Izikiɛ 13:14 - Yálá laawoo hɛɓɛ (dc)

¹⁴ Bɛlɛ́ nwąnąi ti ka dɔɔ, gáá pai bui; gwɛniɠaai ka bu mu, ŋį́ gəlee kulɔ. Gaa pai tooi, ɛlɛɛ ka káá pai haai mu. Ka gili kɔ́lɔn nąą lɔwai kaa kɛ Yai-Laa ɓaa a ɲą́ą́.

Yálá laawoo hɛɓɛ

¹⁴ Bɛlɛ́ nwąnąi ti ka dɔɔ, gáá pai bui; gwɛniɠaai ka bu mu, ŋį́ gəlee kulɔ. Gaa pai tooi, ɛlɛɛ ka káá pai haai mu. Ka gili kɔ́lɔn nąą lɔwai kaa kɛ Yai-Laa ɓaa a ɲą́ą́.

Bible

¹⁴ Ziaŋ tí ká ŋ̀wée-kolei sia mai, ŋa pâi ŋ̀woloi kpɔ́ é seri ǹɔii mâ ká kɛ gɔɔ-pilani kɔni-ŋai kâa. Tãi a pâi woloi lai, a pâi ká paâi. Ǹyaŋ a kɛ̀ tí, ká pâi gɔlɔni a gɛɛ ńyãa ƃa Yâwɛɛ.

Izikiɛ 13:14 ပူးပေါင်းရင်းမြစ်များ

Mąątɛ̨nɛ̨ 11:3

Pɛlɛ́ kɔ́wɔ hvilɛn ɉɛn a taɠa mu, lə wolo kpɔ ɓə tələnmomun a pɛli gɛi?

Ikilisiati 3:3

Paa ɓo kɛ yələ kaa mą, pala hali kɛ yələ yɛ ɓo mą. Pɛlɛ́ woloi yələ kaa mą, pɛlɛ tɔɔi yələ yɛ ɓo mą.

Azaya 28:17

Mɛ̨nį haŋąą ɓə pai kɛi a bɛlɛ́ kɔ́ɔn ɲɛli, tələnmolaa ə ɓo a ɉaŋą hɛn, ka mąąkilɛ pɛ́lɛ́i a lɛɛ, hanwon gaa pai ɉukalai, ɓɛi ka káá pai ka mąąkilɛi laa, yá hvɛɛ a nąą həɠə.

Azaya 30:13

Yili ɓa nɛ̨ŋɛ̨n tii kaa pai kɛi kaa, yɛ pɛlɛ́ nwąnąi a ɓɛla donna, yɛ wɛan mą lɔ tanɔ̨n, yɛ pu nɔi ɓa.

Ɉeremi 14:15

Yili mąą mɛ̨nį ɓa, ɲą́ą́ Yai-Laa gɛ́ diɛ: Yii hvilɛn na Ɲálá kwəi mɛ̨nį hukulɔ nuą tii diɛ, diɛi tii mɛ̨nį ɓoi a náá və́ di tɔɔ li la, yii daa kɛ diɛ: ‹Kɔ da pulu, da hvo pai tooi nɔi ŋɛ̨i ɓa!› Ə həli kani kɛa diɛ, kɔ́ kɔ́ ɓɔwa, da pulu ɓə pai Ɲálá kwəi mɛ̨nį hukulɔ nuą tii paai.

Ɉeremi 23:15

Yili mąą mɛ̨nį ɓa, yii Yai-Laa Mɛ̨nį Kəlee ŋą Hééɓomun kaa moi, Yálá kwəi mɛ̨nį hukulɔ nuą tii mąą mɛ̨nį hu, ya ka, yɛ diɛ: «Gáá pai di paa hali tɔɔi di la, gaa a pili mąą ya, gáá pai dɛɛi di pɔ di gbələ. Mąąhɔlɔɓo, Yálá kwəi mɛ̨nį hukulɔ nuąi Ɉerusalɛmə daai, diɛ ɓə nɔi kala mɛ̨nį aa həɠə di pɔ pələ, yɛ hiɛ nɔi nąą kəlee.»

Ɉeremi 6:15

Di wɔ túwɔ́ pələ ɲɔ̨n tii kaa pai di ɲɛ̨i paai. Ə mą kɛ tii, yiihu di hva kpɛli nwumɛ̨. Di kili hvo ɉu diɛ kɛ di ɓɛlɛ aa kpɛɛ diɛ; yili mąą mɛ̨nį ɓa, di kaa pai tooi yɛ nu kəlee; ɓɛlɔwai gáá pai múhəɠəi la di laa ɓa, di kaa pai tooi, ɲą́ą́ Yai-Laa nwóó li!

