Izikiɛ 12:27 - Yálá laawoo hɛɓɛ (dc)

²⁷ «Hulɔnu lon, Israɛlə nwɔ pɛlɛ́i a kɛ kɛi diɛ; mɛ̨nįi ə́ ɉulɔnui ŋɛ̨i kaa gaai, tínąą mɛ̨nį hvəli, mɛ̨nį hu kwɛa mɛ̨nį ka tii gaa moi.

Yálá laawoo hɛɓɛ

²⁷ «Hulɔnu lon, Israɛlə nwɔ pɛlɛ́i a kɛ kɛi diɛ; mɛ̨nįi ə́ ɉulɔnui ŋɛ̨i kaa gaai, tínąą mɛ̨nį hvəli, mɛ̨nį hu kwɛa mɛ̨nį ka tii gaa moi.

Bible

²⁷ “Núu-kpune ǹóŋ, Eezuɛ-ŋai da gaai yɛɛ sɛŋ ƃe zĩ̂ai í gaai da ŋ̀âla-wooi í mò diai gáa tãi su-koyaa mɛni ma.

Izikiɛ 12:27 ပူးပေါင်းရင်းမြစ်များ

Izikiɛ 12:22

«Hulɔnu lon, lə mɛ̨nį ɓa yai ka kɛ ɉanwon ŋɛ̨i hɔɔi kaa vilɛn Israɛlə ɓa; kaa kɛ diɛ: ‹Voloɠaa kaa lɔ tɛɛi, hįį kaa nuą di hvo gaai.›

Izikiɛ 12:26

Yai-Laa ə pənə yɛ mą́ą́:

Izikiɛ 12:28

Yili mąą mɛ̨nį ɓa, 'kɛ diɛ; Mɛ̨nį kəlee ŋą Hééɓomun Yálá woo ka, nwóó ta pɔ mɛ̨nį kɛ mɛ̨nį hu hva kɛa kwɛa, mɛ̨nįi gaa moi, gáá pai kɛi. Mɛ̨nį kəlee ŋą Hééɓomun Yálá woo ka tii.»

Danîa 10:14

Yii hu kɛa, ŋą́ pa, ə gɛ, mɛ̨nį pai həlii ə́ huwu ɓa, ŋą́ ɉukulɔ yɛ́, mąąhɔlɔɓo, ɉįi ŋɛ̨i yaa gaa, vilɛn ŋąą nɔwai tii mąą mɛ̨nį ɓa.»

Danîa 8:26

Ɉįi tii ə́ gaa yɛ hvilɛn na yələ wuliiɠaa da yələwalaɠaa diɛ, yili kaa a tɛ̨ą. Ə́ wɛi, mąąnɛ̨ɛ̨ ə́ mɛ̨nįɠaai tii lɛɛ ə́ kwəi, mąąhɔlɔɓo, vilɛn ŋaai mɛ̨nį hu kwɛa ɓa, yii gaa pai kɛi.»

Amɔsə 6:3

Gaa ka kwəi kaa, ka káá mɛ̨nį ɲɔ̨n mąą kwɛai kaa, kɛlaa, kaa toomɛ̨i maa kpuɔ kaa.

Piɛrə veelɛ 3:4

Di kaa pai kɛi kaa: «Jesus ə kɛ kaa: ‹Gáá pai›; kɛlɛi? Akɛti, ə wɔɔ kɛa aa pa? Mąąhɔlɔɓo, ku nąnni diɛ kpɔ wɔlɔ haa, mɛ̨nį kəlee kaa lɔ ni a gɛ pələ, yɛ pələi wɔlɔ yɛnɛ̨ɛ̨ ə gɔwɔ tɔɔ la.»