Izikiɛ 12:19 - Yálá laawoo hɛɓɛ (dc)

¹⁹ 'Kɛ nɔi hu nuą diɛ: Mɛ̨ni kəlee ŋą Hééɓomun Yálá ɓə mɛ̨nįi ŋɛ̨i ɓoi Ɉerusalɛmə nuąi Israɛlə lɔi hu diɛ; di kaa pai kɛi di laa mįi liihɛlɛn ɉu, diɛ ya kpələ ɲɔw ə ɓo di hu, mąąhɔlɔɓo, di kaa pai nɔi hu woloi, diɛ ɉu hɛnŋąą kəlee kulɔ ɉu; a nɔi hu nuą di wɔ hulu mɛ̨nį laa pɔɔ.

Yálá laawoo hɛɓɛ

¹⁹ 'Kɛ nɔi hu nuą diɛ: Mɛ̨ni kəlee ŋą Hééɓomun Yálá ɓə mɛ̨nįi ŋɛ̨i ɓoi Ɉerusalɛmə nuąi Israɛlə lɔi hu diɛ; di kaa pai kɛi di laa mįi liihɛlɛn ɉu, diɛ ya kpələ ɲɔw ə ɓo di hu, mąąhɔlɔɓo, di kaa pai nɔi hu woloi, diɛ ɉu hɛnŋąą kəlee kulɔ ɉu; a nɔi hu nuą di wɔ hulu mɛ̨nį laa pɔɔ.

Bible

¹⁹ M̀o ǹûai dîa díkaa Zerusâlɛŋ Eezuɛ lɔii sui, Ŋ̀wála-wâla kélee Yawɛɛi ǹyɛɛi ka pâi kɛ̂i kálaa miî kákɛ yao kákɛ kpɛ̃liŋ. Ka kɛ̀ kákpelei kákɛ tumo-tumo. Kpɛ́ni fêi dílɔii a pâi lɛɛ̂i a vólo. Da pâi zu-sãa kélee kpɔ́ siɣei a wála-wala laa, kpɛ́ni fei diai lɛ̀ɛ naai díŋwana-lɔ̂ɔi.

Izikiɛ 12:19 ပူးပေါင်းရင်းမြစ်များ

Mąątɛ̨nɛ̨ 107:34

Ə lɔi lɛlɛɛ mąą pənə a kwɛni lɔi, ɉu nuą kili ɲɔ̨nwɔ̨ pələ ɓa.

Mąątɛ̨nɛ̨ 24:1

Davidə nwɔ Yálá mąątɛ̨nɛ̨ wələ. Yai-Laa nwɔɔ ɓaa, a lɔi da ɉu hɛn gɔwɠaa kəlee, nwɔɔ ɓaa, a yɛnɛ̨ɛ̨ da ɉu hee ɓo nuą!

Azaya 6:11

Gɛ́ mą: «Ną́mu, ə lɛɛ ɉu lə yələ?» Yɛ mą́ą́: «Ə lɛɛ ɉu, daaɠaa di lɛɛ a di kpoloon, nu hva kɛ laa, bɛlɛ́ɠaa di lɛɛ a di howolo, nu hva kɛ mu; nɔi hu ə kala, ɛlɛɛ a kpomó.»

Ɉeremi 10:22

Ka ka wəli tɔɔ din ŋɛ̨i ɓa; gaa yɛ nu kpulu kɛnɛ̨, di kaa həɠəi ɲanwuɔ̨ pələ, di kaa pai Ɉuda taaɠaa mąą pənəi a pun. Naa ə lɛɛ a góɓəɠaa pɛlɛi.

Ɉeremi 18:16

Di kaa pai gɛi di wɔ lɔi ə lɛɛ a lɔi pun. Diɛ yɛlɛ diɛ a yələ kəlee, Nui lɔpee pai tɛɛi laa, gwəi kaa pai pilii mą, Yɛ nwun gbɛŋɛn.

Ɉeremi 25:11

Nɔi ŋɛ̨i naa kəlee kaa pai lɛɛi a kpomó, da lɔi pun. Ɛlɛɛ, ɉu nuą kəlee da kɛ Babilonə tɔɔmun ɲee mu əlɛɛɉu, kwɛlan bow mɛ̨ihveelɛ.

Ɉeremi 32:28

Yili mąą mɛ̨nį ɓa, Yai-Laa woo ka, yɛ diɛ: Gáá daai ŋɛ̨i tɛɛi Kalde nuą pɔ, da Babilonə tɔɔmun Nabukodonosorə, di kɔ́ pɛlɛ mą.