Ɉeremi 8:12

Di kaa pai nwumɛ̨i di wɔ túwɔ́ pələ ɲɔ̨n ɉu. Kɛlaa di hvo mąn kɛa nwumɛ̨ kɔ́lɔn. Di kili hvo ɉu, diɛ kɛ di ɓɛlɛ aa kpɛɛ diɛ. Yili ɓə gaa mą: Yai-Laa yɛ diɛ: Di kaa pai tooi yɛ nutakpɛliɠaa tii kəlee. Di woo hukulɔ yələ di ɲɛ̨i a paa.

Izikiɛ 13:15

Gáá pai nwą́ną́ kəlee kulɔi bɛlɛ́ nwąną ɓa, da nuąi ti dɔɔ a ɲɔ̨ŋɔ̨i; gɛ́ kɛ kaa: pɛlɛ nwąną mɛ̨nį hvo kɛa ɉu, dɔɔ-nuą mɛ̨nį hvo ɉu.

Izikiɛ 13:21

Gáá pai ka wɔ ɓɔlɔɠaai hu ɓɛlai; gɛ́ nwɔ́ nu huwui kulɔ ka yee ɲą; di hva kɛa kɛ ka yəi a huwɔi da too ɉu. Ka gili kɔ́lɔn nąą lɔwai, kaa kɛ ɲą́ą́ ɓə gáá a Mɛ̨nį kəlee ŋą Hééɓomun Yálá.

Izikiɛ 13:23

Yili mąą mɛ̨nį ɓa, ká hvo kɛa pai lɛɛ kɛɛ kaai; ká hvo kɛa pai mɛ̨nį ta ɓoi. Gáá pai nwɔ́ nu kan gulɔi ka yəi. Bələ ɓə, ká gili kɔ́lɔn gɛaa kaa kɛ ɲą́ą́ ɓə gáá a Yai-Laa, Hééɓo kəlee Nąmu.»

Izikiɛ 13:9

Ɲéé kaa pai həlii nɛɛ kɛɛ kaa nuąi tii diɛ, a diɛi tii da nuą ɓowo wo ɓoi; di hvo pai kɛi nwɔ́ lɔi nwɔ nwun dɔɔ hu, di laa hvo pai pɛ̨ɛ̨i Israɛlə pɛlɛ́ nwɔ hɛɓɛ́i hu. Di hvo pai lɔi Israɛlə lɔi hu, bələ ɓə ka gili kɔ́lɔn na káá kɛ, ɲą́ą́ ɓə gáá a Mɛ̨nį kəlee ŋą Hééɓomun Yálá.

Izikiɛ 14:8

Ŋą́ hee mąą nu hu, yɛ kɛ a nui da mɛ̨nį kɔ́ɔn mą, ɛlɛɛ ŋį́ gulɔ nwɔ́ nu huwui lɔwai; ka gili kɔ́lɔn kaa kɛ diɛ, ɲą́ą́ ɓə gáá a Yai-Laa.

Mise 1:6

Gáá pai Samari kɛi a kpomói daa nɛɛ gbɔwɔ ɓa, a tíi kɛ lɔi. Ŋą́ nwɔ kwɛniɠaai kiliɠilin, ŋį́ bili ɓoloon ɉu. Gwɛniɠaai daa hvilɛn ŋąą mɛ̨i, ŋį́ di kulɔ nɔi mu, ŋį́ di pu pɔ̨nɔ̨ ŋą.

Habakukə 3:13

Ya ə́ mąą lɛɠɛ ə́ wɔ nuąi diɛ, yɛ́ di mąą kpɔnmąą ɓo. Tɔɔmun yii ə́ ɉəɠə ɉu, ya mąą kpɔnmąą ɓo. Ya nwąnąlɔ nuą nwun nąmu kɛlɛ, yɛ́ ɲee pɔ nuą nwun napili hvina kulɔ

Lukə 6:49

Kɛlaa, nui gaa nwóó mɛ̨n ɉi, hvo bɔ mɛ̨nį kɛi, gɛ pələ kaa yɛ: hulɔnu ta, yii ə nwɔ pɛlɛ́ tɔɔ lɔi talan ma, hvo gɔwɔ hvilɛn kpaan, ɓɛlɔwai tulɔ kɛnɛ̨ ə pu la, ya ə hvɛɛ ə tɛ bɛlɛi tii ɓa, ə bɔ kulɔ, bɛlɛ ə pu kpɔ tɛ̨ɛ̨tɛ̨ɛ̨?.»