Izikiɛ 11:9 - Yálá laawoo hɛɓɛ (dc)

⁹ Gáá pai ka kpɛi daa kwəi, ŋą́ ka tɛɛ nwɛ̨ąą pɔ, mɛ̨nįi ŋą́ mo, gáá pai bɔ mɛ̨nį kɛi.

Yálá laawoo hɛɓɛ

⁹ Gáá pai ka kpɛi daa kwəi, ŋą́ ka tɛɛ nwɛ̨ąą pɔ, mɛ̨nįi ŋą́ mo, gáá pai bɔ mɛ̨nį kɛi.

Bible

⁹ Ŋa pâi ká kulai daa-leei su ŋá ká tɛ́ɛ ŋɔ̃yâ-ŋa pɔ́ ŋa kákula maa kɛ́.

Izikiɛ 11:9 ပူးပေါင်းရင်းမြစ်များ

Tɔɔɓɛlaa veelɛ 24:4

Gwəi kwələ nuą ɲąmąi Manase ə bu, ə Ɉerusalɛmə daai laahvɛɛ la, mɛ̨nįɠaa tii ɓə gɛ, Yai-Laa hvó gɛ hvo Ɉuda lɔi mąą hvaalɛɛ la.

Ɛsdrasə 9:7

Ə həɠə ku nąnni di wɔ lɔwai ɓa, ə həli la háákələi ɓa, túwɔ́ pələ ɲɔ̨n kwaa gulɔ, aa kɛnɛ̨. Kuɔ, ku wɔ tɔɔɓɛlaa, da ku wɔ haláá laa həli nuą, ku kɛ nɛ̨ŋɛ̨nŋąą ɓə gɛ, kuɔ too yɛnɛ̨ɛ̨ tɔɔɓɛlaa yee ŋą, kuɔ kɛ a ɓɔwa kwɛaa kɔ̨nɔ̨n luwɔlaa hu, too mɛ̨i yee kɔ́nma, da nwumɛ̨, yɛ pələi gaa la háákələi.

Mąątɛ̨nɛ̨ 106:30

Kɛlaa, Pinasə ə muhəɠə, ə di lɔwai pɔn bu, ɛlɛɛ ɲɔ̨n tii ə kpɛla mą.

Mąątɛ̨nɛ̨ 106:41

Ə di tɛɛ huwu takpɛliɠaa pɔ, di yowoɠaa diɛ hee di mɛ̨i.

Ikilisiati 8:11

Nui a mɛ̨nį ɲɔ̨n gɛ, gwələ hva kulɔ mą ɲąąɓa; mɛ̨nįi a gɛ mɛ̨nį ɲɔ̨n gɛ nuą diɛ mɛ̨nį ɲɔ̨n gɛ la yaa li.

Ɉeremi 29:20

«Kaa ŋɛ̨i mąąkilɛ lɔi hu, kaai ŋį́ ka kulɔ Ɉerusalɛmə daai, gɛ́ ka tɛɛ Babilonə, ka ka wəli tɔɔ Yai-Laa woo ɓa.

Ɉeremi 39:6

Babilonə tɔɔmun ə Sedesiasə lonnii nwun dee di nąn ɲɛ̨i ɓa, Rivla. Babilonə tɔɔmun ə Ɉuda nu kpɛa kpɛa kəlee nwun dee.

Izikiɛ 11:7

Yili mąą mɛ̨nį ɓa, Ną́mu Yálá woo ka: Nu powaɠaai tii kaa bu daa kwəi, diɛ ɓə di kaa a ɉuwɔ; daa ə ɓo a gwɛli ləɠi. Kɛlaa ka wɛi, gáá pai ka kulɔi laa.

Izikiɛ 16:38

Nɛ̨ąą da wɛli hon diɛ nu ɲąmą pu, pələi da di hutɔɔ la, bələ ɓə gáá pai ə hutɔɔi la. Gáá pai ə́ ɲąmą pui, nį́į́ holi pələ da nwɔ́ tolo kulɔ pələ mąą mɛ̨nį ɓa.

