠaa ɓo a nuą nwun ɉu lan mɛ̨nį, gáá heei ka hu; Mɛ̨nį kəlee ŋą Hééɓomun Yálá woo li.

Yálá laawoo hɛɓɛ

⁸ Yili ɓə gɛi Mɛ̨nį kəlee ŋą Hééɓomun Yálá yɛ diɛ: Yii kaa nuą ɓowo mɛ̨nį ɓo, ɛlɛɛ kaa mɛ̨nįɠaa ɓo a nuą nwun ɉu lan mɛ̨nį, gáá heei ka hu; Mɛ̨nį kəlee ŋą Hééɓomun Yálá woo li.

Bible

⁸ M̀ɛni ma Ŋ̀wála-wâla kélee Yâwɛɛi è mò dîa ǹyɛɛi, “Kpɛ́ni fêi kákaa lɛ́ɛ-ɣala-woo ƃôi, kákɛ lɛ́ɛ-zĩ̂a-ŋa kaai, ńdɔɔ̂i kâa. Ńyãai a Ŋ̀wála-wâla kélee Yâwɛɛi ŋ́oo ká tí.

Izikiɛ 13:8 ပူးပေါင်းရင်းမြစ်များ

Tɔɔɓɛlaa dɔlɔɔ 13:18

Yálá kwəi mɛ̨nį hukulɔ hulɔgoloi yɛ mą: «Ɲą́ą́ gbɛli, ŋą́ Yálá kwəi mɛ̨nį hukulɔ lɔ yɛ bələi ə́ kaa la. Yálá nwɔ malaka ta ə kɛ mą́ą́, 'li ə́ ɲali bulu yɛ́ mą: Yai-Laa yɛ ə́ ɲali ə́ bulu ə́ li ɲə́i bɛlɛ́n laaləi, ə́ kɔ̨nɔ̨n mįi, ə́ yá kpələ.» Ə kɛi yili ɓo tii a lɛɛ.

Ɉeremi 21:13

Yai-Laa yɛ: Yɛ́ kpɔ ɓə gáá yɛ́, yɛ́i tii gwɛni yee koo mu. Kaai ka kɛ diɛ: Gbɛɛ kpɔ ɓə pai yɛɛi ɓɛ, yɛ kɔ́ pɛlɛ kuɔ, gbɛɛ ɓə pai lɔi kuɔ nwoloi ŋɛ̨i hu?

Ɉeremi 23:30

Yai-Laa woo ka, yɛ diɛ: «Yili mąą mɛ̨nį ɓa, Yálá kwəi mɛ̨nį hukulɔ nuą tii, da kɛ nwóó nwuɔ̨i di kee yəi, gáá hvaa pɛlɛi diɛ.»

Ɉeremi 29:31

«Nuą kpɔ luwɔlaa hu, mɛ̨nįi ŋɛ̨i ɓo, diɛ, yɛ́ diɛ: ‹Mɛ̨nii Yai-Laa kaa moi a Nehelamə mun Semaya laa, ya ka, yɛ diɛ: Semaya kaa mɛ̨nįɠaa ɓoi kaa a náá, yaan, ɲą́ą́ hvəi dɔɔ la, gaa ka kili nwɔ pɛlɛ́i a lɛɛ woo.

Ɉeremi 51:25

Yɛ́ kpɔ ɓə vílɛn ŋąą ə́ pulu, kɛɛ kalamun, yɛnɛ̨ɛ̨ kəlee hu kalamun; Ɲą́ą́ Yai-Laa nwóó li. Gáá ɲéé kpuwulu kɛi yɛ́, gɛ́ ə́ kulɔ kwɛniɠaa mɛ̨i, gɛ́ ə́ too, gɛ́ ə́ mąą pənə a nwɔ̨n dəŋą yee.

Izikiɛ 21:3

Kɛ Negɛvə lɔwɔɠaa diɛ, ka ka wəli tɔɔ Yai-Laa woo ɓa: Hééɓo kəlee Nąmu Yálá yɛ diɛ: Gáá pai nwɔ̨n dooi ka hu; nwɔ̨n tii kaa pai wulu nwunuɠaa da wulu kpalaɠaa kəlee kələn ɉi; hvo pai luwuun ɉi; nu kəlee ɲɛ̨́i lai kaa pai kələn ɉi, ə həɠə Negɛvə, ə li ɲələi pələ.

Izikiɛ 26:3

Yili mąą mɛ̨nį ɓa, ɲą́ą́, Yai-Laa, ka wɔ Yálá, mɛ̨nįi gáá moi ya ka: Gáá pai kɔ́ pɛlɛi yɛ́, Tirə; gáá lɔi kpuluɠaa muhəɠəi, ŋą́ di wolo yɛ́, yɛ gboloyá a kɛli muhəɠə.

