Izikiɛ 13:10 - Yálá laawoo hɛɓɛ (dc)

¹⁰ «Mąąhɔlɔɓo, di kɛi nwɔ́ nuąi ɓowo, diɛ kɛ diɛ liilaa yɛnɛ̨ɛ̨ ka; ya pa, liilaa hvo kɛ laa. Ɛlɛɛ bɛlɛ́ nwąnąi nwɔ́ nuąi di kɛi dɔɔ, di kɛi gɛ a mɛlaiɠaa loo pələ lɔ.

Yálá laawoo hɛɓɛ

¹⁰ «Mąąhɔlɔɓo, di kɛi nwɔ́ nuąi ɓowo, diɛ kɛ diɛ liilaa yɛnɛ̨ɛ̨ ka; ya pa, liilaa hvo kɛ laa. Ɛlɛɛ bɛlɛ́ nwąnąi nwɔ́ nuąi di kɛi dɔɔ, di kɛi gɛ a mɛlaiɠaa loo pələ lɔ.

Bible

¹⁰ “Kpɛ́ni fêi da kɛ̂ ŋánûai pɛlɛ̂i díke mò dîa dîyɛɛi, ‘Lii-sêe é kɛ́ kâa’ a tãi lii-sêe fé la naai. Kpɛ́ni fêi ŋánûa da siɣãŋ tɔ́ɔ nyii vé kpananii kɛ́lɛ ŋ̀âla-woo ƃó-ƃelai-ŋai ŋí da pá da wée-kole sia m̀a da m̀ɛi pɛ́lɛ gɛ́ ƃò yɛ̂ɛ ǹya ƃé gbanaŋɔ̂ɔi.

Izikiɛ 13:10 ပူးပေါင်းရင်းမြစ်များ

Tɔɔɓɛlaa veelɛ 21:9

Kɛlaa, Ɉuda nuą di hvo di wəli tɔɔ mą. Manase ə mɛ̨nįɠaa tii kəlee kala, ə tɛɛ la nɔiɠaa kpɔ Yai-Laa ə di kpɛ Israɛlə lonnii tɔwɔ di wɛi ɓa.

Kɔlɔnikɔ Veerɛi 18:12

Nui ŋɛ̨i di dɔɔ Mise təlii, ə li yɛ Mise ɓa: «Yálá kwəi mɛ̨nį hukulɔ nuą tii di woo tɔɔi kaa tɔ̨nɔ̨, diɛ gɔ́ kaa lii nɛ̨ɛ̨i tɔɔmun ma. Akɛtii, mąąnɛ̨ɛ̨, yá li ə́ hvaa lɔ yɛ diɛ; yá li, 'nɛlɛɛ ɓo yaa kpɛli!»

Hanwon 12:26

Tələnmomun a pələ haŋąą lɛ mɛlan ma. Kɛlaa, nwąnąlɔ nuą kpaalə a di lan.

Azaya 30:10

Nuąi ŋį́ mɛ̨nį lɛ diɛ, da kɛ kɛi diɛ: «Ka hvo kɛɛ kaa.» Nuąi ŋį́ mɛ̨nį ɓo diɛ, diɛ yiliɠaai diɛ: «Ka hvo tɛ̨ą mɛ̨nį ɓo kuɔ. Mɛ̨nįɠaai lɔ ku kaa bɔ, ka yiliɠaai ɓo lɔ kuɔ, ka kpɛli kpɛli mɛ̨nįɠaa hu kulɔ lɔ kuɔ.

Azaya 57:21

Nwɔ́ Yálái yɛ diɛ: «Liilaa hva hɔlɔɓo mɛ̨nį ɲɔ̨n gɛ nuąi yəi.»

Ɉeremi 14:13

Ya ɓə ŋį́ kɛ diɛ: «Kwə́! Ną́mu, Yai-Laa, kɛlɛi Yálá kwəi mɛ̨nį hukulɔ nuą da kɛ kɛi diɛ: ‹Ka hvo pai kɔ́ kaai, pulu hvo pai tooi kaa, gáá pai nwun na nɛ̨ɛ̨ yɛnɛ̨ɛ̨ tɛɛi ka pɔ, liilaa hu.›»

Ɉeremi 23:17

Nuąi da Yai-Laa woo ɓɛlɛkpɛɛmą, diɛ kɛ yiliɠaa diɛ: ‹Ka wɛi hu kaa pai nɛɛi.› Nuąi di yee kaa di túwɔ́ pələ ɲɔ̨n ɉu, diɛ kɛ yiliɠaa diɛ: ‹mɛ̨ni ta hva həli kaa.›