Izikiɛ 16:41

Di kaa pai ə́ wɔ pɛlɛ́ɠaai kələn ɉii; di kaa pai giti hu wooɠaai tii pɔ mɛ̨nį kɛi yɛ́ nɛ̨ąą kpulu kɛnɛ̨ɛ ɲɛ̨i ɓa. Gáá pai ə́ wɔ wɛli hon ŋąą kpɛɛi, hva kɛa pɛli wali tɛɛi a nuą́ hvɛla.

Izikiɛ 21:31

Yai-Laa, Yálá woo ka: Di kaa pai mɔlɔ kulɔi, di dɔɔɓɔlɔ kulɔ di nwuɔ̨; mɛ̨nįɠaa kɛ pələ hvo kɛa pai kɛi yɛ bələi ə kɛi kɛ la; yii kɛ mąą yɛɛ, di dɛ; yii mąą tɛɛ, di mąą yɛɛ.

Izikiɛ 30:19

Gáá pai nwóóɠaa pɔ mɛ̨nį kɛi Eziptə lɔi mɛ̨i, nąąlɔwai da gbaɠala kaa diɛ kɛ ɲą́ą́ ɓə gáá a Yai-Laa.»

Izikiɛ 5:10

Lon-gáá-nuą kaa pai kɛi di lonnii mįi; lonŋąą diɛ di nąnni mįi ə́ wɔ taai ɲɛ̨i hu; gáá pai giti kalai yɛ́, ɛlɛɛ, yɛ́ nuąi gbəlii pai lɛɛi, ŋą́ di hu taɠa taɠa pələ kəlee.

Izikiɛ 5:15

Ə́ kaa pai kɛi a hɛn a nwumɛ̨ tɛ nɔiɠaai kpɔ ə́ kwɛlɛ gəlee diɛ; diɛ yɛlɛ yɛ́ diɛ mɛ̨nįɠaa kɔ́ɔn yɛ́. Ə́ ɓo a kwəi pilimąą hɛn di ɲɛ̨i ɓa; ɓɛlɔwai gáá pai ə́ kiti teei laa a líiholi, a liiɲąnwąną, gɛ́ hąŋąn yɛ́ a nwala wala. Ɲą́ą́ Yai-Laa, ɲą́ą́ ɓə mo.

Izikiɛ 5:8

Yili mąą mɛ̨nį ɓa, Ną́mu Yálá woo ka, yɛ: Ɲą́ą́n gbɛlimąn, ŋą́ą́ kɛ a ə́ yowo; gáá pai giti kalai yɛ́; lɔiɠaa ɲɛ̨i ɓa.

Ɉaan 5:27

Ə kiti teɛ mąąlaa tɛɛ bɔ, mąąhɔlɔɓo, Nu Lon ni.

Lomaŋ 13:4

Mąąhɔlɔɓo, gaa tíi Yálá ɓa, əgɛ, ə́ ə́ ɲąątɔɔ a mɛ̨nį lɛlɛɛ kɛɛ ɓa. Kɛlaa, akɛ yá mɛ̨nį ɲɔ̨n gɛi, 'ɲɔw kani kiti tee mun ma. Mąąhɔlɔɓo, hvaŋąi gaa ɲəi yɛ mɛ̨nį kɛ la, hvo ɲəi kpɛli, gaa Yálá ŋą kóló ɓa, yɛ Yálá nwąną kulɔ la, mɛ̨nį ɲɔn gɛmun ma.

Dutɛrɔnome 28:36

«Dɔɔmun ka ɉee ka nwun na, Yai-Laa kaa pai ka diɛni ka tɛɛi, nu huwui wɔlɔ ka nąnni di hvo gɔlɔn, ɛlɛɛ, kaa kpɛli ŋɛ̨i ka hvo gɔlɔn, di pɔ, kaa ɓo di yee kɔ́nma, kaa tí haliɠaa diɛ, diɛi di kaa a wulu, da kwɛni.

Zûu 1:15

ə gɛ Ə hɛn gəlee kiti tee, ɛlɛɛ, nuąi di mąąliɓi a nɛ̨ŋɛ̨n, di wɔ túwɔ́ pələ ɲɔ̨nŋąąi di gɛ, di wɔ kulɔ nwoo mu laa hu, Ə gəlee kiti tee.