Izikiɛ 28:22

'Kɛ mą, Mɛ̨nį kəlee ŋą Hééɓomun Yálá woo ka; yɛ: Sidɔn, gáá pai pɛlɛi yɛ́, ɲɛ̨i kaa pai pɔ̨nɔ̨i yɛ́ taa kwəi, diɛ gilin nąąlɔwai, diɛ kɛ; ɲą́ą́ ɓə gáá a Yai-Laa. Bələ ɓə gáá pai, nwɔ́ mąąhəɠə laa lɛi la nuą diɛ.

Izikiɛ 29:10

«Yili mąą mɛ̨nį ɓə gáá pɛlɛi la yɛ́, ka yɛ́ Nilə yaɠaai; gáá pai Eziptə lɔi kɛi a lɔi pun, a gbali kələnŋąą lɔi pun; ə həɠə Migdolə, ə həli la Siɛnə, ə həli kpɔ la Nubi lɔi ɲɛ̨n ɉu.

Izikiɛ 34:10

Mɛ̨nįi Mɛ̨nį kəlee ŋą Hééɓomun Yálá kaa moi, ya ka: Gáá kiti pɛlɛi daatɛlɛɛ pulu nuąi tii diɛ, gáá pai nwɔ́ taatɛlɛɛ kpului kwɛlii, ŋą́ gulɔ di yəi; ɛlɛɛ, gɛ́ di yee kulɔ daatɛlɛɛ pulu kóló hu. Di hvo kɛa pai pɛlii di kpɔwɔ ɲąąkɔn ɉii. Gáá pai nwɔ́ taatɛlɛɛ kpului wean ɉii di la, di hvo kɛa pai kɛi a di laamįi hɛn.

Izikiɛ 35:3

yɛ́ mą: Mɛ̨ni kəlee ŋą Hééɓomun Yálá woo ka, yɛ; gáá múhəɠəi ə́ laa ɓa, Seirə yee, gáá pai ɲéé pɛlɛi yɛ́, gɛ́ ə́ kɛ a lɔi pun mąąwɛliɛ,

Izikiɛ 39:1

«Hulɔnu lon, gwə́i mɛ̨nį ɓo, yɛ hvilɛn Gɔgə ɓa; 'kɛ mą: Mɛ̨nį kəlee ŋą Hééɓomun Yálá woo ka: Vílɛn ŋąąi ə́ pulu Gɔgə, Mɛsɛkə da Tubalə tɔɔmun gɛnɛ̨.

Izikiɛ 5:8

Yili mąą mɛ̨nį ɓa, Ną́mu Yálá woo ka, yɛ: Ɲą́ą́n gbɛlimąn, ŋą́ą́ kɛ a ə́ yowo; gáá pai giti kalai yɛ́; lɔiɠaa ɲɛ̨i ɓa.

Nahumə 2:13

Ɲala ə kɛi ɉuwɔɠaa ɲąąkwɛlɛ lonnii diɛ, ə kɛi ɉuwɔɠaa hon a ɲala haaɠaa di wɔɔ, ə kɛi nwɔ woloɠaai laahvɛɛ a hɛnŋąą, yɛ nwɔ kwɛni woloɠaai laahvɛɛ a huwɔ powa.

Timote dɔlɔɔ 4:1

Yálá nwɔ Kilii a mo kpɔ a neelee yɛ, vóló gbɛla mąąɠaa ŋɛ̨i hu, nu tamąą kaa pai laa na pələ lɛɛi, diɛ hvilɛn di ɓowo nuą woo pulu, ɛlɛɛ da kalan ɉuwuɠaai a həɠə ɲinɛ̨nŋaa pɔ;

Timote dɔlɔɔ 4:8

Nu yá ə́ kɔ́lɔ ɲąątɔɔ a mɛ̨nį ta, dɔlɔ kaa lɔ mą mɛ̨nį pɛlɛɛɠaa hu, kɛlaa Yálá mɛ̨nį nwɛi, dɔlɔ kaa mą mɛ̨nį kəlee hu. Kɛlɛi yili mun mə, yɛnɛ̨ɛ̨ laakwɛlanmoɔ ɉu, yɛ ə kɛ a, háákələi yɛnɛ̨ɛ̨, awala kɛ tii, tínąą gaa pai?

Piɛrə dɔlɔɔ 3:12

Mąąhɔlɔɓo, gu Ną́mu Yálá ɲɛ̨i kaa tələnmo nuą mɛ̨i, ɛlɛɛ, nwəli tɔɔ di wɔ hvɛli woo ɓa; kɛlaa, gu Nąmu Yálá a ɲɛ̨i ɲɔ̨nwɔ̨ɔ̨ hee mɛ̨nį ɲɔ̨n gɛ nuą diɛ.»