Izikiɛ 12:3 - Yálá laawoo hɛɓɛ (dc)

³ Ə́ wəli tɔɔ, hulɔnu lon; ə́ tiɛ̨ pɛli yɛ nui di kaa lííla luwɔlaa hu, hvóló ɲąą ɉə-ɉə, gɛ ti di ɲɛ̨i ɓa; ə́ kaa lii luwɔlaa hu, yɛ́ həɠə ɓɛ, yɛ́ li kɛɛnąą ta kpɛli ɓa; kiɛ-o, di kili kaa pai pui ɉu, diɛ kɛ kulɔ nwoo mu nuą ɓaa a diɛ.

Yálá laawoo hɛɓɛ

³ Ə́ wəli tɔɔ, hulɔnu lon; ə́ tiɛ̨ pɛli yɛ nui di kaa lííla luwɔlaa hu, hvóló ɲąą ɉə-ɉə, gɛ ti di ɲɛ̨i ɓa; ə́ kaa lii luwɔlaa hu, yɛ́ həɠə ɓɛ, yɛ́ li kɛɛnąą ta kpɛli ɓa; kiɛ-o, di kili kaa pai pui ɉu, diɛ kɛ kulɔ nwoo mu nuą ɓaa a diɛ.

Bible

³ “M̀ɛni ma, núu-kpune ǹóŋ, ye ítiyɛ̃i tolo yɛɛ kɔ-sôŋ ǹuu, í pɛlɛ liî sia mâ yɛɛ núu ƃe liî kɔ-sôŋ sia mâ gbínii é lɛɛ pâi toôi. Ǹɛɛ naa díkelee díkɛ íkaa íkɛli. Kɛ́ liî kwaa ŋa m̀a íkɛ pá díkɛ íkaa. Tãi ta dɔɔ-mâ kɛ ƃelai tí da pâi tarêi m̀ɛnii su íkaa gɛi su.

Izikiɛ 12:3 ပူးပေါင်းရင်းမြစ်များ

Mąątɛ̨nɛ̨ 81:13

Yili ɓə gɛ ŋį́ di lɛɛ laa, di too di wɔ kili wala wala laa hu, di hvilɛn di kwəi kiliɠaa pulu.

Ɉeremi 10:17

Ɉerusalɛmə taa! Ə́ tiɛ̨ kəlee həɠə, daa ə́ mąą tinɛ̨n a kɔ́.

Ɉeremi 26:3

Gbəli hu, di kaa pai di wəli tɔɔi, diɛ di pulu tinɛ̨n tɛitɛi di wɔ túwɔ́ pələ ɲɔ̨n ɓa, mɛ̨nį ɲąąnwąnąąi gwə́i gɛ́ kɛ ŋį́ naa diɛ, di kɛ mɛ̨nį ɲɔ̨nwɔ̨ɔ̨ɠaa mąą mɛ̨nį ɓa, gɛ́ pɛli nɛɛi laa.

Ɉeremi 27:2

«Yɛli kwɛli da kwɛi, ə́ kwɛi yiliɠaa kɛ, ə́ da laa ə́ nwuɔ̨,

Ɉeremi 36:3

Gbəli hu, Ɉuda nuą di kaa pai di wəli tɔɔi, mɔ̨nɔ̨ɠaai gɛ́ ŋį́ naa diɛ mąą mɛ̨nį ɓa, di tɛitɛi di di pulu tɔɔ di túwɔ́ pələ ɲɔ̨n diɛ; gɛ́ di kɛ nɛ̨ŋɛ̨nŋąą, da di wɔ huwu la mɛ̨nįɠaa mąą hvaalɛɛ.»

Ɉeremi 36:7

Gbəli hu, di kaa pai nɛɛmąą hvəi Yai-Laa ɓa, di tɛitɛi diɛ di pulu tɔɔ di túwɔ́ pələ ɲɔ̨nŋaa diɛ. Mąąhɔlɔɓo, Yai-Laa a níiholi, ɲɔ̨nwɔ̨ɔ̨i. Niiholii Yai-Laa kwəi yɛ hvilɛn na nu huwui ŋɛ̨i ɓa, gɛnɛ̨i.»

Ɉeremi 7:26

Kɛlaa, di hvo ta di wəli tɔɔ li nwóó ɓa di hvo mɛ̨n. Di di nwun nwalawala, di wɛi ə ɲɔ̨nwɔ̨ ə tɛɛ di nąnni di wɔ ɓa.