Ɉeremi 33:10

Yai-Laa woo ka, yɛ diɛ: Ka kaa kɛi diɛ: Gɛɛnąąi ŋɛ̨i kaa a lɔi pun. Nu hvo laa, taatɛlɛɛ hvo laa; Ɉuda taaɠaa hu da Ɉerusalɛmə kwəliɠaa hu. Nąą mąą aa wɛli; nu hvo laa, taatɛlɛɛ hvo laa. Di kaa nwɔ̨nɔ̨ pai,

Ɉeremi 33:12

Yai-Laa Mɛ̨nį Kəlee ŋą Hééɓomun nwoo ka, yɛ diɛ: «Ɉuda taaɠaa kəlee hu, da gɛɛnąąi ŋɛ̨i a lɔi pun, nu hvo laa, taatɛlɛɛ hvo laa; taatɛlɛɛ kwənąŋaa kaa nwɔ̨nɔ̨ kɛi laa. Daatɛlɛɛ mɛ̨i kaa nuą diɛ di wɔ ɓɛlaaɠaai pɛlɛ laa.

Ɉeremi 4:27

Yai-Laa woo ka, yɛ diɛ: Gáá nɔi kəlee kalai. Kɛlaa, ə mą kɛ tii, gáá ɲéé pulu lɛɛi naa ta.

Ɉeremi 6:7

Bələi lɔ yálɔwa a ya laa hɔnmo la, bələ lɔ ɓə daa tii yee kanąn ŋaai la nwɔ lii ɲɔ̨n kwəi ɓa. Too mɛ̨i da hulu mɛ̨nį lɔ ɓə laa, yələ kəlee ɲɛ̨́i a tɔɔ mɔ̨nɔ̨ hu, da kɛlɛ ɓo.

Izikiɛ 36:3

Yili mąą mɛ̨nį ɓa, gwə́i mɛ̨nį hukulɔ diɛ, yɛ́ diɛ; Mɛ̨nį kəlee ŋą Hééɓomun Yálá woo ka: Daa di ɲɛ̨i kulɔ ka pɔ, ɛlɛɛ, daa too ka mɛ̨i bələ kəlee, kaa kɛ a hįį takpɛliɠaa di wɔɔ, daa di laa pu ka hį́i kəlee lɔwai, lɔiɠaa hu;

Izikiɛ 4:16

Yɛ mą́ą́: «Hulɔnu lon, kɔ̨nɔ̨n nuą daa ɉee di yee pulu Ɉerusalɛmə, gáá pai gəlee kpɛɛi laa; di kaa pai lɛɠɛ kɔ́ɔn ɉi a lii hɛlɛn, diɛ mįi; diɛ ya kɔ́ɔn a ɲɔw kɛnɛ̨, diɛ gbələ.

Izikiɛ 6:14

Gáá pai ɲee pɛlɛi diɛ; ɛlɛɛ, ɓɛi lɔpee di kaa pai kɛi laa nɔi ɲɛ̨i hu, ŋą nąą kɛ a lɔi pun mąąwɛlia; ə həɠə gbali hu kələnŋąą ɓa, ə həli la Divla. Da gili kɔ́lɔn nąąlɔwai diɛ Yai-Laa ɓaa a Ɲą́ą́.»

Izikiɛ 7:23

Yɔwɔn bɛli, mąąhɔlɔɓo nɔi laahvɛɛi a nu paa kili, daa laahvɛɛ a wea mɛ̨nį.

Mise 7:13

Lɔi kaa pai lɛɛi a vowolo, a ɉu nuą laa pɔɔ; mɛ̨nįi di gwɛli, yaa li.

Zakari 7:14

Ŋą́ di pili lɔi huwui lɔpee gəlee hu, a ɓɛi di hvo kpɛli kɛ nąą kɔ́lɔn, nɔi hu ə kala di pulu, nu hvo kɛi tɔɔ laa, nu hvo kpɛli kɛi tɛɛ laa, nɔi lɛlɛɛi tii, di mąą pənə a lɔi pun.»

Korɛntə dɔlɔɔ 10:26

Gba la ə tɔɔ, «lɔi da ɉu hɛnŋaa kəlee kaa a Yálá nwɔɔ.»

Korɛntə dɔlɔɔ 10:28

Kɛlaa, akɛ nu ta a kɛ káá; haláá kɔ̨nɔ̨n ga, 'ká hvo da mįi, nui tii ka kilaa pono mąą mɛ̨nį ɓa, da ká kwəi kili mąą mɛ̨nį ɓa.