Ɉeremi 23:32

Yai-Laa yɛ diɛ, «Gáá hvaa pɛlɛi Yálá kwəi mɛ̨nį hukulɔ nuą tii, da kɛ nɛɛ hįįɠaai kaai, diɛ lia ɉukulɔ, diɛ nuą nwun ɉu lan a di wɔ lɛɛ mɛ̨nįɠaai tii, da ɉanwon nwoo kpɛli-kpɛliɠaai tii. Ɲą́ą́ hvə di tɔɔ li la. Və́ mɛ̨nį ta ɓo li diɛ, di tɔlɔ lɔpee hvo diɛ nu ta ɲɛ̨i ɓa.» Yai-Laa woo li.

Ɉeremi 28:9

Kɛlaa Yálá kwəi mɛ̨nį hukulɔ mun da, a kɛi Yálá kwəi mɛ̨nį hukulɔ, yɛ liilaa mɛ̨nį lɛɛ kwɛaa la yɛ mo, hvo kɛ li mɛ̨nįi tii ə mo a nɛ̨ɛ̨mą, ya ɓə da Yálá kwəi mɛ̨nį hukulɔ mun tii kaa la a nui Yai-Laa ə dɔɔ kpɔ a neelee.»

Ɉeremi 4:10

Ya ɓə ŋį́ kɛ diɛ: «Ə́kə́! Hɛn Gəlee Nąmu Yálá! Akɛti, yáá kani nuą ŋɛ̨i ɓowo kɛnɛ̨-ee! Yáá Ɉerusalɛmə taa ɓowo, a ə́ woo kwɛlɛi ə́ mo mą, yɛ́ kɛ diɛ: ‹Ka kaa pai kɛi ka nɛɛ hu,› ya ɓə kɔ́ kɔ́ ɓɔwa kaa ku kwąnąai!»

Ɉeremi 5:31

Nuą daa di kpɔɔ kɛ a Yálá kwəi mɛ̨nį hukulɔ nuą, di kaa lɛɛ woo ɓoi. Ɉaláá kulɔ nuą diɛn, hɛn lɔpee di yee a pɛli mą, da nɔ di yəi ɲuɓoi. Yili aa kɛi kɛ tii, nwɔ́ nuą kwəinɛ̨ɛ̨ ɉu. Kɛlaa, ka káá pai gɛi ləi a naa kulɔ yələ?

Ɉeremi 50:6

Nwɔ́ nuąi di kɛ kɛa yɛ, ɓɛlaaɠaai daa lan, di laa hɔn mo nuą daa kɛ di həɠə bələ mɛ̨i, diɛ li a diɛ di nwun ma, yeeɠaa ɓa, da həɠə yee yii mɛ̨i, də li yee kpukpu yii mɛ̨i, di pɛlɛ kili hvo kɛa di ŋą gála hu.

Ɉeremi 6:14

Di kaa nwɔ́ nuąi kili nwɔ pɛlɛ́i di wɔ mąąwɛli kɛnɛ̨i hu, diɛ kɛ diɛ: «Mɛ̨ni ta holi mɛ̨nį kəlee ɲąą nɛɛi,» ya pa, mɛ̨nį ta ɲąą hvo nɛɛ li.

Ɉeremi 8:11

Di kaa nwɔ́ nuą di wɔ mąąwɛli mɛ̨nį hali kɛi a hviikpɛɛ, diɛ kɛ diɛ: «Ka ka liilaa! Ka ka lilaa.»

Ɉeremi 8:15

Ə kɛ ku kwəi, mɛ̨nį kəlee mąą kaa pai hvalin ɉii a nɛlɛɛ, ya ka ku hvo nɛlɛɛ kaa li. Ku ɲɛ̨i ə ɓo kɔ́lɔi pɔ̨nɔ̨ tɔwɔ, ya ka kpalo aa pa.

Izikiɛ 13:16

Israɛlə nwɔ Yálá kwəi mɛ̨nį hukulɔ nuąi kɛi mɛ̨nį ɓo, yɛ hvilɛn na Ɉerusalɛmə ɓa, di hva kɛa da ɓo. Diɛi kɛi liilaa kɛɛ kaa, ya pa liilaa hvo kɛ laa. Mɛ̨nį kəlee ŋą Hééɓomun Yálá wóó li.

