Izikiɛ 12:20 - Yálá laawoo hɛɓɛ (dc)

²⁰ Daaɠaai tii nuą kaa ɉu, da lɛɛ a taa kpoloonŋaa; nɔi yɛ lɛɛ a lɔi pun. Ká gili kɔ́lɔn nąąlɔwai, kaa kɛ, Ɲą́ą́ ɓə a Yai-Laa.»

Yálá laawoo hɛɓɛ

²⁰ Daaɠaai tii nuą kaa ɉu, da lɛɛ a taa kpoloonŋaa; nɔi yɛ lɛɛ a lɔi pun. Ká gili kɔ́lɔn nąąlɔwai, kaa kɛ, Ɲą́ą́ ɓə a Yai-Laa.»

Bible

²⁰ Daa-leei ŋai nyii kélee kpɔ́ ǹáa fɛɛi a pâi lɛɛ̂i a volo. Ǹɔii a pâi lɛɛ̂i bûŋ. À kɛ̀ tí, da pâi gɔlɔni a gɛɛ ńyãa ƃa Yâwɛɛ.”

Izikiɛ 12:20 ပူးပေါင်းရင်းမြစ်များ

Azaya 24:12

Mɔ̨nɔ̨ kɛnɛ̨ lɔ ɓə kɛa daa kwəi, daa kpon aa kala, yɛ too.

Azaya 24:3

Nɔi hu aa kala kpɔ tɛ̨ɛ̨ tɛ̨ɛ̨, di ɉu hɛnŋąą kəlee həɠə, di nɔi kulɔ bihɛi, yɛ bələi Yai-Laa ə mo la.

Azaya 3:26

Siɔn taa kaa pai ɲiŋɛ̨i, yɛ nwoo laa; a lɛɛ a ɲee howolo, ə ɓo heeni lɔi ɓa.

Ɉeremi 16:9

Mąąhɔlɔɓo, mɛ̨nįi Yai-Laa Mɛ̨nį Kəlee ŋą Hééɓomun, Israɛlə nwɔ Yálá ə mo, ya ka, yɛ diɛ: Kwɛinɛ̨ɛ̨ kulɔ woo, yola kulɔ woo, da hvúlúlɔ wələɠaa, gáá pai gəlee kpɛɛi nɔi ŋɛ̨i hu, ka hvulú kɔ́wɔ ŋą, kaa kpinįi ka ɲɛ̨i kwələən ma.

Ɉeremi 19:11

ɛlɛɛ, yɛ́ diɛ: Mɛ̨nį Kəlee ŋą Hééɓomun Yai-Laa woo ka, yɛ diɛ: Gáá pai nu huwui ŋɛ̨i da daai ŋɛ̨i woloi yɛ bələi da ləɠi wolo la, bɛli pələ hva kɛ mą. Nu powa looi hvo pai kɛi laa, di kaa pai kɛi nu powa looi ə mą kɛ Tafetə.

Ɉeremi 25:9

gáá nuą tɔɔi, di ɲələi pələ lɔiɠaa kəlee ɲąąkpɔn nwɔ́ tí mun Babilonə tɔɔmun Nabukodonosorə yee mu. Ɲą́ą́ Yai-Laa nwóó li! Gáá nuą tɔɔi di pa di wolo nɔi ŋɛ̨i ɓa, da ɉu hee ɓo nuą kəlee, bɛlɛɛ gwɛlɛ lɔiɠaa kəlee diɛ. Gáá di kɛlɛi di paa pələ pɔ. Gáá nɔi mąąpənəi a lɔi pun a yələ kəlee, a mąą ɲɔw lɔi, a lɔi kpoloon.

Ɉeremi 34:22

Yai-Laa yɛ diɛ: Gáá moi di pənə di pa, di pɛlɛ daai ŋɛ̨i ɓa. Di kaa pai woloi mą, di ɉon, di gələn, gáá Ɉuda taaɠaa kɛi a taa kpoloon, nu hva kɛ ɉu.»

Ɉeremi 4:7

Yala aa kulɔ ɲəi gban mu, nɔiɠaa kalamun aa hvilɛn bələ ɓa, aa həɠə bɔɔli, yɛ pa kuɔ lɔi kala mɛ̨nį ɓa, di kaa pai kuɔ taaɠaa kələn ɉii diɛ naa lɛɛ a taa kpoloon.

Woolaa 5:18

Siɔn yee mąą a wɛli kɛa; lɔwɔ-yilɛɠaa diɛ gilɛ həɠə mą.

Izikiɛ 12:15

Da gili kɔ́lɔn gea diɛ kɛ, ɲą́ą́ ɓə gáá a Yai-Laa; ɓɛlɔwai gáá pai di taɠa-taɠai la nɔiɠaa hu, gɛ́ di ɲąąkwɛlɛ nɔiɠaa lɔwai.

Izikiɛ 12:21

Yai-Laa ə hvaa bɔ́, yɛ mą́ą́:

Izikiɛ 15:6

«Yili mąą mɛ̨nį ɓa, Mɛ̨nį kəlee ŋą Hééɓomun Yálá yɛ diɛ: Bələi lɔ ti ŋą́ viɲə too la nwɔ̨n ɉu, və́ gɛli a lɔwɔ kwɛi ta kpɛli, bələ lɔ ɓə gáá Ɉerusalɛmə kələn ɉi la.

Izikiɛ 15:8

Gáá nɔi ɲɛ̨́i kɛi a lɔi pun, lɛɛi di hvo mo di woo pulu mąą mɛ̨nį ɓa. Ɲą́ą́ Yai-Laai a Yálá nwóó li.»

Izikiɛ 36:3

Yili mąą mɛ̨nį ɓa, gwə́i mɛ̨nį hukulɔ diɛ, yɛ́ diɛ; Mɛ̨nį kəlee ŋą Hééɓomun Yálá woo ka: Daa di ɲɛ̨i kulɔ ka pɔ, ɛlɛɛ, daa too ka mɛ̨i bələ kəlee, kaa kɛ a hįį takpɛliɠaa di wɔɔ, daa di laa pu ka hį́i kəlee lɔwai, lɔiɠaa hu;

Izikiɛ 5:14

Gáá pai ə́ kɛi a lɔi pun, a nwumɛ̨ hɛn, nɔiɠaai ə́ kwɛlɛ gəlee ɲɛ̨i ɓa; nuąi kpɔ da tɛɛ ɓɛ di ɲɛ̨i ɓa.

Danîa 9:17

Ną́mu Yálá, nɛɛnaa ŋɛ̨i gáá vəi yɛ́, gɛ́ ə́ hvɛli, ə́ wəli tɔɔ nwóó ɓa. Ə́ laa mąą mɛ̨nį ɓa, Ną́mu Yálá, ə́ ɲɛ̨i lɛlɛɛ hee ə́ hee pɛlɛ́ ɓa, yii di kaa mɛlɛkpɛɛi mąą.

Levetekɔ 26:31

Gáá pai ka wɔ taa kpɛa-kpɛa lɛɛi a taa kpoloon, gɛ́ ka wɔ kɛɛnąą mąąhəɠɛɛɠaai mąąwɛli; vá kɛa ka wɔ lansan kun mɛ̨n.

Levetekɔ 26:33

Ka wɛi, gáá pai ka taɠa taɠai lɔiɠaa hu, gɛ́ kɔ́ kɔ́ ɓɔwa kulɔ daai gɛ́ ɉee kaa; ka wɔ lɔi a lɛɛ a lɔi pun, ka wɔ taaɠaai di lɛɛ a taa kpoloon.