Izikiɛ 12:7

Ŋą́ gɛ yɛ bələi di mo la mą́ą́, ŋą́ díɛ̨ kulɔ hvóló ŋą; yɛ nui di kaa líí la luwɔlaa hu, nwɔ tiɛ̨. Ɛlɛɛ, ŋą́ wolo ɓɔ ɉį́i hu a ɲéé yələ wilii pɔ; kpinį pɛlɛɛ kɛa, ŋą́ nwɔ́ tiɛ̨ɠaai kulɔ ŋą́ di laa gálan ŋą, ɲą́ą́ dɔ̨nɔ̨, di ɲɛ̨i ɓa.

Izikiɛ 3:26

Gáá pai ə́ nɛn ganąn ɉii ə́ la; ə́ kɛ a muugbɛ, 'hvó pai kɛa pai di hɔn moi diɛ; mąąhɔlɔɓo kulɔ nwoomu nuą li.

Izikiɛ 3:27

Kɛlaa ŋą́ pa mɛ̨nį ɓoi yɛ́, ŋą́ gɛ ə́ laa ə hvaa, yɛ́ kɛ diɛ: Yai-Laa ka wɔ Yálái woo ka, yɛ; nui yɛ ə nwəli tɔɔ, ə nwəli tɔɔ; nui hvo bɔ hvo nwəli tɔɔ, hvo nwəli tɔɔ; mąąhɔlɔɓo kulɔ nwoo mu nuą li.»

Izikiɛ 33:11

Ɲą́ą́ Mɛ̨nį kəlee ŋą Hééɓomun Yálá gɛ́ diɛ; yii kpɔ gáá a vúlu, a kɛ tii, gwə́inɛ̨ɛ̨ mɛ̨nį ɓa mɔ̨ɔ̨ a nu ɲɔ̨nwɔ̨ɔ̨ haa mɛ̨nį? Kɛlɛi yii gáá bɔ, ya ɓaa, nu ɲɔ̨nwɔ̨ɔ̨ ə dúwɔ pələ mąąhvalin, ə lɛɛ yɛnɛ̨ɛ̨. Israɛlə nwɔ pɛlɛ́i, ka ka hɔn mąą pənə, ka mɔ̨ɔ̨ haa lə mɛ̨nį ɓa?

Izikiɛ 43:11

Akɛ da nwumɛ̨ di kɛ mɛ̨nįɠaa hu, bɛlɛ́n mɛ̨nįɠaa kɛ pələ lɛ diɛ, dɔɔ pələ, nuą lɔiɠaa, di kulɔiɠaa; ɉukwɛlɛ pələ, ɉee kpəlin na kɛ pələ, nąą mɛ̨nįɠaa kɛ pələ. Gəlee pɛ̨ɛ̨ di ɲɛ̨i ɓa, diɛ pɛli ɉee kpəlin na kɛ pələ kɔ́lɔn ɉii, da nąą mɛ̨nįɠaa kɛ pələ, ɛlɛɛ, diɛ di pɔ mɛ̨nį kɛ.

Lukə 13:34

«Oo! Ɉerusalɛmə nuą, kaai ka Yálá kwəi mɛ̨nį hukulɔ nuą paa, nuąi Yálá a di tɔɔ ka pɔ, kaa di paa a kwɛni. Ŋą́ą́ ɉukɔɔn gee mɛ̨i tamąą, gɛ́ ŋą ə́ lonnii ɲąąkpɔn yɛ bələi tɛ́ɛ́ kɔ́nwɔ̨lee a nonnii ɲąąkpɔn na goon mu. Kɛlaa, ka hvo gɛ li.

Lukə 20:13

Viɲə nąmu yɛ diɛ: ‹Ŋą́ gɛ ləi kɛa? Gáá nwɛ̨́li kɛ mąą lon dɔ̨nɔ̨ ŋɛ̨i, tɔɔi laa. Gbəli, di kaa kiɛ pai mąąwiɛi.›

Dutɛrɔnome 32:29

Ə li kɛ kili kaa diɛ, də li gbaɠala kaa, də li kili hɔlɔɓo di tinąą mɛ̨nį hu.

Dutɛrɔnome 5:29

Ə li kɛmun da naa kɛ di kwəi, diɛ ɲɔw Mą́ą́, diɛ nwɔ́ tíɓoɠaai kəlee kɛ a yələ kəlee, yili ə li kɛ a di wɔ nwun na nɛ̨ɛ̨, da di lonnii, kpɛɛ hvo li kɛ mą.

Timote veelɛ 2:25

Nuąi da kɛ naa hɛatooi, yɛ di woo ɲąąpənə a liinɛ̨ɛ̨ gwəi laa. Gbɛɛ ɓə gɔlɔn, akɛ, Yálá hvo pai kili tɛɛi di pɔ, diɛ pɛli di ɲɛ̨i tínɛ̨n ɉii, diɛ ɉee tɛ̨ą pɔ pələ?