Izikiɛ 22:28

Nwɔ Yálá kwəi mɛ̨nį hukulɔ nuąi, kaa di tɛi hvaŋą a ɓowo woo, diɛ kɛɛɠaa kaa, hvo mɛ̨nį mąąkpɛɛ; diɛ lɛɛ mɛ̨nįɠaa hukulɔ, diɛ kɛ diɛ; Mɛ̨nį kəlee ŋą Hééɓomun Yálá woo ka, ya pa Yai-Laa hvó kɛ mɛ̨nį ta ɓo li diɛ.

Izikiɛ 7:25

Lii hɛlɛn gaa pai, di kaa liilaa kwɛlii, kɛlaa hva həli diɛ.

Osia 9:7

Ɉu tɔɔ yələ aa həli, di woo hu kulɔ yələ aa həli: Israɛlə kaa pai yili kaai! Yálá kwəi mɛ̨nį hu kulɔmun aa ɓowo, gili nąmui kili aa kpɛɛ ɲəi, yɛ́ túwɔ́ pələ ɲɔ̨n ɉu kɛnɛ̨ pələ ɓa, da nwɛli kpɛɛmąą di gulɔ a yɛ́, ɉu kɛnɛ̨ pələ ɓa.

Mise 2:11

Ə li kɛ nu a pɛli hɔlɔɓoi, yɛ gilɛ həɠə hvaŋą pulu, lɔɔ pulu, yɛ kɛ diɛ: «'Ka lɔɔ tɛɛ bɔ́, a lɔɔ kpəɠiɛ ŋį́ Yálá kwəi mɛ̨nį ɓo yɛ́ a ə́ kwəinɛ̨ɛ̨ mɛ̨nį» mąą nu lɔ ɓə li kɛ a nu huwui ŋɛ̨i nwɔ kalan gɛmun.

Malasi 3:15

Kwaa gbaɠala kaa kɛa, nuąi da hilɛwoo tee, diɛ ɓə a lúwɔ́ lonnii. Nuąi da mɛ̨nį ɲɔ̨n gɛ, diɛ ɓə di yee la a hvólóon. Ə mą kɛ, di ka Yálá nwąną kɛi, mɛ̨nį ta hva kɛ a diɛ.»

Tɛsalonikə dɔlɔɔ 5:3

Ɓɛlɔwai nu kəlee kaa pai kɛi la diɛ: «Liilaa, wəlipululaɠi», nąąlɔwai kpɔlɔ ɓə nwun napili a kulɔ la di tɛɠii, ə yɛɛ di mɛ̨i, yɛ bələi kwəinwąną a nɛ̨ɛ̨nu hon na; ɛlɛɛ, di nwun hva kulɔ ɉu.

Timote dɔlɔɔ 4:1

Yálá nwɔ Kilii a mo kpɔ a neelee yɛ, vóló gbɛla mąąɠaa ŋɛ̨i hu, nu tamąą kaa pai laa na pələ lɛɛi, diɛ hvilɛn di ɓowo nuą woo pulu, ɛlɛɛ da kalan ɉuwuɠaai a həɠə ɲinɛ̨nŋaa pɔ;

Timote veelɛ 3:13

Nu nwun ɉu lan nuą da laa nɛ̨ɛ̨ mąą nuą, da kɛnɛ̨ mɛ̨nį ɲɔ̨n ɉu, diɛ nu takpɛliɠaa ɓowo, diɛ nwɔ̨nɔ̨ di kpɔwɔ ɓowo.

Zɔ̂ŋ Maa-ŋuŋ 2:26

Yili ŋą hɛɓɛ́ ɓə ŋą́ kɛ bɔ, ŋą́ dɛɛ káá, yɛ hvilɛn na nuą di kaa bɔ di ká lan, di mąą mɛ̨nį ɓa.

M̀ɛni-lɛɛi 2:20

Kɛlaa, ə́ hɔn da kaa laa, ya ɓaa, yá kɛ Ɉezabɛlə mąąwɛli kaai, a nɛ̨ɛ̨nui tii a kɛ gbɔwɔ kɛi a Yálá kwəi mɛ̨nį hukulɔ mun, ɛlɛɛ, yɛ nwɔ́ tínuą nwun ɉu lan, yɛ di mąąkwɛli a wɛlikɛɛ, ɛlɛɛ, da haláá huwu mįi.